كرونيك ❤️ ذنبي اني يتيمة ❤️ الجزء 1

اثير طفلة عمرها 17سنة مات باباها وهي عمرها ربع سنين باباها كان يموت عليها وحنين عليها بزاف كي مات خلها هي مها مع جدها وناناها لمرحموش وزاد جدها زوج امها بعمها بحكم باه يربيها عمها مش عبد بخلاف بصح علا لورث ودراهم تع بابها لخلاهم مناه كان عندو ارض ،اثير اية من جمال عينها كري وشعرها ذهبي وطويل وبيضة وقصيرة وعندها لاطاي يهبل 😍😍 ... بصح مسكينة معندهاش زهر 

اثير كيما قلنا عمها هو والي امرها واش قصات معاه من ضرب وسب توصل انو يبيتها برا في ظلمة والبرد وامها متقدرش تهدر معاه مناه تخاف منو وعندها زوج ولاد منو طفلة ختها تع اثير اسمها وصال، وصال تشبه لباباها وهي سمرا وعينيها قهوي يعني متشبه لوالو وتغير من ختها بزاف حتا انو توصلت ديرلها مشاكل مع عمها ،وخوها تع اثير يشتيها بزاف مناه اثير رغم الضرب ليتكلو مسكينة حنينة علا خوتها وتحبهم وتموت عليهم سنة عندها باك تقرا ليل نهار باه برك تنجح وتتهنا من ظلم ليعيشا فيه كل نهار تقرا وتجي لدار وتعاون مها فلخدمة وتحفظ وتركد وتزيد تنوض بكري صباح طيب لفطور وتمشي تقرا

ليوم اثير قرات وخرجت هي مدايرا خمار ولعنيين كامل عليا مناه هي اية من جمال احم احم بصح هي متعربهمش بحكم انو حابة تقرا برك وتنجح ... المهيم خرجت من دار وصلت لدار تسمع فلحس من برا مها وعمها يتقابطو بصح لمرا هادي حارت مموالفاش تسمع مها تحمق في عمها دخلت سكت عمها صابر:خلاص ياسمينة الامر هدا مفروغ منو فهمتي ياسمينة امها تع اثير :محال نقبل فهمت محال غير ختك لمدخلهاش لدارها اثير بداو عينيها يحمرو من لغش راحت طول تجري لبيت جات ليها وصال:مبروك رايحين يزوجوك بوليد عمتو فؤاد ههه اخيرا تهنيت منك ودرك لبيت هادي تاعي فهمت واثير تشوف معها مشوكية اثير :لدرجة هادي قلبك معمر كره ليا انا واش درتلك وصال قولي انا ختك وصال:مدرتلي والو بصح هك نكرهك الله غالب عمري معتبرتك حتا خت لينا فهمتي ، اثير مشوكية في ختها لعادا عمرها 12سنة قلبها كحل كي ظلمة ناضت اثير تصلي وتبكي وتدعي في رابي باه متزوجش بفؤاد هو صاح باهي بصح متحبوش وهو تاني ميحبهاش يحب واحد بخلاف مع لحلقات لجاين تعرفو مليح واش يصرا لاثير جام للحلقات و علقو في الرد

صلات وناضت مسحت دموعها ومشات عند امها اثير:ماما افهمي محال نديه فؤاد كي خويا حتا اني جامي تصورت لهدرا معاه ،عنقتها مها ياسمينة:خلاص بنتي عمك قرر انو يزوجك بيه ونا معندي منقولو اثير مصدومة مسكينة ملقاتش واش تهدر ودمعة في عينيها اثير :ماما لدرجة هادي سلمتي فيا كون جا بابا حي متصراليش هك جامي رايحة نسامحكم ناضت مها تبكي ياسمينة :يابنتي حرام عليك تعذبي روحك وتعذبني معاك واش خصو فؤاد خادم وقاري ولاباس عليه اثير :ماما عمتي مرحمتنيش كي تيتمت وين كي نروح درك لدارها ماما رابي يحفظك لازم متخليش زواج هدا يتم كون يتم نهبل ماما انا حابة نقرا ونكون مستقبلي ماما تعيشي، ناضت مها وخلتها واحديها مناه مها عاجزة كيما هي وكتر امها عندها غير مها لناناها تع اثير وتسكن فلعاصيمة لرايحة يوم من الايام اثير تروح لعندها بصح مش درك فاحلقات لجاين جام للحلقات

عمها تع اثير حبسها من لاقريا ،

 كانت اثير قرايا ومتربية شيوخة كامل يشتوها و دايما يسقسو وصال ختها وهي تقولهم بلي حبسها بابا، مناه مشات مع جارنا وسمعوها لبنات لتقرا معاهم اثير ونشروها مناه كانو يغيرو منها غير وحدا صاحبتها لانتيم وجارتهم، اسمها ليلى وصلت ليلى لهدرا لاثير بصح اثير فكل مرا تسكت علا حقها بصح جامي تخيلت بلي ختها توصل تحكي علا عرضها مرت الايام جا فؤاد ولفعة تع مو وباباه ختو خلوها فدار راحت اثير عند لحفافة ومشطتلها ولبستها وحطتلها مكياج شوية بصح لحفافة وبقات تشوفها الحفافة :سبحان الله اثير من جبتي زين هدا والله تهبلي ،هبطت راسها لرض وهي رايحة تبكي شفات معاها لحفافة :وشبيكي اثير اثير :منيش حابة نزوج بيه الحفافة :خلاص اثير وليد عمتك خادم ولاباس بيه متخصك والو معاه اثير سكتت محبتش تفرغ قلبها عيطتلها مها خرجت وهي كي لاموات جثة بلا روح وجدت سينية قهوة دخلت لصالو وهي بلا روح شاف معها فؤاد بتخنزيرا 😒😒وباباه ضحك معها وعمها دار روحو يضحك معها صابر :اثير بنتي اثير تشوكات علابلها بلي يمثل وعمها كانت غايتو انو يزوجها باه يتهنا منها ويدي لورث لخلاه باباها ،المهيم صبت لقهوة وتفاهمو علا شرط وعلا لعرس ورا شهر هي عادت متحسش وناضت وخرجت باه متبكيش حداهم خرحت طول لبيت تاعهم وهزت تصويرة باباها وتبوس بتصويرا وتبكي اثير :بابا لمن خلتني خلتني لوحش تع خوك لسنين هدو جامي شت نهار بيض معاه بلا سب وضرب ولمبات برا وتبكي وتشهق دخلت عليها وصال مناه سمعتها وهي تبكي وصال :ههه واش لالا تتكبري علا وليد عمتي ههه مناه تع وجهك شافت معاها اثير وهبطت راسها علابلها كون تهدر معاها تبات علا طريحة (المهيم نعرفكم علا فؤاد فؤاد مجاي ما طويل ماقصير هو تقولو عليه باج فلون 😂😂بكوس اي طفلة طيح فيه بصح هو مسمام كي هو كي خالو يحب وحدى مع لحلقات لجاين تتعرفو عليها عندها علاقة مع لبطل تعنا لهو اياد واش متقولوليش بلي حطيتو فؤاد لبطل لالا، اياد يفتق بزين تقدرو تقولو بقلاوة معسل بلعسل لحرا جام لاحلقات

عادو ليام جا شهر لرايحة اثير تزوح فيه وكل يوم قافلة عليها لبيت وتبكي هدا بلا تبهديل تع ختها عمها عاد ميضربهاش كيما لول بصح ساعة ساعة يبهدلها ويبيتها برا حتا ضعفت مسكينة من لغم لعايشة فيه خوها صغير كل نهار يدخل ويبوس فيها وقولها متبكيش اثير رايح نكبر ولي يكسك نقتلو هي كي تشوف خوها يهدر هك تفرح بلا مها كل نهار يتحرق قلبها علا لكبدة تعها جا نهار لرايحة تزوج فيه اثير خرجت مع فؤاد تخير فلغوب معاه وهو ممعبرهاش غير يحكي فتلفون دخلو لحانوت لبيع لغوب وخيرت واحدا من فوق خشمها وخرجت وصلها لدار بلا محكي معها خلاص ولا يعبرها دخلت طول طيشت روحها في فراشها وتبكي دخلت مها ياسمينة :يهديك رابي بنتي بركاي متبكي كي نشوفك هك قلبي يتحرق من داخل اثير :ماما كون تزوج بنتك من لوحش هدا اعرفي بلي كل نهار دوب كي شمعة حتا تخلص ياسمينة :خلاص بنتي درك تديه وتوالي تحبيه اثير:واش من حب ماما علابالك بلي عمتي حابة تديني لولدها باه مانديش من لورث تع بابا حرام عليكم كاش واحد برك يحس بيا ونار لشاعلة في قلبي ياسمينة خلاص بنتي ليوم لحنة تاعك نتي مزلتي برك تشركي فلغب تاعك اتواليهي كاش مديري ولله نغضب عليك دنيا واخرا سكتت اثير وهبطت راسها مناه كلش كلش غير غضب الوالدين 

لبست لغوب ومشطت وعدلت وهي قلبها رايح يخرج من لخوف ناس فارحنين غير هي امها وناناها من امها وصلو يدوها وهي جثة بلا روح كي وصلت لباب شاف معها عمها وهمس في وذنها :نتمنا انو هاد اخر نهار لنشوف فيك هنا في داري هي صاي تخنقت وخرجت مع ولد عمتها خرجت مها باه تودعها لقاتها ركبت فطونابيل كي ركبت شاف معها ولد عمتها بشوفة تاع اشمئزاز فؤاد:مليوم رايح يبدا لكابوس تاعك تع الصح اثير وتبسملها تبسيمة تع لخبث هبطو زوج دمعات من عينيها وصلو لصال وشطحو وفرحو بلعروسة ومها مكانتش من لحاضرين محبتش تروح وتشوف بنتها وهي تتحرق عادت هديك الساعة كيما لعام ومبعد قصو لطارط تع لعرس وهي بلاروح وجات لعندها ختها سلمت عليها شافت معاها اثير تغ شوفة روحي اخطني ضحكت عليها وصال :اثير ختوتي عسي روحك مليح مناه مش كيما دارنا، لتم زلقة بفلقة اثير ضحكت :زعما في دار باباك كنت هانية ونتي صدقني يجي نهارك مناه رابي مينسا حد وصال:مش كيما زوجتي درك وليتي تهدري هك راكي زوجتي لدار عمتي او متنسايش نقدر تاني ندخل روحي هما هك وخت فواد جات سلمت علا اثير مناه كانت تشتيها وصال متحملهاش 

لبنات انا نخدم غدوا ان شاء الله لكان قدرت غدوا نكملها مزال تشويق كتر وهدي لقصة فيها شوية من حقيقة نانا امها تع ماما تاني صراتلها كيما اثير بصح هي مع خوالها المهيم حلقات جاين تعرفو كتر

فاتو ساعتين من لعرس ونوارة قلبنا غير ذوب هزها فؤاد فطونبيل ودها فندق رخيس ، لراحين يباتو فيه وتصورو وين داها ،داها لوحد لبوتال تع غير لخدمو فيه فاحشة دخلت لبيت لاقات مطرح مفرش فلرض وهي تبكي علا زهرها لمعندهاش ذخل فؤاد:واش حبتني نكريلك في فندق غالي ودار غير هدي متنميهاش فلمنام فهمتي قالي خالي غير توله منها تزيد تهرب كاش نهار وضحك ضحكة تع الشر شافت معاه وهبطت رسها للرض صونالو برطابل هز الو حبيبي واش راكي اعمري هنا اثير تشوكات 😱😱عيني عينك يهدر مع صاحبتو اففف ياربي واش هدا تسمع فيه يهدر خلاص حبيبي مصرا والو قريب توالي نتي مولات الدار ورخيسة هدي علابالك بلي دتها برك باه مايدهاش واحد بخلاف ويدي لورث لي خلاه خالي ليها حبيبي خلاص اكي علابالك بكلش ودرك نذخل عليها باه متقدرش تطلق خلاص اثير جمدت قداشو رخيس فؤاد جا لعندها نحلها لغوب قطعها عليها اثير :متمسنيش ياكلب ياهامل ضربها بكف صرعها وزاد جبدها مش شعرها وعطها طريحة لكلاب انا كلب ياهلة والله نعمل في عدابك صنعة هدا والو مبعد تشوفي تع صح يارخيسة ياق.... وهي تبكي طلع فوقها واغتصبها بوحشية حتا هبط دم وناض عليها فؤاد :تفوووه ق.. اثير تبكي وتشوف فدم تع شرف تعها لراح هكاك لحافظت عليه سنين او مع لخر يديه فؤاد وليد عمتها لكانت تكره مناه فؤاد مشهور بلخبث تاعو ناضت مسكينة مكسرة غسلت روحها وتشوف مع وجها ليكلو مضروب اثير :وكتاه تفرج عليا يارب وكتاش، ولات لفراش لتم ناضت تبكي كي شافت دم شرفها فلفراش 😢😢😭😭 

صباح جا لقها راكدة صب عليها طاس تع لما تخلعت فؤاد نوضي ليوم نروحو لدرنا خلاص شهر لعسل حبيبتي ودرك تروح لجحيم هيا نوضي درك ناضت وهي مقدرتش حتا تنوض من لوجيعة، وصلها لدار تاع امو فؤاد :انزلي ودخلي تعرفي طريق مليح دورت ليه فؤاد:بحمقة انزلي منيش قاعد لهاملة كيفك نزلت وهو ديمارا وبقات فلباب طبطبت حتا خرجت لفعة 🐍تع عمتها فوزية :واش جيتي واينو فؤاد اثير :مشا فوزية :ادخلي درك دخلتها كي كلبة بلا تزغريت كي شفتها بنت عمتها زغرتت فوزية:خلاص تسنيم متبقايش تزغرتي تسنيم :ماما وشبيكي فوزية :ادخلي لداخل ونعتيلها لبيت لرايحة تبات فيها تسنيم :تبعيني اثير هي ماشية معها بلاجثة بلا روح شافت معها تسنيم اثير وشبيكي اعمري اثير:مبيا ولو تحكي بغصة في قلبها تسنيم :علابالك بلي رايحة نوقف معاك جامي رايحة نخليك اثير :تعيشي تسنيم دخلتها لبيت بيت صغيرة طيشت روحها فسرير وركدت مناه كانت عيانة لعشيا جات سم تع عمتها :هيا نوضي صدقتي حالك مليوم مكانش ركاد غير فليل وتنوضي صباح بكري مليوم نتي لتخدمي فدار مناه انا خدمت حتا نكرهت ودرك دالتك وجابتلها صطل فيه نشافة فوزية :ابداي مسحي دنيا وروحي اغسلي لمعاعن ناضت تمسح جات تسنيم ماما خلي انا لنخدم وشبيكي لعادا عروسة فوزية :تسنيم معندو مدخلك اخرجي قبل منصفعك كف خرجت من لبيت علابلها مها صعيبة بزاف بدات اثير تخدم علا زهرها مسحت دنيا وسيقت دوش ودخلت كوزينة لقاتها معمرة بلماعن غسلتهم كامل وسيقت كوزينة راحت عند عمتها اثير:عمتي واش نخدم درك فوزية كانت تتفرج فتلفيزيو وحاطة رجل علا رجل فوزية :خلصتي كلش ،اثير هيه فوزية :درك نشوف نلقا برك لخدمة معجبتنيش تعوديها ناضت وراحت في قلبها :والله ظهرت فحلة صح حتا انا جامي ستكيت لحالة هك ودورت ليها مش كيما حبيت بصح معلهش اثير مسكينة طاحت داخت مناه مكلاتش من لبارح راحت عمتها تجري ليها واشبيكي اثير واش صرالك وعيطت لتسنيم ولات تبكي عليها اثير عمري ردي عليا مبعد جا باباه تع فؤاد جبلها طبيب ،شافهاوقالو ، طفلة من لجوع صرتلها دوخة راح محمد راجل عمتهاوسقسها، محمد:فوزية محطتلهاش واش تكول مقدرتش تجاوبو جات تسنيم تهدر قاطعتها اثير خلاص مصرا والو انا لمحبتش محمد وعلاه يابنتي ديري روحك هك اثير مصرا ولو عمي جبتلها تسنيم واش تكول كلات نشبعت تسنيم :علاه محبتيش تقولي لبابا واش عملت ماما تسنيم :منحب حتا واحد يتقابط بسبتي تسنيم بصح كنتي رايحة تموتي من لجوع اثير غلاص تسنيم والله مني قادرة نهدر ناضت تسنيم وخرجت وخالتها وحدها وهي تخمم واش رايح يزيد يصرا فيها فدار عمتها مع لوحش تع فؤاد هدا لتعرفوه

عادى شهر علا بطلتنا اثير كل نهار سب وضرب من فؤاد او معاير من عمتها اما رجلها مكانش علابالو واش قاعدا دير في بنت خوها وبنت عمتها كي تنوض تدافع عليها هي تاني تتضرب من خوها ،اثير بدات ترد وتضربها ساعات دوخة وتولهت ليها عمتها فوزية :اثير ارواحي لهن جات وهي خايفة فوزية :اثير من وكتاه مجاتش لغاڨل تاعك اثير بلاك شهر وخمساطشنيوم فوزية :روحي درك من قدامي فوزية في قلبها لكان هي بلحمل محال نخلي طفل هدا يجي لدنيا هدي جا فليل فؤاد شفها تتقايا راح عند امو ماما وشبيها بنت خوك عندها قداه نيوم وهي هك فوزية غدوا اديها لطبيب ونشوف معها وشببها فؤاد انا محال ندي هاملة كي هك لطبيب واش هدا زوجتها ونزيد نصرف عليها ماما انساي فوزية اديها اني علابالي واش ندير فؤاد ماما اديها نتي منيش قاعد ليها فهمتي غدوا لازم نتلقى بصارة فوزية دكور ميكون غير خاطرك راحت فوزية لعند اثير فوزية :وجدي روحك غدوا نديك لطبيب اثير :علاه عمتي انا مبيا والو فوزية ههه واش صدقتي حالك مش كرمال عيونك فهمتي قلتلك غدوا توجدي روحك تروحي معيا لطبيب يعني تروحي مفيهاش نقاش وطربقت عليها لباب وخرجت

وصل صباح واثير مسكينة خايفة لتكون حامل وتعرف عمتها بلي حامل مناه مترحمهاش جات لعندها عمتها ونوضتها وهي اصلا مركدتش ليل كامل وهي تسنا وكتاه يجي صباح باه تروح لعند طبيبة وصلتها عمتها لطبيب وهي طريق كامل تبهدل فيها تقول كاش مدارت وصلو لعند طبيبة تشوف فنسا مع رجلاتهم وغيضتها روحها وخايفة فنفس وقت تفوق عمتها بلي حامل دخلت لعند طبيبة ودموعها رايحين يهبطو من عينيها ركدتها فسرير وهمست في ودنيها اثير :حكيمة رابي يعيشك قلبيني وحدي طبية شافت معها او مع شر تع عمتها طبيبة:تقدري تخرجي رايحة نكشف عليها عمتها دارت شنوفة وخرجت اثير :حكيمة رابي يعيشك لكان لقيتني بلكرش متهدريش لعمتي مناه هي عجوزتي كون تعرف تقتلني بني في كرشي طبيبة خلاص حبيبتي ميكون غير خاطرك بصح يجي نهار لتعرف اثير المهيم متعرفش درك حتا يكبر وناضت تبكي حضنتها طبيبة وهي تشوف معها وبينها بين نفسها سبحان الله اية من جمال وكشفت عليها ولقاتها بلحمل صح طبيبة مبروك عليك اعمري اثير زادت قوات بلبكا 😭😭 طبيبة خلاص متبكيش راجلك محال يفرط فيك اثير واش من راجل هدا داني علا داراهمي برك وشابع فيا ضرب طبيبة علاه مزالو عباد فدنيا كيما هك يارب شوا هدا خلاص اعمري خلاص درك تجيبي بنك و تتهناي اثير رابي يعيشك متهدرلها والو عمتها بدات تشك بلي كاينة حاجة دخلت عليهم وهما هكاك شفات معها طبيبة فوزية :واش صبتي عندها طبيبة والو كرشها برك منفوخة هدا مكان فوزية شافت مع اثير وشبيكي كنتي تبكي طبيبة حطت روحها بلحمل علا هدي ناضت تبكي فوزية امم دكور هيا امشي معيا 

عداو ليام وشهرين مع بطلتنا اثير ملي تنوض صباح مترتحش ان تركود فليل وعمتها متلقاش فرصة باه تبهدلها اثير والفت حتا انو امها متجيش لعندها غير تعيطلها بسرقة مناه ميخلهاش رجلها تروح لعندها تجي لعندها غير وصال وخوها ملي يجي وهو يشوف فحالة ختو حتا تحكمو لغصة اما بنسبة لمسمامة تع وصال ملي تيجي وهي مع عمتها تبهدل فيها ويضحكو عليها بصح كل متجي تركود وتمس في كرشها تنسا كلش واش صرا معها وفؤاد ميجيش لدار ساعات برك مناه يبات مع عشقتو صارة ناضت اثير صباح فطرت وبدات تخدم جات تسنيم تعاون فيها شفتها مها فوزية واش حكينا تسنيم، تسنيم ماما انا مليوم نعاون اثير كون منعاونهاش نهدر لبابا وتعرفي بابا غشو خايب فوزية تهدي فيا تسنيم ،تسنيم لالا انا منهددش انا نفد وتعرفني ماما كون نقول لحاجة ندرها مناه عدت منحملش ظلم لقاعدين نتي وخويا ديرو فيه فوزية :معلهش لعشيا كي بجي خوك اهدري معاه هك ونشوفك ،ومشات وخلاتهم خدمو مع بعضاهم نهار كامل تسنيم :والله انا درك ربع فلخدمة تاعك وعيت وين نتي كل نهار تخدمي نفس لخدمة الله منك اثير وحضنتها تسنيم كون نقولك حاجة تغشي مني تسنيم علاه نتغشش منك قولي اثير انا بلكرش عندي شهرين ونص، تسنيم شهقت بلحق اثير وبدات تعيط اثير متعيطيش رابي يعيشك تسنيم علاه حابة نفرح ونزها رايحة نوالي عمة اثير لالا متهدري لحتا واحد كون تسمع مك تقتلو تسنيم لا لا ماما محال تكون قلبها قاسي هك بصح متخفيش محال نهدر لكان كانت غايتك هك فرحت اثير وعناقتها شوية هك ويسمعو لعياط ولبكا لتحت هبطو لزوج 

وتخيلو واش صرا 

تبكي وتعيط وهي في قلبها تهنات منو باه دير واش تحب ،نعم بابا تع فؤاد مات حادث فلخدمة تاعو طاح مناه يخدم ماصو هو يخدم زلق طاح تسنيم كي سمعت باباها مات تغاشت فؤاد نرمال عادي اصلا تهنا وقاعد يخمم باه يجيب عشيقتو لدار جات امها تع اثير ملي شفتها اثير متخطاتش من حداها مناه توحشتها بزاف بحكم من عمها ميخلهاش حتا تجي لعندها اثير ماما كيفاه رايحة ندير درك لعبد لحامي عليا وزاد مات الله يرحمو😢😢 ياسمينة :ادعيلو 

 بنتي او متنسايش رابي يقفل باب من يفتع الف باب رابي رحمة تاعو واسعة فهمتي  

عادات لجنازة وكل نهار حالة تسنيم تسوء عادت نهار كامل قافلة عليها لباب اما بنسبة لعمة اثير نرمال خلاص ولات حتا تضرب اثير وكل نهار فؤاد يجي يزيد مرمدها بطريحة ويغتصبها بابشع الطرق اثير كرهت من لعيشة هادي حتا انو مها عادت متعيطلهاش كيما لول مناه وصال وصلت لهدرا لباباها وكسرلها تليفون

عاداو شهرين بدات تخرج كرشها تع اثير شافت معها عمتها فوزية اثير متقوليليش بلي اك حامل اثير حمارت وهبطت راسها جات طول عمتها حكمتها من شعرها وبدات تقلع فيها خبيتي عليا درك تشوفي تسنيم سمعت لبكا تع اثير جات تجري ماما بعدي عليها حرام عليك بنت خوك هدي ولي في كرشها حفيدك من دمك ولحمك فوزية نتي تاني علابالك تسنيم هيه علابالي جامي حطيتك لدرجة هدي قلبك معمر بلحقد اسكتي هما هك وسي فؤاد دخل عليهم هو وصارة معاه ،اثير وتسنيم تشوكاو بصح امو عادي فؤاد واش لحس هدا من لبارح نسمع في صوتكم كي لكلاب تتقابطو تسنيم :شكون هدي ويعطيها كف نسيلها فمها بدم فؤاد :هدي لالاتك ولالات اثير ولالات نسا كامل فوزية: واش لالات نسا هدي تاني 😒😒 صارة: بلاك مسمعتهش مليح ولا مفهمتيش دكور درك نفهمك انا مرت فؤاد زوجنا لبارح وهو لكارني تع لعقد ،ومدتهولها تسنيم واثير تشوكاو صارة: حبي عيانة بزاف حابة نركود منسمع حتا حس دكور بيبي، فؤاد: دكور عمري 😘😘تسنيم وجديلها بيت ازربي قبل مندير حاجة فوزية:ارواح عندي هدرا معاك فؤاد :مش درك منيش قاعد 

قلتلك ارواح نحتاجك عندي هدرا معاك فؤاد اوووه يما متقدريش تاجليها شوية لالا درك راح معها واش يما فوزية :من وكتاه هدي لالات نسا فؤاد خلصتي لهدرا مناه عيان حاب نركود بت عريس لبارح فوزية :عريس علابالك بلي اثير راهي بلكرش فؤاد :وشنو ؟؟ فوزية هيه تشفا نهار ديتها لطبيبة اثير كدبت علينا بلي بلكرش ابصح ولد من هدا ؟؟فؤاد :يعني ولد من متبدايش يما تخرجي حوايج اثير نكرها صح بصح هي مش تع حوايج هادو نعرفها مليح وديجا لتهدري هك اي نهار كامل وهي معاك لهن من لخدمة مترتحش يعني بني هدا فهمتي او مدابيا نجيب ولد من بنت خالي مليحة علا لورث صارة كانت وارا لباب سمعت كلش اممم ولد ههه ملا اك تحلم فؤاد تجيب لولاد مناه انا محال نجيب ودرك نشوفو كيفاه 

عادا شهر علا بطلتنا كل نهار يعدي فيه جحيم عليها من عمتها ومن صارة لهي ضرتها اما تسنيم كل نهار تعاون فيها وصارة تجي تمكر بيا وتحطلها لملح وشعر فلماكلة واثير عادت تدي تبهديل من رجلها بسبتها حتا نهار فاقت بيها تسنيم وتقابطت معها حتا جا فؤاد لعشيا وزادت صبت نار علا زيت حكم ختو عطها طريحة لكلاب وقالها مليوم تلتزمي حدودك مع مرت خوك لالاك هادي تسنيم:واش من لالا معلابلكش واش دارت فؤاد ميهمنيش او منيش حاب نعرف فهمتي تسنيم نقتلك علا صارة متعرفنيش خرجت امها فوزية :واش دارت تسنيم حتا ضربتها قول لمرتك لمسمامة تتربا قبل من ربيها فؤاد بلحميق يما مولدتوش مو ليحكي علا مرتي كون تزيد تحكي عليها لمرا لجايا منعتبركش يما وهدا اخر تحدير ومشا تبعتو صارة :حبيبي قلقوك متخممش اعمري بيبي تاعي مليوم كلش يصير كيما حبيبت ودورت ليهم وضحكت ضحكة نصر وتتحلف في تسنيم وتخمم كيفاه دير لاثير ولدها لفي كرشها. 

وصل صباح هزتها عمتها داتها لطبيب باه تشوف نوع الجنين داتها لطبيبة بخلاف مش تع لمرا لفاتت شافت الجنين خرح طفل فرحت بزاف كي جا طفل روحت لدار راحت طول لعند تسنيم اثير :طفل تسنيم ياااه عمري وحضنتها هدو كامل كانو علا عينين صارة في قلبها اافرحي وزيدي لفرحة متكملش وتشوفي فؤاد كي سمع فرح عدات ليام صارة شرات دوا يطيح لجنين لي في كرش اثير