ﻫﺰﺕ ﺭﺍﺳﻬﺎ ﻋﻠﻰ ﺻﻮﺕ ﺍﻟﺒﺮﻭﻑ
ﻧﻴﺮﻭﺯ ﺭﺍﻗﺪﺓ ﻓﻲ ﺍﻟﻜﻼﺱ؟؟
ﺳﺘﻮﺍﺕ ﺷﻌﺮﻫﺎ ﻭﺟﻬﺎ ﺣﺴﺘﻮ ﺑﺶ ﻳﻄﺮﺷﻖ ﺑﺎﻟﺤﻤﻮﺭﻳﺔ
ﺩﻳﺰﻭﻟﻲ ﻣﺴﻴﻮ ﻣﺶ ﺑﻠﻌﺎﻧﻲ
ﺭﺟﻊ ﻟﺒﻴﺮﻭﻩ ﺟﺒﺪﺕ ﻛﺮﺍﺳﺘﻬﺎ ﻣﻦ ﺍﻟﺴﺎﻙ ﺑﺪﺍﺕ ﺗﻨﻘﻞ ﻓﻲ ﺍﻟﻜﺘﻴﺒﺔ
ﻧﻴﺮﻭﺯ ﺷﺒﻴﻚ ﻳﺎﺧﻲ؟
ﺷﻲ ﻣﺮﻭﻯ ﺃﺳﻜﺖ ﻻ ﻣﺴﻴﻮ ﻳﺨﺮﺟﻨﺎ
ﻛﻤﻠﺖ ﺍﻟﺤﺼﺔ ﻛﻴﻒ ﺟﺎﺕ ﺧﺎﺭﺟﺔ ﻋﻴﻄﻠﻬﺎ ﺍﻟﺒﺮﻭﻑ ﺑﻘﺎﺕ ﺗﺴﺘﻨﻰ ﻓﻴﻪ ﻛﻤﻞ ﻟﻢ ﺩﺑﺸﻮ ﺳﻜﺮ ﺑﺎﺏ ﺍﻟﻜﻼﺱ ﻭ ﺭﺟﻊ ﺑﺤﺬﺍﻫﺎ
ﻧﻴﺮﻭﺯ ﻗﻠﻲ ﺷﺒﻴﻚ؟ ﻋﻨﺪﻙ ﻧﻬﺎﺭﻳﻦ ﺗﺠﻲ ﺗﺮﻗﺪ ﻓﻲ ﺍﻟﻜﻼﺱ ﺃﺣﻜﻴﻠﻲ ﺷﻨﻮﺓ ﻣﺸﻜﻠﺘﻚ ﺳﺘﻮﺍﺕ ﺷﻌﺮﻫﺎ ﻭ ﺗﺒﺴﻤﺘﻠﻮ
ﺷﻲ ﻣﺴﻴﻮ ﻣﺤﻤﺪ ﻣﺎﻧﻴﺶ ﻗﺎﻋﺪﺓ ﻧﺮﻗﺪ ﻣﻠﻴﺢ ﻣﺎﻙ ﺗﻌﺮﻑ ﺍﻟﺒﺎﻙ ﻛﻴﻔﺎﺵ ﺍﻟﻌﺒﺪ ﻳﻮﻟﻲ ﻋﻠﻰ ﺃﻋﺼﺎﺑﻮ
ﺑﻘﻰ ﻳﻐﺰﺭﻟﻬﺎ ﺣﺎﺑﺐ ﻳﺼﺪﻗﻬﺎ ﻣﺶ ﻣﻨﺠﻢ ﺃﻣﺎ ﻣﺤﺒﺶ ﻳﻠﺢ ﻋﻼﻫﺎ ﻧﻴﺮﻭﺯ ﺗﻠﻤﻴﺬﺗﻮ ﻭ ﻳﻌﺮﻑ ﻃﺒﻴﻌﺘﻬﺎ ﺃﻣﺎ ﺯﺍﺩﺓ ﻣﺘﺄﻛﺪ ﺍﻟﻠﻲ ﻫﻴﺎ ﺑﺶ ﺗﺠﻲ ﺗﺤﻜﻴﻠﻮ ﻭﺣﺪﻫﺎ ﻗﺎﻡ ﻣﺎﻟﻜﺮﺳﻲ ﻫﺰ ﻛﺮﻃﺎﺑﺘﻮ
ﺑﺎﻫﻲ ﻧﻴﺮﻭﺯ ﻫﺎﻧﻲ ﺻﺪﻗﺘﻚ ﻣﻨﺤﺒﺶ ﻧﻠﺢ ﻋﻠﻴﻚ ﻧﺸﺎﻟﻠﻪ ﻣﺎﺗﻜﻮﻧﺶ ﺗﻜﺬﺏ ﻋﻠﻴﺎ
ﺧﺮﺟﺖ ﻣﺎﻟﻜﻼﺱ ﻟﻘﺎﺕ ﻣﺮﻭﻯ ﺗﺴﺘﻨﻰ ﻓﻴﻬﺎ
ﻧﻴﺮﻭﺯ ﻣﺮﻭﺣﺔ؟
ﻻ ﺑﺶ ﻧﺒﺎﺕ ﻓﻲ ﺍﻟﻠﻴﺴﻲ ﻣﻼ ﺑﻬﺎﻣﺔ ﺃﻛﻴﺪ ﻣﺮﻭﺣﺔ
ﺑﺎﻫﻲ ﺇﻳﺠﺎ ﻫﺎﻭ ﺑﺎﺑﺎ ﻭ ﺃﻣﻲ ﻳﺴﺘﻨﺎﻭ ﻓﻴﻨﺎ ﺗﻮ ﻳﻮﺻﻠﻮﻙ
ﻻ ﻣﺮﻭﻯ ﻣﻨﺤﺒﺶ ﻋﻨﺪﻱ ﻣﺎ ﻧﻌﻤﻞ ﺗﻮ ﻏﺪﻭﺓ ﻧﺤﻜﻴﻮ
ﺃﻣﻨﻴﺘﻲ ﻧﻌﺮﻑ ﻋﻼﺵ ﻣﺘﺤﺒﺶ ﺗﻮﺭﻳﻨﻲ ﺩﺍﺭﻛﻢ ﺑﺎﺳﺘﻬﺎ ﻭ ﻣﺸﺎﺕ ﺧﻼﺗﻬﺎ ﺗﺤﻜﻲ ﻭﺣﺪﻫﺎ ﻫﺰﺕ ﺭﺍﺳﻬﺎ ﻟﻘﺎﺕ ﺍﻟﺴﻤﺎﺀ ﺑﺪﺍﺕ ﺗﻐﻴﻢ ﻭﻻﺕ ﺗﺰﺭﺏ ﻓﻲ ﻣﺸﻴﺘﻬﺎ ﺑﺶ ﺗﻮﺻﻞ ﻗﺒﻞ ﻣﺎ ﺗﺼﺐ ﺍﻟﺸﺘﺎﺀ ﻋﺎﺭﻓﺔ ﺭﻭﺣﻬﺎ ﻛﻲ ﺗﺼﺐ ﻋﻼﻫﺎ ﺍﻟﺸﺘﺎﺀ ﺗﻌﺪﻱ ﺃﻗﻞ ﺣﺎﺟﺔ ﻧﻬﺎﺭﻳﻦ ﻓﻲ ﺍﻟﻔﺮﺵ ﺣﺴﺖ ﻗﻠﺒﻬﺎ ﺑﺶ ﻳﺨﺮﺝ ﻣﻊ ﺻﻮﺕ ﺍﻟﺮﻋﺪ ﺃﻛﺜﺮ ﺣﺎﺟﺔ ﺗﺨﺎﻑ ﻣﻨﻬﺎ ﻓﻲ ﺣﻴﺎﺗﻬﺎ ﻫﺰﺕ ﺭﺍﺳﻬﺎ ﺗﺸﻮﻑ ﻓﻲ ﺍﻟﺒﺮﻕ ﻳﻠﻤﻊ ﻓﻲ ﺍﻟﺴﻤﺎﺀ ﻛﺒﺴﺖ ﻳﺪﻫﺎ ﻋﻠﻰ ﺳﺎﻛﻬﺎ ﻭ ﺑﺪﺍﺕ ﺗﺰﺭﺏ ﻓﻲ ﻣﺸﻴﺘﻬﺎ ﺳﻤﻌﺖ ﺻﻮﺕ ﺗﻠﻴﻔﻮﻧﻬﺎ ﻳﻨﻮﻗﺰ ﺟﺒﺪﺗﻮ ﻣﻦ ﺍﻟﺴﺎﻙ ﻭ ﻭﻗﻔﺖ ﺗﺤﺖ ﺍﻟﺤﻴﻂ ﺑﺶ ﺗﺘﻜﻠﻢ ﻟﻘﺎﺗﻮ ﻧﻮﻣﺮﻭ ﺍﻟﻤﻠﺠﺄ
ﺃﻟﻮ ﻧﻴﺮﻭﺯ ﻭﻳﻨﻚ؟
ﻣﺪﺍﻡ ﻋﺎﻳﺪﺓ ﻫﺎﻧﻲ ﻓﻲ ﺍﻟﺜﻨﻴﺔ
ﺑﺎﻫﻲ ﺇﺯﺭﺏ ﻋﻴﺶ ﺑﻨﺘﻲ ﺣﺸﺘﻲ ﺑﻴﻚ
ﻋﻠﻘﺖ ﺍﻟﺘﺎﻟﻴﻔﻮﻥ ﻭ ﺭﺟﻌﺖ ﺗﻤﺸﻲ ﺑﺪﺍﺕ ﺍﻟﺸﺘﺎﺀ ﺗﺼﺐ ﺗﺒﻠﺖ ﻛﻠﻬﺎ ﺣﻮﺍﻳﺠﻬﺎ ﻭﻻﻭ ﻳﺘﻌﺼﺮﻭ ﻟﻘﺎﺕ ﺗﻴﻨﺪﺓ ﻣﺘﻊ ﺣﺎﻧﻮﺕ ﻭﻗﻔﺖ ﺗﺤﺘﻬﺎ ﺍﻟﺪﻧﻴﺎ ﺿﻼﻣﺖ ﻭ ﺍﻟﺸﺘﺎﺀ ﻣﺤﺒﺘﺶ ﺗﻘﺺ ﺟﺒﺪﺕ ﺍﻟﺘﺎﻟﻴﻔﻮﻥ ﻃﻠﺒﺖ ﻋﺎﻳﺪﺓ ﻗﺎﻟﺘﻠﻬﺎ ﺑﺶ ﺗﺒﻄﻰ ﺷﻮﻳﺔ ﺑﻘﺎﺕ ﺗﺒﺮﺑﺶ ﻓﻲ ﺍﻟﺘﺎﻟﻴﻔﻮﻥ ﺗﺴﺘﻨﻰ ﻓﻲ ﺍﻟﺸﺘﺎﺀ ﺗﻘﺺ ﺳﻤﻌﺖ ﺻﻮﺕ ﺗﺰﻣﻴﺮ ﻫﺰﺕ ﺭﺍﺳﻬﺎ ﻟﻘﺎﺕ ﻛﺮﻫﺒﺔ ﺑﻴﻀﺎﺀ ﻭﺍﻗﻔﺔ ﻗﺪﺍﻣﻬﺎ ﻫﺒﻂ ﺍﻟﺸﺒﺎﻙ ﻃﻔﻞ ﺻﻐﻴﺮ ﻓﻲ ﺍﻟﻌﻤﺮ ﺭﺟﻌﺖ ﻭﺑﺎﻳﻦ ﻳﺴﻴﺐ ﻓﻲ ﻣﺴﺎﻃﺘﻮ ﺗﺸﻮﻑ ﻓﻲ ﺍﻟﺘﺎﻟﻴﻔﻮﻥ ﺣﺴﺒﺖ ﺭﻭﺣﻬﺎ ﻣﺸﺎﻓﺘﻮﺵ ﺗﺴﻤﻊ ﻓﻲ ﺻﻮﺗﻮ ﻳﻌﻴﻄﻠﻬﺎ ﺭﺟﻌﺖ ﺍﻟﺘﺎﻟﻴﻔﻮﻥ ﻓﻲ ﺳﺎﻛﻬﺎ ﻭ ﺩﻭﺭﺕ ﻭﺟﻬﺎ ﺣﻞ ﺍﻟﺒﺎﺏ ﻭﻫﺒﻂ ﻣﺸﻰ ﻧﺎﺣﻴﺘﻬﺎ
ﺷﺒﻴﻚ ﻗﻄﻮﺱ ﻭﺍﻗﻒ ﻭﺣﺪﻙ
ﺃﻭﻝ ﻣﺎﺗﻜﻠﻢ ﺿﺮﺑﺘﻬﺎ ﺭﻳﺤﺔ ﺍﻟﺸﺮﺍﺏ ﺣﺴﺖ ﺧﻮﺍﻃﺮﻫﺎ ﺩﺍﺭﺕ
ﺇﺑﻌﺪ ﻋﻠﻴﺎ ﺧﻴﺮﻟﻚ
ﺷﺒﻴﻚ ﻣﺘﻐﺸﺸﺔ ﻫﻴﺎ ﻧﻮﺻﻠﻚ
ﻣﻨﺤﺒﺶ ﺷﻜﻮﻥ ﻳﻮﺻﻠﻨﻲ ﺑﺮﺍ ﺇﺑﻌﺪﻧﻲ
ﺟﺎﺕ ﺑﺶ ﺗﻤﺸﻲ ﺟﺒﺪﻫﺎ ﻣﻦ ﻳﺪﻫﺎ ﺣﺴﺖ ﻳﺪﻫﺎ ﺑﺶ ﺗﺘﺨﻠﻊ ﺩﺍﺭﺕ ﺿﺮﺑﺘﻮ ﺑﻜﻒ ﻋﻠﻰ ﻗﻮﺓ ﺟﻬﺪﻫﺎ ﻋﺎﻭﺩ ﺟﺒﺪﻫﺎ ﻣﻦ ﻳﺪﻫﺎ ﻭﻫﻴﺎ ﺗﺼﻴﺢ ﻭﻫﻮ ﻳﻜﺮﻛﺮ ﻓﺎﻫﺎ ﻟﻠﻜﺮﻫﺒﺔ ﺍﻟﺪﻧﻴﺎ ﻓﺎﺭﻏﺔ ﻭ ﺿﻼﻡ ﺣﺴﺖ ﺭﻭﺣﻬﺎ ﺑﺶ ﺗﻤﻮﺕ ﻭﻫﻴﺎ ﺑﺎﻗﻲ ﺗﻘﺎﻭﻡ ﻓﻴﻪ ﻭﺗﺼﻴﺢ ﻭﻣﺴﻤﻌﻬﺎ ﺣﺪ ﻣﺤﺴﺖ ﻛﺎﻥ ﺣﺎﺟﺔ ﺿﺮﺑﺖ ﺍﻟﻄﻔﻞ ﻣﻦ ﺗﺎﻟﻲ ﻃﺎﺡ ﻋﺎﻟﻜﺮﻫﺒﺔ ﻭﻫﻴﺎ ﻃﺎﺣﺖ ﻓﻲ ﺍﻟﻘﻊ ﻛﻲ ﻫﺰﺕ ﺭﺍﺳﻬﺎ ﻟﻘﺎﺕ ﻛﺮﻫﺒﺔ ﺍﻟﻤﻴﻠﻴﺘﺎﺭ ﻭﺍﻗﻔﺔ ﻗﺪﺍﻣﻬﺎ ﻭ ﺯﻭﺯ ﻣﻨﻬﻢ ﺷﺎﺩﻳﻦ ﺍﻟﻄﻔﻞ ﺩﺧﻠﻮ ﻋﻠﻴﻪ ﺑﺎﻟﻀﺮﺏ ﺩﻭﺭﻭﻟﻮ ﻳﺪﻳﻪ ﻭﺭﺍ ﺿﻬﺮﻭ ﻭ ﺟﺎﻫﺎ ﻭﺍﺣﺪ ﻓﺎﻫﻢ ﻗﻴﻤﻬﺎ
ﺃﺧﺘﻲ ﻟﺒﺎﺱ؟
ﺗﺮﻛﺰﺕ ﻋﻠﻰ ﻳﺪﻭ ﻭﻗﺎﻣﺖ ﺑﺪﻧﻬﺎ ﻛﻞ ﻳﺮﻋﺶ
ﺇﻱ ﻋﻴﺸﻚ ﻟﺒﺎﺱ
ﺑﺎﻫﻲ ﺇﻳﺠﺎ ﻣﻌﺎﻧﺎ ﻟﻠﻤﺮﻛﺰ
ﻛﻲ ﺳﻤﻌﺖ ﺇﺳﻢ ﺍﻟﻤﺮﻛﺰ ﺗﻔﺠﻌﺖ
ﻻﻻ ﻋﻴﺶ ﺧﻮﻳﺎ ﻣﻨﺤﺒﺶ ﻧﻤﺸﻲ ﺃﻣﺎﻥ ﺧﻠﻴﻨﻲ ﻧﺮﻭﺡ
ﺑﻘﻰ ﻣﺼﺪﻭﻡ ﻓﺎﻫﺎ ﻛﻴﻔﺎﺵ ﺗﺮﻋﺶ
ﺑﺎﻫﻲ ﺑﺎﻫﻲ ﻫﺪﻱ ﺭﻭﺣﻚ ﻣﺘﺤﺒﺶ ﻣﺶ ﻻﺯﻡ ﻫﺪﻱ ﺭﻭﺣﻚ
ﺷﺪﻟﻬﺎ ﺳﺎﻛﻬﺎ ﻭﻫﻴﺎ ﺗﺴﺘﻮﻱ ﻓﻲ ﺣﻮﺍﻳﺠﻬﺎ
ﻭﻳﻦ ﻣﺮﻭﺣﺔ ﺇﻳﺠﺎ ﺗﻮ ﻧﻮﺻﻠﻚ
ﻏﺰﺭﺕ ﻟﻠﻜﺮﻫﺒﺔ ﺑﺎﻗﻲ ﺧﺎﻳﻔﺔ
ﻻ ﻋﻴﺸﻚ ﺇﻧﺠﻢ ﻧﺮﻭﺡ ﻭﺣﺪﻱ
ﺑﻘﻰ ﻳﻐﺰﺭﻟﻬﺎ ﻓﻬﻤﻬﺎ ﻋﻼﺵ ﺧﺎﻳﻔﺔ
ﻣﺘﺨﺎﻓﺶ ﻣﺎﻛﺶ ﺑﺶ ﺗﺮﻛﺐ ﻣﻌﺎﻩ
ﺩﻭﺭ ﺭﺍﺳﻮ ﻭﺭﺍﻫﺎ ﻛﺮﻫﺒﺘﻮ
ﺃﻫﻴﻜﺎ ﻛﺮﻫﺒﺘﻲ ﺇﻳﺠﺎ ﺧﻨﻮﺻﻠﻚ ﺍﻟﺪﻧﻴﺎ ﻟﻴﻞ
ﺩﻭﺭﺕ ﺭﺍﺳﻬﺎ ﻟﻘﺎﺕ ﺍﻟﺪﻧﻴﺎ ﻓﺎﺭﻏﺔ ﺗﺨﻮﻑ ﺑﻠﺤﻖ ﺣﺮﻛﺖ ﺭﺍﺳﻬﺎ ﻣﻌﻨﺘﻬﺎ ﺑﺎﻫﻲ ﻣﺸﻰ ﻟﺼﺤﺎﺑﻮ ﻛﻠﻤﻬﻢ ﻭﺭﺟﻌﻠﻬﺎ ﺣﻠﻠﻬﺎ ﺑﺎﺏ ﺍﻟﻜﺮﻫﺒﺔ ﻃﻠﻌﺖ ﺑﺠﻨﺒﻮ ﻳﺪﺍﻫﺎ ﺯﺭﻗﺔ ﻣﺎﻟﺒﺮﺩ ﺧﺸﻤﻬﺎ ﺃﺣﻤﺮ ﺑﻜﻠﻬﺎ ﺗﺮﻋﺶ
ﻭﻳﻦ ﺗﺴﻜﻦ؟
ﻭﺭﺍﺗﻮ ﻣﻨﻴﻦ ﻳﺪﻭﺭ ﻭﺻﻠﻬﺎ ﻗﺪﺍﻡ ﺍﻟﻤﻠﺠﺄ ﺣﺲ ﺭﻭﺣﻮ ﺗﺼﺪﻡ ﻛﻲ ﻟﻘﺎﻫﺎ ﺗﺴﻜﻦ ﻏﺎﺩﻱ ﻫﻴﺄﺗﻬﺎ ﻣﺘﻊ ﻃﻔﻠﺔ ﻋﺎﻳﺸﺔ ﻓﻲ ﺍﻟﻌﺰ ﻣﺶ ﻭﺣﺪﺓ ﻋﺎﻳﺸﺔ ﻓﻲ ﻣﻠﺠﺄ ﻋﻴﻨﺎﻫﺎ ﺯﺭﻕ ﺷﻌﺮﻫﺎ ﺃﻛﺤﻞ ﻗﺼﻴﺮ ﻭﻫﻴﺎ ﻗﺼﻴﺮﺓ ﻭ ﺑﻴﻀﺎﺀ
ﻣﺸﺎﺕ ﺷﻮﻳﺔ ﻭ ﺗﻠﻔﺘﺖ ﺗﺒﺴﻤﺘﻠﻮ ﺗﺒﺴﻤﻠﻬﺎ ﻛﻲ ﺇﻃﻤﺎﻥ ﻋﻼﻫﺎ ﺩﺧﻠﺖ ﺧﺪﻡ ﺍﻟﻜﺮﻫﺒﺔ ﻭ ﻣﺸﻰ ﺩﺧﻠﺖ ﻟﻘﺎﺗﻬﻢ ﻳﺴﺘﻨﺎﻭ ﻓﺎﻫﺎ ﺭﻛﺒﻬﺎ ﺍﻟﺮﻋﺐ ﻓﻴﺒﺎﻟﻬﺎ ﺑﺶ ﻳﻌﻤﻠﻮﻟﻬﺎ ﻣﺸﻜﻠﺔ ﺧﺎﻃﺮ ﺑﻄﺎﺕ
ﻣﺪﺍﻡ ﻋﺎﻳﺪﺓ ﺳﻤﺤﻨﻲ ﻣﺶ ﻣﻨﻲ ﺍﻟﺸﺘﺎﺀ ﻋﻄﻠﺘﻨﻲ
ﻭﻱ ﻓﻴﺒﺎﻟﻲ ﻧﻴﺮﻭﺯ ﺑﺮﺍ ﺑﺪﻝ ﺣﻮﺍﻳﺠﻚ ﻭﺇﻳﺠﺎﻧﻲ ﻟﻠﺒﻴﺮﻭ
ﻣﺸﺎﺕ ﻟﻠﺒﻴﺖ ﺃﻭﻝ ﻣﺎ ﺷﺎﻓﻮﻫﺎ ﺍﻟﺒﻨﺎﺕ ﻣﺸﺎﻭ ﻳﺠﺮﻳﻮ ﻳﺒﻮﺳﻮ ﻓﺎﻫﺎ ﺗﻘﻮﻝ ﻋﻼﻫﻢ ﻋﻨﺪﻫﻢ ﻋﺎﻡ ﻣﺸﺎﻓﻮﻫﺎﺵ ﺣﺴﺖ ﻓﻤﺎ ﺣﺎﺟﺔ ﺻﺎﺭﺕ ﺃﻣﺎ ﻣﺶ ﻓﺎﻫﻤﺔ ﺷﻨﻴﺔ ﻛﻤﻠﺖ ﻧﺸﻔﺖ ﺣﺎﻟﺘﻬﺎ ﻭﻟﺒﺴﺖ ﺣﻮﺍﻳﺠﻬﺎ ﻋﻄﺎﺕ ﺗﻠﻴﻔﻮﻧﻬﺎ ﻟﺼﺤﺒﺘﻬﺎ ﺑﺶ ﺗﺸﻴﺤﻬﻮﻟﻬﺎ ﻭ ﻣﺸﺎﺕ ﻟﺒﻴﺮﻭ ﺍﻟﻤﺪﻳﺮﺓ ﻟﻘﺎﺕ ﺍﻟﻤﺪﻳﺮﺓ ﻭ ﺭﺍﺟﻞ ﻣﺘﻌﺮﻓﻮﺵ ﺩﺧﻠﺖ ﺳﻠﻤﺖ ﻋﻼﻫﻢ ﻭ ﻗﻌﺪﺕ
ﻧﻴﺮﻭﺯ ﻫﺎﺫﺍ ﺳﻲ ﻣﺤﻤﺪ ﻣﺪﻳﺮ ﺍﻟﺸﺆﻭﻥ ﺍﻟﻘﺎﻧﻮﻧﻴﺔ ﺟﺎ ﻋﻨﺪﻭ ﻣﺎ ﻳﺤﻜﻲ ﻣﻌﺎﻙ
ﺧﺮﺟﺖ ﻭﺧﻼﺗﻬﻢ ﻛﺎﻳﻨﻬﺎ ﻫﺎﺭﺑﺔ
ﻧﻴﺮﻭﺯ ﻟﺒﺎﺱ ﺑﻨﺘﻲ؟
ﺣﻤﺪﻟﻠﻪ ﻋﻴﺸﻚ
ﺷﻮﻑ ﻧﻴﺮﻭﺯ ﻛﻴﻤﺎ ﺗﻌﺮﻑ ﻧﺤﻨﺎ ﻣﻬﻤﺘﻨﺎ ﺭﻋﺎﻳﺔ ﺍﻟﺼﻐﺎﺭ ﺍﻟﻠﻲ ﻣﻌﻨﺪﻫﻤﺶ ﻋﺎﺋﻠﺔ ﺳﻮﺍﺀ ﺗﻮﻟﺪﻭ ﺑﻄﺮﻳﻘﺔ ﻏﻴﺮ ﻗﺎﻧﻮﻧﻴﺔ ﻭ ﺇﻻ ﺃﻫﻠﻬﻢ ﻣﺶ ﻗﺎﺩﺭﻳﻦ ﻳﺘﻜﻔﻠﻮ ﺑﺎﻫﻢ ﻭ ﻧﺒﻘﺎﻭ ﻧﺮﻋﺎﻭ ﻓﻴﻬﻢ ﻟﻴﻦ ﻳﺒﻠﻐﻮ ﺍﻟﺴﻦ ﺍﻟﻘﺎﻧﻮﻧﻲ ﻭﻗﺘﻬﺎ ﻳﻠﺰﻡ ﺗﻮﻟﻲ ﻫﻴﺎ ﺗﻌﻴﺶ ﺭﻭﺣﻬﺎ
ﻧﺤﻰ ﻟﻮﻧﺎﺗﻮ ﻣﻦ ﻋﻴﻨﻴﻪ ﻣﺴﺤﻬﺎ ﻭ ﻋﺎﻭﺩ ﺭﺟﻌﻬﺎ ﻓﻲ ﻋﻴﻨﻴﻪ
ﻧﻴﺮﻭﺯ ﺇﻧﺖ ﺑﻠﻐﺖ ﺍﻟﺴﻦ ﺍﻟﻘﺎﻧﻮﻧﻲ ﺃﺫﺍﻛﺎ ﻋﻼﺵ ﺇﻧﺖ ﺑﺶ ﺗﻐﺎﺩﺭﻧﺎ
ﻭﻗﻔﺖ ﻣﻦ ﺑﻼﺻﺘﻬﺎ ﺣﺴﺖ ﺭﺍﺳﻬﺎ ﺩﺍﺭ ﻭ ﺍﻟﺪﻡ ﺟﻤﺪ ﻓﻲ ﻋﺮﻭﻗﻬﺎ ﻋﻤﺮﻫﺎ ﻛﻞ ﺗﻌﺮﻑ ﻛﺎﻥ ﺍﻟﻤﻠﺠﺄ ﻭ ﺍﻟﻠﻴﺴﻲ ﻭﻳﻦ ﺑﺶ ﺗﻤﺸﻲ ﺷﻨﻮﺓ ﺑﺶ ﺗﻌﻤﻞ ﻋﻨﺪ ﺷﻜﻮﻥ ﺑﺶ ﺗﻌﻴﺶ
ﻧﻴﺮﻭﺯ ﻣﺰﺍﻝ ﻋﻨﺪﻙ ﺟﻤﻌﺔ ﻛﺎﻣﻠﺔ ﺗﻨﺠﻢ ﺗﺪﺑﺮ ﻓﺎﻫﺎ ﺃﻣﻮﺭﻙ
ﺧﺮﺟﺖ ﻭﺣﻘﺮﺗﻮ ﻣﺸﺎﺕ ﺗﺠﺮﻱ ﻟﺒﻴﺘﻬﺎ ﺍﻟﺒﻨﺎﺕ ﻳﻜﻠﻤﻮ ﻓﺎﻫﺎ ﻭ ﻫﻴﺎ ﺣﺎﻗﺮﺗﻬﻢ ﺟﺒﺪﺕ ﻓﺎﻟﻴﺠﺔ ﺣﻠﺖ ﺍﻟﺨﺰﺍﻧﺔ ﺗﻠﻢ ﻓﻲ ﺣﻮﺍﻳﺠﻬﺎ ﺣﺘﻰ ﺣﺪ ﻣﺎﻫﻮ ﻓﺎﻫﻢ ﺷﻲ ﻟﻤﺖ ﻛﺘﺒﺘﻬﺎ ﺳﻜﺮﺕ ﻓﺎﻟﻴﺠﺘﻬﺎ ﻟﺒﺴﺖ ﺳﺒﺎﺩﺭﺍﻫﺎ ﻭ ﻫﺰﺕ ﺗﺎﻟﻴﻔﻮﻧﻬﺎ ﻭ ﺳﺎﻛﻬﺎ ﻭ ﺧﺮﺟﺖ ﺣﺘﻰ ﺍﻟﻌﺴﺎﺱ ﻳﻜﻠﻢ ﻓﺎﻫﺎ ﻣﺠﺎﻭﺑﺘﻮﺵ ﺧﺮﺟﺖ ﻟﻠﻜﻴﺎﺱ ﻣﺶ ﻋﺎﺭﻓﺔ ﻭﻳﻦ ﻣﺎﺷﻴﺔ ﻭ ﻻ ﺷﻨﻮﺓ ﺑﺶ ﺗﻌﻤﻞ ﺃﻣﺎ ﻋﺎﺭﻓﺔ ﺣﺎﺟﺔ ﺑﺮﻛﺎ ﺍﻟﻠﻲ ﻫﻴﺎ ﺇﺗﻄﺮﺩﺕ ﻣﻦ ﻏﺎﺩﻱ ﻭﻣﺶ ﻻﺯﻡ ﺗﺴﺘﻨﻰ ﺟﻤﻌﺔ ﻋﻠﻰ ﻛﻞ ﺣﺎﻝ ﻫﻮﻣﺎ ﺧﺬﺍﻭ ﻗﺮﺍﺭ ﺑﺶ ﻳﻄﻴﺸﻮها ﻓﻲ ﺍﻟﺸﺎﺭﻉ
ﺣﻄﺖ ﻓﺎﻟﻴﺠﺘﻬﺎ ﻗﺪﺍﻣﻬﺎ ﻣﺶ ﻋﺎﺭﻓﺔ ﻭﻳﻦ ﺗﻤﺸﻲ ﻭﺇﻻ ﺷﻨﻮﺓ ﺑﺶ ﺗﻌﻤﻞ ﺍﻟﺸﺘﺎﺀ ﺗﺼﺐ ﺑﺸﻮﻳﺔ ﺭﺍﺳﻬﺎ ﺣﺴﺘﻮ ﺑﺶ ﻳﻄﻴﺮ ﺑﺎﻟﻮﺟﻴﻌﺔ ﻭ ﺍﻟﺴﺨﺎﻧﺔ ﺑﺪﺍﺕ ﺗﻄﻠﻌﻠﻬﺎ ﻭﻗﻔﺖ ﻋﻠﻰ ﺟﻨﺐ ﺟﺒﺪﺕ ﺗﺎﻟﻴﻔﻮﻧﻬﺎ ﻃﻠﺒﺖ ﻣﺮﻭﻯ
ﻣﺮﻭﻯ ﻭﻳﻨﻚ؟
ﻧﻴﺮﻭﺯ ﻫﺎﻧﻲ ﻓﻲ ﺍﻟﺪﺍﺭ ﻋﺰﻳﺰﺗﻲ ﻟﺒﺎﺱ؟
ﻭﻱ ﺣﻤﺪﻟﻠﻪ ﻣﺮﻭﻯ ﻣﻴﺴﺎﻟﺶ ﺍﻟﻴﻮﻡ ﻧﺠﻲ ﻧﺒﺎﺕ ﺑﺤﺬﺍﻙ؟
ﺇﻱ ﺑﻄﺒﻴﻌﺔ ﻧﻴﺮﻭﺯ ﻫﺎﻧﻲ ﻓﻲ ﺍﻟﺪﺍﺭ ﺷﺒﻴﻚ ﺗﻌﺎﺭﻛﺖ ﻣﻊ ﺩﺍﺭﻛﻢ؟
ﻣﺸﻜﻠﺔ ﺻﻐﻴﺮﺓ ﻫﺎﻧﻲ ﻓﻲ ﺍﻟﺜﻨﻴﺔ ﺗﻮ ﻧﺤﻜﻴﻠﻚ
ﺧﺬﺍﺕ ﻣﻦ ﻋﻨﺪﻫﺎ ﺍﻷﺩﺭﻳﺴﺔ ﺭﺟﻌﺖ ﺍﻟﺘﺎﻟﻴﻔﻮﻥ ﻓﻲ ﺳﺎﻛﻬﺎ ﺣﻄﺖ ﺍﻟﻜﺎﺑﻮﺵ ﻋﻠﻰ ﺭﺍﺳﻬﺎ ﻭ ﻭﻗﻔﺖ ﺗﻠﻮﺝ ﻓﻲ ﺗﺎﻛﺴﻲ ﺑﻘﺎﺕ ﻗﺮﻳﺐ ﺭﺑﻊ ﺳﺎﻋﺔ ﺑﺶ ﻟﻘﺎﺕ ﺗﺎﻛﺴﻲ ﻛﻲ ﻭﺻﻠﺖ ﺑﺤﺬﺍ ﺩﺍﺭ ﻣﺮﻭﻯ ﺍﻟﺸﺘﺎﺀ ﻗﺼﺖ ﻫﺒﻄﺖ ﻓﺎﻟﻴﺠﺘﻬﺎ ﺧﻠﺼﺖ ﺍﻟﺘﺎﻛﺴﻲ ﻭ ﻃﻠﺒﺖ ﻣﺮﻭﻯ ﺧﺮﺟﺘﻠﻬﺎ ﺃﻭﻝ ﻣﺎ ﺩﺧﻠﺖ ﻟﻘﺎﺕ ﺟﻨﻴﻨﺔ ﻛﺒﻴﺮﺓ ﺃﻛﺒﺮ ﻣﻦ ﺍﻟﻤﻠﺠﺄ ﻣﺮﺗﻴﻦ ﻛﺮﺍﻫﺐ ﻣﺼﻔﻔﻴﻦ ﻓﻲ ﺟﺮﺓ ﺑﻌﻀﻬﻢ ﺃﻭﻝ ﻣﺎ ﻭﺻﻠﻮ ﻟﺒﺎﺏ ﺍﻟﺪﺍﺭ ﺟﺎ ﺭﺍﺟﻞ ﻳﺨﺪﻡ ﻋﻨﺪﻫﻢ ﺧﺬﺍ ﺍﻟﻔﺎﻟﻴﺠﺔ ﻣﻦ ﻳﺪﻫﺎ ﺑﻘﺎﺕ ﺗﺪﻭﺭ ﻓﻲ ﻋﻴﻨﺎﻫﺎ ﻣﺒﻬﻮﺭﺓ ﺑﺎﻟﺪﺍﺭ ﻧﻴﺮﻭﺯ ﻣﺶ ﻣﻦ ﻋﺎﺩﺗﻬﺎ ﺗﺤﺴﺪ ﺍﻟﻨﺎﺱ ﺃﻣﺎ ﻣﻨﻀﺮ ﺍﻟﺪﺍﺭ ﺧﻼﺗﻬﺎ ﺗﺴﺐ ﻓﻲ ﻣﺮﻭﻯ ﺑﻴﻨﻬﺎ ﻭﺑﻴﻦ ﺭﻭﺣﻬﺎ ﺧﺎﺗﺮ ﻣﺮﻭﻯ ﻣﻦ ﺍﻟﻨﺎﺱ ﺍﻟﻠﻲ ﻣﺎ ﺗﺤﻤﺪﺵ ﺭﺑﻲ ﻭﻳﺎﺳﺮ ﺗﺘﺬﻣﺮ ﺍﻟﻠﻲ ﻳﺸﻮﻓﻬﺎ ﻛﻲ ﺗﺒﺪﺍ ﺗﺤﻜﻲ ﻳﻘﻮﻝ ﻣﺴﻜﻴﻨﺔ ﻋﺎﻳﺸﺔ ﻓﻲ ﻛﻮﺥ ﻋﺪﺍﺗﻬﺎ ﻟﻠﺼﺎﻟﺔ ﻟﻘﺎﺕ ﺃﻡ ﻣﺮﻭﻯ ﻭ ﺑﻮﻫﺎ ﻭ ﺧﻮﻫﺎ ﺳﻠﻤﺖ ﻋﻼﻫﻢ ﻣﺒﻌﺪ ﻃﻠﻌﺖ ﻟﻠﺒﻴﺖ ﺧﻠﻄﻮ ﻋﻼﻫﺎ ﻓﺎﻟﻴﺠﺘﻬﺎ ﻧﺸﻔﺖ ﺣﺎﻟﺘﻬﺎ ﻭ ﺑﺪﻟﺖ ﺣﻮﺍﻳﺠﻬﺎ ﺃﻛﺜﺮ ﺣﺎﺟﺔ ﻓﺮﺣﺘﻬﺎ ﺍﻟﻠﻲ ﻋﺎﻳﻠﺔ ﻣﺮﻭﻯ ﻣﺎ ﺳﺌﻠﻮﻫﺎﺵ ﻋﻼﺵ ﺗﻌﺎﺭﻛﺖ ﻣﻊ ﺩﺍﺭﻛﻢ ﺧﺎﺗﺮ ﻣﻔﻢ ﺣﺪ ﻳﻌﺮﻑ ﺍﻟﻠﻲ ﻧﻴﺮﻭﺯ ﻋﺎﻳﺸﺔ ﻓﻲ ﻣﻠﺠﺄ ﻛﺎﻧﺖ ﺗﻌﻤﻞ ﻫﻜﺎ ﺑﺶ ﺗﺘﺠﻨﺐ ﻧﻀﺮﺓ ﺍﻟﻨﺎﺱ ﺍﻟﺨﺎﻳﺒﺔ ﻣﻜﺎﻧﺘﺶ ﺗﺘﺼﻮﺭ ﺍﻟﻠﻲ ﻓﻤﺎ ﻧﺎﺱ ﺑﺶ ﺗﺤﺒﻬﺎ ﻭ ﺗﺘﻘﺒﻠﻬﺎ ﻛﻴﻤﺎ ﻫﻴﺎ ﺃﺻﻼ ﻛﻲ ﺣﻠﺖ ﻋﻴﻨﺎﻫﺎ ﻟﻘﺎﺕ ﺭﻭﺣﻬﺎ ﺑﻼﺵ ﻋﺎﻳﻠﺔ ﺣﺴﺖ ﺍﻟﻠﻲ ﻫﻴﺎ ﻋﻨﺪﻫﺎ ﺗﻬﻤﺔ ﻭ ﻻ ﻣﺮﺗﻜﺒﺔ ﺟﺮﻳﻤﺔ ﻳﻠﺰﻡ ﺍﻟﻨﺎﺱ ﻣﺎﻳﻌﺮﻓﻮﻫﺎﺵ ﺯﺍﺩﺓ ﻛﺒﺮﺕ ﻋﻨﺪﻫﺎ ﺣﻘﺪ ﻛﺒﻴﺮ ﻓﻲ ﻗﻠﺒﻬﺎ ﺗﺘﻤﻨﻰ ﺗﺸﻮﻑ ﻋﺎﻳﻠﺘﻬﺎ ﺍﻟﺤﻘﺎﻧﻴﺔ ﺣﺘﻰ ﻣﺮﺓ ﺑﺶ ﺗﺬﻟﻬﻢ ﻭ ﺗﺄﻧﺒﻬﻢ ﻋﻠﻰ ﺇﻧﻬﻢ ﻋﻴﺸﻮﻫﺎ ﻣﻨﺒﻮﺫﺓ ﻋﻴﺸﻮﻫﺎ ﻓﻲ ﻣﻠﺠﺄ ﻭ ﻛﺎﻧﻮ ﺳﺒﺐ ﺑﺶ ﻋﻤﺮﻫﺎ ﻛﻞ ﺗﻌﻴﺶ ﺑﺼﻔﺔ ﻟﻘﻴﻄﺔ ﻟﻘﺐ ﺗﻨﺴﺒﻠﻬﺎ ﻣﻠﻲ ﻫﻴﺎ ﺻﻐﻴﺮﺓ ﻭﻛﺒﺮﺕ ﺑﻴﻪ ﻛﻤﻠﺖ ﺑﺪﻟﺖ ﺣﻮﺍﻳﺠﻬﺎ ﻧﺸﻔﺖ ﺷﻌﺮﻫﺎ ﺑﻠﻔﻄﺖ ﻣﺮﻭﻯ ﺑﻜﻠﻤﺘﻴﻦ ﺑﺶ ﻣﺎ ﺗﺒﻘﺎﺵ ﺗﻤﺮﺝ ﻓﺎﻫﺎ
ﻧﻴﺮﻭﺯ ﺗﺤﺐ ﺗﺮﻗﺪ ﺑﺤﺬﺍﻳﺎ ﻭﻻ ﺗﺤﺐ ﺑﻴﺖ ﻭﺣﺪﻙ؟
ﻭﻳﻦ ﻳﺠﻲ ﺍﻟﻤﻬﻢ ﻧﺮﻗﺪ ﺭﺍﻧﻲ ﺑﺶ ﻧﻤﻮﺕ ﺑﺎﻟﺘﻌﺐ
ﻳﺎﺧﻲ ﻣﺶ ﺑﺶ ﺗﺘﻌﺸﻰ؟
ﻻﻻ ﺗﻌﺸﻴﺖ ﻗﺒﻞ ﻣﺎﻧﺠﻲ
ﺑﺎﻫﻲ ﻋﻠﻰ ﺭﺍﺣﺘﻚ ﻣﺎﻻ ﺃﺭﻗﺪ ﺑﺤﺬﺍﻳﺎ
ﺣﻀﺮﺗﻠﻬﺎ ﺍﻟﻔﺮﺵ ﻃﻠﻌﺖ ﺷﺪﺕ ﻓﺮﺷﻬﺎ ﻭﺭﻗﺪﺕ
*******
ﻭﺻﻞ ﺑﺤﺬﺍ ﺍﻟﺪﺍﺭ ﻟﻘﻰ ﺃﻣﻮ ﺗﺴﺘﻨﻰ ﻓﻴﻪ ﻭﻗﻒ ﺍﻟﻜﺮﻫﺒﺔ ﻭﻫﺒﻂ ﻳﺠﺮﻱ
ﻳﺎ ﺃﻣﻲ ﻋﻼﺵ ﻫﻜﺎ ﺷﻤﻮﻗﻔﻚ ﻓﻲ ﺍﻟﺸﺘﺎﺀ؟
ﻣﺸﺎﺗﻠﻮ ﺗﺠﺮﻱ ﺗﻌﻨﻘﺖ ﻓﻴﻪ
ﻧﺎﻗﻒ ﻧﺴﺘﻨﻰ ﻭﻟﺪﻱ ﺣﺘﻰ ﻛﺎﻥ ﺍﻟﺜﻠﺞ ﻳﺼﺐ ﻳﺎ ﻭﻟﻴﺪﻱ ﺭﺍﻧﻲ ﺷﻬﺮ ﻛﺎﻣﻞ ﻣﺎﺭﻳﺘﻜﺶ
ﺑﺎﺳﻬﺎ ﻣﻦ ﺭﺍﺳﻬﺎ ﻭﻳﺪﺍﻫﺎ ﻭﺩﺧﻞ ﻫﻮ ﻭﻳﺎﻫﺎ ﻟﻠﺪﺍﺭ ﻟﻘﻰ ﺑﻮﻩ ﻭﺃﺧﺘﻮ ﺳﻨﺪﺱ ﻭ ﺃﻭﻻﺩﻫﺎ ﺳﻠﻢ ﻋﻼﻫﻢ ﻭ ﻗﻌﺪ ﺑﺤﺬﺍ ﺑﻮﻩ
ﻫﺎﺭﻭﻥ ﺷﻌﺎﻣﻞ ﺧﻮﻳﺎ ﺳﺎﻓﺎ ﺍﻟﺨﺪﻣﺔ
ﻟﺒﺎﺱ ﺣﻤﺪﻟﻠﻪ ﻗﻠﻲ ﺇﻧﺖ ﻛﻲ ﺍﻟﺴﺒﺔ ﻫﻮﻧﻲ ﻓﻲ ﺍﻟﻠﻴﻞ ﺇﻧﺖ ﻭﺃﻭﻻﺩﻙ؟
ﻧﺴﻴﺖ ﺗﺎﻟﻴﻔﻮﻧﻲ ﻋﺎﻟﻜﺮﺳﻲ ﻓﻲ ﻛﺮﻫﺒﺔ ﺧﻮﻙ
ﺑﺎﻫﻲ ﻣﺶ ﻣﺸﻜﻠﺔ ﺗﻮ ﻧﻜﻠﻤﻮ ﻧﻘﻠﻮ ﻳﺨﻠﻴﻬﻮﻟﻚ ﻓﻲ ﺍﻟﺪﺍﺭ
ﻳﺴﻮﻕ ﻳﺴﻤﻊ ﻓﻲ ﺻﻮﺕ ﺗﺎﻟﻴﻔﻮﻥ ﻳﻨﻮﻗﺰ ﻭﺭﺍﻩ ﻭﻗﻒ ﺍﻟﻜﺮﻫﺒﺔ ﻋﻠﻰ ﺟﻨﺐ ﻭﺩﺍﺭ ﻟﻠﻜﺮﺳﻲ ﺍﻟﺘﺎﻻﻧﻲ ﻳﻠﻮﺝ ﻟﻘﻰ ﺗﺎﻟﻴﻔﻮﻥ ﻛﻲ ﻫﺰﻭ ﻟﻘﻰ ﻧﻮﻣﺮﻭ ﻣﺮﻭﻯ ﺃﺧﺘﻮ
ﻭﻱ ﻣﺮﻭﻯ
ﺍﺍ ﻋﻤﺎﺩ ﻋﻴﺶ ﺧﻮﻳﺎ ﺃﺫﺍﻛﺎ ﺗﺎﻟﻴﻔﻮﻥ ﻧﻴﺮﻭﺯ ﻧﺴﺎﺗﻮ ﻗﺒﻞ ﻣﺎ ﺗﻤﺸﻲ ﺗﺨﺪﻡ ﺗﻌﺪﻯ ﻟﻠﺪﺍﺭ ﺣﻄﻮ ﻓﻲ ﺑﻴﺘﻲ
ﺑﺎﻫﻲ
ﻋﻠﻖ ﺑﺶ ﻳﺤﻂ ﺍﻟﺘﺎﻟﻴﻔﻮﻥ ﺑﺠﻨﺒﻮ ﻭﻫﻮ ﻋﺎﻭﺩ ﻧﻮﻗﺰ ﻟﻘﺎﻩ ﻧﻮﻣﺮﻭ ﻓﻴﻜﺲ ﻫﺰ ﻋﻠﻴﻪ ﻓﻴﺒﺎﻟﻮ ﺩﺍﺭﻫﻢ ﺑﺶ ﻳﻘﻠﻬﻢ ﻫﻮ ﺑﺮﻭﻓﻬﺎ ﻭﻫﻴﺎ ﻻﻫﻴﺔ
ﺗﻘﺮﺍ
ﻧﻴﺮﻭﺯ ﻭﻳﻨﻚ
ﺃﺧﺘﻲ ﺃﻧﺎ ﺍﻟﺒﺮﻭﻑ ﻣﺘﺎﻋﻬﺎ ﻧﻴﺮﻭﺯ ﻻﻫﻴﺔ ﺗﻘﺮﺍ ﺗﻮ ﻛﻲ ﺗﺨﺮﺝ ﺗﻄﻠﺒﻚ
ﺇﻧﺖ ﻣﺴﻴﻮ ﻣﺤﻤﺪ؟
ﻣﻬﻤﻪ ﺷﻮﻳﺔ ﻣﺒﻌﺪ ﺟﺎﻭﺑﻬﺎ
ﻭﻱ ﺃﻧﺎ ﻫﻮ
ﺃﻳﺎ ﺣﻤﺪﻟﻠﻪ ﻛﻲ ﻧﺠﻤﺖ ﻧﺤﻜﻲ ﻣﻌﺎﻙ ﻣﺴﻴﻮ ﻣﺤﻤﺪ ﻧﻴﺮﻭﺯ ﺗﺤﺒﻚ ﺃﻣﺎﻥ ﺣﺎﻭﻝ ﺗﻘﻨﻌﻬﺎ ﺗﺮﺟﻊ ﻟﻠﻤﻠﺠﺄ
ﻣﻠﺠﺄ !!!
ﻭﻱ ﺳﻲ ﻣﺤﻤﺪ ﻧﻴﺮﻭﺯ ﺗﻌﻴﺶ ﻓﻲ ﺍﻟﻤﻠﺠﺄ
ﺑﻘﺎﺕ ﺗﺤﻜﻲ ﻣﻌﺎﻩ ﺗﻔﺴﺮﻟﻮ ﻓﻲ ﺍﻟﻮﺿﻌﻴﺔ ﻣﺘﺎﻋﻬﺎ ﻛﻲ ﻛﻤﻞ ﺣﻜﻰ ﻃﻴﺶ ﺍﻟﺘﺎﻟﻴﻔﻮﻥ ﻭﺧﺮ ﺭﺍﺳﻮ ﻋﺎﻟﻜﺮﺳﻲ ﻭ ﺗﺒﺴﻢ ﻛﺎﻳﻨﻮ ﻟﻘﻰ كنز
ﻣﺴﻴﻮ ﻣﺤﻤﺪ ﺳﻤﺤﻨﻲ ﻓﻤﺎ ﺷﻜﻮﻥ ﺍﻟﺒﺮﺍ ﻳﺴﺄﻝ ﻋﻠﻴﻚ
ﻧﺤﻰ ﺍﻟﻠﻮﻧﺎﺕ ﻣﻦ ﻋﻴﻨﻴﻪ ﻭ ﺳﻜﺮ ﺍﻟﻜﺘﺎﺏ
ﺷﻜﻮﻥ؟
ﻣﻨﻌﺮﻓﺶ ﻃﻔﻞ ﻣﻘﺎﻟﺶ ﺇﺳﻤﻮ
ﺑﺎﻫﻲ ﻋﻴﺶ ﻭﻟﺪﻱ ﺑﺮﺍ ﻋﻴﻄﻠﻮ ﻗﻠﻮ ﻳﺠﻴﻨﻲ ﻟﻠﻜﻼﺱ
ﻗﺎﻡ ﻣﻦ ﻛﺮﺳﻴﻪ ﻣﺸﻰ ﻭﻗﻒ ﻧﺎﺣﻴﺔ ﺍﻟﺒﺎﺏ ﻳﺴﺘﻨﻰ ﻧﻴﺮﻭﺯ ﺟﺒﺪﺕ ﺳﺎﻛﻬﺎ ﺗﻠﻮﺝ ﻓﻲ ﻛﺮﺍﺳﺘﻬﺎ
ﻫﺎﺭﻭﻥ ﺻﺎﺭﺍ ﺇﻧﺖ !!
ﺳﻤﺤﻨﻲ ﻣﺤﻤﺪ ﻣﻔﻴﺒﺎﻟﻴﺶ ﺑﻴﻚ ﺗﻘﺮﻱ ﺟﻴﺖ ﻧﻄﻞ ﻋﻠﻴﻚ ﺗﻮ ﻧﺮﺟﻌﻠﻚ ﻣﺒﻌﺪ
ﻻ ﻣﻴﺴﺎﻟﺶ ﺃﺩﺧﻞ ﺑﻄﺒﻴﻌﺘﻬﺎ ﺍﻟﺴﺎﻋﺔ ﻗﺮﻳﺐ ﺗﻮﻓﻰ ﻣﺰﺍﻝ ﻓﺎﻫﺎ ﺩﺭﺟﻴﻦ ﻭ ﺃﻧﺎ ﻣﺮﻭﺡ
ﺟﺒﺪ ﺍﻟﻜﺮﺳﻲ ﻣﻦ ﺑﻴﺮﻭﻩ ﻋﻄﺎﻫﻮﻟﻮ ﺑﺶ ﻳﻘﻌﺪ
ﻧﻴﺮﻭﺯ ﺷﻮﻑ ﺍﻟﻜﻌﺒﺔ ﺍﻟﻠﻲ ﺟﺎ ﻟﻤﺴﻴﻮ
ﺗﻲ ﺷﺒﻲ ﺳﻤﺎﻙ ﻻﻫﻴﺔ ﻧﻜﺘﺐ ﺑﺶ ﺗﻨﻘﺒﻠﻲ ﺟﻨﺒﻲ ﺑﺴﺘﻴﻠﻮ ﺷﻴﻬﻤﻨﻲ ﻓﻴﻪ
ﺭﺟﻌﺖ ﺗﻜﺘﺐ ﻭﻣﺮﻭﻯ ﻋﻴﻨﺎﻫﺎ ﻣﺮﺷﻮﻗﺔ ﻓﻴﻪ ﻗﺮﻳﺐ ﺗﺪﻭﺥ
ﻧﻴﺮﻭﺯ ﻓﺎﺵ ﺗﻜﺘﺐ؟
ﻭﻗﻔﺖ ﺑﺶ ﺗﺠﺎﻭﺑﻮ ﺃﻭﻝ ﻣﺎ ﺷﺎﻓﺖ ﻫﺎﺭﻭﻥ ﺣﺴﺖ ﺭﻭﺣﻬﺎ ﺑﻠﻌﺖ ﻟﺴﺎﻧﻬﺎ ﻣﺶ ﻋﺎﺭﻓﺔ ﺷﻨﻮﺓ ﺻﺎﺭﻟﻬﺎ ﻫﺰ ﺭﺍﺳﻮ ﻛﻲ ﺷﺎﻓﻬﺎ ﻗﻠﺒﻮ ﺿﺮﺏ ﻓﻲ ﺍﻷﻟﻒ ﻗﺮﻳﺐ ﻳﺎﻛﻠﻬﺎ ﺑﻌﻴﻨﻴﻪ ﺣﺲ ﺭﻭﺣﻮ ﻓﺮﺡ ﻣﺶ ﻋﺎﺭﻑ ﻋﻼﺵ ﻓﻴﻘﻬﺎ ﺻﻮﺕ ﺍﻟﺒﺮﻭﻑ
ﻧﻴﺮﻭﺯ ﻓﺎﺵ ﺳﺎﺭﺣﺔ؟
ﺑﻠﻌﺖ ﺭﻳﻘﻬﺎ ﻭﺟﻬﺎ ﺣﻤﺎﺭ
ﺷﻲ ﻣﺴﻴﻮ ﺳﻤﺤﻨﻲ
ﺑﺎﻫﻲ ﺟﺎﻭﺑﻨﻲ ﻓﺎﺵ ﻛﻨﺖ ﺗﻜﺘﺐ؟
ﻣﺴﻴﻮ ﻛﻮﺭ ﺍﻟﺒﺎﺭﺡ ﺑﻘﻰ ﻧﺎﻗﺺ ﺣﺒﻴﺖ ﻧﻜﻤﻠﻮ ﻏﺰﺭ ﻟﻤﻨﻘﺎﻟﺘﻮ
ﺳﺎﻳﺎ ﺗﻮﺍ ﺑﺶ ﺗﺨﺮﺟﻮ ﺧﻮﺫ ﻛﺮﺍﺳﺔ ﻣﻦ ﻋﻨﺪ ﺻﺤﺎﺑﻚ ﻛﻲ ﺗﺮﻭﺡ ﻧﻘﻞ
ﺭﺟﻌﺖ ﺍﻟﻜﺮﺍﺳﺔ ﻓﻲ ﺳﺎﻛﻬﺎ ﻗﻠﺒﻬﺎ ﻗﺮﻳﺐ ﻳﻮﻗﻒ ﻣﺤﺒﺶ ﻳﻬﺒﻂ ﻋﻴﻨﻴﻪ ﺍﻟﻜﻼﺱ ﻛﺎﻣﻞ ﻻﺣﻆ ﺍﻟﻠﻲ ﻫﻮ ﻣﺮﻛﺰ ﻣﻌﺎﻫﺎ ﻛﻤﻠﺖ ﻟﻤﺖ ﺳﺎﻛﻬﺎ ﻭﺧﺮﺟﺖ ﺗﺠﺮﻱ ﺣﺘﻰ ﻣﺮﻭﻯ ﻣﺴﺘﻨﺎﺗﻬﺎﺵ ﺗﺴﻤﻊ ﻓﺎﻫﺎ ﺗﻌﻴﻄﻠﻬﺎ ﻣﺸﺎﺕ ﻭ ﻃﻔﺎﺗﻬﺎ ﺃﻭﻝ ﻣﺎﺧﺮﺟﺖ ﻣﻦ ﺍﻟﻠﻴﺴﻲ ﺣﺴﺖ ﺭﻭﺣﻬﺎ ﺭﺟﻌﺖ ﺍﻟﻨﻔﺲ ﺗﻤﻠﻜﻬﺎ ﺇﺣﺴﺎﺱ ﻣﻔﻬﻤﺘﻮﺵ ﺑﺮﻏﻢ ﻣﻌﻨﺪﻫﺎ ﺑﻴﻪ ﺣﺘﻰ ﺻﻴﻠﺔ ﺃﻣﺎ ﺣﺴﺖ ﺭﻭﺣﻬﺎ ﺗﺤﺐ ﺗﻬﺮﺏ ﻣﻦ ﻋﻴﻨﻴﻪ
ﻧﻴﺮﻭﺯ ﺷﺒﻴﻚ ﻣﺴﺘﻨﻴﺘﻨﺶ؟
ﺷﻲ ﻣﺮﻭﻯ ﻫﻴﺎ ﺧﻠﻴﻨﺎ ﻧﻤﺸﻴﻮ ﻣﻌﺎﺩﺵ ﻭﻗﺖ
ﺷﻔﺖ ﺃﻛﺎ ﺍﻟﻜﻌﺒﺔ ﺍﻟﻠﻲ ﻣﻊ ﻣﺴﻴﻮ
ﻳﺎ ﺑﻨﺘﻲ ﺷﻴﻬﻤﻨﺎ ﻓﻴﻪ ﻧﺤﻨﺎ ﺃﺫﺍﻛﺎ ﺑﺎﻳﻦ ﻳﻘﺮﺏ ﻟﻤﺴﻴﻮ
ﺇﻱ ﺷﻨﻮﺓ ﺍﻟﻤﺸﻜﻠﺔ ﻳﺤﺮﺯ ﺍﻟﻴﻮﻡ ﺑﺎﺑﺎ ﻭ ﻣﺎﻣﺎ ﻋﻨﺪﻫﻢ ﺧﺪﻣﺔ ﻫﻮ ﻛﺎﻥ ﺷﺎﻑ ﻛﺮﻫﺒﺔ ﺑﺮﻛﺎ ﻣﻦ ﻛﺮﺍﻫﺒﻨﺎ ﺭﺍﻫﻮ ﻭﻟﻰ ﻳﺤﺒﻨﻲ ﻭﻳﻤﻮﺕ ﻋﻠﻴﺎ
ﺣﺴﺖ ﺍﻟﺪﻡ ﻃﻠﻌﻠﻬﺎ ﻃﺮﻳﻘﺔ ﻛﻼﻡ ﻣﺮﻭﻯ ﻣﺴﺘﻔﺰﺓ ﻛﻞ ﺷﻲ ﻋﻨﺪﻫﺎ ﺑﺎﻟﻔﻠﻮﺱ ﺣﺘﻰ ﺇﻋﺠﺎﺏ ﺍﻟﻨﺎﺱ ﺗﺤﺒﻮ ﻗﺎﺋﻢ ﻋﻠﻰ ﺍﻟﻤﻈﺎﻫﺮ ﺗﺤﺐ ﺍﻟﻨﺎﺱ ﻳﻌﺠﺒﻮ ﺑﻜﺮﺍﻫﺒﻬﻢ ﻭ ﻓﻴﻠﺘﻬﻢ ﻣﺶ ﺑﺸﺨﺼﻴﺘﻬﺎ ﻭ ﻣﺨﻬﺎ ﻣﺤﺒﺘﺶ ﺗﺰﻳﺪ ﺗﺤﻜﻲ ﻣﻌﺎﻫﺎ ﻋﺎﺭﻓﺘﻮ ﻧﻘﺎﺵ ﻋﻘﻴﻢ ﻳﺴﻮﻕ ﻭ ﻳﻀﺤﻚ ﻣﻊ ﻣﺤﻤﺪ ﻳﺤﻜﻴﻮ ﻋﺎﻟﺪﺍﺭ ﻭ ﻋﻠﻰ ﻭﻻﺩ ﻣﺤﻤﺪ ﻛﻴﻔﺎﺵ ﻣﻬﺒﻠﻴﻨﻮ ﺩﻭﺭ ﺭﺍﺳﻮ ﻋﻠﻰ ﻏﻔﻠﺔ ﻳﺸﻮﻑ ﻓﺎﻫﺎ ﻋﺎﻟﻜﻴﺎﺱ ﺍﻷﺧﺮ ﺗﻤﺸﻲ ﻫﻴﺎ ﻭ ﻃﻔﻠﺔ ﻭﻗﻒ ﻋﻠﻰ ﺟﻨﺐ
ﻣﺤﻤﺪ ﺇﻳﺠﺎ ﺳﻮﻕ ﺇﻧﺖ ﻧﺺ ﺳﺎﻋﺔ ﻭ ﻧﺨﻠﻂ ﻋﻠﻴﻚ
ﺷﻔﻤﺎ ﻫﺎﺭﻭﻥ ﻟﺒﺎﺱ؟
ﻟﺒﺎﺱ ﻟﺒﺎﺱ ﺃﺗﻮ ﻧﺨﻠﻂ ﻋﻠﻴﻚ
ﺣﻞ ﺍﻟﺒﺎﺏ ﻭﻫﺒﻂ ﻳﺠﺮﻱ ﻗﺺ ﺍﻟﻜﻴﺎﺱ ﻭﺧﻠﻂ ﻋﻼﻫﺎ ﻳﺠﺮﻱ
ﺗﺴﻤﻊ ﻓﻲ ﺻﻮﺕ ﻭﺭﺍﻫﺎ ﻳﻌﻴﻄﻠﻬﺎ ﺗﻠﻔﺘﺖ ﻟﻘﺎﺗﻮ ﻭﺭﺍﻫﺎ ﺣﺴﺖ ﺑﺪﻧﻬﺎ ﻛﻞ ﺭﻋﺶ ﻭﻗﻠﺒﻬﺎ ﺿﺮﺏ ﻓﻲ ﺍﻷﻟﻒ ﻭﻫﻮ ﺃﻭﻝ ﻣﺎﺷﺎﻑ ﻭﺟﻬﺎ ﺗﺒﺴﻢ ﻣﻦ ﻏﻴﺮ ﻣﺎ ﻳﺸﻌﺮ ﻗﺪﻡ ﻣﺪﻟﻬﺎ ﻳﺪﻭ ﻧﻴﺮﻭﺯ ﻟﺒﺎﺱ؟
ﻭﺟﻬﺎ ﺣﻤﺎﺭ ﻣﺮﻭﻯ ﺗﻐﺰﺭﻟﻬﺎ ﻗﺮﻳﺐ ﺗﺎﻛﻠﻬﺎ ﺑﻌﻴﻨﺎﻫﺎ ﺗﻐﺰﺭﻟﻬﺎ ﻓﻲ ﻏﺰﺭﺓ ﻧﻴﺮﻭﺯ ﻣﻔﻬﻤﺘﻬﺎﺵ ﻣﺪﺗﻠﻮ ﻳﺪﻫﺎ ﺳﻠﻢ ﻋﻼﻫﺎ ﻭ ﺳﻠﻢ ﻋﻠﻰ ﻣﺮﻭﻯ
ﻧﻴﺮﻭﺯ ﻣﻌﺮﻓﺘﻨﻴﺶ؟
ﻻ ﻋﺮﻓﺘﻚ ﺇﻧﺖ ﺍﻟﺠﻨﺪﻱ ﻣﺘﻊ ﺍﻟﺒﺎﺭﺡ
ﺟﻨﺪﻱ !! ﻫﻬﻪ ﻭﻟﻮ ﺇﻧﻲ ﻣﻼﺯﻡ ﻣﺶ ﺟﻨﺪﻱ ﺃﻣﺎ ﻣﻴﺴﺎﻟﺶ ﻭﻳﻦ ﻣﺎﺷﻴﺔ؟
ﻣﺮﻭﺣﺔ
ﺍﺍ ﺧﺎﺗﺮ ﺍﻟﺒﺎﺭﺡ ﻛﻲ ﻭﺻﻠﺘﻚ ﻣﺶ ﻫﺎﺫﻱ ﺛﻨﻴﺘﻚ
ﺇﻱ ﻧﻌﺮﻑ ﺃﻣﺎ ﺃﻧﺎ ﻣﺮﻭﺣﺔ ﻣﻊ ﺻﺤﺒﺘﻲ ﻟﺪﺍﺭﻫﻢ
ﻏﺰﺭ ﻟﻤﻨﻘﺎﻟﺘﻮ
ﻣﻴﺴﺎﻟﺶ ﻧﻤﺸﻴﻮ ﻧﻌﻤﻠﻮ ﻗﻬﻮﺓ
ﻗﺒﻞ ﻣﺎﺗﺠﺎﻭﺑﻮ ﺻﺎﺣﺖ ﻣﺮﻭﻯ ﻓﺮﺩ ﺻﻴﺤﺔ
ﻻﻻ ﻣﻨﺠﻤﻮﺵ ﻣﻌﺎﺩﺵ ﻭﻗﺖ ﻋﻠﻴﻨﺎ
ﻏﺰﺭﺗﻠﻬﺎ ﻣﺼﺪﻭﻣﺔ ﻣﻔﻬﻤﺘﺶ ﺷﺒﺎﻫﺎ ﺗﺼﺮﻓﺖ ﻫﻜﺎ ﺣﺴﺘﻬﺎ ﻋﻤﻠﺘﻬﺎ ﺑﺎﻟﺸﻤﺎﺗﺔ
ﻻ ﻣﺮﻭﻯ ﺇﻧﺠﻢ ﻣﻴﺴﺎﻟﺶ ﺭﻭﺡ ﺇﻧﺖ ﺗﻮ ﻧﺨﻠﻂ ﻋﻠﻴﻚ
ﺣﺴﺖ ﺍﻟﺪﻡ ﻃﻠﻌﻠﻬﺎ ﻟﺮﺍﺳﻬﺎ ﺍﻟﻄﻔﻞ ﺍﻟﻠﻲ ﺣﻄﺖ ﻋﻠﻴﻪ ﻋﻴﻨﻬﺎ ﻏﺰﺭ ﻟﻨﻴﺮﻭﺯ ﺣﺴﺒﺖ ﺭﻭﺣﻬﺎ ﻣﺶ ﻣﺘﻘﻠﻘﺔ ﺳﺘﻮﺍﺕ ﺷﻌﺮﻫﺎ
ﺑﺎﻫﻲ ﻋﻠﻰ ﻛﻴﻔﻚ ﺃﻣﺎ ﺣﺎﻭﻝ ﻣﺎ ﺗﺒﻄﺎﺵ ﺑﺶ ﺗﻨﺠﻢ ﺗﺠﻲ ﺗﻬﺰ ﻓﺎﻟﻴﺠﺘﻚ ﺃﻧﺎ ﻭ ﻋﺎﻳﻠﺘﻲ ﺧﺎﺭﺟﻴﻦ ﻧﺴﻬﺮﻭ ﻣﺸﻴﺶ ﺗﺠﻲ ﻣﺎ ﺗﻠﻘﻰ ﺣﺪ
ﻧﻴﺮﻭﺯ ﺑﻘﺎﺕ ﺗﻐﺰﺭﻟﻬﺎ ﻣﺼﺪﻭﻣﺔ ﺣﺴﺘﻬﺎ ﻃﺮﺩﺗﻬﺎ ﺑﺬﺧﺎﻣﺔ ﺃﻣﺎ ﺗﺪﺍﺭﻛﺖ ﺍﻟﻤﻮﻗﻒ ﺍﻟﻄﻔﻞ ﻭﺍﻗﻒ ﻳﺴﺘﻨﻰ ﻓﺎﻫﺎ ﺗﺒﺴﻤﺘﻠﻬﺎ
ﺑﺎﻫﻲ ﺣﺘﻰ ﻛﺎﻥ ﺑﻄﻴﺖ ﻭﺻﻲ ﻭﺍﺣﺪ ﻣﻠﻲ ﻳﺨﺪﻡ ﻋﻨﺪﻛﻢ ﺑﺶ ﻛﻲ ﻧﺠﻲ ﻳﻌﻄﻴﻨﻲ ﺩﺑﺸﻲ
ﻣﺸﺎﺕ ﻣﻊ ﻫﺎﺭﻭﻥ ﻭ ﺧﻼﺗﻬﺎ ﻭﺍﻗﻔﺔ ﻣﺶ ﻋﺎﺭﻓﺔ ﻋﻼﺵ ﺗﺼﺮﻓﺖ ﻫﻜﺎﻛﺎ ﻣﻊ ﺻﺤﺒﺘﻬﺎ ﺃﻣﺎ ﻣﺶ ﺃﻭﻝ ﻣﺮﺓ ﺗﺘﻌﺮﺽ ﻟﻤﻮﻗﻒ ﻫﻜﺎ ﺩﻳﻤﺎ ﻣﺮﻭﻯ ﺗﺤﺮﻡ ﻋﻼﻫﺎ ﻭ ﺗﺤﺎﻭﻝ ﺗﺘﺤﻜﻢ ﻓﺎﻫﺎ ﺃﻣﺎ ﻫﻴﺎ ﻃﺒﻴﻌﺘﻬﺎ ﻋﺎﺷﺖ ﻋﻤﺮﻫﺎ ﻛﻞ ﻭﺣﺪﻫﺎ ﺗﺘﺼﺮﻑ ﻭﺣﺪﻫﺎ ﻣﻔﻤﺎ ﺣﺪ ﻳﻨﺠﻢ ﻳﻘﻴﺪﻫﺎ ﻭﻳﻤﺸﺎﻫﺎ ﻋﻠﻰ ﻛﻴﻔﻮ
ﻭﺻﻠﻮ ﻟﻠﻘﻬﻮﺓ ﻗﻌﺪﺕ ﻭ ﻫﻮ ﻗﻌﺪ ﻣﻘﺎﺑﻠﻬﺎ ﻫﺒﻂ ﻗﻬﻮﺓ ﻭﻫﻴﺎ ﻛﺎﺱ ﺟﻮ ﺑﻘﻰ ﻳﺤﻜﻲ ﻣﻌﺎﻫﺎ ﺷﻮﻳﺔ ﺗﺤﺐ ﺗﺴﺄﻟﻮ ﻋﻼﺵ ﺇﺳﺘﺪﻋﺎﻫﺎ ﻣﻨﺠﻤﺘﺶ ﻭﻫﻮ ﺯﺍﺩﺓ ﻓﻲ ﻣﺨﻮ ﺃﻟﻒ ﺳﺆﺍﻝ ﻣﻨﺠﻤﺶ ﻳﺴﺄﻟﻬﻢ ﻣﺤﺒﺶ ﻳﺠﺮﺣﻬﺎ ﻭﻻ ﻳﻬﻴﻨﻬﺎ ﺃﻣﺎ ﻗﻠﺒﻮ ﻣﺶ ﻣﻄﺎﻭﻋﻮ ﻋﻨﺪﻭ ﺇﺣﺴﺎﺱ ﻗﻮﻱ ﺍﻟﻠﻲ ﻫﻮ ﻳﺤﺐ ﻳﺘﻌﺮﻑ ﻋﻼﻫﺎ ﻫﻴﺎ ﺷﻜﻮﻥ ﻋﻼﺵ ﻋﺎﻳﺸﺔ ﻓﻲ ﺍﻟﻤﻠﺠﺄ ﻭﺣﺪﺓ ﻓﻲ ﻭﺿﻌﻴﺘﻬﺎ ﻛﻴﻔﺎﺵ ﻧﺠﻤﺖ ﺗﻘﺮﺍ ﻭﺗﻮﺻﻞ ﻟﻠﺒﺎﻙ ﺃﻣﺎ ﺧﺎﻳﻒ ﻻ ﻛﻼﻣﻮ ﻳﺠﺮﺣﻬﺎ ﻓﻲ ﻧﻔﺲ ﺍﻟﻮﻗﺖ ﻫﻴﺎ ﺗﺤﻜﻲ ﻭﻫﻮ ﺳﺎﺭﺡ ﻓﻲ ﻋﻴﻨﺎﻫﺎ ﺇﺣﺴﺎﺱ ﻗﻮﻱ ﺟﺬﺑﻮ ﻻﻫﺎ ﺃﻭﻝ ﻣﺮﺓ ﻓﻲ ﺣﻴﺎﺗﻮ ﻳﺨﻠﻂ ﻭﺭﺍ ﻃﻔﻠﺔ ﺑﺶ ﻳﻌﻤﻞ ﻣﻌﺎﻫﺎ ﻗﻬﻮﺓ ﺃﻣﺎ ﻣﻨﺠﻤﺶ ﻳﻘﺎﻭﻡ ﺭﻭﺣﻮ
ﻣﻘﺘﻠﻴﺶ ﺷﻨﻮﺓ ﺇﺳﻤﻚ؟
ﺇﺳﻤﻲ ﻫﺎﺭﻭﻥ
ﻧﺘﺸﺮﻓﻮ ﻣﻨﻴﻦ ﺗﻌﺮﻑ ﻣﺴﻴﻮ ﻣﺤﻤﺪ
ﻣﺤﻤﺪ ﺭﺍﺟﻞ ﺃﺧﺘﻲ
ﻳﺎ ﺑﻠﺤﻖ ﻓﻴﺒﺎﻟﻚ ﺍﻟﻠﻲ ﻣﺴﻴﻮ ﺃﺣﺴﻦ ﺑﺮﻭﻑ ﻧﺤﺒﻮ
ﺃﻳﺎ ﺑﺎﻫﻲ ﺣﺘﻰ ﻫﻮ ﺑﺎﻫﻲ ﻣﺤﻤﺪ ﻗﻠﻲ ﻧﻴﺮﻭﺯ ﺷﺒﻴﻚ ﻣﺮﻭﺣﺔ ﻣﻊ ﺻﺎﺣﺒﺘﻚ؟ ﻳﺎﺧﻲ ﺍﻟﻤﻠﺠﺄ ﻋﺎﺩﻱ ﻳﺨﻠﻴﻮﻛﻢ ﺗﺒﺎﺗﻮ ﺍﻟﺒﺮﺍ؟
ﻻﻻ ﻣﺶ ﻋﺎﺩﻱ ﺧﻠﻴﺖ ﺩﺑﺸﻲ ﻋﻨﺪﻫﺎ ﻭ ﻛﻨﺖ ﻣﺎﺷﻴﺔ ﺑﺶ ﻧﺠﻴﺒﻬﻢ
ﺑﻘﻰ ﻳﺤﻜﻲ ﻣﻌﺎﻫﺎ ﻛﻞ ﻣﺮﺓ ﻓﻲ ﻣﻮﺿﻮﻉ ﻳﺴﺘﻨﻰ ﻓﺎﻫﺎ ﺑﺶ ﺗﺤﻜﻴﻠﻮ ﻭﺣﺪﻫﺎ ﻋﻠﻰ ﻋﻴﺸﺘﻬﺎ .
ﻭﺻﻠﺖ ﻟﻠﺪﺍﺭ ﺗﺤﺲ ﻓﻲ ﺍﻟﺪﻡ ﻃﺎﻟﻌﻠﻬﺎ ﻟﺮﺍﺳﻬﺎ ﻣﻜﻠﻤﺖ ﺣﺪ ﻃﻮﻝ ﺩﺧﻠﺖ ﻟﺒﻴﺘﻬﺎ ﺳﻜﺮﺕ ﺍﻟﺒﺎﺏ ﻭﺣﻠﺖ ﺍﻟﻔﺎﻳﺴﺒﻮﻙ ﺩﺧﻠﺖ ﻟﻔﺎﻳﺴﺒﻮﻙ ﻣﺤﻤﺪ ﺗﻠﻮﺝ ﻓﻤﺎﺵ ﻣﺎ ﺗﻠﻘﻰ ﺍﻟﻄﻔﻞ ﺃﻣﻲ ﻣﻌﺎﻩ ﻟﻮﺟﺖ ﻟﻴﻦ ﺗﻌﺒﺖ ﻃﻴﺸﺖ ﺍﻟﺘﺎﺑﻼﺕ ﻭ ﺇﺗﻜﺎﺕ ﻋﺎﻟﻔﺮﺵ ﺭﺍﺳﻬﺎ ﺑﺶ ﻳﻄﺮﺷﻖ ﺑﺎﻟﻐﺰﻭﻝ ﻭ ﺍﻟﻐﻴﺮﺓ ﻛﺎﻳﻨﻬﺎ ﻧﻴﺮﻭﺯ ﻓﻜﺘﻠﻬﺎ ﺭﺍﺟﻠﻬﺎ ﺳﻤﻌﺖ ﺻﻮﺕ ﺧﻮﻫﺎ ﻳﻌﻴﻄﻠﻬﺎ ﺣﺴﺒﺖ ﺭﻭﺣﻬﺎ ﻣﺴﻤﻌﺘﺶ ﺩﺯ ﺑﺎﺏ ﺍﻟﺒﻴﺖ ﻭﺩﺧﻞ
ﻣﺮﻭﻯ ﺷﺒﻴﻚ ﺣﺎﻗﺮﺗﻨﻲ
ﺷﻲ ﻧﺤﺐ ﻧﺒﻘﻰ ﻭﺣﺪﻱ
ﺃﺣﻜﻴﻠﻲ ﻣﺮﻭﻯ ﺷﺒﻴﻚ ﻭ ﺻﺎﺣﺒﺘﻚ ﻭﻳﻨﻲ
ﻫﺰﺕ ﺍﻟﺘﺎﺑﻼﺕ ﻃﻴﺸﺘﻬﺎ ﻓﻲ ﺍﻟﻘﻊ
ﺑﻼﻫﻲ ﻻ ﺗﺴﺄﻟﻨﻲ ﻋﻼﻫﺎ ﺇﺑﻌﺪﻧﻲ ﻣﻨﻬﺎ ﻣﺎﻫﻴﺶ ﺻﺎﺣﺒﺘﻲ
ﻫﺰ ﺣﻮﺍﺟﺒﻮ ﻣﺴﺘﻐﺮﺏ ﺍﻟﺒﺎﺭﺡ ﺗﺤﺒﻬﺎ ﻭﺍﻟﻴﻮﻡ ﻛﺮﻫﺘﻬﺎ
ﺷﻔﻤﺎ ﻣﺮﻭﻯ ﺃﺣﻜﻴﻠﻲ ﺷﻌﻤﻠﺘﻠﻚ؟
ﺗﻲ ﺷﻲ ﺍﻟﻴﻮﻡ ﺍﻟﺒﺮﻭﻑ ﻓﻀﻠﻬﺎ ﻋﻠﻴﺎ ﻓﻲ ﺍﻟﻜﻼﺱ ﻳﺸﻜﺮ ﻓﺎﻫﺎ ﻭ ﻃﻔﺎﻧﻲ
ﺗﻮﺍ ﻫﺎﺫﻱ ﺣﻜﺎﻳﺔ ﻣﺘﻐﺸﺸﺔ ﻋﻼﻫﺎ ﺳﻲ ﻧﻮﺭﻣﺎﻝ ﺑﺶ ﻳﻔﻀﻠﻬﺎ ﻣﺎﻫﻲ ﺗﺴﺨﻔﻮ ﻋﺎﻳﺸﺔ ﻓﻲ ﻣﻠﺠﺄ
ﻗﺎﻣﺖ ﻣﻦ ﻓﺮﺷﻬﺎ ﻣﻼﻣﺢ ﻭﺟﻬﺎ ﺗﺒﺪﻟﺖ
ﺷﺒﻴﻚ ﻓﺎﺵ ﺗﺤﻜﻲ؟ ﺃﻣﺎ ﻣﻠﺠﺄ ﺷﻜﻮﻥ ﻋﺎﻳﺸﺔ ﻓﻲ ﻣﻠﺠﺄ؟
ﻧﻴﺮﻭﺯ ﻭﻻ ﺷﺴﻤﻬﺎ ﺻﺎﺣﺒﺘﻚ ﺃﻗﻌﺪ ﺗﻮ ﻧﺤﻜﻴﻠﻚ
ﺑﻘﺎﺕ ﺗﻤﺸﻲ ﻭﺗﺠﻲ ﻓﻲ ﺍﻟﺒﻴﺖ ﺗﺨﻤﻢ ﺷﻨﻮﺓ ﺑﺶ ﺗﻌﻤﻞ ﻣﺨﻬﺎ ﻣﺶ ﻣﺴﺘﻮﻋﺐ ﺍﻟﻠﻲ ﻧﻴﺮﻭﺯ ﻃﻠﻌﺖ ﺗﻜﺬﺏ ﺃﻛﺜﺮ ﻣﻦ ﺧﻤﺴﺔ ﺳﻨﻴﻦ ﻳﻘﺮﺍﻭ ﻣﻊ ﺑﻌﻀﻬﻢ ﺗﻌﺮﻑ ﺍﻟﻠﻲ ﻧﻴﺮﻭﺯ ﻋﻨﺪﻫﺎ ﺩﺍﺭ ﻭﺃﻡ ﻭﺑﻮ ﺣﺘﻰ ﻛﻲ ﺗﺒﺪﺍ ﻋﻨﺪﻫﺎ ﻣﺸﻜﻠﺔ ﻓﻤﺎ ﻣﺮﺍ ﺗﺠﻲ ﻣﻌﺎﻫﺎ ﻭ ﺍﻟﻨﺎﺱ ﺍﻟﻜﻞ ﺗﻌﺮﻑ ﺍﻟﻠﻲ ﺃﺫﻳﻜﺎ ﺃﻣﻬﺎ ﺻﺤﻴﺢ ﻫﻴﺎ ﺷﻜﺖ ﺑﺮﺷﺎ ﻣﺮﺍﺕ ﺍﻟﻠﻲ ﻓﻤﺎ ﺣﺎﺟﺔ ﺧﺼﻮﺻﺎ ﺍﻟﻠﻲ ﻧﻴﺮﻭﺯ ﻋﻤﺮﻫﺎ ﻣﺎﻭﺭﺍﺕ ﺩﺍﺭﻫﻢ ﻟﺤﺪ ﺃﻣﺎ ﻛﺎﻧﺖ ﺗﺴﺘﺨﺎﻳﻞ ﺍﻟﻠﻲ ﻫﻴﺎ ﻓﻘﻴﺮﺓ ﺃﺫﺍﻛﺎ ﻋﻼﺵ ﻣﺎﺗﺤﺐ ﺣﺪ ﻳﺸﻮﻑ ﺩﺍﺭﻫﻢ ﻗﻠﺒﻬﺎ ﺗﻤﻠﻰ ﺑﺎﻟﺤﺴﺪ ﻭﺍﻟﻠﻲ ﺯﺍﺩ ﺍﻟﻄﻴﻦ ﺑﻠﺔ ﺣﻜﺎﻳﺔ ﻫﺎﺭﻭﻥ ﺣﺴﺖ ﺍﻟﻠﻲ ﻧﻴﺮﻭﺯ ﻓﻜﺘﻠﻬﺎ ﺣﺎﺟﺔ ﻣﺘﺎﻋﻬﺎ ﻣﺮﻭﻯ ﻣﺘﻌﻮﺩﺓ ﺍﻟﺤﺎﺟﺔ ﺍﻟﻠﻲ ﺗﺤﻂ ﻋﻼﻫﺎ ﻋﻴﻨﻬﺎ ﺗﺠﻴﻬﺎ ﺃﻭﻝ ﻣﺮﺓ ﺗﺤﺲ ﺑﺎﻟﻘﻬﺮﺓ ﺍﻟﻠﻲ ﻫﻴﺎ ﻣﻨﺠﻤﺘﺶ ﺗﻮﺻﻞ ﻟﻠﺤﺎﺟﺔ ﺍﻟﻠﻲ ﻋﺠﺒﺘﻬﺎ ﻋﻴﻄﺖ ﻟﻠﺒﻮﻥ ﻣﺘﺎﻋﻬﻢ ﻣﺪﺗﻠﻬﺎ ﻓﺎﻟﻴﺠﺔ ﻧﻴﺮﻭﺯ ﻭ ﺗﺎﻟﻴﻔﻮﻧﻬﺎ ﻭﺻﺎﺗﻬﺎ ﻛﻴﻒ ﺗﺠﻲ ﺗﻤﺪﻫﻤﻠﻬﺎ ﻣﺎﻟﺒﺎﺏ ﻓﻴﺒﺎﻟﻬﺎ ﺍﻟﻠﻲ ﻫﻴﺎ ﺑﺶ ﺗﻬﻴﻦ ﻧﻴﺮﻭﺯ ﻭﺗﺬﻟﻬﺎ ﺃﻣﺎ ﺑﺎﻟﻌﻜﺲ ﻫﻴﺎ ﻫﺪﻣﺖ ﻟﺨﻮﻫﺎ ﺍﻟﻤﺨﻄﻂ ﻣﺘﺎﻋﻮ ﻣﺎﻟﺼﺒﺎﺡ ﻭﻫﻮ ﺣﺎﺭﻕ ﺃﻋﺼﺎﺑﻮ ﻓﻴﺒﺎﻟﻮ ﺟﺎﺗﻮ ﻋﻠﻰ ﻃﺒﻖ ﻣﻦ ﺫﻫﺐ .
ﻏﺰﺭﺕ ﻟﻠﺸﺎﺭﻉ ﻟﻘﺎﺕ ﺍﻟﺪﻧﻴﺎ ﺿﻼﻣﺖ
ﻭﻩ ﻳﺎﻫﺎﺭﻭﻥ ﻣﻔﻘﺘﺶ ﺑﺎﻟﻮﻗﺖ ﻳﻠﺰﻣﻨﻲ ﻧﻤﺸﻲ ﻣﻌﺎﺩﺵ ﻭﻗﺖ
ﻏﺰﺭ ﻟﻤﻨﻘﺎﻟﺘﻮ ﻟﻘﺎﻫﺎ ﺍﻟﺴﺒﻌﺔ ﻣﺘﻊ ﺍﻟﻌﺸﻴﺔ ﻧﺴﻰ ﺭﺍﺟﻞ ﺃﺧﺘﻮ ﺭﺍﻫﻮ ﺗﻐﺸﺶ ﻋﻠﻴﻪ ﻣﺤﺴﺶ ﺑﺎﻟﻮﻗﺖ ﻭﻫﻴﺎ ﻣﻌﺎﻩ ﺑﺮﻏﻢ ﻣﺤﻜﺎﻭﺵ ﻓﻲ ﻣﻮﺍﺿﻴﻊ ﻣﻬﻤﺔ ﺃﻣﺎ ﺍﻟﻮﻗﺖ ﺗﻌﺪﻯ ﻓﻴﺴﻊ ﻭ ﺣﺎﺳﺲ ﺭﻭﺣﻮ ﻓﺮﺣﺎﻥ ﻋﻤﺮﻭ ﻣﺎﺣﺲ ﻫﻜﺎ ﻣﻊ ﻃﻔﻠﺔ ﻧﻴﺮﻭﺯ ﻛﺎﻧﺖ ﺣﺎﻟﺔ ﺧﺎﺻﺔ ﺑﺎﻟﻨﺴﺒﺔ ﻟﻴﻪ ﻧﻀﺮﺓ ﻣﻨﻬﺎ ﺑﺮﻛﺎ ﺗﺨﻠﻲ ﻗﻠﺒﻮ ﺑﺶ ﻳﺨﺮﺝ ﻗﺎﻡ ﻣﻦ ﺑﻼﺻﺘﻮ ﺧﻠﺺ ﺍﻟﺴﺮﻓﻮﺭ ﻭ ﺧﺮﺝ ﺑﺶ ﻳﻮﺻﻠﻬﺎ ﺑﻤﺎ ﺇﻥ ﺍﻟﻘﻬﻮﺓ ﻣﻜﺎﻧﺘﺶ ﺑﻌﻴﺪﺓ ﻓﻴﺴﻊ ﻭﺻﻠﻮ ﺑﺤﺬﺍ ﺩﺍﺭ ﻣﺮﻭﻯ ﻣﺤﺒﺶ ﻳﺰﻳﺪ ﻳﺤﺸﻤﻬﺎ ﻭﻳﺴﺄﻟﻬﺎ ﻭﻗﺘﺎﺵ ﺭﺍﺟﻌﺔ ﻟﻠﻤﻠﺠﺄ
ﻧﻴﺮﻭﺯ ﻗﻴﺪ ﻧﻮﻣﺮﻭﻳﺎ ﻛﻲ ﺗﺴﺘﺤﻘﻠﻲ ﻛﻠﻤﻨﻲ
ﺟﺒﺪﺕ ﻛﺮﺍﺳﺔ ﻭﺳﺘﻴﻠﻮ ﻣﻦ ﺳﺎﻛﻬﺎ
ﺗﺎﻟﻴﻔﻮﻧﻲ ﻧﺴﻴﺘﻮ ﻓﻲ ﺩﺍﺭ ﻣﺮﻭﻯ ﺇﻛﺘﺒﻠﻲ ﻧﻮﻣﺮﻭﻙ ﻫﻮﻧﻲ ﺗﻮ ﻣﺒﻌﺪ ﻧﻄﻠﺒﻚ
ﺧﺬﺍ ﻣﻦ ﻳﺪﻫﺎ ﻛﺘﺒﻠﻬﺎ ﻧﻮﻣﺮﻭﻩ ﻛﻲ ﺷﺎﻓﻬﺎ ﻓﺎﺗﺖ ﺑﺎﺏ ﺍﻟﺠﻨﻴﻨﺔ ﻓﻴﺒﺎﻟﻮ ﺳﺎﻳﺎ ﺗﻬﻨﻰ ﻋﻼﻫﺎ ﺭﺟﻊ ﻣﻨﻴﻦ ﺟﺎ ﻭﻗﻒ ﺗﺎﻛﺴﻲ ﺑﺶ ﻳﻮﺻﻞ ﻓﻴﺴﻊ ﻋﺎﺭﻑ ﺭﺍﺟﻞ ﺃﺧﺘﻮ ﻣﺘﻐﺸﺶ ﻋﻠﻴﻪ
ﻭﺻﻠﺖ ﻗﺪﺍﻡ ﺍﻟﺒﺎﺏ ﻛﻲ ﺩﻗﺖ ﺣﻠﺘﻠﻬﺎ ﺍﻟﺒﻮﻥ
ﺗﻨﺠﻢ ﺗﻌﻴﻄﻠﻲ ﻟﻤﺮﻭﻯ؟
ﻣﺪﻣﻮﺍﺯﺍﻝ ﻣﺮﻭﻯ ﺧﺮﺟﺖ ﻭﺧﻼﺗﻠﻚ ﻓﺎﻟﻴﺠﺘﻚ ﻭ ﺗﺎﻟﻴﻔﻮﻧﻚ
ﺧﺬﺍﺕ ﻣﻦ ﻋﻨﺪﻫﺎ ﺍﻟﻔﺎﻟﻴﺠﺔ ﻭ ﺍﻟﺘﺎﻟﻴﻔﻮﻥ ﻭﺭﺟﻌﺖ ﻣﺶ ﻓﺎﻫﻤﺔ ﻋﻼﺵ ﻣﺮﻭﻯ ﺗﺼﺮﻓﺖ ﻫﻜﺎ ﺑﺮﻏﻢ ﻫﻴﺎ ﻗﺎﻟﺘﻠﻬﺎ ﺑﺶ ﺗﺒﻘﻰ ﺑﺤﺬﺍﻫﺎ ﻣﺪﺓ ﺧﺮﺟﺖ ﻋﺎﻟﻜﻴﺎﺱ ﺗﻜﺮﻛﺮ ﻓﻲ ﺍﻟﻔﺎﻟﻴﺠﺔ ﻛﻲ ﺑﻌﺪﺕ ﺷﻮﻳﺔ ﻟﻘﺎﺕ ﺃﺭﺍ ﻣﺘﻊ ﻛﺎﺭ ﻗﻌﺪﺕ ﻋﺎﻟﻜﺮﺳﻲ ﺍﻟﺪﻧﻴﺎ ﻓﺎﺭﻏﺔ ﻭﻣﻮﺣﺸﺔ ﺣﻮﻣﺔ ﻣﺮﻭﻯ ﻫﻜﺎ ﺍﻟﻨﺎﺱ ﺍﻟﻜﻞ ﺑﻜﺮﺍﻫﺒﻬﻢ ﻭ ﺻﻌﻴﺐ ﺑﺶ ﺗﻠﻘﻰ ﺻﻐﻴﺮ ﻓﻲ ﺍﻟﺸﺎﺭﻉ ﻭﺇﻻ ﻧﺎﺱ ﻣﻠﻤﻮﻣﺔ ﻛﻴﻤﺎ ﺍﻟﺤﻮﻡ ﺍﻟﺸﻌﺒﻴﺔ ﺧﺼﻮﺻﺎ ﺍﻟﻄﻘﺲ ﺷﺘﺎﺀ ﻃﻠﻌﺖ ﺍﻟﻔﺎﻟﻴﺠﺔ ﻋﻠﻰ ﺍﻟﻜﺮﺳﻲ ﺍﻟﻠﻲ ﺑﺠﻨﺒﻬﺎ ﺣﻠﺘﻬﺎ ﺟﺒﺪﺕ ﻣﻨﻬﺎ ﻛﺒﻮﺕ ﻟﺒﺴﺘﻮ ﻭﻋﺎﻭﺩﺕ ﺳﻜﺮﺗﻬﺎ ﻣﺨﻬﺎ ﺗﺤﺮﻕ ﻣﺶ ﻋﺎﺭﻓﺔ ﻭﻳﻦ ﺗﻤﺸﻲ
ﻭﺻﻞ ﻟﺪﺍﺭ ﺃﺧﺘﻮ ﻟﻘﺎﻫﻢ ﻛﻞ ﻣﻠﻤﻮﻣﻴﻦ ﻏﺎﺩﻱ ﺣﺘﻰ ﺃﻣﻮ ﻭ ﺑﻮﻩ ﺷﺪﻭ ﺍﻟﻀﺤﻚ ﻋﻠﻰ ﻣﺤﻤﺪ ﻛﻴﻔﺎﺵ ﻳﻬﺰ ﻓﻴﻪ ﻭﻳﺤﻂ
ﻧﻌﺮﻓﻚ ﻣﺘﻐﺸﺶ ﺃﻣﺎ ﻭﺍﻟﻠﻪ ﺟﺎﺗﻨﻲ ﻗﻀﻴﺔ ﻣﺴﺘﻌﺠﻠﺔ
ﺇﻱ ﺣﺘﻰ ﺃﻧﺎ ﻗﻠﺖ ﺍﻟﻴﻮﻡ ﺳﺒﺖ ﻗﻠﺖ ﺗﻮ ﻧﺴﻬﺮﻭ ﻣﻊ ﺑﻌﻀﻨﺎ ﺗﺠﻴﻨﺎ ﺍﻟﺴﺒﻌﺔ ﻣﺘﻊ ﺍﻟﻌﺸﻴﺔ
ﺿﺮﺑﻮ ﻋﻠﻰ ﻛﺘﻔﻮ ﺑﺸﻮﻳﺔ ﺗﻲ ﻳﺰﻱ ﺣﻤﺔ ﻫﺎﻧﻲ ﺟﻤﻌﺘﻴﻦ ﻛﻮﻧﺠﻲ ﺗﻮ ﺗﻔﺪ ﻣﻨﻲ
ﻗﺎﻣﺖ ﺃﻣﻮ ﻭ ﺃﺧﺘﻮ ﻳﺤﻀﺮﻭ ﻓﻲ ﺍﻟﻌﺸﺎ ﻭﻫﻮ ﺑﻘﻰ ﻣﻊ ﺑﻮﻩ
ﻭﻣﺤﻤﺪ ﻳﺤﻜﻴﻮ ﻭ ﻣﺨﻮ ﻣﻊ ﻧﻴﺮﻭﺯ ﻛﻞ ﺷﻮﻳﺔ ﻳﻐﺰﺭ ﻟﺘﺎﻟﻴﻔﻮﻧﻮ ﻳﺴﺘﻨﻰ ﻓﺎﻫﺎ ﺑﺶ ﺗﻄﻠﺒﻮ
ﺗﺤﺲ ﻓﻲ ﺍﻟﺸﺘﺎﺀ ﻫﺎﺑﻄﺔ ﻋﻼﻫﺎ ﻫﺰﺕ ﺭﺍﺳﻬﺎ ﻟﻘﺎﺕ ﺍﻷﺭﺍ ﻣﺤﻠﻮﻟﺔ ﻣﻦ ﻓﻮﻕ ﻟﻄﺨﺖ ﻓﺎﻟﻴﺠﺘﻬﺎ ﺗﻮﺍ ﻧﺎﻗﺼﺔ ﻫﻴﺎ ﻗﺎﻣﺖ ﺗﻠﻮﺝ ﻓﻲ ﺑﻼﺻﺔ ﺃﺧﺮﻯ ﺗﺒﻘﻰ ﻓﺎﻫﺎ ﻟﻴﻦ ﺗﺨﻤﻢ ﺷﻨﻮﺓ ﺑﺶ ﺗﻌﻤﻞ ﺑﻘﺎﺕ ﺗﻤﺸﻲ ﻟﻴﻦ ﺗﻌﺒﺖ ﻣﻠﻘﺎﺗﺶ ﻭﻳﻦ ﺗﺎﻗﻒ ﺣﺴﺖ ﺍﻟﺴﺨﺎﻧﺔ ﺑﺪﺍﺕ ﺗﻄﻠﻌﻠﻬﺎ ﻭ ﺑﺪﻧﻬﺎ ﻳﺮﻋﺶ ﻭﻗﻔﺖ ﺑﺠﻨﺐ ﺍﻟﺤﻴﻂ ﺟﺒﺪﺕ ﺗﺎﻟﻴﻔﻮﻧﻬﺎ ﺗﺒﺮﺑﺶ ﻓﻲ ﺍﻟﻨﻮﺍﻣﺮ ﻳﺪﻫﺎ ﺯﺭﺍﻗﺖ ﻭ ﺣﺴﺘﻬﺎ ﺟﻤﺪﺕ ﺣﺘﻰ ﺍﻟﻄﻘﺲ ﻋﺎﻣﻞ ﻋﻼﻫﺎ ﺑﻠﻌﺎﻧﻲ ﻛﻲ ﻟﻘﺎﺕ ﺍﻟﻨﻮﻣﺮﻭ ﻃﻠﺒﺘﻮ
ﻳﺸﺮﺏ ﻓﻲ ﻗﻬﻮﺗﻮ ﻭﻳﻀﺤﻚ ﻭﻣﺮﺗﻮ ﺟﺎﺑﺘﻠﻮ ﺍﻟﺘﺎﻟﻴﻔﻮﻥ
ﻣﺤﻤﺪ ﺗﻠﻤﻴﺬﺗﻚ ﺃﻛﻠﻲ ﻛﺎﻧﺖ ﺗﻄﻠﺐ ﻓﻴﺎ ﻭﻗﺘﻠﻲ ﺇﻧﺖ ﻓﻲ ﺍﻟﺴﺒﻴﻄﺎﺭ ﺃﻫﻴﺎ ﺗﻄﻠﺐ ﻓﻴﻚ
ﺧﺬﺍ ﺍﻟﺘﺎﻟﻴﻔﻮﻥ ﻣﻦ ﻳﺪﻫﺎ ﻣﻔﺠﻮﻉ ﻏﺰﺭ ﻟﻸﻛﺮﻭﻥ ﻟﻘﺎﻩ ﻧﻮﻣﺮﻭ ﻧﻴﺮﻭﺯ ﺣﺲ ﻓﻤﺎ ﺣﺎﺟﺔ ﺧﺎﻳﺒﺔ ﺻﺎﻳﺮﺓ
ﺃﻟﻮ
ﻣﺴﻴﻮ ﻭﻳﻨﻚ
ﺟﺎﻩ ﺻﻮﺗﻬﺎ ﺿﻌﻴﻒ ﻭﺑﻌﻴﺪ
ﻧﻴﺮﻭﺯ ﺷﻔﻤﺎ ﺷﺼﺎﺭﻟﻚ؟
ﻫﺎﺭﻭﻥ ﻛﺎﻥ ﻳﺤﻜﻲ ﻛﻲ ﺳﻤﻊ ﺇﺳﻤﻬﺎ ﻃﻴﺢ ﻓﻨﺠﺎﻥ ﺍﻟﻘﻬﻮﺓ ﻣﻦ ﻳﺪﻭ ﻣﻦ ﻏﻴﺮ ﻣﺎ ﻳﺸﻌﺮ ﻗﺎﻡ ﻳﺠﺮﻱ ﺧﺬﺍ ﺍﻟﺘﺎﻟﻴﻔﻮﻥ ﻣﻦ ﻭﺫﻥ ﻣﺤﻤﺪ ﺧﻼﻩ ﻣﺼﺪﻭﻡ
ﻧﻴﺮﻭﺯ ﺷﻔﻤﺎ
ﺑﺶ ﻧﻤﻮﺕ ﺇﻳﺠﺎﻧﻲ
ﺻﻮﺗﻬﺎ ﺗﺎﻋﺐ ﺧﻼﻩ ﻳﺰﻳﺪ ﻳﺨﺮﺝ ﻣﻦ ﻋﻘﻠﻮ
ﻭﻳﻦ ﺇﻧﺖ ﺗﻮﺍ
...
ﺑﺎﻫﻲ ﺃﺑﻘﻰ ﻓﻲ ﺑﻼﺻﺘﻚ ﻣﺎ ﺗﺘﺤﺮﻛﺶ ﻫﺎﻧﻲ ﺟﺎﻳﻚ
ﻫﺰ ﻣﻔﺘﺎﺡ ﺍﻟﻜﺮﻫﺒﺔ ﻭﺟﺒﺪ ﺗﺎﻟﻴﻔﻮﻧﻮ ﻗﻴﺪ ﻧﻮﻣﺮﻭﻫﺎ ﻣﺨﻼﺵ ﻣﺤﻤﺪ ﻳﻤﺸﻲ ﻣﻌﺎﻩ ﻫﺰ ﻛﺮﻫﺒﺘﻮ ﻭﻃﺎﺭ ﻣﺤﺴﺶ ﺑﺮﻭﺣﻮ ﻛﻴﻔﺎﺵ ﻭﺻﻞ ﺧﺮﺝ ﻣﻦ ﺍﻟﻜﺮﻫﺒﺔ ﺑﺶ ﻳﺸﻮﻓﻬﺎ ﺧﺎﺗﺮ ﺍﻟﺸﺘﺎﺀ ﻣﺨﻼﺗﻮ ﻳﺸﻮﻑ ﺷﻲ ﺑﻘﻰ ﻳﻠﻮﺝ ﺑﻌﻴﻨﻴﻪ ﻟﻴﻦ ﻋﻴﻨﻮ ﺟﺎﺕ ﻋﻼﻫﺎ ﻣﺸﺎﻟﻬﺎ ﻳﺠﺮﻱ ﺣﺎﻟﺘﻬﺎ ﻛﻠﻬﺎ ﻣﺒﻠﻮﻟﺔ ﻭ ﻣﻄﺒﻌﺔ ﻭﺟﻬﺎ ﺃﺣﻤﺮ ﺑﺶ ﻳﻄﺮﺷﻖ ﻫﺰﻫﺎ ﻓﻲ ﺣﻤﻠﺘﻮ ﻭﻫﻴﺎ ﺗﺤﻜﻲ ﻭﺣﺪﻫﺎ ﺗﻬﺘﺮﻱ ﺑﺎﻟﺴﺨﺎﻧﺔ ﺣﻄﻬﺎ ﺑﺠﻨﺒﻮ ﻭﺭﺟﻊ ﻫﺰ ﻓﺎﻟﻴﺠﺘﻬﺎ ﻃﻴﺸﻬﺎ ﻓﻲ ﺍﻟﻜﺮﻫﺒﺔ ﻣﻦ ﺗﺎﻟﻲ
ﻳﺴﻮﻕ ﻭﻳﻐﺰﺭﻟﻬﺎ ﻗﻠﺒﻮ ﻭﺟﻌﻮ ﺗﺤﻜﻲ ﻭﺣﺪﻫﺎ ﻣﻔﻬﻢ ﺷﻲ ﻛﺎﻥ ﻧﺤﺐ ﻋﻠﻰ ﻣﺎﻣﺎ ﺣﺎﻟﺘﻬﺎ ﻛﻞ ﻣﺒﻠﻮﻟﺔ ﺑﺎﻳﻨﺔ ﻋﻨﺪﻫﺎ ﺑﺮﺷﺎ ﻗﺎﻋﺪﺓ ﻓﻲ ﺍﻟﺸﺘﺎﺀ ﺑﻘﻰ ﻳﺴﺐ ﻓﻲ ﺭﻭﺣﻮ ﺃﻟﻒ ﻣﺮﺓ ﻛﻴﻔﺎﺵ ﻗﺒﻴﻠﺔ ﺧﻼﻫﺎ ﻭﻣﺸﻰ
ﺑﻘﻰ ﻣﺤﻤﺪ ﻳﻤﺸﻲ ﻭﻳﺠﻲ ﺣﺘﻰ ﻣﺮﺗﻮ ﺗﻌﺮﻑ ﻧﻴﺮﻭﺯ ﻛﺎﻧﺖ ﺩﻳﻤﺎ ﺗﺠﻴﻪ ﻟﻠﺼﺒﻴﻄﺎﺭ ﻛﻲ ﻣﺮﺽ ﻭﻋﻤﻞ ﻋﻤﻠﻴﺔ ﺣﺘﻰ ﻛﻲ ﻃﻬﺮ ﻣﺮﻭﺍﻥ ﻭﻟﺪﻭ ﺍﻟﺼﻐﻴﺮ ﺟﺎﺕ ﺑﺤﺬﺍﻫﻢ ﺩﻳﻤﺎ ﻳﻘﻠﻬﺎ ﻧﻴﺮﻭﺯ ﻭﺭﺍﻫﺎ ﺳﺮ ﻛﺒﻴﺮ ﻗﺼﻠﻮ ﻋﻞ ﺗﻔﻜﻴﺮﻭ ﺻﻮﺕ ﺍﻟﻜﺮﻫﺒﺔ ﺧﺮﺝ ﻟﻘﻰ ﺍﻟﺠﻤﺎﻋﺔ ﺳﺒﻘﻮﻩ ﺍﻟﻨﺎﺱ ﺍﻟﻜﻞ ﻣﻔﺠﻮﻋﺔ ﺧﺮﺝ ﻣﻦ ﻏﻴﺮ ﻣﺎ ﻓﻬﻤﻬﻢ ﺷﻲ ﻫﺒﻂ ﻳﺠﺮﻱ ﺣﻞ ﺍﻟﺒﺎﺏ ﺍﻷﺧﺮ ﻫﺒﻄﻬﺎ ﻓﻲ ﺣﻤﻠﺘﻮ ﻣﺤﻤﺪ ﻭﺳﻨﺪﺱ ﻛﻲ ﺷﺎﻓﻮﻫﺎ ﺗﻔﺠﻌﻮ ﻭ ﺃﻣﻮ ﻭﺑﻮﻩ ﻣﺶ ﻓﺎﻫﻤﻴﻦ ﺷﻲ ﺣﺘﻰ ﺍﻟﻄﻔﻠﺔ ﻣﺎﻳﻌﺮﻓﻮﻫﺎﺵ ﺩﺧﻠﻬﺎ ﻟﻠﺒﻴﺖ ﺧﻠﻰ ﺑﺤﺬﺍﻫﺎ ﺳﻨﺪﺱ ﺑﺶ ﺗﺒﺪﻟﻠﻬﺎ ﺣﻮﺍﻳﺠﻬﺎ ﻭ ﺧﺮﺝ
ﻫﺎﺭﻭﻥ ﺷﻔﻤﺎ ﺷﻨﻮﺓ ﺻﺎﺭﻟﻬﺎ؟
ﺩﺧﻞ ﻳﺠﺮﻱ ﻟﻠﺪﺍﺭ ﻓﻲ ﻳﺪﻭ ﺳﺎﺷﺎ ﺍﻟﺪﻭﺍﺀ ﻟﻘﻰ ﻣﺤﻤﺪ ﻭﺑﻮﻩ ﻓﻲ ﺍﻟﺼﺎﻟﺔ
ﺍﺍ ﺣﻤﺔ ﺷﻨﺤﻮﺍﻟﻬﺎ ﺗﻮﺍ؟
ﻟﺒﺎﺱ ﺃﻫﻴﻜﺎ ﺃﻣﻲ ﺑﻴﺔ ﺑﺤﺬﺍﻫﺎ ﻭ ﺳﻨﺪﺱ ﺗﺤﻀﺮﻟﻬﺎ ﻓﻲ ﺣﺎﺟﺔ ﺑﺶ ﺗﻮﻛﻠﻬﺎﻟﻬﺎ
ﺩﺧﻞ ﻟﻠﺒﻴﺖ ﻟﻘﻰ ﺃﻣﻮ ﻗﺎﻋﺪﺓ ﻋﺎﻟﻔﺮﺵ ﻭﻫﻴﺎ ﻓﻲ ﺣﺠﺮﻫﺎ ﺭﺍﺳﻬﺎ ﻋﻠﻰ ﺳﺪﺭﻫﺎ ﻭ ﻣﻜﺒﺸﺔ ﻓﺎﻫﺎ ﺑﻴﺪﺍﻫﺎ ﺍﻟﺰﻭﺯ ﻭﺑﻴﺔ ﺷﺎﺩﺗﻬﺎ ﺑﻴﺪ ﻭ ﻳﺪﻫﺎ ﺍﻷﺧﺮﻯ ﺷﺎﺩﺓ ﺑﺎﻫﺎ ﺍﻟﻜﻤﺎﺩﺓ ﺣﺎﻃﺘﻬﺎﻟﻬﺎ ﻋﻠﻰ ﺟﺒﻴﻨﻬﺎ ﻣﺸﻰ ﻗﻌﺪ ﺑﺠﻨﺒﻬﺎ ﻣﺪﻟﻬﺎ ﺳﺎﺷﻲ ﺍﻟﺪﻭﺍﺀ
ﺃﻣﻲ ﺯﻋﻤﺔ ﺗﻔﻴﻖ ﺍﻟﺼﺒﺎﺡ ﻟﺒﺎﺱ؟
ﻧﺸﺎﻟﻠﻪ ﻭﻟﻴﺪﻱ ﺗﺒﻠﺖ ﺑﺮﺷﺎ ﻭ ﺍﻟﻄﻔﻠﺔ ﺑﺎﻳﻨﺔ ﻣﻤﺮﺍﺿﺔ
ﺩﺧﻠﺖ ﺳﻨﺪﺱ ﻓﻲ ﻳﺪﻫﺎ ﺍﻟﻄﺒﻖ ﻃﻴﺒﺘﻠﻬﺎ ﺷﺮﺑﺔ
ﺷﺪ ﺃﻣﻲ ﺑﻴﺔ ﻫﺎﻱ ﺷﺮﺑﺔ ﺳﺨﻮﻧﺔ
ﺇﻳﺠﺎ ﻋﻴﺶ ﺑﻨﺘﻲ ﺣﻂ ﺍﻟﻄﺒﻖ ﺑﺠﻨﺒﻲ
ﻫﺰﺕ ﻧﻴﺮﻭﺯ ﺑﻜﻠﻬﺎ ﻃﻠﻌﺘﻠﻬﺎ ﺭﺍﺳﻬﺎ ﻭ ﻫﺎﺭﻭﻥ ﻳﺘﺒﻊ ﻓﺎﻫﺎ ﺑﻌﻴﻨﻴﻪ ﻭﺟﻬﺎ ﺃﺣﻤﺮ ﺑﺪﻧﻬﺎ ﺑﺎﻳﻦ ﻋﻠﻴﻪ ﺍﻟﺘﻌﺐ ﺃﻣﻮ ﺗﻘﻴﻢ ﻓﺎﻫﺎ ﻭﻫﻴﺎ ﺷﺎﺩﺓ ﻓﺎﻫﺎ ﺑﻴﺪﺍﻫﺎ ﺗﻘﻮﻝ ﺧﺎﻳﻔﺔ ﻻﺗﻬﺮﺏ ﺣﺴﻬﺎ ﺗﻠﻮﺝ ﻋﻠﻰ ﻋﺒﺪ ﺗﻠﺘﺠﺄﻟﻮ ﺑﺮﻏﻢ ﺍﻟﻠﻲ ﻳﺸﻮﻓﻬﺎ ﺃﻭﻝ ﻣﺮﺓ ﻳﺤﺴﻬﺎ ﻃﻔﻠﺔ ﻗﻮﻳﺔ ﺃﻣﺎ ﺗﻮﺍ ﻳﺸﻮﻑ ﻓﺎﻫﺎ ﺃﺿﻌﻒ ﻣﺨﻠﻮﻕ ﻋﻠﻰ ﻭﺟﻪ ﺍﻷﺭﺽ ﻓﻴﻘﻮ ﺻﻮﺕ ﺃﻣﻮ
ﺷﺴﻤﻬﺎ ﺍﻟﻄﻔﻠﺔ
ﻧﻴﺮﻭﺯ
ﻣﻼ ﺃﺳﺎﻣﻲ ﻣﻦ ﻗﻠﺔ ﺍﻷﺳﺎﻣﻲ
ﺣﻄﺖ ﻳﺪﻫﺎ ﻋﻠﻰ ﺧﺪﻫﺎ ﺗﻔﻴﻖ ﻓﺎﻫﺎ ﻧﻴﺮﻭﺯ ﻗﻮﻡ ﻋﻴﺶ ﺑﻨﺘﻲ ﺃﻳﺎ ﻗﻮﻡ ﺑﺶ ﺗﺸﺮﺏ ﺩﻭﺍﻙ
ﺣﻠﺖ ﻋﻴﻨﺎﻫﺎ ﺷﻄﺮ ﺣﻠﺔ ﺑﺎﻗﻲ ﻣﺶ ﺣﺎﺳﺔ ﺑﺸﻲ ﺑﻴﺔ ﺗﻮﻛﻞ ﻓﺎﻫﺎ ﻭ ﻫﻴﺎ ﻛﻴﻒ ﺍﻟﺮﻭﺑﻮ ﻣﺶ ﻓﺎﻳﻘﺔ ﺑﺸﻲ ﻛﻤﻠﺖ ﻭﻛﻠﺘﻬﺎ ﻭ ﺷﺮﺑﺘﻬﺎ ﺍﻟﺪﻭﺍﺀ ﻭ ﻋﺎﻭﺩﺕ ﻏﻄﺎﺗﻬﺎ ﻭ ﺭﻗﺪﺗﻬﺎ ﺑﻘﻰ ﻳﻐﺰﺭﻟﻬﺎ ﻭﻳﺘﻨﻬﺪ ﺇﺣﺴﺎﺱ ﻣﺴﻴﻄﺮ ﻋﻠﻴﻪ ﻣﺶ ﻓﺎﻫﻤﻮ ﺣﺎﺳﺲ ﺭﻭﺣﻮ ﺳﺎﺧﻒ ﻋﻼﻫﺎ ﺃﻣﺎ ﻫﻮ ﺑﻄﺒﻴﻌﺘﻮ ﺣﻨﻴﻦ ﻟﻬﻔﺘﻮ ﻭ ﺧﻮﻓﻮ ﻋﻼﻫﺎ ﻣﻨﺠﻤﺶ ﻳﻠﻘﺎﻟﻬﻢ ﺗﻔﺴﻴﺮ ﻣﺶ ﻓﺎﻫﻢ ﻛﻴﻔﺎﺵ ﺗﻌﻠﻖ ﺑﻮﺣﺪﺓ ﺷﺎﻓﻬﺎ ﻣﺮﺓ ﺑﺮﻛﺎ ﻓﻲ ﺣﻴﺎﺗﻮ ﻗﺎﻡ ﻣﻦ ﺑﻼﺻﺘﻮ ﻣﺸﻰ ﻟﻠﺼﺎﻟﺔ ﻟﻘﻰ ﻣﺤﻤﺪ ﻗﺎﻋﺪ ﻭ ﺑﻮﻩ ﻣﺸﻰ ﻳﺼﻠﻲ ﻫﺰ ﺍﻟﻜﻮﻣﻮﻧﺪ ﺣﻞ ﺍﻟﺘﻠﻔﺰﺓ ﺣﺐ ﻳﻠﻬﻲ ﺭﻭﺣﻮ ﺃﻣﺎ ﻣﻨﺠﻤﺶ ﻋﺎﻭﺩ ﻃﻔﻰ ﺍﻟﺘﻠﻔﺰﺓ ﻭ ﺗﻜﻰ ﺭﺍﺳﻮ ﻟﺘﺎﻟﻲ ﻣﺤﻤﺪ ﻳﺘﺒﻊ ﻓﻴﻪ ﺑﻌﻴﻨﻴﻪ ﻛﺎﻳﻨﻮ ﻓﺎﻫﻤﻮ
ﻫﺎﺭﻭﻥ ﻣﻘﺘﻠﻴﺶ ﻣﻨﻴﻦ ﺗﻌﺮﻓﻬﺎ ﻧﻴﺮﻭﺯ؟
ﺍﻟﺒﺎﺭﺡ ﻛﻲ ﻣﺮﻭﺡ ﺻﺤﺎﺑﻲ ﻋﻨﺪﻫﻢ ﺩﻭﺭﻳﺔ ﺧﺮﺟﺖ ﻭﺭﺍﻫﻢ ﺑﻜﺮﻫﺒﺘﻲ ﺑﺶ ﻳﺨﺮﺟﻮﻧﻲ ﻋﺎﻟﻜﻴﺎﺱ ﺧﺎﺗﺮ ﻣﺎﻧﻴﺶ ﺣﺎﻓﻆ ﺍﻟﺒﻼﺻﺔ ﻣﻠﻴﺢ ﻭﻗﺘﻬﺎ ﺷﻔﻨﺎﻫﺎ ﻓﻤﺎ ﻭﺍﺣﺪ ﺣﺐ ﻳﺮﻛﺒﻬﺎ ﻓﻲ ﻛﺮﻫﺒﺘﻮ ﺑﺴﻴﻒ ﻣﺒﻌﺪ ﻭﺻﻠﺘﻬﺎ ﻭﻗﺘﻬﺎ ﻋﺮﻓﺖ ﺍﻟﻠﻲ ﻫﻴﺎ ﺗﺴﻜﻦ ﻓﻲ ﺍﻟﻤﻠﺠﺄ
ﻭﻗﺒﻴﻠﺔ ﻫﻴﺎ ﺍﻟﻠﻲ ﺷﻔﺘﻬﺎ ﻓﻲ ﺍﻟﻜﻴﺎﺱ؟
ﺣﺮﻙ ﺭﺍﺳﻮ ﻣﻌﻨﺘﻬﺎ ﺇﻱ ﺷﻔﺘﻬﺎ ﻭ ﺧﺮﺟﺖ ﻋﻤﻠﺖ ﻣﻌﺎﻫﺎ ﻗﻬﻮﺓ ﻣﺒﻌﺪ ﻭﺻﻠﺘﻬﺎ ﻟﺪﺍﺭ ﺻﺎﺣﺒﺘﻬﺎ ﻣﻨﻌﺮﻓﺶ ﺷﻨﻮﺓ ﺻﺎﺭ
ﻣﺤﻤﺪ ﺳﺘﻮﻯ ﺭﻭﺣﻮ ﻧﺤﻰ ﻟﻮﻧﺎﺗﻮ
ﺷﻜﻮﻥ ﺻﺎﺣﺒﺘﻬﺎ؟
ﻣﺎﻧﻌﺮﻓﻬﺎﺵ ﻗﺼﻴﺮﺓ ﻭﺷﻌﺮﻫﺎ ﺃﺣﻤﺮ
ﻗﺎﻡ ﻣﻦ ﺑﻼﺻﺘﻮ
ﻣﺮﻭﻯ !! ﻣﻌﻨﺘﻬﺎ ﻣﺮﻭﻯ ﺧﻼﺕ ﺻﺎﺣﺒﺘﻬﺎ ﻣﻄﻴﺸﺔ ﻓﻲ ﺍﻟﺸﺎﺭﻉ ﻏﺪﻭﺓ ﺣﺴﺎﺑﻲ ﻣﻌﺎﻫﺎ
ﻛﻤﻞ ﻋﻢ ﻫﺎﺩﻱ ﺑﻮ ﻫﺎﺭﻭﻥ ﺍﻟﺼﻼﺓ ﻋﻴﻄﻠﻬﻢ ﺑﺶ ﻳﺮﻭﺣﻮ ﻳﺎﺧﻲ ﻣﺤﻤﺪ ﻛﺒﺶ ﻓﺎﻫﻢ ﺑﺶ ﻳﺒﺎﺗﻮ ﺑﻄﺒﻴﻌﺘﻬﺎ ﻧﻴﺮﻭﺯ ﻣﻜﺒﺸﺔ ﻓﻲ ﺑﻴﺔ ﻣﺤﺒﺘﺶ ﺗﺴﻴﺒﻬﺎ ﻣﺸﺎﺕ ﺳﻨﺪﺱ ﺣﻀﺮﺗﻠﻬﻢ ﺑﻴﺖ ﺑﺶ ﻳﺮﻗﺪﻭ ﻣﺸﻰ ﻣﺤﻤﺪ ﻟﺒﻴﺘﻮ ﺧﺎﺗﺮ ﻳﺨﺪﻡ ﺑﻜﺮﻱ ﻫﺎﺭﻭﻥ ﺑﻘﻰ ﻟﻴﻠﺔ ﻛﺎﻣﻠﺔ ﻣﺎﺷﻲ ﺟﺎﻱ ﻋﺎﻟﺒﻴﺖ ﺍﻟﻠﻲ ﻓﺎﻫﺎ ﻧﻴﺮﻭﺯ ﻣﺮﺓ ﻳﻠﻘﺎﻫﺎ ﺭﺍﻗﺪﺓ ﻭ ﻣﻜﺒﺸﺔ ﻓﻲ ﺃﻣﻮ ﻭ ﻣﺮﺓ ﻳﻠﻘﻰ ﺑﻴﺔ ﻗﺎﻋﺪﺓ ﺗﻘﻴﺴﻠﻬﺎ ﻓﻲ ﺍﻟﺴﺨﺎﻧﺔ ﻭ ﺗﺒﺪﻟﻠﻬﺎ ﻓﻲ ﺍﻟﻜﻤﺎﺩﺍﺕ ﻛﻲ ﻃﻠﻊ ﺍﻟﺼﺒﺎﺡ ﺍﻟﺴﺨﺎﻧﺔ ﻃﺎﺣﺘﻠﻬﺎ ﻗﺎﻣﺖ ﺑﻴﺔ ﺑﺪﻟﺘﻠﻬﺎ ﺣﻮﺍﻳﺠﻬﺎ ﻭ ﻋﻄﺎﺕ ﻟﺴﻨﺪﺱ ﺍﻟﺤﻮﺍﻳﺞ ﺍﻷﺧﺮﻳﻦ ﻣﺤﻤﺪ ﻃﻞ ﻋﻼﻫﺎ ﻭﻣﺸﻰ ﻳﺨﺪﻡ ﻛﺎﻥ ﻫﺎﺭﻭﻥ ﻻ ﺭﻗﺪ ﻻ ﺭﺗﺎﺡ ﻟﻴﻠﺔ ﻛﺎﻣﻠﺔ ﻣﺎﺷﻲ ﺟﺎﻱ ﻳﺘﻔﻘﺪ ﻓﺎﻫﺎ ﺃﻭﻝ ﻣﺎﻃﻠﻊ ﺍﻟﺼﺒﺎﺡ ﻣﺸﻰ ﻳﺠﺮﻱ ﻗﻌﺪ ﺑﺤﺬﺍﻫﺎ ﻓﻲ ﺍﻟﺒﻴﺖ ﺳﺨﻨﻮﻟﻬﺎ ﺍﻟﺒﻴﺖ ﻭ ﻏﻄﺎﻭﻫﺎ ﻭ ﻫﻴﺎ ﻣﻦ ﻛﺜﺮ ﻣﺎﺣﺴﺖ ﺑﺎﻟﺪﻓﺎ ﻭﺍﻟﺮﺍﺣﺔ ﺑﻘﺎﺕ ﺭﺍﻗﺪﺓ ﻣﺎﻓﺎﻗﺘﺶ
ﺩﺧﻞ ﻣﺤﻤﺪ ﻟﻠﻜﻼﺱ ﻋﻤﻞ ﺍﻷﺑﺎﻝ
ﻣﺮﻭﻯ ﻭﻳﻨﻲ ﻧﻴﺮﻭﺯ؟
ﻗﺎﻣﺖ ﻣﻦ ﺑﻼﺻﺘﻬﺎ
ﻣﻨﻌﺮﻓﺶ ﻣﺴﻴﻮ ﻣﺠﺎﺗﺶ
ﺃﻳﺎ ﺑﺎﻫﻲ ﺃﻣﺎ ﺃﻧﺎ ﻓﻴﺒﺎﻟﻲ ﺍﻟﻠﻲ ﻫﻴﺎ ﺍﻟﺒﺎﺭﺡ ﺭﻭﺣﺖ ﻣﻌﺎﻙ
ﺩﺧﻠﺖ ﺑﻌﻀﻬﺎ ﻭ ﻭﺟﻬﺎ ﺣﻤﺎﺭ
ﺇﻱ ﻣﺴﻴﻮ ﻗﺘﻠﻲ ﺍﻟﻠﻲ ﻫﻴﺎ ﻣﺘﻌﺎﺭﻛﺔ ﻣﻊ ﺩﺍﺭﻫﻢ ﺃﻣﺎ ﺍﻟﺒﺎﺭﺡ ﻫﺰﺕ ﺩﺑﺸﻬﺎ ﻭﻣﺸﺎﺕ
ﺣﻂ ﻳﺪﻭ ﻋﻠﻰ ﺷﻌﺮﻭ ﻭﻧﻔﺦ ﺑﺸﻮﻳﺔ
ﻣﺘﻌﺎﺭﻛﺔ ﻣﻊ ﺩﺍﺭﻫﻢ ﻭﻻ ﻫﺮﺑﺖ ﻣﻦ ﺍﻟﻤﻠﺠﺄ
ﻛﻠﻬﻢ ﻛﻲ ﺳﻤﻌﻮ ﻛﻠﻤﺔ ﻣﻠﺠﺄ ﺩﺧﻠﻮ ﺑﻌﻀﻬﻢ ﺿﺮﺏ ﺑﻴﺪﻭ ﻋﻠﻰ ﺍﻟﻄﺎﻭﻟﺔ ﺑﺶ ﻳﺴﻜﺘﻮ
ﺟﺎﻭﺏ ﻣﺮﻭﻯ
ﻻ ﻣﺴﻴﻮ ﻣﺎ ﻫﺮﺑﺘﺶ ﻃﺮﺩﻭﻫﺎ ﺧﺎﺗﺮ ﻭﺻﻠﺖ ﻟﻠﻌﻤﺮ ﺍﻟﻘﺎﻧﻮﻧﻲ ﻣﻌﺎﺩﺵ ﺗﻨﺠﻢ ﺗﻘﻌﺪ
ﻋﻤﻠﻠﻬﺎ ﺑﻴﺪﻭ ﺑﺶ ﺗﻘﻌﺪ
ﺷﻮﻓﻮ ﺍﻷﻭﻻﺩ ﻧﺘﻮﻣﺎ ﺗﺒﺮﻛﻠﻪ ﻛﺒﺎﺭ ﺇﻧﺠﻢ ﻧﺤﻜﻲ ﻣﻌﺎﻛﻢ ﻧﻴﺮﻭﺯ ﺻﺤﺒﺘﻜﻢ ﻣﻌﻨﺪﻫﺎﺵ ﻋﺎﻳﻠﺔ ﻭ ﻫﺎﺫﻱ ﺣﺎﺟﺔ ﺗﺼﻴﺮ ﺃﻣﺎ ﻫﺎﻛﻢ ﺷﻔﺘﻮ ﺗﺒﺮﻛﻠﻪ ﻧﻴﺮﻭﺯ ﻗﺮﺍﻳﺔ ﻭ ﻋﺎﻗﻠﺔ ﺯﻳﺪ ﺗﺤﺒﻜﻢ ﺍﻟﻜﻞ ﻧﻴﺮﻭﺯ ﻛﻴﻤﺎ ﺳﻤﻌﺘﻮ ﺧﺮﺟﺖ ﻣﻦ ﺍﻟﻤﻠﺠﺄ ﺧﺎﺗﺮ ﻓﺎﺗﺖ ﺍﻟﺴﻦ ﺍﻟﻘﺎﻧﻮﻧﻲ ﻭ ﻣﺮﻭﻯ ﺿﻴﻔﺘﻬﺎ ﻭﻓﻲ ﻟﻴﻠﺔ ﻛﻴﻤﺎ ﻟﻴﻠﺔ ﺍﻟﺒﺎﺭﺡ ﺣﺘﻰ ﺍﻟﻘﻄﻮﺱ ﻣﺎﻳﺨﺮﺟﺶ ﻓﺎﻫﺎ ﻧﻴﺮﻭﺯ ﻣﻨﻌﺮﻓﺶ ﺷﻨﻮﺓ ﺍﻟﺴﺒﺐ ﺍﻟﻠﻲ ﺧﻼﻫﺎ ﺗﺨﺮﺝ ﻭ ﺟﺎﺑﻬﺎﻟﻲ ﺧﻮ ﻣﺮﺗﻲ ﻓﻲ ﺣﺎﻟﺔ ﻳﺮﺛﻰ ﻟﻴﻬﺎ ﻣﺮﻳﻀﺔ ﻭ ﻣﺒﻠﻮﻟﺔ
ﻋﺎﻭﺩ ﻏﺰﺭ ﻟﻤﺮﻭﻯ
ﻣﺮﻭﻯ ﻗﻮﻝ ﺍﻟﺤﻖ ﺇﻧﺖ ﻃﺮﺩﺕ ﻧﻴﺮﻭﺯ؟
ﺗﺒﻬﺬﻟﺖ ﺯﻳﺪ ﺍﻟﻜﻞ ﻳﻐﺰﺭﻭﻟﻬﺎ
ﻻﻻ ﻡ ﺳﻴﻮ ﻋﻼﺵ ﺑﺶ ﻧﻄﺮﺩﻫﺎ
ﺑﺮﻏﻢ ﺗﺒﻬﺬﻟﺖ ﺃﻣﺎ ﺣﺴﺖ ﺑﻔﺮﺣﺔ ﺍﻟﻠﻲ ﺍﻟﻨﺎﺱ ﺍﻟﻜﻞ ﻋﺮﻓﺖ ﺣﻘﻴﻘﺔ ﻧﻴﺮﻭﺯ ﻗﺎﻣﺖ ﺻﺤﺒﺘﻬﻢ ﻣﻦ ﺑﻼﺻﺘﻬﺎ
ﻣﺴﻴﻮ ﺗﻨﺠﻢ ﺗﺨﻠﻲ ﻧﻴﺮﻭﺯ ﺗﺠﻲ ﺑﺤﺬﺍﻳﺎ
ﻗﺎﻣﻮ ﺑﻘﻴﺔ ﺻﺤﺎﺑﻬﺎ ﻛﻞ ﻭﺍﺣﺪ ﻳﻘﻮﻝ ﻣﺴﻴﻮ ﺧﻼﻫﺎ ﺗﺠﻲ ﺑﺤﺬﺍﻳﺎ ﺃﻧﺎ ﺣﺘﻰ ﺍﻷﻭﻻﺩ ﻳﺤﺒﻮ ﻳﻠﻘﺎﻭ ﺣﻞ ﺣﺲ ﺑﻔﺮﺣﺔ ﻳﺸﻮﻑ ﻓﻲ ﺗﻼﻣﺬﺗﻮ ﻗﺪﺍﺵ ﻳﺤﺒﻮ ﺻﺤﺒﺘﻬﻢ ﻣﺮﻭﻯ ﻗﻠﺒﻬﺎ ﻗﺮﻳﺐ ﻳﻄﺮﺷﻖ ﺑﺎﻟﻐﻞ ﺟﺎﺕ ﺑﺶ ﺗﻔﻀﺢ ﻧﻴﺮﻭﺯ ﻳﺎﺧﻲ ﻭﺣﻠﺖ ﻓﻲ ﺍﻟﻤﺸﺎﻛﻞ ﺣﺘﻰ ﺻﺤﺎﺑﻬﺎ ﻳﻘﺤﺮﻭﻟﻬﺎ ﻭ ﻳﻬﺰﻭ ﻓﺎﻫﺎ ﻭﻳﺤﻄﻮ
ﺣﻠﺖ ﻋﻴﻨﺎﻫﺎ ﺗﺤﺲ ﻓﻲ ﺑﺪﻧﻬﺎ ﺩﺍﻓﻲ ﺗﻜﺴﻠﺖ ﻓﻲ ﺑﻼﺻﺘﻬﺎ ﻭﺩﺍﺭﺕ ﻋﻠﻰ ﺟﻨﺒﻬﺎ ﻟﻘﺎﺕ ﻫﺎﺭﻭﻥ ﻓﻲ ﻭﺟﻬﺎ ﻗﺎﻋﺪ ﺑﺠﻨﺒﻬﺎ ﻳﺜﺒﺖ ﻓﺎﻫﺎ ﺩﻭﺭﺕ ﻋﻴﻨﺎﻫﺎ ﻋﺎﻟﺒﻴﺖ
ﻭﻳﻦ ﺃﻧﺎ؟
ﻣﻦ ﻏﻴﺮ ﻣﺎﻳﺸﻌﺮ ﻣﺪ ﻳﺪﻭ ﻣﺴﺤﻠﻬﺎ ﻋﻠﻰ ﺷﻌﺮﻫﺎ ﻭﺑﺎﺳﻬﺎ ﻣﻦ ﺟﺒﻴﻨﻬﺎ
ﻣﺘﺨﺎﻓﺶ ﺇﻧﺖ ﻓﻲ ﺩﺍﺭ ﻣﺤﻤﺪ
ﻫﺰﺕ ﺭﻭﺣﻬﺎ ﻗﻌﺪﺕ ﻋﺎﻟﻔﺮﺵ
ﻭﻳﻨﻮ ﻣﺴﻴﻮ؟
ﻣﺸﻰ ﻳﻘﺮﻱ
ﺗﻜﺎﺕ ﺿﻬﺮﻫﺎ ﻋﺎﻟﻔﺮﺵ ﻭ ﺗﻨﻬﺪﺕ ﻣﻦ ﻋﺮﻭﺵ ﻗﻠﺒﻬﺎ
ﺷﺒﻴﻚ ﻧﻴﺮﻭﺯ؟
ﺷﻲ ﺣﻠﻤﺖ ﺍﻟﺒﺎﺭﺡ ﺍﻟﻠﻲ ﺃﻧﺎ ﺭﺍﻗﺪﺓ ﻓﻲ ﺣﻀﻦ ﺃﻣﻲ
ﻧﻴﺮﻭﺯ ﺃﻣﻚ ﻭ ﺑﻮﻙ ﻭﻳﻨﻬﻢ؟
ﻣﻨﻌﺮﻓﺶ ﺃﻧﺎ ﺣﻠﻴﺖ ﻋﻴﻨﻴﺎ ﻓﻲ ﺍﻟﻤﻠﺠﺄ ﻣﻨﻌﺮﻓﺶ ﺣﻴﻴﻦ ﻭ ﻻ
ﻭﺍﻟﺒﺎﺭﺡ ﻋﻼﺵ ﺧﺮﺟﺖ؟
ﺑﻘﺎﺕ ﺗﺤﻜﻴﻠﻮ ﻓﻠﻲ ﺻﺎﺭ ﻣﻠﻲ ﻃﺮﺩﻭﻫﺎ ﺍﻟﻤﻠﺠﺄ ﻟﻴﻦ ﻃﺮﺩﺗﻬﺎ ﻣﺮﻭﻯ ﺗﺤﻜﻲ ﻭﺩﻣﻮﻋﻬﺎ ﻫﺎﺑﻄﺔ ﺣﺲ ﻗﻠﺒﻮ ﻭﺟﻌﻮ ﻋﻼﻫﺎ ﻣﺪ ﻳﺪﻭ ﺟﺒﺪﻫﺎ ﻟﻴﻪ ﻋﻨﻘﻬﺎ ﻋﻠﻰ ﻗﻮﺓ ﺟﻬﺪﻭ ﻭ ﻫﻴﺎ ﻣﻌﻤﻠﺖ ﺷﻲ ﺑﺎﻟﻌﻜﺲ ﻛﺒﺴﺖ ﻳﺪﺍﻫﺎ ﻋﻠﻴﻪ ﻭﺑﻘﺎﺕ ﺗﺤﻜﻴﻠﻮ ﻋﻠﻰ ﻣﺮﻭﻯ ﺍﻟﻠﻲ ﻣﺶ ﻓﺎﻫﻤﺔ ﻋﻼﺵ ﺗﺼﺮﻓﺖ ﻣﻌﺎﻫﺎ ﻫﻜﺎ ﺑﻌﺪﻫﺎ ﻋﻠﻴﻪ ﺷﻮﻳﺔ ﻣﺴﺤﻠﻬﺎ ﻋﻴﻨﺎﻫﺎ ﻭﻋﺎﻭﺩ ﺑﺎﺳﻬﺎ ﻣﻦ ﺟﺒﻴﻨﻬﺎ
ﻣﺘﺨﺎﻓﺶ ﺃﻧﺎ ﺑﺤﺬﺍﻙ ﺃﻧﺎ ﻭﻣﺤﻤﺪ ﻣﺶ ﺑﺶ ﻧﺨﻠﻴﻮﻙ
ﻗﺼﺖ ﻋﻼﻫﻢ ﺍﻟﻜﻼﻡ ﺃﻣﻮ ﺩﺧﻠﺖ ﻓﻲ ﻳﺪﻫﺎ ﻃﺒﻖ
ﺃﻳﺎ ﺣﻤﺪﻟﻠﻪ ﻋﻠﻰ ﺑﻨﺘﻲ ﻛﻲ ﻗﻤﺖ ﻟﺒﺎﺱ
ﺑﻘﺎﺕ ﺗﻐﺰﺭﻟﻬﺎ ﻗﺎﻡ ﻫﺎﺭﻭﻥ ﺧﺬﺍ ﺍﻟﻄﺒﻖ ﻣﻦ ﻳﺪﻫﺎ
ﻧﻴﺮﻭﺯ ﻣﺶ ﻗﺘﻠﻲ ﺣﻠﻤﺖ ﺭﺍﻗﺪﺓ ﻓﻲ ﺣﻀﻦ ﺃﻣﻚ ﺃﺫﻳﻜﺎ ﻣﺶ ﺣﻠﻤﺔ ﺇﻧﺖ ﻟﻴﻠﺔ ﻛﺎﻣﻠﺔ ﺭﺍﻗﺪﺓ ﻓﻲ ﺣﻀﻦ ﺃﺣﻦ ﺃﻡ
ﻣﺸﺎﺕ ﺑﻴﺔ ﻗﻌﺪﺕ ﺑﺤﺬﺍﻫﺎ ﺣﻄﺖ ﻳﺪﻫﺎ ﻋﻠﻰ ﺟﺒﻴﻨﻬﺎ
ﺃﻳﺎ ﺣﻤﺪﻟﻠﻪ ﻣﻌﺎﺩﺵ ﻓﻤﺎ ﺳﺨﺎﻧﺔ ﺗﻮﺍ ﺗﻔﻄﺮ ﻣﺒﻌﺪ ﺗﺸﺮﺏ ﺩﻭﺍﻙ ﺍﻟﺒﺎﻙ ﻗﺮﻳﺐ ﻻﺯﻣﻚ ﺗﺘﻠﻬﻰ ﺑﻘﺮﺍﻳﺘﻚ
ﺧﺮﺟﺖ ﻣﺮﻭﻯ ﻣﻦ ﺍﻟﻜﻼﺱ ﺗﺤﺲ ﻓﻲ ﺭﻭﺣﻬﺎ ﺑﺶ ﺗﻄﺮﺷﻖ ﺑﺎﻟﻐﺰﻭﻝ ﺍﻟﻠﻲ ﻳﻘﺮﺍﻭ ﻣﻌﺎﻫﺎ ﻣﻌﺎﺩﺵ ﻳﺤﺐ ﺣﺪ ﻳﻜﻠﻤﻬﺎ ﺍﻷﻭﻻﺩ ﻳﻬﺰﻭ ﻓﺎﻫﺎ ﻭﻳﺤﻄﻮ ﻭﺍﻟﺒﻨﺎﺕ ﻳﻮﺷﻮﺷﻮ ﻋﻼﻫﺎ ﺣﺘﻰ ﻛﻲ ﺩﺧﻠﺖ ﻟﻠﺒﻮﻓﺎﺕ ﻳﺮﻣﻴﻮ ﻋﻼﻫﺎ ﻓﻲ ﺍﻟﻤﻌﻨﻰ ﻛﻞ ﻭﺍﺣﺪ ﺷﻴﻘﻮﻝ
ﻧﻴﺮﻭﺯ ﺣﻠﺖ ﻓﺎﻟﻴﺠﺘﻬﺎ ﻟﻘﺎﺕ ﻛﺘﺒﺘﻬﺎ ﻛﻞ ﻣﺒﻠﻮﻟﻴﻦ ﺩﺑﺶ ﺍﻟﻘﺮﺍﻳﺔ ﻛﻞ ﺗﻬﻠﻚ ﺩﺧﻠﺖ ﺑﻴﺔ ﺟﺎﺑﺘﻠﻬﺎ ﻛﺎﺱ ﻋﺼﻴﺮ
ﻧﻴﺮﻭﺯ ﺷﺘﻌﻤﻞ ﺑﻨﻴﺘﻲ ﻓﻲ ﺍﻟﻘﻊ؟
ﺗﺎﺗﺎ ﻧﺸﻮﻑ ﻓﻲ ﺩﺑﺸﻲ ﻣﺘﻊ ﺍﻟﻘﺮﺍﻳﺔ ﻛﻞ ﺗﻬﻠﻜﻮﻟﻲ
ﺣﻄﺖ ﺍﻟﻜﺎﺱ ﻣﻦ ﻳﺪﻫﺎ ﻭﻣﺸﺎﺕ ﺗﻔﺮﻍ ﻣﻌﺎﻫﺎ ﻓﻲ ﺍﻟﺪﺑﺶ
ﻭﻩ ﻳﺎ ﺑﻨﻴﺘﻲ ﺗﻲ ﻫﺎﻡ ﻣﺸﺎﻭ ﻫﺎﺫﻡ ﺃﻣﺎ ﻣﺶ ﻣﺸﻜﻠﺔ ﺗﻮ ﻧﺸﺮﻳﻮ ﻛﺘﺒﺔ ﺟﺪﺩ
ﻗﻌﺪﺕ ﻓﻲ ﺍﻟﻘﻊ ﻭﺭﺑﻌﺖ ﺳﺎﻗﻴﻬﺎ
ﻭﻛﺮﺍﺭﺳﻲ ﻛﻴﻔﺎﺵ ﺑﺶ ﻧﺮﺍﺟﻊ؟
ﻳﺎ ﺑﻨﻴﺘﻲ ﻣﺶ ﻗﺎﻝ ﻣﺤﻤﺪ ﺍﻟﻠﻲ ﺇﻧﺖ ﺗﻠﻤﻴﺬﺗﻮ ﻣﺘﺨﺎﻓﺶ ﺗﻮ ﻳﻌﺎﻭﻧﻚ ﺇﻳﺠﺎ ﻧﺸﻮﻓﻮ ﺍﻟﺤﺎﺟﺎﺕ ﺍﻟﻠﻲ ﻣﺰﺍﻟﻮ ﻳﺼﻠﺤﻮ ﻭ ﻧﺤﻄﻬﻢ ﻭﺣﺪﻫﻢ
ﺑﻘﺎﺕ ﺗﻨﻀﻢ ﻣﻌﺎﻫﺎ ﻓﻲ ﺍﻟﺪﺑﺶ ﻟﻘﺎﺕ ﻛﺮﺍﺭﺱ ﻣﺰﺍﻟﻮ ﻣﺘﻔﺴﺨﻮﺵ ﺑﺎﻟﻤﺎﺀ ﺣﻄﺘﻬﻢ ﻋﻠﻰ ﺟﻨﺐ ﺑﺶ ﺗﻨﺠﻢ ﺗﻨﻘﻠﻬﻢ ﻓﺮﻛﺖ ﺗﺎﻟﻴﻔﻮﻧﻬﺎ ﻭﻋﻄﺎﺗﻮ ﻟﺴﻨﺪﺱ ﺑﺶ ﺗﺸﻴﺤﻮﻟﻬﺎ ﺑﺎﻟﺴﺸﻮﺍﺭ ﺩﺧﻞ ﻟﻠﺒﻴﺖ ﻟﻘﻰ ﺍﻟﺪﻧﻴﺎ ﺍﻟﻜﻞ ﻣﻔﺮﺗﺔ
ﻫﻬﻪ ﺷﻨﻮﺓ ﺍﻟﻔﺮﻳﺐ ﺍﻟﻠﻲ ﺣﻠﻴﺘﻮﻩ ﻓﻲ ﺍﻟﺒﻴﺖ
ﺃﺳﻜﺖ ﻭﻟﻴﺪﻱ ﻣﺴﻜﻴﻨﺔ ﻧﻴﺮﻭﺯ ﻛﺘﺒﺘﻬﺎ ﺍﻟﻜﻞ ﺗﻬﻠﻜﻮ ﺑﺎﻟﺸﺘﺎﺀ ﺇﻳﺠﺎ ﻭﻟﻴﺪﻱ ﻧﻀﻢ ﻣﻌﺎﻫﺎ ﻧﻤﺸﻲ ﻧﺸﻮﻑ ﺍﻟﻔﻄﻮﺭ
ﻣﺪ ﻳﺪﻭ ﻷﻣﻮ ﺑﺶ ﺗﻘﻮﻡ ﻭﻣﺸﻰ ﻗﻌﺪ ﺑﺤﺬﺍ ﻧﻴﺮﻭﺯ ﻳﻐﺰﺭﻟﻬﺎ ﺗﻨﻔﺦ ﻋﺎﻟﻜﺘﺒﺔ ﻭﻳﻀﺤﻚ ﻛﻲ ﻫﺰﺕ ﺭﺍﺳﻬﺎ ﻟﻘﺎﺗﻮ ﻳﻀﺤﻚ ﻋﻘﺪﺕ ﺣﻮﺍﺟﺒﻬﺎ ﻭﻋﻮﺟﺖ ﻓﻤﻬﺎ
ﺷﺒﻴﻚ ﺗﻀﺤﻚ؟
ﺷﻲ ﺃﻣﺎ ﺗﻨﻔﺦ ﻋﺎﻟﻜﺘﺒﺔ ﺑﺶ ﻳﺸﻴﺤﻮ ﺍﻟﺤﻖ ﻣﻼ ﺫﻛﺎﺀ ﻋﻨﺪﻙ !!!
ﻃﻴﺸﺖ ﺍﻟﻜﺘﺎﺏ ﻭﺩﺍﺭﺗﻠﻮ
ﻣﺎﻻ ﺷﻨﻮﺓ ﺑﺶ ﻧﻌﻤﻞ؟
ﻣﺪ ﻳﺪﻭ ﻟﻢ ﺍﻟﻜﺘﺒﺔ ﻛﻞ ﺑﺠﻨﺒﻮ
ﻫﺎﺫﻡ ﻛﻞ ﺑﺶ ﻳﻄﻴﺸﻮ ﻭﻧﺸﺮﻳﻮ ﻛﺘﺒﺔ ﻭﻛﺮﺍﺭﺱ ﺟﺪﺩ
ﺇﻱ ﻭ ﺍﻟﻜﺮﺍﺭﺱ ...
ﻓﻴﺒﺎﻟﻲ ﻣﻦ ﻏﻴﺮ ﻣﺎ ﺗﻜﻤﻞ ﺗﻮ ﻧﻜﻠﻤﻮ ﻣﺤﻤﺪ ﻳﺠﻴﺒﻠﻚ ﻛﺮﺍﺭﺱ ﻣﻦ ﻋﻨﺪ ﺻﺤﺎﺑﻚ ﺇﻧﻘﻠﻮﻫﻢ ﻣﻊ ﺑﻌﻀﻨﺎ
ﻗﺮﺑﺖ ﻣﻨﻮ ﺑﺎﺳﺘﻮ ﻣﻦ ﺧﺪﻭ
ﻋﻴﺸﻚ ﻫﺎﺭﻭﻥ
ﺷﺪﻟﻬﺎ ﻳﺪﻫﺎ ﺑﻴﻦ ﻳﺪﻳﻪ ﻭﺑﻘﻰ ﻳﺜﺒﺖ ﻓﻲ ﻋﻴﻨﺎﻫﺎ ﺣﺲ ﻗﻠﺒﻮ ﻳﺪﻕ ﺑﺎﻟﻘﻮﻱ ﻭﺍﻟﻨﻔﺲ ﻃﺎﻟﻊ ﻫﺎﺑﻂ
ﻧﻴﺮﻭﺯ ﻋﻼﺵ ﻣﺎﺗﺤﺎﻭﻟﺶ ﺗﻠﻮﺝ ﻋﻠﻰ ﺩﺍﺭﻛﻢ؟
ﻣﺎﻧﺤﺒﺶ ﻫﻮﻣﺎ ﻃﻴﺸﻮﻧﻲ ﻭﻗﺘﻠﻲ ﺃﻧﺎ ﻣﺴﺘﺤﻘﺘﻬﻢ ﺗﻮﺍ ﺃﻧﺎ ﻣﺤﺸﺘﻴﺶ ﺑﺎﻫﻢ
ﻫﺰ ﻳﺪﻭ ﻋﺪﺍﻫﺎ ﻋﻠﻰ ﻋﻴﻨﻴﻬﺎ ﻳﻤﺴﺤﻠﻬﺎ ﻓﻲ ﺩﻣﻮﻋﻬﺎ ﻭﻗﺮﺑﻠﻬﺎ ﺷﻮﻳﺔ ﻋﻨﻘﻬﺎ ﺑﻘﻮﺓ ﻳﺤﺲ ﻓﺎﻫﺎ ﺗﺘﻬﺰ ﻭﺗﺘﺤﻂ ﻓﻴﺒﺎﻟﻮ ﺗﺒﻜﻲ ﻛﻲ ﺑﻌﺪﻫﺎ ﻟﻘﺎﻫﺎ ﺗﻀﺤﻚ ﺑﻘﻰ ﻳﻐﺰﺭﻟﻬﺎ ﻣﺴﺘﻐﺮﺏ
ﺷﻨﻮﺓ ﺍﻟﻠﻲ ﻳﻀﺤﻚ ﻓﻴﻚ؟
ﻫﺰﺕ ﻳﺪﻫﺎ ﺗﻤﺴﺢ ﻓﻲ ﻋﻴﻨﺎﻫﺎ
ﻣﺶ ﺗﺤﺲ ﺭﻭﺣﻚ ﺣﺮﻗﺖ ﺍﻟﻤﺮﺍﺣﻞ
ﻃﺒﺲ ﺭﺍﺳﻮ ﻛﻼﻣﻬﺎ ﺻﺤﻴﺢ ﻫﻮ ﺣﺮﻕ ﺍﻟﻤﺮﺍﺣﻞ ﺍﻟﻜﻞ ﻣﻴﺤﺒﺶ ﻳﻔﺮﺽ ﺭﻭﺣﻮ ﻋﻼﻫﺎ ﺃﻣﺎ ﻣﻴﻨﺠﻤﺶ ﻳﻘﺎﻭﻡ ﺇﺣﺴﺎﺳﻮ ﻗﺪﺍﻣﻬﺎ
ﻛﺎﻥ ﺃﻧﺎ ﺣﺮﻗﺖ ﺍﻟﻤﺮﺍﺣﻞ ﺭﺍﻙ ﺇﻧﺖ ﺣﺮﻗﺘﻠﻲ ﻣﺨﻲ ﺃﺻﻞ
ﺷﺪﻟﻬﺎ ﻳﺪﺍﻫﺎ ﺍﻟﺰﻭﺯ ﺑﻴﺪﻭ...
ﺗﻌﺮﻑ ﻧﻴﺮﻭﺯ ﺃﻭﻝ ﻧﻬﺎﺭ ﺷﻔﺘﻚ ﺑﻌﺪ ﻣﺎ ﻭﺻﻠﺘﻚ ﺣﺘﻰ ﺍﻟﻌﺸﺎﺀ ﻣﻨﺠﻤﺘﺶ ﻧﺘﻌﺸﻰ ﻣﺨﻲ ﺧﻠﻴﺘﻮ ﻋﻨﺪﻙ ﺍﻟﺒﺎﺭﺡ ﻛﻲ ﺷﻔﺘﻚ ﺣﺴﻴﺖ ﺑﻔﺮﺣﺔ ﻏﻴﺮ ﻋﺎﺩﻳﺔ ﻣﺒﻌﺪ ﻛﻴﻒ ﻋﺎﻭﺩﺕ ﺭﻳﺘﻚ ﺃﻭﻝ ﻣﺮﺓ ﻓﻲ ﺣﻴﺎﺗﻲ ﻧﺨﻠﻂ ﻭﺭﺍﺀ ﻃﻔﻠﺔ ﻭﻛﻲ ﻃﻠﺒﺖ ﻣﺤﻤﺪ ﻓﻲ ﺍﻟﻠﻴﻞ ﻫﺒﻠﺖ ﻓﻴﺒﺎﻟﻲ ﺻﺎﺭﺗﻠﻚ ﺣﺎﺟﺔ
ﺑﻘﺎﺕ ﺗﻐﺰﺭﻟﻮ ﺩﻣﻮﻋﻬﺎ ﻫﺎﺑﻄﺔ ﻣﺶ ﻣﺘﻌﻮﺩﺓ ﺗﻠﻘﻰ ﻧﺎﺱ ﺗﺨﺎﻑ ﻋﻼﻫﺎ ﻭﺗﺤﺒﻬﺎ ﻭﻫﻮﻣﺎ ﻳﻌﺮﻓﻮ ﺣﻘﻴﻘﺘﻬﺎ ﺣﺴﺖ ﺍﻟﻠﻲ ﻫﻴﺎ ﻋﻨﺪﻫﺎ ﻗﻴﻤﺔ ﺗﺴﻤﻊ ﻓﻲ ﻛﻼﻡ ﻫﺎﺭﻭﻥ ﺣﺴﺘﻮ ﺻﺎﺩﻕ ﺍﻟﻜﻼﻡ ﺧﺎﺭﺝ ﻣﻦ ﻗﻠﺒﻮ ﺑﺮﻏﻢ ﻳﻌﺮﻑ ﺍﻟﻠﻲ ﻫﻴﺎ ﻣﺘﻌﺮﻓﺶ ﺣﺘﻰ ﺃﺻﻠﻬﺎ .
ﻭ ﺑﻜﺎﻳﺔ ﺯﺍﺩﺓ؟؟
ﻫﺰﺕ ﻳﺪﻫﺎ ﻣﺴﺤﺖ ﻋﻴﻨﺎﻫﺎ ﻭﺿﺤﻜﺖ
ﻻ ﻣﺎﻧﻴﺶ ﺑﻜﺎﻳﺔ ﺃﻣﺎ ﻣﺶ ﻣﺘﻌﻮﺩﺓ ﻋﺎﻟﺮﻭﻣﻨﺴﻴﺔ
ﻋﻼﺵ ﻋﻤﺮﻙ ﻣﺎ ﺣﺒﻴﺖ
ﺣﺒﻴﺖ ﻣﺮﺓ ﺃﻣﺎ ﺣﺐ ﻣﺘﻊ ﺻﻐﺮ
ﻫﻬﻪ ﺍﻟﻠﻲ ﻳﺴﻤﻊ ﻳﻘﻮﻝ ﻋﻤﺮﻙ ﺧﻤﺴﻴﻦ ﺳﻨﺔ ﻭﻋﻼﺵ ﻣﻜﻤﻠﺘﻮﺵ
ﺧﺎﺗﺮ ﻛﺎﻥ ﻣﻌﺎﻳﺎ ﻓﻲ ﺍﻟﻤﻠﺠﺄ ﻛﻨﺎ ﺩﻳﻤﺎ ﻧﺘﻌﺎﻗﺒﻮ ﺧﺎﺗﺮ ﻳﻌﺮﻓﻮﻧﺎ ﻧﺤﺒﻮ ﺑﻌﻀﻨﺎ ﻛﻲ ﻟﻘﻰ ﻋﺎﻳﻠﺘﻮ ﻣﻦ ﻭﻗﺘﻬﺎ ﻣﺸﻰ ﻣﺎﺭﺟﻌﺶ
ﺣﻂ ﻳﺪﻭ ﻋﻠﻰ ﺭﻗﺒﺘﻬﺎ ﺟﺒﺪﻟﻬﺎ ﺭﺍﺳﻬﺎ ﺑﺸﻮﻳﺔ
ﻣﻼ ﺭﺍﺣﺔ ﻫﺎﻭ ﺧﻼﻙ ﻟﻴﺎ ﺃﻧﺎ
ﻗﺺ ﻋﻼﻫﻢ ﺻﻮﺕ ﺍﻟﺘﺎﻟﻴﻔﻮﻥ ﻣﺤﻤﺪ ﻃﻠﺒﻮ ﺧﻼﺗﻮ ﻳﺤﻜﻲ ﻓﻲ ﺍﻟﺘﺎﻟﻴﻔﻮﻥ ﻭﻗﺎﻣﺖ ﺗﻤﺪ ﻓﻲ ﻛﺎﺱ ﺍﻟﻌﺼﻴﺮ ﻣﻦ ﻓﻮﻕ ﺍﻟﻄﺎﻭﻟﺔ ﻛﻲ ﺩﺍﺭﺕ ﻋﻴﻨﻴﻪ ﺗﺮﺷﻘﺖ ﻓﻲ ﺭﻗﺒﺘﻬﺎ ﺑﻘﻰ ﻳﺜﺒﺖ ﻓﺎﻫﺎ ﻛﻲ ﺩﺍﺭﺕ ﻟﻘﺎﺗﻮ ﻳﻐﺰﺭﻟﻬﺎ ﻭ ﻳﺤﻜﻲ ﺑﻘﺎﺕ ﺗﻐﺰﺭﻟﻮ ﺑﺎﻫﺘﺔ ﻋﻠﻖ ﺍﻟﺘﺎﻟﻴﻔﻮﻥ ﻭ ﻗﺎﻡ ﻣﻦ ﺑﻼﺻﺘﻮ
ﻧﻴﺮﻭﺯ ﻳﺎﺧﻲ ﻣﻮﺷﻤﺔ ﻓﻲ ﺭﻗﺒﺘﻚ؟
ﺑﻘﺎﺕ ﺗﻐﺰﺭﻟﻮ ﺷﻮﻳﺔ ﻣﺒﻌﺪ ﺗﻄﺮﺷﻘﺖ ﺑﺎﻟﻀﺤﻚ ﻭﺟﻬﺎ ﺣﻤﺎﺭ ﻭﺷﺪﺗﻬﺎ ﺍﻟﻜﺤﺔ ﺷﺮﺑﺖ ﺷﻮﻳﺔ ﻣﻦ ﺍﻟﻌﺼﻴﺮ
ﺗﻌﺮﻑ ﻫﺎﺭﻭﻥ ﻣﻠﻲ ﻛﺒﺮﺕ ﺳﺒﺐ ﻣﺸﺎﻛﻠﻲ ﺍﻟﻮﺣﻤﺔ ﺍﻟﻠﻲ ﻓﻲ ﺭﻗﺒﺘﻲ ﺍﻟﻠﻲ ﻳﺸﻮﻓﻬﺎ ﻓﻴﺒﺎﻟﻮ ﻭﺷﺎﻡ
ﻫﺰﺕ ﺷﻌﺮﻫﺎ ﻭﺩﺍﺭﺗﻠﻮ ﺑﻘﻰ ﻳﺜﺒﺖ ﻓﺎﻫﺎ
ﺳﺒﺤﺎﻥ ﺭﺑﻲ ﺗﻘﻮﻝ ﺑﻠﺤﻖ ﻣﺶ ﻭﺣﻤﺔ ﻧﻌﺮﻑ ﺍﻟﻨﺴﺎﺀ ﻳﺘﻮﺣﻤﻮ ﻋﻠﻰ ﻓﺮﺍﺯ ﻋﻠﻰ ﺩﻻﻉ ﺃﻣﻚ ﻣﺘﻮﺣﻤﺔ ﻋﻠﻰ ﻧﺴﺮ !!!
ﺭﻳﺖ ﺑﻼﻫﻲ ﻋﻤﺮﻱ ﻛﻞ ﻭ ﺃﻧﺎ ﻧﻌﻤﻞ ﻋﻼﻫﺎ ﻓﻲ ﺍﻟﻌﺮﻙ ﺗﻌﺮﻑ ﺍﻟﻠﻲ ﻳﺸﻮﻓﻬﺎ ﻳﻘﻮﻟﻲ ﻣﺴﺘﺤﻴﻞ ﺗﻜﻮﻥ ﻭﺣﻢ
ﻫﺒﻄﺖ ﺷﻌﺮﻫﺎ ﻭﺩﺍﺭﺗﻠﻮ
ﻋﺎﺩﻱ ﺩﻟﻮﻝ ﻓﻲ ﺍﻟﺪﻧﻴﺎ ﻫﺎﺫﻱ ﺗﻨﺠﻢ ﺗﺸﻮﻑ ﻛﻞ ﺷﻲ ﻭ ﺭﺑﻲ ﻗﺎﺩﺭ ﻋﻠﻰ ﻛﻞ ﺷﻲ
ﺳﻤﻌﺖ ﺳﻨﺪﺱ ﺗﻌﻴﻄﻠﻬﺎ ﻣﺸﺎﺗﻠﻬﺎ
ﻧﻴﺮﻭﺯ ﺗﺎﻟﻴﻔﻮﻧﻚ ﻣﻠﻲ ﺷﺎﺡ ﺣﻠﻴﺘﻮ ﺗﻮﺍ ﺩﺧﻠﺖ ﻛﺎﻥ ﻳﻨﻮﻗﺰ
ﺧﺬﺍﺕ ﺍﻟﺘﺎﻟﻴﻔﻮﻥ ﻣﻦ ﻳﺪﻫﺎ ﻟﻘﺎﺕ ﻧﻮﻣﺮﻭ ﺍﻟﻤﻠﺠﺄ ﻃﺎﻟﺒﻴﻨﻬﺎ ﻋﺸﺮﺓ ﻣﺮﺍﺕ ﺗﻔﺠﻌﺖ ﻓﻴﺒﺎﻟﻬﺎ ﺩﺭﺍ ﺷﺼﺎﺭ ﻃﻠﺒﺘﻬﻢ ﻭﺳﻨﺪﺱ ﺑﻘﺎﺕ ﻭﺍﻗﻔﺔ ﺑﺤﺬﺍﻫﺎ
ﻭﻱ ﻣﺪﺍﻡ ﻋﺎﻳﺪﺓ
ﻧﻴﺮﻭﺯ ﻟﺒﺎﺱ؟
ﺣﻤﺪﻟﻠﻪ ﻟﺒﺎﺱ ﺇﻧﺖ؟
ﺣﻤﺪﻟﻠﻪ ﻋﻴﺶ ﺑﻨﺘﻲ ﻭﻳﻨﻚ ﻧﻴﺮﻭﺯ؟
ﻗﺎﻋﺪﺓ ﺑﺤﺬﺍ ﻣﺴﻴﻮ ﻣﺤﻤﺪ ﻭﻣﺮﺗﻮ
ﺑﺎﻫﻲ ﺗﻨﺠﻢ ﺗﻌﻄﻴﻨﻲ ﻧﻮﻣﺮﻭﻩ
ﻋﻼﺵ؟
ﻧﻴﺮﻭﺯ ﻣﺘﺨﺎﻓﺶ ﻣﺘﻨﺴﺎﺵ ﺍﻟﻠﻲ ﺇﻧﺖ ﺑﻨﺘﻨﺎ ﺗﺮﺑﻴﺖ ﻋﻨﺪﻧﺎ ﻭﻣﻦ ﻭﺍﺟﺒﻨﺎ ﻧﻄﻤﻨﻮ ﻋﻠﻴﻚ
ﻫﺒﻄﺖ ﺍﻟﺘﺎﻟﻴﻔﻮﻥ ﻣﻦ ﻳﺪﻫﺎ ﻭﻏﺰﺭﺕ ﻟﺴﻨﺪﺱ
ﺍﻟﻤﻠﺠﺄ ﻳﺤﺒﻮ ﻳﺎﺧﺬﻭ ﻧﻮﻣﺮﻭ ﻣﺴﻴﻮ
ﺇﻱ ﺃﻋﻄﺎﻫﻢ ﻣﻴﺴﺎﻟﺶ
ﻫﺰﺕ ﺍﻟﺘﺎﻟﻴﻔﻮﻥ ﻣﻠﺖ ﻋﻼﻫﺎ ﺍﻟﻨﻮﻣﺮﻭ ﻭﻋﻠﻘﺖ
ﻣﻔﻬﻤﺘﺶ ﺗﻮﺍ ﻫﻮﻣﺎ ﻃﺮﺩﻭﻧﻲ ﻋﻼﺵ ﻣﺰﺍﻟﻮ ﻳﺴﺄﻟﻮ ﻋﻠﻴﺎ
ﻃﺮﺩﻭﻙ؟؟
ﺇﻱ ﻃﺮﺩﻭﻧﻲ ﺧﺎﺗﺮ ﻓﺘﺖ ﺍﻟﺴﻦ ﺍﻟﻘﺎﻧﻮﻧﻲ
ﺟﺒﺪﺗﻠﻬﺎ ﻛﺮﺳﻲ
ﺃﻗﻌﺪ ﻧﻴﺮﻭﺯ ﺃﺣﻜﻴﻠﻲ ﺃﻧﺎ ﻛﻴﻒ ﺃﺧﺘﻚ ﻧﺤﺐ ﻧﻌﺮﻑ ﻛﻴﻔﺎﺵ ﻃﺮﺩﻭﻙ ﻭﺷﻨﻮﺓ ﺍﻟﻠﻲ ﺻﺎﺭﻟﻚ ﺍﻟﺒﺎﺭﺡ
ﺑﻘﺎﺕ ﺑﺤﺬﺍﻫﺎ ﺣﻜﺎﺗﻠﻬﺎ ﻛﻞ ﺷﻲ ﺣﺘﻰ ﻋﻠﻰ ﺣﻜﺎﻳﺔ ﻣﺮﻭﻯ
ﻳﻠﻢ ﻓﻲ ﺩﺑﺸﻮ ﺑﺶ ﻳﻤﺸﻲ ﻟﺼﺎﻟﺔ ﺍﻷﺳﺎﺗﺬﺓ ﻭﺳﻤﻊ ﺗﺎﻟﻴﻔﻮﻧﻮ ﻳﻨﻮﻗﺰ ﻛﻲ ﺟﺒﺪﻭ ﻟﻘﻰ ﻧﻮﻣﺮﻭ ﻓﻴﻜﺲ
ﺃﻟﻮ
ﻋﺴﻼﻣﺔ ﻣﺴﻴﻮ ﻣﺤﻤﺪ
ﻭﻱ ﺷﻜﻮﻥ
ﺃﻧﺎ ﻋﺎﻳﺪﺓ ﻣﺪﻳﺮﺓ ﺍﻟﻤﻠﺠﺄ ﺍﻟﻠﻲ ﻛﺎﻧﺖ ﻓﻴﻪ ﻧﻴﺮﻭﺯ ﺣﻜﻴﻨﺎ ﺍﻟﺒﺎﺭﺡ
ﻣﺮﺣﺒﺎ ﺃﻣﺎ ﺳﻤﺤﻨﻲ ﺭﺍﻙ ﻏﺎﻟﻄﺔ ﻣﺤﻜﻴﻨﺎﺵ ﺍﻟﺒﺎﺭﺡ ﺃﻧﺎ ﺃﻭﻝ ﻣﺮﺓ ﻧﺤﻜﻲ ﻣﻌﺎﻙ ﺃﺻﻼ ﻣﺎﺯﻟﺖ ﻛﻲ ﻋﺮﻓﺖ ﺍﻟﻠﻲ ﻧﻴﺮﻭﺯ ﻛﺎﻧﺖ ﺗﻌﻴﺶ ﻓﻲ ﺍﻟﻤﻠﺠﺄ
ﺳﻜﺘﺖ ﺷﻮﻳﺔ ﻣﺒﻌﺪ ﺗﺪﺍﺭﻛﺖ ﺍﻟﻤﻮﻗﻒ ﻓﻴﺒﺎﻟﻬﺎ ﻫﻮ ﻧﺴﻰ
ﺳﻲ ﻣﺤﻤﺪ ﺃﻧﺎ ﻃﻠﺒﺘﻚ ﺑﺶ ﻧﺤﻜﻴﻠﻚ ﻋﻠﻰ ﻧﻴﺮﻭﺯ ﻫﻴﺎ ﻋﻤﺮﻫﺎ ﻛﻞ ﺭﺍﻓﻀﺔ ﺣﺘﻰ ﺗﻌﺮﻑ ﺃﻱ ﺣﺎﺟﺔ ﻋﻞ ﻋﺎﻳﻠﺘﻬﺎ ﻭﺗﻮﺍ ﻳﻠﺰﻣﻬﺎ ﺗﻌﺮﻑ ﺍﻟﻀﺮﻭﻑ ﺍﻟﺤﻘﻴﻘﺔ ﻭﺭﺍ ﺩﺧﻮﻟﻬﺎ ﻟﻠﻤﻠﺠﺄ ﺃﻣﺎ ﺍﻟﻜﻼﻡ ﻫﺎﺫﺍ ﻣﺎ ﻳﺠﻴﺶ ﻓﻲ ﺍﻟﺘﺎﻟﻴﻔﻮﻥ ﻳﻠﺰﻣﻚ ﺗﺠﻴﻨﻲ ﻟﻠﻤﻠﺠﺄ ﺑﺶ ﺗﻔﻬﻢ
ﺧﺬﺍ ﻣﻦ ﻋﻨﺪﻫﺎ ﺍﻷﺩﺭﻳﺴﺔ ﻛﻤﻞ ﻟﻢ ﺩﺑﺸﻮ ﻛﻴﻒ ﺟﺎ ﺧﺎﺭﺝ ﺧﻠﻂ ﻭﺭﺍﻩ ﻃﻔﻞ ﻳﻘﺮﺍ ﻋﻨﺪﻭ
ﻣﺴﻴﻮ ﻣﺮﻭﺡ؟
ﻻ ﻋﺎﻃﻒ ﻋﻨﺪﻱ ﻗﻀﻴﺔ ﻭﺍﻟﻌﺸﻴﺔ ﻧﻘﺮﻱ ﻋﻼﺵ؟
ﻣﺪﻟﻮ ﺟﻮﺍﺏ
ﻣﺴﻴﻮ ﻫﺎﺫﻡ ﺍﻟﻔﻠﻮﺱ ﺑﺶ ﻛﺎﻥ ﻧﻴﺮﻭﺯ ﺗﺴﺘﺤﻖ ﺃﻱ ﺣﺎﺟﺔ
ﺭﺟﻌﻠﻮ ﺍﻟﺠﻮﺍﺏ ﻭﺗﺒﺴﻢ
ﻣﺘﺨﺎﻓﺶ ﻋﺎﻃﻒ ﻧﻴﺮﻭﺯ ﻫﺎﻱ ﻋﻨﺪﻱ ﻣﺘﺴﺘﺤﻖ ﺷﻲ
ﺃﻣﺎﻥ ﻣﺴﻴﻮ ﻫﺎﺫﻡ ﻣﺶ ﺻﺪﻗﺔ ﻫﺎﺫﻡ ﻣﺶ ﻓﻠﻮﺳﻲ ﻭﺣﺪﻱ ﻣﺘﻊ ﻛﻼﺱ ﻛﺎﻣﻞ ﺧﻮﺫﻫﻢ ﻣﺴﻴﻮ ﻗﻠﻬﺎ ﻛﺎﺩﻭ ﻣﻦ ﻋﻨﺪ ﺻﺤﺎﺑﻚ ﻣﻨﺤﺒﻮﻫﺎ ﺗﺴﺘﺤﻖ ﻟﺸﻲ ﺯﻳﺪ ﺃﻛﻴﺪ ﺗﺤﺸﻢ ﺑﺶ ﺗﻄﻠﺐ ﻣﻨﻚ
ﺧﺬﺍ ﻣﻦ ﻳﺪﻭ ﺍﻟﺠﻮﺍﺏ ﻭﻗﻠﺒﻮ ﺑﺶ ﻳﻄﻴﺮ ﺑﺎﻟﻔﺮﺣﺔ ﺷﺎﻓﻬﻢ ﻗﺪﺍﺵ ﻳﺤﺒﻮ ﻧﻴﺮﻭﺯ ﻭﻳﺨﺎﻓﻮ ﻋﻼﻫﺎ ﻫﺎﺫﺍ ﺍﻟﺸﻲ
ﻗﺎﻋﺪﺓ ﻧﻘﻴﺲ ﻓﻲ ﺍﻟﺤﻮﺍﻳﺞ ﺍﻟﻠﻲ ﻋﻄﺎﺗﻬﻤﻠﻲ ﺳﻨﺪﺱ
ﻣﺪﻟﻬﺎ ﺗﺎﺑﻼﺕ ﺷﺪ ﻫﺎﻧﻲ ﺟﺒﺘﻠﻚ ﺍﻟﺘﺎﺑﻼﺕ ﻣﺘﺎﻋﻲ ﻭﺳﻊ ﺑﺎﻟﻚ ﺑﺎﻫﺎ ﺍﻟﻌﺸﻴﺔ ﺑﺶ ﻧﺨﺮﺝ ﺃﻧﺎ ﻭﻳﺎﻙ ﺑﻄﺒﻴﻌﺔ ﻛﺎﻥ ﺗﺤﺐ
ﺣﻄﺖ ﺻﺒﻌﻬﺎ ﻋﻠﻰ ﺧﺪﻫﺎ ﻭ ﻋﻮﺟﺖ ﻓﻤﻬﺎ
ﺗﻮ ﻧﺨﻤﻢ ﻭﻧﻘﻠﻚ
ﺩﺧﻞ ﻭ ﺳﻜﺮ ﺍﻟﺒﺎﺏ ﻭﺭﺍﻩ ﺟﺒﺪﻫﺎ ﻣﻦ ﻳﺪﻫﺎ ﺑﺸﻮﻳﺔ
ﻓﺎﺵ ﺗﺨﻤﻢ؟
ﻧﺨﻤﻢ ﺑﺶ ﻧﺨﺮﺝ ﻣﻌﺎﻙ ﻭﻻ
ﺯﺍﺩ ﺟﺒﺪﻫﺎ ﺑﺸﻮﻳﺔ
ﺑﻼﻫﻲ ﻋﻼﺵ ﻋﻨﺪﻙ ﺷﻜﻮﻥ ﺑﺶ ﺗﻘﺎﺑﻞ
ﻋﻮﺟﺖ ﺭﺍﺳﻬﺎ
ﺗﻮ ﻧﺸﻮﻑ ﺭﻧﺪﻳﻔﻮﺍﺗﻲ ﺗﻮ ﻧﺸﻮﻑ ﻛﺎﻥ ﻋﻨﺪﻱ ﻧﺺ ﺳﺎﻋﺔ ﻣﺘﻔﺎﺿﻴﺔ
ﻣﺰﺍﻟﺖ ﺑﺶ ﺗﺴﻴﺐ ﺑﻼﺩﺗﻬﺎ ﻫﺰﻫﺎ ﻋﻠﻰ ﻛﺘﻔﻮ ﻗﻠﺒﻬﺎ ﻟﺘﺎﻟﻲ ﺷﻌﺮﻫﺎ ﻟﻮﻃﺔ ﺗﺸﻮﻑ ﻓﻲ ﺍﻟﺪﻧﻴﺎ ﻛﻞ ﻣﻘﻠﻮﺑﺔ ﺗﻀﺮﺏ ﻓﻴﻪ ﻋﻠﻰ ﺿﻬﺮﻭ ﻭﺗﻀﺤﻚ
ﻛﻴﻔﺎﺵ ﻣﺎﻻ ﺑﺶ ﺗﺸﻮﻓﻠﻲ ﻧﺺ ﺳﺎﻋﺔ !!!
ﺗﻲ ﻫﺒﻄﻨﻲ ﻭﺍﻟﻠﻪ ﻧﻔﺬﻟﻚ ﺃﻣﺎﻥ ﺍﻟﺪﻧﻴﺎ ﺍﻟﻜﻞ ﻣﻘﻠﻮﺑﺔ ﺣﺎﺳﺔ ﺭﻭﺣﻲ ﺑﺶ ﻧﺪﻭﺥ
ﻻﻻ ﻣﻔﻤﺎﺵ ﻫﺒﻮﻁ ﺇﻟﻤﺎ ﺗﻘﻠﻲ ﺳﻤﺤﻨﻲ
ﻻ ﻣﻨﻘﻮﻟﺶ ﻭﻫﺒﻄﻨﻲ ﺧﻴﺮﻟﻚ
ﺑﻼﻫﻲ ﺗﻬﺪﺩ ﻓﻴﺎ !! ﺃﻳﺎ ﻣﻔﻤﺎﺵ ﻫﺒﻮﻁ ﻭﺭﻳﻨﻲ ﺷﻨﻮﺓ ﺑﺶ ﺗﻌﻤﻞ
ﺻﺎﺣﺖ ﻋﻠﻰ ﻃﻮﻝ ﺻﻮﺗﻬﺎ
ﺗﺎﺗﺎ ﺑﻴﺔ ﺇﻳﺠﺎ ﻟﻬﺎﺭﻭﻥ ﺭﺍﻫﻮ ﻳﻀﺮﺏ ﻓﻴﺎ
ﻣﻦ ﺍﻟﺮﺑﺜﺔ ﺑﺶ ﻳﻬﺒﻄﻬﺎ ﻃﻴﺤﻬﺎ ﻗﺎﻣﺖ ﺗﺠﺮﻱ ﻃﻠﻌﺖ ﻓﻮﻕ ﺍﻟﻔﺮﺵ ﺧﺮﺟﺖ ﻟﺴﺎﻧﻬﺎ ﻳﺴﻤﻊ ﻓﻲ ﺻﻮﺕ ﺃﻣﻮ ﺗﻌﻴﻂ
ﻫﺎﺭﻭﻥ ﺳﻴﺐ ﺃﺧﺘﻚ ﻳﺰﻱ ﻣﻦ ﺑﻼﺩﺗﻚ
ﺳﻤﻌﺖ ﻫﺎﺭﻭﻥ ﺗﺎﺗﺎ ﺑﻴﺔ ﺷﻘﺎﻟﺘﻠﻚ ﺳﻴﺐ ﺃﺧﺘﻚ ﻫﻬﻪ
ﺑﺎﻫﻲ ﻳﺎ ﻧﻴﺮﻭﺯ ﻫﺎﻙ ﺭﺑﺤﺘﻨﻲ ﻛﻤﺒﺼﺘﻬﺎﻟﻲ ﻣﻊ ﺑﻴﺔ ﺃﻳﺎ ﺇﻧﺖ ﺃﺧﺘﻲ ﺃﺑﻘﻰ ﺃﺧﺘﻲ ﻭﻟﻮﺝ ﺷﻜﻮﻥ ﻳﺨﺮﺟﻚ ﻟﻌﺸﻴﺔ
ﺳﻤﻌﺖ ﻛﻠﻤﺔ ﺧﺮﻭﺝ ﻧﻘﺰﺕ ﺗﺠﺮﻱ ﺟﺎﺕ ﻗﺪﺍﻣﻮ
ﺑﺶ ﺗﺨﺮﺟﻨﻲ؟
ﻛﻨﺖ ﺃﻣﺎ ﺗﻮﺍ ﺑﻄﻠﺖ
ﺫﺑﻠﺖ ﻋﻴﻨﺎﻫﺎ ﺗﺴﺨﻒ ﻓﻴﻪ
ﺃﻣﺎﻥ ﻋﻼﺵ
ﺧﺎﺗﺮﻙ ﺃﺧﺘﻲ ﻭﺃﻧﺎ ﺣﺮ
ﻃﻠﻌﺖ ﻋﻠﻰ ﺗﺮﺍﺗﺶ ﺻﻮﺍﺑﻌﻬﺎ ﺑﺎﺳﺘﻮ ﻣﻦ ﺧﺪﻭ
ﺃﻣﺎﻥ ﻫﺎﺭﻭﻥ ﺧﺮﺟﻨﻲ
ﻃﺒﺲ ﻋﻴﻨﻴﻪ ﻳﻐﺰﺭﻟﻬﺎ ﺷﺎﺩﺩ ﺿﺤﻜﺘﻮ ﺑﺴﻴﻒ
ﻧﻌﻤﺒﻮ ﻋﻤﺮﻱ ﻣﻨﺠﻢ ﻧﻌﻤﻞ ﺷﻲ ﻗﺪﺍﻡ ﻋﻴﻨﻴﻚ ﻓﻴﺴﻊ ﺑﺪﻝ ﺣﻮﺍﻳﺠﻚ ﺳﺎﻋﺔ ﻭﻧﺮﺟﻌﻠﻚ
ﺧﺮﺝ ﺗﻌﺪﻯ ﻟﻠﻜﻮﺟﻴﻨﺔ ﻛﻠﻢ ﺃﻣﻮ ﻗﺎﻟﻠﻬﺎ ﺑﺶ ﻳﺨﺮﺝ ﻧﻴﺮﻭﺯ ﻭﻗﻔﺖ ﻗﺪﺍﻡ ﺍﻟﺤﻮﺍﻳﺞ ﻓﻲ ﻳﺪﻫﺎ ﺍﻟﺘﺎﺑﻼﺕ ﺣﺎﻟﺔ ﺍﻟﻔﺎﻳﺴﺒﻮﻙ ﻓﻲ ﻧﻔﺲ ﺍﻟﻮﻗﺖ ﺗﺨﺘﺎﺭ ﻓﻲ ﺣﻮﺍﻳﺞ ﺑﺶ ﺗﺨﺮﺝ ﺑﺎﻫﻢ ﻫﺰﺕ ﺳﺮﻭﺍﻝ ﻭﻣﺮﻳﻮﻝ ﻭﻛﺒﻮﺕ ﺃﺯﺭﻕ ﺷﺮﺍﺗﻬﻢ ﺳﻨﺪﺱ ﺟﺪﺩ ﻋﻄﺎﺗﻬﻤﻠﻬﺎ ﻗﻌﺪﺕ ﻋﺎﻟﻔﺮﺵ ﺗﻠﺒﺲ ﻭ ﺗﻐﺰﺭ ﻟﻠﺘﺎﺑﻼﺕ ﻛﻲ ﺷﺎﻓﺖ ﺍﻟﻠﻲ ﺟﺎﻭﻫﺎ ﺑﺮﺷﺎ ﻣﻴﺴﺎﺟﺎﺕ ﻛﻤﻠﺖ ﻟﺒﺴﺖ ﻭﻗﻌﺪﺕ ﻋﺎﻟﻔﺮﺵ ﺣﻠﺖ ﺍﻟﻤﻴﺴﺎﺟﺎﺕ ﺑﻘﺎﺕ ﻣﺼﺪﻭﻣﺔ ﻋﻤﺮﻫﺎ ﻣﺎﺻﺎﺭﺗﻠﻬﺎ ﻣﻴﺴﺎﺟﺎﺕ ﻛﻼﻡ ﺧﺎﻳﺐ ﻭﺳﺒﺎﻥ ﻣﻦ ﻋﻨﺪ ﺃﻭﻻﺩ ﻗﺮﺍﺕ ﻣﻴﺴﺎﺝ ﻃﻔﻞ ﻗﺎﻟﻠﻬﺎ ﻧﺤﻲ ﺗﺼﺎﻭﺭﻙ ﻣﻦ ﺍﻟﺒﺎﺝ ﻭ ﻛﺘﺒﻠﻬﺎ ﺇﺳﻢ ﺍﻟﺒﺎﺝ ﻛﺎﻥ ﻋﻨﺪﻙ ﻓﺴﺎﺩ ﺳﻴﺒﻮ ﺑﻌﻴﺪ ﺩﺧﻠﺖ ﺗﺠﺮﻱ ﻟﻠﺒﺎﺝ ﺣﺴﺖ ﻗﻠﺒﻬﺎ ﺑﺶ ﻳﺨﺮﺝ ﺍﻟﺒﺎﺝ ﻛﻞ ﻣﻠﻴﺎﻧﺔ ﺑﺘﺼﺎﻭﺭﻫﺎ ﺑﺮﻏﻢ ﺍﻟﺘﺼﺎﻭﺭ ﻣﻔﺎﻫﻢ ﺷﻲ ﺧﺎﻳﺐ ﺃﻣﺎ ﺍﻟﻜﻼﻡ ﺍﻟﻠﻲ ﻣﻜﺘﻮﺏ ﻋﻼﻫﻢ ﺧﺎﻳﺐ ﻳﺪﺍﻫﺎ ﻛﻠﻬﺎ ﺗﺮﻋﺶ ﺷﻄﺮ ﺍﻟﺘﺼﺎﻭﺭ ﻫﻴﺎ ﻭﻣﺮﻭﻯ ﻭ ﺍﻟﻠﻲ ﺻﺪﻣﻬﺎ ﺇﻧﻮ ﺍﻟﺘﺼﺎﻭﺭ ﺧﺮﺟﻮ ﻣﻦ ﻓﺎﻳﺴﺒﻮﻛﻬﺎ ﻫﻴﺎ ﺗﻔﺴﺦ ﻳﻘﻌﺪﻭ ﺷﻮﻳﺔ ﻭﻳﺮﺟﻌﻮ ﻗﻠﺒﻬﺎ ﺑﺶ ﻳﺨﺮﺝ ﻣﺎﻟﺨﻮﻑ ﻫﻴﺎ ﻣﺶ ﻧﺎﻗﺼﺔ ﺗﻮ ﺗﻮﻟﻲ ﺑﻠﺤﻖ ﺑﻨﺖ ﺣﺮﺍﻡ ﻓﺪﺕ ﻫﻴﺎ ﺗﻔﺴﺦ ﻭﻫﻮﻣﺎ ﻳﺮﺟﻌﻮ ﺟﺒﺪﺕ ﺗﺎﻟﻴﻔﻮﻧﻬﺎ ﺑﺪﻧﻬﺎ ﻛﻞ ﻳﺮﻋﺶ ﻃﻠﺒﺖ ﻣﺮﻭﻯ ﺑﻘﺎﺕ ﺷﻮﻳﺔ ﻭﻫﺰﺕ ﻋﻼﻫﺎ
ﻣﺮﻭﻯ ﺇﺟﺮﻱ ﻣﺼﻴﺒﺔ ﻫﺒﻄﺖ ﻋﻠﻴﻨﺎ
ﺻﺤﻴﺘﻚ ﻟﻼ ﻧﻴﺮﻭﺯ ﺃﻧﺎ ﻗﻠﺖ ﺃﺧﺘﻲ ﻭﺻﺎﺣﺒﺘﻲ ﻫﻜﺎ ﺗﺸﻮﻫﻠﻲ ﻓﻲ ﺳﻤﻌﺘﻲ ﻛﺎﻥ ﺇﻧﺖ ﺗﺘﺼﺮﻑ ﻋﺎﺩﻱ ﺧﺎﺗﺮ ﻣﻌﻨﺪﻛﺶ ﻋﺎﻳﻠﺔ ﺗﺤﻜﻢ ﻓﻴﻚ ﺃﻧﺎ ﻋﻨﺪﻱ ﻋﺎﻳﻠﺔ
ﺑﻘﺎﺕ ﺗﺴﻤﻊ ﻓﺎﻫﺎ ﻣﺼﺪﻭﻣﺔ ﻣﺶ ﻓﺎﻫﻤﺔ ﺷﻲ
ﻣﺮﻭﻯ ﻓﺎﺵ ﺗﺤﻜﻲ ﻳﺎﺧﻲ؟
ﺍﺍ ﻣﺘﻌﺮﻓﺶ ﻓﺎﺵ ﻧﺤﻜﻲ ﻣﻬﺒﻄﺘﻠﻲ ﺗﺼﺎﻭﺭﻱ ﻓﻲ ﺑﺎﺟﺎﺕ ﺧﺎﻳﺒﺔ ﺗﻮﺍ ﺑﺎﺑﺎ ﺑﺶ ﻳﺸﻜﻲ ﺑﻴﻚ ﺗﻮ ﻧﻮﺭﻳﻚ
ﻓﺎﺵ ﺗﺤﻜﻲ ﻳﺎﺧﻲ ﺷﺒﻴﻚ ﺗﻲ ﺃﻧﺎ ﻛﻴﻔﻚ ﺗﻮﺍ ﺣﻠﻴﺖ ﻟﻘﻴﺖ ﺗﺼﺎﻭﺭﻱ
ﺑﻼﻫﻲ ﺗﺤﺒﻨﻲ ﺃﻧﺎ ﻧﺼﺪﻗﻚ ﺍﻟﺘﺼﺎﻭﺭ ﺧﺎﺭﺟﻴﻦ ﻣﻦ ﻓﺎﻳﺴﺒﻮﻛﻚ ﺗﻨﺠﻢ ﺗﻘﻠﻲ ﺷﻜﻮﻥ ﻋﻨﺪﻭ ﻣﻮﺩﺑﺎﺳﻚ؟
ﻣﻬﻤﺖ ﺷﻮﻳﺔ ﻣﻌﻨﺪﻫﺎ ﻋﻼﺵ ﺗﻜﺬﺏ ﻫﻴﺎ ﻣﻌﻤﻠﺖ ﺷﻲ
ﺣﺘﻰ ﺣﺪ ﻣﻌﻨﺪﻭ ﻣﻮﺩﺑﺎﺳﻲ
ﻣﺎﻻ ﺷﺒﻴﻚ ﺗﻜﺬﺏ ﻭﺗﻘﻮﻝ ﻣﺶ ﺃﻧﺎ ﺃﻧﺎ ﺑﺶ ﻧﺸﻜﻲ ﺑﻴﻚ ﻭﺭﺍﻙ ﻣﺘﺴﺨﻔﻨﻴﺶ ﺃﻛﺎ ﺍﻟﺘﻤﺜﻴﻠﻴﺔ ﺍﻟﻠﻲ ﻋﻤﻠﺘﻬﺎ ﻋﻠﻰ ﻣﺴﻴﻮ ﺃﻧﺎ ﻣﻨﺼﺪﻗﻬﺎﺵ
ﻋﻠﻘﺖ ﻭﺧﻼﺗﻬﺎ ﻣﺼﺪﻭﻣﺔ ﻣﺶ ﻣﺴﺘﻮﻋﺒﺔ ﺷﻲ
ﻫﺰﺕ ﺍﻟﻜﺒﻮﺕ ﻟﺒﺴﺘﻮ ﺟﺒﺪﺕ ﺳﺎﻛﻬﺎ ﺣﻄﺘﻮ ﻋﻠﻰ ﺟﻨﺐ ﺣﻄﺖ ﻓﻴﻪ ﺗﺎﻟﻴﻔﻮﻧﻬﺎ ﻭﺧﺮﺟﺖ ﺗﺠﺮﻱ ﺑﻴﺔ ﻭﺳﻨﺪﺱ ﻳﻌﻴﻄﻮﻟﻬﺎ ﻭﻫﻴﺎ ﻣﺶ ﺗﺴﻤﻊ ﻓﺎﻫﻢ ﺧﺮﺟﺖ ﺗﺠﺮﻱ ﺍﻟﺜﻨﻴﺔ ﻣﺘﻊ ﺳﺎﻋﺔ ﺣﺮﻗﺘﻬﺎ ﻓﻲ ﺃﺭﺑﻌﺔ ﺩﺭﺍﺝ ﻋﻠﻰ ﺳﺎﻗﻴﻬﺎ ﻭﺻﻠﺖ ﻗﺪﺍﻡ ﺍﻟﻠﻴﺴﻲ ﻃﻠﺒﺖ ﻣﺮﻭﻯ ﻣﻬﺰﺗﺶ ﻋﻼﻫﺎ ﺭﺟﻌﺖ ﺍﻟﺘﺎﻟﻴﻔﻮﻥ ﻟﺴﺎﻛﻬﺎ ﻭﺩﺧﻠﺖ ﻟﻘﺎﺕ ﻣﺮﻭﻯ ﻫﻴﺎ ﻭﻃﻔﻠﺔ ﻳﺠﺮﻳﻮ ﺑﺶ ﻳﺪﺧﻠﻮ ﻟﻠﺼﺎﻟﺔ ﺧﻠﻄﻮ ﺭﻭﺗﺎﺭ ﺧﻠﻄﺖ ﻭﺭﺍﻫﺎ ﺗﺠﺮﻱ ﺟﺒﺪﺗﻬﺎ ﻣﻦ ﻳﺪﻫﺎ
ﻧﻴﺮﻭﺯ ﺷﺘﺤﺐ ﻣﻌﺎﺩﺵ ﻭﻗﺖ ﻋﻠﻴﺎ
ﺷﻜﻮﻥ ﺍﻟﻠﻲ ﻫﺒﻂ ﺍﻟﺘﺼﺎﻭﺭ
ﺗﻮ ﻭﻗﺘﻠﻲ ﻳﻌﻴﻄﻮﻟﻚ ﻓﻲ ﺍﻟﻤﺮﻛﺰ ﻧﻌﺮﻓﻮ ﺷﻜﻮﻥ ﻫﺒﻄﻬﻢ
ﻫﺰﺕ ﻳﺪﻫﺎ ﺗﺤﺬﺭ ﻓﺎﻫﺎ ﻣﻨﻌﺮﻓﺶ ﻋﻼﺵ ﺗﺘﺼﺮﻑ ﻫﻜﺎ ﻭﻣﻴﻬﻤﻨﻴﺶ ﺑﺶ ﻧﻌﺮﻑ ﺃﻣﺎ ﺭﺩ ﺑﺎﻟﻚ ﺻﺪﻗﻨﻲ ﻣﺎﺯﻟﺖ ﻣﺘﻌﺮﻓﺶ ﺷﻨﻮﺓ ﺇﻧﺠﻢ ﻧﻌﻤﻠﻚ
ﺩﺯﺗﻬﺎ ﻭﻣﺸﺎﺕ
ﻣﺶ ﻭﺣﺪﺓ ﻛﻴﻔﻚ ﻣﻌﻨﺪﻫﺎﺵ ﺃﺻﻞ ﺑﺶ ﺗﺨﻮﻓﻨﻲ ﺭﺩ ﺑﺎﻟﻚ ﻳﺎ ﻧﻴﺮﻭﺯ ﻛﺎﻥ ﻓﻴﺒﺎﻟﻚ ﻣﺘﺤﻤﻴﺔ ﺑﻴﻪ ﺭﺍﻫﻮ ﻣﻌﻨﺪﻭ ﻣﺎ ﻳﻌﻤﻞ
ﺑﻘﺎﺕ ﻭﺍﻗﻔﺔ ﻛﺎﺑﺴﺔ ﻳﺪﻫﺎ ﺗﺴﻤﻊ ﻓﺎﻫﺎ ﻣﻦ ﺍﻟﻜﻼﻡ ﺍﻟﻠﻲ ﻗﺎﻟﺘﻮ ﺍﻟﻜﻞ ﻣﺮﻛﺰﺓ ﻛﺎﻥ ﻣﻊ ﻛﻠﻤﺔ ﻣﻌﻨﺪﻛﺶ ﺃﺻﻞ ﺭﺟﻌﺖ ﺧﻄﻮﺗﻴﻦ ﻟﺘﺎﻟﻲ ﺩﺍﺭﺗﻠﻬﺎ ﻋﻄﺎﺗﻬﺎ ﻛﻒ ﻋﻠﻰ ﻗﻮﺓ ﺟﻬﺪﻫﺎ ﻟﻴﺴﻲ ﻛﺎﻣﻞ ﺧﺮﺝ ﻳﺘﻔﺮﺝ ﻓﺎﻫﻢ
ﺭﻳﺖ ﻳﺎ ﻣﺮﻭﻯ ﻧﻴﺮﻭﺯ ﺍﻟﻠﻲ ﻣﻌﻨﺪﻫﺎﺵ ﺃﺻﻞ ﺗﻮ ﺗﺸﻮﻑ ﺷﻨﻴﺔ ﺑﺶ ﺗﻌﻤﻠﻚ ﺻﺪﻗﻨﻲ ﻳﺎ ﻣﺮﻭﻯ ﺑﺶ ﺇﻧﺪﻣﻚ
ﺧﺮﺟﺖ ﻣﻦ ﺍﻟﺒﺎﺏ ﻋﺮﺿﻬﺎ ﻣﺤﻤﺪ ﺩﺍﺧﻞ
ﻧﻴﺮﻭﺯ ﺷﺘﻌﻤﻞ ﻫﻮﻧﻲ؟
ﻭﻗﻔﺖ ﺣﺴﺖ ﺍﻟﺪﻡ ﺟﻤﺪ ﻓﻲ ﻋﺮﻭﻗﻬﺎ
ﻣﺴﻴﻮ ﺟﻴﺖ ﺑﺶ ﻧﺸﻮﻑ ﺍﻟﺒﻨﺎﺕ ﻭ ﺑﺶ ﻧﻘﻠﻬﻢ ﺭﺍﻧﻲ ﻏﺪﻭﺓ ﺟﺎﻳﺔ ﻧﻘﺮﺍ
ﺑﺎﻫﻲ ﺑﺮﺍ ﺃﺭﺟﻊ ﻟﻠﺪﺍﺭ ﺃﻧﺎ ﻧﻘﺮﻱ ﺃﺭﺑﻌﺔ ﺳﻮﺍﻳﻊ ﻣﺒﻌﺪ ﻧﺠﻲ ﺑﺶ ﻧﺤﻜﻴﻮ
ﺑﺎﻫﻲ ﻣﺴﻴﻮ
ﺧﺮﺟﺖ ﻟﺒﺮﺍ ﺑﻘﺎﺕ ﺗﻤﺸﻲ ﺑﺸﻮﻳﺔ ﺣﺎﺳﺔ ﺭﻭﺣﻬﺎ ﺑﺶ ﺗﻄﻠﻊ
ﻭﺻﻞ ﻟﺪﺍﺭ ﺳﻨﺪﺱ ﻭﻗﻒ ﺍﻟﻜﺮﻫﺒﺔ ﻋﻠﻰ ﺟﻨﺐ ﻫﺒﻂ ﻟﻘﻰ ﺑﻴﺔ ﻭﺍﻗﻔﺔ ﻓﻲ ﺍﻟﺒﺎﺏ
ﺃﻣﻲ ﺷﺒﻴﻚ ﻭﺍﻗﻔﺔ ﻓﻲ ﺍﻟﺸﺎﺭﻉ
ﻭﻟﻴﺪﻱ ﺍﻟﻄﻔﻠﺔ ﺧﺮﺟﺖ ﻣﻨﻌﺮﻓﺶ ﻭﻳﻦ ﻣﺸﺎﺕ ﻛﺎﻥ ﺗﺼﻴﺮﻟﻬﺎ ﻏﻠﺒﺔ
ﻭﺟﻬﻮ ﺣﻤﺎﺭ ﻭﺗﻜﺒﺲ ﻋﺮﻭﻗﻮ ﻗﺮﻳﺐ ﺗﺨﺮﺝ
ﺃﻣﻲ ﻋﻠﻰ ﺷﻜﻮﻥ ﺗﺤﻜﻲ؟
ﻧﻴﺮﻭﺯ ﺧﺮﺟﺖ ﺗﺠﺮﻱ ﻧﻜﻠﻢ ﻓﺎﻫﺎ ﻣﺠﺎﻭﺑﺘﻨﻴﺶ ﻣﻨﻌﺮﻓﺶ ﺷﺼﺎﺭﻟﻬﺎ
ﺭﺟﻊ ﻳﺠﺮﻱ ﻟﻠﻜﺮﻫﺒﺔ ﺧﺪﻣﻬﺎ ﻭﺧﺮﺝ ﻣﺶ ﻋﺎﺭﻑ ﻭﻳﻦ ﺑﺶ ﻳﻤﺸﻲ ﻳﻠﻮﺝ ﻋﻼﻫﺎ
ﺣﻠﺖ ﺳﺎﻛﻬﺎ ﻟﻘﺎﺕ ﻓﺎﻫﺎ ﻋﺸﺮﺓ ﺃﻻﻑ ﻟﻘﺎﺕ ﻗﻬﻮﺓ ﻗﺪﺍﻣﻬﺎ ﺩﺧﻠﺖ ﻫﺒﻄﺖ ﻗﻬﻮﺓ ﻭﻗﻌﺪﺕ ﺗﺨﻤﻢ ﻣﺨﻬﺎ ﻛﻞ ﻣﺮﺓ ﻳﻘﻠﻬﺎ ﺣﺎﺟﺔ ﺃﻛﻴﺪ ﻫﺎﺭﻭﻥ ﻭﻋﺎﻳﻠﺘﻮ ﻛﺎﻥ ﻳﺴﻤﻌﻮ ﺑﺤﻜﺎﻳﺔ ﺗﺼﺎﻭﺭﻫﺎ ﻓﻲ ﺑﺎﺟﺎﺕ ﺧﺎﻳﺒﺔ ﺯﻳﺪ ﻣﺮﻭﻯ ﺗﻮﺍ ﺗﻌﺮﻑ ﻛﻞ ﺷﻲ ﻣﻌﻨﺘﻬﺎ ﺃﻛﻴﺪ ﺗﻔﻀﺤﺖ ﻭ ﻣﻌﺎﺩﺵ ﻋﻨﺪﻫﺎ ﻭﺟﻪ ﺑﺶ ﺗﻘﺎﺑﻞ ﺍﻟﻨﺎﺱ ﺳﻤﻌﺖ ﺗﺎﻟﻴﻔﻮﻧﻬﺎ ﻳﻨﻮﻗﺰ ﺟﺒﺪﺗﻮ ﻣﻦ ﺍﻟﺴﺎﻙ ﻟﻘﺎﺕ ﻧﻮﻣﺮﻭ ﻫﺎﺭﻭﻥ ﻋﻠﻘﺖ ﻋﻠﻴﻪ ﻭﺳﻜﺮﺕ ﺍﻟﺘﺎﻟﻴﻔﻮﻥ ﻣﻌﺎﺩﺵ ﻋﻨﺪﻫﺎ ﻭﺟﻪ ﺑﺶ ﺗﻘﺎﺑﻞ ﺣﺪ ﻛﻴﻤﺎ ﻗﺎﻟﻮﻟﻬﺎ ﻓﻲ ﺍﻟﻤﻠﺠﺄ ﻻﺯﻡ ﺗﺘﺤﻤﻞ ﻣﺴﺆﻭﻟﻴﺘﻬﺎ ﺣﺘﻰ ﻛﻼﻡ ﻣﺮﻭﻯ ﺻﺤﻴﺢ ﻫﻴﺎ ﻣﻌﻨﺪﻫﺎﺵ ﺃﺻﻞ ﻫﺎﺭﻭﻥ ﻣﻌﻨﺪﻭ ﺣﺘﻰ ﺫﻧﺐ ﺑﺶ ﻳﺘﺤﻤﻞ ﻣﺴﺆﻭﻟﻴﺘﻬﺎ
ﻋﺎﻭﺩ ﻃﻠﺒﻬﺎ ﻟﻘﻰ ﺗﺎﻟﻴﻔﻮﻧﻬﺎ ﻣﺴﻜﺮ ﺣﺲ ﺍﻟﺪﻡ ﻃﻠﻌﻠﻮ ﻟﺮﺍﺳﻮ ﻃﻴﺶ ﺍﻟﺘﺎﻟﻴﻔﻮﻥ ﺑﺠﻨﺒﻮ ﺑﻘﻰ ﻳﻠﻮﺝ ﻋﻼﻫﺎ ﻓﻲ ﺍﻟﺸﺎﺭﻉ ﻟﻴﻦ ﻣﺨﻮ ﺗﺤﺮﻕ ﻭﻫﻴﺎ ﺭﺍﻛﺸﺔ ﻓﻲ ﺍﻟﻘﻬﻮﺓ ﺗﺨﻤﻢ ﻓﻲ ﺣﻞ ﻟﺤﻴﺎﺗﻬﺎ ﺍﻟﺪﻧﻴﺎ ﺑﺪﺍﺕ ﺗﻀﻼﻡ ﻭ ﻫﻴﺎ ﻣﻔﻤﺎﺵ ﺭﻳﺤﺘﻬﺎ ﺭﺟﻊ ﻟﻠﺪﺍﺭ ﻟﻘﻰ ﻣﺤﻤﺪ ﻭﺑﻮﻩ ﻓﻲ ﺍﻟﺪﺍﺭ
ﻻ
ﺃﻧﺎ !!!! ﺷﺪﺧﻠﻨﻲ ﺗﻲ ﺃﺻﻼ ﻋﻤﺮﻱ ﻻﺭﻳﺘﻬﺎ ﻭﻻ ﻧﻌﺮﻓﻬﺎ
ﺇﻱ ﻫﺎﺭﻭﻥ ﻋﻠﻴﻚ ﺇﻧﺖ ﺗﻮﺍ ﻣﺶ ﻭﻗﺘﻮ ﺗﻮ ﻧﻔﻬﻤﻚ ﻛﻞ ﺷﻲ ﺃﻣﺎ ﺣﺘﻰ ﺣﻜﺎﻳﺔ ﺍﻟﺘﺼﺎﻭﺭ ﺃﻛﻴﺪ ﻣﺮﻭﻯ ﻋﻤﻠﺘﻬﺎ
ﺗﻲ ﻫﻴﺎ ﻣﻌﺎﻫﺎ ﻓﻲ ﺍﻟﺘﺼﺎﻭﺭ ﻛﻴﻔﺎﺵ ﺗﺠﻲ ﻟﺤﻜﺎﻳﺔ
ﺍﻟﻠﻪ ﺃﻋﻠﻢ ﻣﺮﻭﻯ ﺷﻨﻴﺔ ﻓﻲ ﻣﺨﻬﺎ ﺃﻣﺎ ﺃﻛﻴﺪ ﺧﻄﻄﺖ ﻟﺤﺎﺟﺔ ﻣﺎﺯﻟﺖ ﻣﻨﻌﺮﻓﺶ ﺷﻨﻴﺔ ﻫﻴﺎ
ﺣﻂ ﻳﺪﻭ ﻋﻠﻰ ﺭﺍﺳﻮ ﺧﺮﺟﺖ ﺳﻨﺪﺱ ﻭﺧﻼﺗﻮ ﺑﻘﻰ ﻳﺨﻤﻢ ﺷﻨﻮﺓ ﺑﺶ ﻳﻌﻤﻞ ﺟﺒﺪ ﺍﻟﺘﺎﻟﻴﻔﻮﻥ ﻃﻠﺐ ﺻﺎﺣﺒﻮ ﻳﺨﺪﻡ ﻣﻌﺎﻩ
ﻋﺎﺩﻝ ﻭﻳﻨﻚ ﺻﺎﺣﺒﻲ؟
ﻫﺎﺭﻭﻥ ﻟﺒﺎﺱ ﺧﻮﻳﺎ ﻭﻳﻨﻚ؟
ﻫﺎﻧﻲ ﻋﺎﺩﻝ ﻣﺴﺘﺤﻘﻚ ﺗﻨﺠﻢ ﺗﻌﺎﻭﻧﻲ
ﺇﻱ ﺧﻮﻳﺎ ﺷﺘﺤﺐ
ﻣﺶ ﻓﻲ ﺍﻟﺘﺎﻟﻴﻔﻮﻥ ﻧﺺ ﺳﺎﻋﺔ ﻧﺘﻘﺎﺑﻠﻮ ﻓﻲ ﻗﻬﻮﺓ ﺍﻟﻌﺎﺩﺓ
ﺑﺎﻫﻲ ﺧﻮﻳﺎ ﻧﺺ ﺳﺎﻋﺔ ﻧﺒﺪﺍ ﺑﺤﺬﺍﻙ
ﻭﺻﻞ ﻟﻸﺩﺭﻳﺴﺔ ﻟﻘﻰ ﺑﺎﺏ ﻛﺒﻴﺮ ﻭ ﺍﻟﻌﺴﺎﺱ ﻭﺍﻗﻒ ﻟﺒﺮﺍ ﻗﺮﺏ ﻳﻐﺰﺭ ﻣﻦ ﻭﺭﺍ ﺍﻟﺒﺎﺏ ﻳﺸﻮﻑ ﻓﻲ ﺟﻨﻴﻨﺔ ﻛﺒﻴﺮﺓ ﺑﺮﺷﺎ ﺻﻐﺎﺭ ﻳﻠﻌﺒﻮ ﻭﻧﺴﺎﺀ ﻭﺍﻗﻔﻴﻦ ﻳﻌﺴﻮ ﻋﻼﻫﻢ
ﺗﻔﻀﻞ ﻣﺴﻴﻮ ﻧﻌﺎﻭﻧﻚ ﻓﻲ ﺣﺎﺟﺔ
ﺣﺸﺘﻲ ﺑﻤﺪﺍﻡ ﻋﺎﻳﺪﺓ ﻋﻨﺪﻱ ﺭﻭﻧﺪﻳﻔﻮ ﻣﻌﺎﻫﺎ
ﻣﺴﻴﻮ ﻣﺤﻤﺪ؟
ﺇﻱ ﺃﻧﺎ ﻫﻮ
ﺗﻔﻀﻞ ﻣﺪﺍﻡ ﻋﺎﻳﺪﺓ ﺗﺴﺘﻨﻰ ﻓﻴﻚ
ﺩﺧﻞ ﻟﺪﺍﺧﻞ ﻟﻘﻰ ﺑﺎﺏ ﻛﺒﻴﺮ ﻭ ﺩﺭﻭﺝ ﻃﻠﻊ ﻟﻠﻄﺎﻕ ﺍﻷﻭﻝ ﻛﻴﻤﺎ ﻭﺭﺍﻩ ﺍﻟﻌﺴﺎﺱ ﻟﻘﻰ ﺑﻴﺮﻭ ﺍﻟﻤﺪﻳﺮﺓ ﺩﻕ ﺍﻟﺒﺎﺏ ﻭﺩﺧﻞ
ﻣﺪﺍﻡ ﻋﺎﻳﺪﺓ؟
ﺇﻳﻪ ﺗﻔﻀﻞ ﺳﻲ ﻣﺤﻤﺪ ﻣﻦ ﻛﺜﺮﺓ ﻣﺎ ﻧﻴﺮﻭﺯ ﺗﺤﻜﻲ ﻋﻠﻴﻚ ﻭﻟﻴﺖ ﻧﻌﺮﻓﻚ
ﻗﺎﻣﺖ ﻣﺪﺗﻠﻮ ﻳﺪﻫﺎ ﺳﻠﻤﺖ ﻋﻠﻴﻪ ﻗﻌﺪ ﻋﺎﻟﻜﺮﺳﻲ ﺣﺎﺳﺲ ﺃﻋﺼﺎﺑﻮ ﻣﺘﻮﺗﺮﺓ ﻋﻠﻰ ﻏﻴﺮ ﺍﻟﻌﺎﺩﺓ ﻳﺤﺐ ﻳﻌﺮﻑ ﺷﻨﻴﺔ ﺍﻟﺤﻜﺎﻳﺔ
ﻣﺴﻴﻮ ﻣﺤﻤﺪ ﺃﻧﺎ ﻃﻠﺒﺖ ﺑﺶ ﻧﻘﺎﺑﻠﻚ ﺧﺎﺗﺮ ﻧﻴﺮﻭﺯ ﺗﻠﻤﻴﺬﺗﻚ ﻭﺗﺤﺒﻚ ﺑﺮﺷﺎ ﻭ ﺇﻧﺖ ﻋﻨﺪﻙ ﺗﺄﺛﻴﺮ ﻋﻼﻫﺎ ﻧﺤﻨﺎ ﻣﻦ ﻗﺒﻞ ﺣﺎﻭﻟﻨﺎ ﻧﻔﻬﻤﻮﻫﺎ ﺍﻟﻀﺮﻭﻑ ﺍﻟﻠﻲ ﺩﺧﻠﺖ ﻓﺎﻫﺎ ﻟﻠﻤﻠﺠﺄ ﺃﻣﺎ ﻧﻴﺮﻭﺯ ﻛﺎﻧﺖ ﺭﺍﻓﻀﺔ ﺣﺘﻰ ﺗﺴﻤﻊ ﺳﻴﺮﺓ ﺍﻟﻤﻮﺿﻮﻉ
ﺩﻕ ﺍﻟﺒﺎﺏ ﺩﺧﻠﺖ ﻣﺮﺍ ﺣﻄﺖ ﻗﻬﻮﺓ ﻗﺪﺍﻡ ﻣﺤﻤﺪ ﻭ ﺧﺮﺟﺖ ﺟﺒﺪﺕ ﻋﺎﻳﺪﺓ ﺩﻭﺳﻲ ﺣﻠﺘﻮ
ﺳﻲ ﻣﺤﻤﺪ ﺇﻧﺖ ﺃﻛﻴﺪ ﻛﻴﻤﺎ ﺑﺮﺷﺎ ﻋﺒﺎﺩ ﺗﺴﺘﺨﺎﻳﻞ ﺍﻟﻠﻲ ﻧﻴﺮﻭﺯ ﻃﻔﻠﺔ ﻣﻮﻟﻮﺩﺓ ﻓﻲ ﺇﻃﺎﺭ ﻏﻴﺮ ﺷﺮﻋﻲ
ﺗﺮﺷﻒ ﺷﻮﻳﺔ ﻣﺎﻟﻘﻬﻮﺓ
ﻣﺪﺍﻡ ﻋﺎﻳﺪﺓ ﺃﻧﺎ ﻣﻮﺿﻮﻉ ﺩﺍﺭ ﺍﻷﻳﺘﺎﻡ ﻣﺎﺯﻟﺖ ﻛﻲ ﺳﻤﻌﺖ ﺑﻴﻪ ﻭ ﻣﺎ ﻧﻌﺮﻑ ﺷﻲ ﻋﺎﻟﻤﻮﺿﻮﻉ
ﺣﻠﺖ ﺍﻟﺪﻭﺳﻲ ﺟﺒﺪﺕ ﻣﻨﻮ ﺃﻭﺭﺍﻕ
ﺳﻲ ﻣﺤﻤﺪ ﻧﻴﺮﻭﺯ ... ﻣﻮﻟﻮﺩﺓ ﻓﻲ ﺭﻭﻣﺎ ﺑﻮﻫﺎ ﺗﻮﻧﺴﻲ ﻭ ﺃﻣﻬﺎ ﺗﻮﻧﺴﻴﺔ ﻣﻘﻴﻤﺔ ﻓﻲ ﺇﻳﻄﺎﻟﻴﺎ ﻋﻤﺮﻫﺎ ﻋﺎﻣﻴﻦ ﻫﺒﻄﺖ ﻣﻊ ﺃﻣﻬﺎ ﻭﺑﻮﻫﺎ ﺑﺶ ﻳﻌﺪﻳﻮ ﺍﻟﻌﻄﻠﺔ ﻓﻲ ﺗﻮﻧﺲ ﺑﻌﺪ ﺟﻤﻌﺔ ﺻﺎﺭ ﺣﺎﺩﺙ ﺗﻮﻓﺎﺕ ﻓﻴﻪ ﺃﻡ ﻧﻴﺮﻭﺯ ﺑﻌﺪ ﻣﺪﺓ ﺑﻮﻫﺎ ﺭﺟﻊ ﻟﺮﻭﻣﺎ ﻭﺧﻠﻰ ﺑﻨﺘﻮ ﻋﻨﺪ ﻋﺎﻳﻠﺔ ﺃﻣﻬﺎ ﺍﻟﻠﻲ ﺭﻓﻀﺖ ﺑﺶ ﺗﺘﻜﻔﻞ ﺑﺎﻟﻄﻔﻠﺔ ﺟﺎﺑﻮﻫﺎ ﻟﻠﻤﻠﺠﺄ ﺑﺮﻏﻢ ﺍﻟﻠﻲ ﺑﻌﺜﻨﺎ ﻟﺒﻮﻫﺎ ﻋﻦ ﻃﺮﻳﻖ ﺍﻟﺴﻔﺎﺭﺓ ﺇﻟﻰ ﺇﻧﻮ ﺭﻓﺾ ﻳﺠﻲ ﻳﺘﺴﻠﻢ ﺑﻨﺘﻮ ﺑﺤﻜﻢ ﺍﻟﻄﻔﻠﺔ ﺃﺻﻼ ﺟﻨﺴﻴﺘﻬﺎ ﺇﻳﻄﺎﻟﻴﺔ ﺣﺎﻭﻟﺖ ﺍﻟﺴﻔﺎﺭﺓ ﺗﻠﻘﻰ ﻣﻌﺎﻩ ﺣﻞ ﻣﻠﻘﻴﻨﺎﺵ ﺣﻞ ﺑﻘﺎﺕ ﺍﻟﻄﻔﻠﺔ ﻫﻮﻧﻲ
ﻳﺴﻤﻊ ﻓﺎﻫﺎ ﺣﺎﻟﻞ ﻓﻤﻮ ﻳﺤﺐ ﻳﻘﻠﻬﺎ ﺇﻧﺖ ﺗﻜﺬﺏ ﻛﺎﻥ ﺟﺎﺕ ﻃﻔﻠﺔ ﻏﻴﺮ ﺷﺮﻋﻴﺔ ﻳﻤﻜﻦ ﺃﺭﺣﻢ ﻛﻴﻔﺎﺵ ﺑﺶ ﻳﻤﺸﻲ ﻳﻘﻠﻬﺎ ﺭﺍﻙ ﻋﻨﺪﻙ ﻋﺎﻳﻠﺔ ﺃﻣﺎ ﻟﻮﺣﻮﻙ ﻷﺳﺒﺎﺏ ﻏﻴﺮ ﻣﻌﺮﻭﻓﺔ ﻣﺪﺗﻠﻮ ﺑﺎﺳﺒﻮﺭ ﺣﻠﻮ ﻟﻘﺎﻩ ﺑﺎﺳﺒﻮﺭ ﻧﻴﺮﻭﺯ ﺃﻣﺎ ﻣﺶ ﻣﺠﺪﺩ ﻓﻴﻪ ﺗﺼﻮﺍﺭﺗﻬﺎ ﻭﻫﻴﺎ ﺻﻐﻴﺮﺓ ﻣﺪﺗﻠﻮ ﺃﻭﺭﺍﻕ ﺃﺧﺮﻳﻦ ﺧﺬﺍﻫﻢ ﻣﻦ ﻋﻨﺪﻫﺎ
ﺳﻲ ﻣﺤﻤﺪ ﻫﺎﺫﻡ ﺍﻷﻭﺭﺍﻕ ﺍﻟﺮﺳﻤﻴﺔ ﻣﺘﻊ ﻧﻴﺮﻭﺯ ﻣﻦ ﺍﻟﻤﻔﺮﻭﺽ ﺇﻧﻲ ﻧﺴﻠﻤﻬﻤﻠﻬﺎ ﻓﻲ ﻳﺪﻫﺎ ﺃﻣﺎ ﺃﻧﺎ ﻋﻨﺪﻱ ﺍﻟﺜﻴﻘﺔ ﻓﻴﻚ ﺣﺎﻭﻝ ﺗﺤﻜﻲ ﻣﻌﺎﻫﺎ ﻭ ﺗﻮﺻﻞ ﻣﻌﺎﻫﺎ ﻟﺤﻞ
ﺧﺬﺍ ﻣﻦ ﻋﻨﺪﻫﺎ ﺍﻷﻭﺭﺍﻕ ﻭ ﺍﻟﺒﺎﺳﺒﻮﺭ ﺣﻄﻬﻢ ﻓﻲ ﺳﺎﻛﻮ
ﻣﺪﺍﻡ ﻋﺎﻳﺪﺓ ﻳﻠﺰﻣﻨﻲ ﻧﻤﺸﻲ ﺗﻮﺍ ﺗﻮ ﻧﺘﺼﻞ ﺑﻴﻚ ﻭ ﻧﻘﻠﻚ ﺷﺼﺎﺭ
ﻭﺻﻠﺘﻮ ﻟﺒﺎﺏ ﺍﻟﺒﻴﺮﻭ ﻫﺒﻂ ﻓﻲ ﺍﻟﺪﺭﻭﺝ ﺣﺲ ﺭﻭﺣﻮ ﻣﻬﻤﻮﻡ ﻫﻮ ﻓﻲ ﺑﻼﺻﺘﻬﺎ ﻭ ﻣﺘﺄﺛﺮ ﺧﻠﻲ ﻛﺎﻥ ﺗﺴﻤﻊ ﻫﻴﺎ
ﺳﻤﻌﺖ ﺻﻮﺕ ﺑﺎﺏ ﺍﻟﺒﻴﺖ ﻳﺪﻕ ﻗﺎﻣﺖ ﺣﻠﺖ ﺍﻟﺒﺎﺏ ﻟﻘﺎﺕ ﻫﺎﺭﻭﻥ
ﺷﻨﻮﺓ ﺩﻟﻮﻝ ﻓﺎﺵ ﺗﻌﻤﻞ؟
ﻭﺻﻞ ﻟﻠﻘﻬﻮﺓ ﻟﻘﻰ ﻋﺎﺩﻝ ﻗﺎﻋﺪ ﻳﺴﺘﻨﻰ ﻓﻴﻪ ﻗﺎﻡ ﻣﺪﻟﻮ ﻳﺪﻭ ﺳﻠﻢ ﻋﻠﻴﻪ
ﻛﻲ ﺍﻟﺴﺒﺔ ﻫﺎﺭﻭﻥ ﺃﻧﺎ ﻗﻠﺖ ﺻﺎﺣﺒﻲ ﻧﺴﺎﻧﻲ ﺷﻌﻞ ﺳﻴﻘﺎﺭﻭ
ﻭﺍﻟﻠﻪ ﻻ ﻫﺎﺭﻭﻥ ﻣﺎﻙ ﺗﻌﺮﻑ ﺍﻟﺨﺪﻣﺔ ﺯﻳﺪ ﻧﺘﻮﻣﺎ ﺩﻳﻤﺎ ﻓﻲ ﺍﻟﻌﺎﺻﻤﺔ ﺃﻧﺎ ﻫﺎﻙ ﺗﺸﻮﻑ ﻛﻲ ﻳﺒﺪﺍ ﻓﻤﺎ ﺃﻱ ﺣﺎﺟﺔ ﻧﻤﺸﻲ ﺻﺎﺣﺒﻲ ﻣﺎﻧﻮﺧﺮﺵ
ﺇﻱ ﻧﻌﺮﻑ ﻋﺸﻴﺮﻱ ﻗﻠﻲ ﺷﺼﺎﺭ ﺷﻨﻴﺔ ﻣﺸﻜﻠﺘﻚ
ﻣﺪ ﺗﺎﻟﻴﻔﻮﻧﻮ ﻭﺭﺍﻩ ﺗﺼﻮﺍﺭﺓ ﻧﻴﺮﻭﺯ
ﺍﻟﻄﻔﻠﺔ ﻫﺎﺫﻱ ﻧﺤﺒﻚ ﺗﻠﻘﺎﻫﺎ ﺇﻗﻠﺐ ﺍﻟﺪﻧﻴﺎ ﻭﺟﻴﺒﻬﺎﻟﻲ
ﺷﺒﺎﻫﺎ ﻫﺎﺭﻭﻥ ﺷﻌﻤﻠﺘﻠﻚ؟
ﻣﻌﻤﻠﺘﻠﻲ ﺷﻲ ﺣﻜﺎﻳﺔ ﻃﻮﻳﻠﺔ ﺻﺎﺣﺒﻲ
ﻛﺎﻥ ﻋﻨﺪﻙ ﻭﻗﺖ ﺃﺣﻜﻴﻬﺎﻟﻲ ﻧﺤﻨﺎ ﺻﺤﺎﺏ ﻧﺤﺐ ﻧﻌﺮﻑ ﻣﺸﻜﻠﺘﻚ
ﻋﻴﻂ ﻟﻠﺴﺮﻓﻮﺭ ﺑﺶ ﻳﺠﻴﺒﻠﻮ ﻗﻬﻮﺓ ﻭﺑﻘﻰ ﺑﺤﺬﺍﻩ ﻳﺤﻜﻴﻠﻮ
ﺩﺧﻠﺖ ﻓﻲ ﻧﻬﺞ ﻣﺶ ﻋﺎﺭﻓﺔ ﻭﻳﻦ ﻳﻮﺻﻞ ﺑﻘﺎﺕ ﺗﺪﻭﺭ ﻟﻴﻦ ﻋﺮﺿﺘﻬﺎ ﻣﺮﺍ ﻣﻌﺎﻫﺎ ﻃﻔﻠﺔ ﻧﺪﻳﺪﺓ ﻧﻴﺮﻭﺯ ﻣﺸﺎﺗﻠﻬﻢ
ﻋﺴﻼﻣﺔ ﺗﺎﺗﺎ
ﻋﺴﻼﻣﺔ ﺑﻨﺘﻲ
ﺑﻼﻫﻲ ﺗﻨﺠﻢ ﺗﻘﻠﻲ ﺍﻟﻨﻬﺞ ﻫﺎﺫﺍ ﺷﺴﻤﻮ
ﺷﺒﻴﻚ ﺑﻨﺘﻲ ﺿﺎﻳﻌﺔ؟
ﺇﻱ ﻧﻮﺭﻣﺎﻟﻤﻮﻥ ﻏﻠﻄﺖ ﻓﻲ ﺍﻟﺜﻨﻴﺔ
ﻗﻠﻲ ﻭﻳﻦ ﻣﺎﺷﻴﺔ ﺗﻮ ﻧﻮﺻﻠﻚ
ﺑﻘﺎﺕ ﺗﻤﻬﻤﻪ ﺷﻮﻳﺔ
ﻗﻠﻲ ﺇﻧﺖ ﺷﺴﻤﻮ ﺍﻟﻨﻬﺞ ﻛﻬﻮ
ﻏﺰﺭﺗﻠﻬﺎ ﻣﻦ ﻓﻮﻕ ﻟﻮﻃﺔ
ﻫﺎﺭﺑﺔ ﻣﻦ ﺩﺍﺭﻛﻢ !!
ﻣﺠﺎﻭﺑﺘﻬﺎﺵ ﻣﺸﺎﺕ ﻭ ﺧﻼﺗﻬﺎ ﻭﺍﻗﻔﺔ ﺧﻠﻄﺖ ﺍﻟﻤﺮﺍ ﻓﻲ ﺟﺮﺗﻬﺎ
ﻭﻩ ﻫﻜﺎ ﻋﻠﻤﺘﻚ ﺃﻣﻚ ﺗﺤﻘﺮ ﺍﻟﻠﻲ ﺃﻛﺒﺮ ﻣﻨﻚ
ﺗﻠﻔﺘﺘﻠﻬﺎ ﻫﺰﺗﻬﺎ ﻭ ﺣﻄﺘﻬﺎ
ﻣﻌﻨﺪﻳﺶ ﺃﻡ ﻭ ﻣﻌﻠﻤﺘﻨﻴﺶ ﺭﺗﺤﺖ ﺗﻮﺍ ﺃﻧﺎ ﻏﺎﻟﻄﺔ ﺍﻟﻠﻲ ﺳﺌﻠﺘﻚ
ﺑﺶ ﺗﻤﺸﻲ ﻭﻫﻴﺎ ﺟﺒﺪﺗﻬﺎ ﻣﻦ ﻳﺪﻫﺎ
ﺇﻱ ﺷﺒﻴﻚ ﻣﺘﻐﺸﺸﺔ ﻗﻠﻲ ﻭﻳﻦ ﻣﺎﺷﻴﺔ ﺑﺶ ﻧﻮﺻﻠﻚ
ﺑﻘﺎﺕ ﺗﻐﺰﺭﻟﻬﺎ
ﻣﻨﻌﺮﻓﺶ ﻭﻳﻦ ﺑﺶ ﻧﻤﺸﻲ
ﻗﺮﺑﺘﻠﻬﺎ ﺍﻟﻄﻔﻠﺔ
ﻋﻼﺵ ﻣﺎﻋﻨﺪﻛﺶ ﺩﺍﺭ؟
ﺣﺮﻛﺖ ﺭﺍﺳﻬﺎ ﻣﻌﻨﺘﻬﺎ ﻻ
ﺑﻘﺎﺕ ﺍﻟﺒﻨﻴﺔ ﺗﻐﺰﺭ ﻟﻠﻤﺮﺍ ﻛﺎﻳﻨﻬﻢ ﻳﺤﻜﻴﻮ ﺑﻌﻴﻨﺎﻫﻢ
ﺇﻳﺠﺎ ﺑﻨﻴﺘﻲ ﺗﺤﺐ ﻧﻬﺰﻙ ﻟﺪﺍﺭﻱ ﻟﻴﻦ ﺗﻠﻘﻰ ﻭﻳﻦ ﺗﻤﺸﻲ
ﻻﻻ ﻋﻴﺸﻚ ﻣﻨﺤﺒﺶ
ﺧﺮﺟﺖ ﺳﻜﺮﺕ ﺍﻟﺒﺎﺏ ﻣﺸﺎﺕ ﻟﻠﻜﻮﺟﻴﻨﺔ ﺭﺩﺕ ﺑﺎﺏ ﺍﻟﻜﻮﺟﻴﻨﺔ ﻭﺭﺍﻫﺎ
ﺷﻨﻴﺔ ﻫﺎﻟﻌﻤﻠﺔ ﺍﻟﻠﻲ ﻋﻤﻠﺘﻬﺎ ﻓﻴﻨﺎ؟
ﺷﺒﻴﻚ ﻟﻼ ﺧﺪﻳﺠﺔ ﺷﻌﻤﻠﺖ ﺯﺍﺩﺍ؟
ﻣﺶ ﺣﺎﺳﺔ ﺑﺮﻭﺣﻚ ﺟﺒﺘﻠﻨﺎ ﻣﺼﻴﺒﺔ
ﻧﺤﺎﺕ ﺍﻟﻤﻐﺮﻓﺔ ﻣﻦ ﻳﺪﻫﺎ ﻭﻣﺸﺎﺕ ﻗﻌﺪﺕ ﻋﺎﻟﻜﺮﺳﻲ
ﺟﺒﺖ ﻣﺼﻴﺒﺔ !! ﺗﺤﻜﻲ ﻋﻠﻰ ﻧﻴﺮﻭﺯ؟ ﺗﻲ ﺃﻧﺎ ﺟﺒﺖ ﻛﻨﺰ
ﺇﻱ ﻻ ﺍﻟﺤﻖ ﻛﻨﺰ ﺃﻣﺎ ﺑﺶ ﻳﻬﺰﻧﺎ ﻟﻠﺤﺒﺲ ﻓﻲ ﺳﻼﺳﻞ
ﺃﻳﺎ ﻳﺰﻳﺘﺸﻲ ﻣﻦ ﺍﻟﻜﻼﻡ ﻗﺎﻟﻮ ﺣﺒﺲ ﺑﺎﻟﻚ ﺃﻭﻝ ﻃﻔﻠﺔ ﺗﺪﺧﻞ ﻟﻬﻮﻧﻲ
ﻻ ﻣﺶ ﺃﻭﻝ ﻃﻔﻠﺔ ﺃﻣﺎ ﺃﺧﺮ ﻃﻔﻠﺔ ﺧﺎﺗﺮ ﺻﺎﺣﺒﻬﺎ ﺑﺶ ﻳﻬﺰﻧﺎ ﻟﻠﺤﺒﺲ
ﻋﻼﺵ ﻳﻬﺰ ﻓﻴﻨﺎ ﺷﻜﻮﻧﻮ ﻫﻮ ﺯﻳﺪ ﻧﺤﻨﺎ ﻣﻀﺮﺑﻨﺎﻫﺎﺵ ﻋﻠﻰ ﻳﺪﻫﺎ ﻫﻴﺎ ﺟﺎﺕ ﺑﻜﻴﻔﻬﺎ
ﻛﻤﻠﺖ ﺣﻜﻴﺖ؟ ﻳﺎ ﻟﻼ ﺗﻮﺍ ﻗﺘﻠﻚ ﺻﺎﺣﺒﻬﺎ ﻣﻼﺯﻡ ﻓﻲ ﺍﻟﺠﻴﺶ ﺗﻌﺮﻑ ﺷﻤﻌﻨﺘﻬﺎ ﻓﻲ ﺍﻟﺠﻴﺶ ﺗﺘﺼﻮﺭ ﺑﺶ ﻳﺴﻜﺖ ﺧﺎﺗﺮ ﻫﻴﺎ ﻫﺮﺑﺖ ﻋﻠﻴﻪ ﺃﻛﻴﺪ ﻣﺶ ﺑﺶ ﻳﺴﻜﺖ ﻭﺑﺶ ﻳﻠﻮﺝ ﻋﻼﻫﺎ ﻭﻗﺘﻬﺎ ﺑﺶ ﻧﻤﺸﻴﻮ ﻛﻠﻨﺎ ﻓﻲ ﻫﺎﻭﻳﺔ
ﻣﺘﺨﺎﻓﺶ ﻻ ﻫﺎﻭﻳﺔ ﻻﺷﻲ ﻣﻔﻤﺎ ﺣﺪ ﻗﺎﻟﻠﻬﺎ ﺇﻳﺠﺎ ﺑﺴﻴﻒ ﻫﻴﺎ ﺟﺎﺕ ﺑﻜﻴﻔﻬﺎ
ﺑﺎﻫﻲ ﻭ ﻛﻴﻔﺎﺵ ﺑﺶ ﺗﻘﻨﻌﻬﺎ
ﻛﻠﻤﺔ ﻓﻲ ﺍﻟﺼﺒﺎﺡ ﻭ ﻛﻠﻤﺔ ﻓﻲ ﺍﻟﻌﺸﻴﺔ ﻳﺮﺩﻭ ﺍﻟﻤﺴﻠﻤﺔ ﻳﻬﻮﺩﻳﺔ ﻭ ﺯﻳﺪ ﺗﺤﻜﻲ ﺗﻘﻮﻝ ﺃﻭﻝ ﻃﻔﻠﺔ ﺗﺠﻲ
ﻗﺼﺖ ﻋﻼﻫﻢ ﻧﻴﺮﻭﺯ ﺩﻗﺖ ﺑﺎﺏ ﺍﻟﻜﻮﺟﻴﻨﺔ ﻣﺸﺎﺕ ﺧﺪﻳﺠﺔ ﺣﻠﺘﻠﻬﺎ ﺍﻟﺒﺎﺏ
ﺃﺩﺧﻞ ﻧﻴﺮﻭﺯ ﺳﻜﺮﺕ ﺍﻟﺒﺎﺏ ﻋﺎﻟﺒﺮﺩ ﺃﻳﺎ ﻧﺘﻌﺸﺎﻭ
ﺭﺟﻊ ﻟﻠﺪﺍﺭ ﺑﻌﺪ ﻣﺎ ﻭﺻﻰ ﻋﺎﺩﻝ ﺑﺶ ﻳﻜﻠﻤﻮ ﻛﺎﻥ ﻳﺴﻤﻊ ﺣﺎﺟﺔ ﺭﻭﺡ ﻟﺪﺍﺭﻫﻢ ﻟﻘﻰ ﺃﻣﻮ ﻭ ﺑﻮﻩ ﺭﻭﺣﻮ
ﻭﻟﻴﺪﻱ ﻭﻳﻦ ﻛﻨﺖ ﺗﺤﻴﺮﺕ ﻋﻠﻴﻚ
ﻣﺸﻴﺖ ﺑﻘﻀﻴﺔ ﻟﺒﺎﺱ ﺃﻣﻲ؟
ﻟﺒﺎﺱ ﻭﻟﻴﺪﻱ ﺃﻣﺎ ﻛﻠﻢ ﺃﺧﺘﻚ ﺗﻐﺸﺸﺖ ﻛﻴﻔﺎﺵ ﺭﻭﺣﻨﺎ
ﺑﺎﻫﻲ ﺃﻣﻲ ﺗﻮ ﻧﻜﻠﻤﻬﺎ
ﻛﻤﻞ ﺑﻮﻩ ﺍﻟﺼﻼﺓ ﺧﺮﺝ ﻣﺎﻟﺒﻴﺖ ﻟﻘﻰ ﻫﺎﺭﻭﻥ ﻗﺎﻋﺪ ﻫﻮ ﻭﺃﻣﻮ
ﻭﻟﻴﺪﻱ ﻣﻔﻤﺎ ﺷﻲ ﻋﺎﻟﻄﻔﻠﺔ؟
ﻗﺎﻡ ﺑﺎﺳﻮ ﻣﻦ ﺟﺒﻴﻨﻮ
ﻣﻔﻤﺎ ﺷﻲ ﺑﺎﺑﺎ ﻫﺎﻧﻲ ﻣﺎﺯﻟﺖ ﻧﻠﻮﺝ
ﺭﺑﻲ ﻳﻘﺪﺭ ﺍﻟﺨﻴﺮ ﺣﺘﻰ ﻣﺤﻤﺪ ﺑﺶ ﻳﺤﻜﻲ ﻣﻊ ﺗﻼﻣﺬﺗﻮ ﻛﺎﻥ ﺳﻤﻌﻮ ﻋﻼﻫﺎ ﺣﺎﺟﺔ ﺑﺶ ﻳﻘﻮﻟﻮﻟﻮ
ﻧﺸﺎﻟﻠﻪ ﺑﺎﺑﺎ ﺗﺘﻌﺪﻯ ﻫﺎﻟﺤﻜﺎﻳﺔ ﻋﻠﻰ ﺧﻴﺮ
ﻣﺸﻰ ﻟﺒﻴﺘﻮ ﺣﻂ ﺭﺍﺳﻮ ﻋﺎﻟﻤﺨﺪﺓ ﻣﻨﺠﻤﺶ ﻳﺮﻗﺪ ﺗﺼﻮﺍﺭﺓ ﻋﻴﻨﺎﻫﺎ ﻣﺤﺒﺘﺶ ﺗﺘﻨﺤﻰ ﻣﻦ ﻣﺨﻮ ﺑﻘﻰ ﻳﺨﻤﻢ ﻓﺎﻫﺎ ﺯﻋﻤﺔ ﻭﻳﻦ ﻣﺸﺎﺕ ﻋﻼﺵ ﻫﺮﺑﺖ ﺯﻋﻤﺔ ﻛﻼﻡ ﺳﻨﺪﺱ ﺻﺤﻴﺢ ﻣﺮﻭﻯ ﺳﺒﺐ ﺍﻟﻤﺸﺎﻛﻞ ﻭ ﻧﻴﺮﻭﺯ ﻫﺮﺑﺖ ﺧﺎﺗﺮ ﺧﺎﻳﻔﺔ .
ﻛﻤﻠﺖ ﺗﻌﺸﺎﺕ ﻟﻤﺖ ﻣﻌﺎﻫﻢ ﺍﻟﻄﺎﻭﻟﺔ ﻭ ﻣﺸﺎﺕ ﻟﻠﺒﻴﺖ ﻣﻊ ﺧﺪﻳﺠﺔ
ﻧﻴﺮﻭﺯ ﺷﺒﻴﻚ ﻣﺎﻛﻠﻴﺘﺶ ﻣﻠﻴﺢ؟
ﺷﻲ ﺧﺪﻳﺠﺔ ﻣﺎﻧﻴﺶ ﺟﻴﻌﺎﻧﺔ
ﻣﺎﻛﺶ ﺟﻴﻌﺎﻧﺔ ﻭﻻ ﺗﺨﻤﻢ ﻓﻲ ﺣﺒﻴﺐ ﺍﻟﻘﻠﺐ ﻳﺎ ﻭﺣﻴﺪﺓ
ﺗﻌﺮﻑ ﺧﺪﻳﺠﺔ ﻧﺪﻣﺖ ﺑﻌﺪ ﻣﺎ ﺧﺮﺟﺖ ﻛﺎﻥ ﻗﻌﺪﺕ ﺑﺤﺬﺍ ﻫﺎﺭﻭﻥ ﻭ ﺣﻜﻴﺘﻠﻮ ﺍﻟﻠﻲ ﺻﺎﺭ ﺧﻴﺮ
ﺷﻨﻮﺓ !! ﻧﺪﻣﺖ ﺳﻴﺐ ﻋﻠﻴﻚ ﺷﻜﻮﻥ ﻗﺎﻟﻚ ﻫﻮ ﺑﺶ ﻳﺼﺪﻗﻚ ﻭﺣﺘﻰ ﻛﺎﻥ ﺻﺪﻗﻚ ﺷﻨﻮﺓ ﻧﻬﺎﻳﺘﻚ ﻣﻌﺎﻩ ﻓﻴﺒﺎﻟﻚ ﺇﻧﺖ ﺍﻟﺤﺎﻛﻢ ﻳﺎﺧﺬﻭ ﻣﻮﺍﻓﻘﺔ ﻣﻦ ﻋﻨﺪ ﺍﻟﻮﺯﺍﺭﺓ ﻗﺒﻞ ﺍﻟﻌﺮﺱ ﺑﺼﺮﺍﺣﺔ ﻣﻦ ﻏﻴﺮ ﻣﺎﺗﺘﻐﺸﺶ ﺑﺶ ﻳﻮﺍﻓﻘﻮ ﻋﻠﻴﻚ ﻭﺣﺘﻰ ﻛﺎﻥ ﻫﻮﻣﺎ ﻭﺍﻓﻘﻮ ﻣﺎﺧﻤﻤﺘﺶ ﺷﻨﻮﺓ ﺑﺶ ﻳﻜﻮﻥ ﻣﻮﻗﻒ ﻋﺎﻳﻠﺘﻮ ﻣﻦ ﻋﻼﻗﺘﻜﻢ
ﻣﺸﺎﺕ ﺇﺗﻜﺎﺕ ﻋﺎﻟﻔﺮﺵ ﺗﺨﻤﻢ ﻛﻼﻡ ﺧﺪﻳﺠﺔ ﺻﺤﻴﺢ ﻫﻴﺎ ﻣﺎﺣﺴﺒﺖ ﺣﺴﺎﺏ ﺷﻲ ﻭﺷﻜﻮﻥ ﻗﺎﻝ ﺍﻟﻠﻲ ﻫﺎﺭﻭﻥ ﻳﺤﺒﻬﺎ ﻣﻦ ﺃﺻﻠﻮ ﻳﻨﺠﻢ ﻳﻜﻮﻥ ﺇﻋﺠﺎﺏ ﻣﺒﻌﺪ ﻳﻨﺪﻡ ﻭﻳﺒﻌﺪ ﻋﻼﻫﺎ ﻭﻗﺘﻬﺎ ﺗﺘﻮﺟﻊ
ﻗﺎﻣﺖ ﺍﻟﺼﺒﺎﺡ ﻋﻠﻰ ﺻﻮﺕ ﻫﺎﻟﺔ ﺗﻀﺤﻚ ﻏﺰﺭﺕ ﻟﻔﺮﺵ ﺧﺪﻳﺠﺔ ﻟﻘﺎﺗﻮ ﻓﺎﺭﻍ ﻗﺎﻣﺖ ﻣﻦ ﻓﺮﺷﻬﺎ ﺧﺮﺟﺖ ﻟﻘﺎﺗﻬﻢ ﻓﻲ ﻭﺳﻂ ﺍﻟﺪﺍﺭ ﻣﻌﺎﻫﻢ ﺭﺍﺟﻞ ﺑﺎﻳﻦ ﻛﺒﻴﺮ ﻓﻲ ﺍﻟﻌﻤﺮ ﻻﺑﺲ ﻛﻮﺳﺘﻴﻢ ﺣﺎﻃﻂ ﺳﺎﻕ ﻋﻠﻰ ﺳﺎﻕ ﻭﻗﺎﻋﺪ ﻳﺸﺮﺏ ﻓﻲ ﻗﻬﻮﺓ ﺧﺪﻳﺠﺔ ﻗﺎﻋﺪﺓ ﺑﺠﻨﺒﻮ ﻭ ﻫﺎﻟﺔ
ﻣﻘﺎﺑﻠﺘﻮ
ﺻﺒﺎﺡ ﺍﻟﺨﻴﺮ
ﺗﻠﻔﺘﻮ ﻧﺎﺣﻴﺘﻬﺎ
ﺻﺒﺎﺡ ﺍﻟﻨﻮﺭ
ﺇﻳﺠﺎ ﻧﻴﺮﻭﺯ ﺳﻠﻢ ﻋﻠﻰ ﺳﻲ ﺣﺎﺗﻢ
ﻗﺮﺑﺖ ﻣﺪﺗﻠﻮ ﻳﺪﻫﺎ ﺑﻘﻰ ﻳﻐﺰﺭﻟﻬﺎ ﺑﺶ ﻳﺎﻛﻠﻬﺎ ﺑﻌﻴﻨﻴﻪ ﻳﻬﺰ ﻓﺎﻫﺎ ﻭﻳﺤﻂ
ﻧﻴﺮﻭﺯ ﺳﻲ ﺣﺎﺗﻢ ﻳﻘﺮﺑﻠﻨﺎ ﺇﻳﺠﺎ ﺃﻗﻌﺪ
ﻣﺸﺎﺕ ﻗﻌﺪﺕ ﺑﺤﺬﺍ ﻫﺎﻟﺔ ﻭﻫﻮ ﺑﺎﻗﻲ ﻋﻴﻨﻴﻪ ﻣﺘﻨﺤﺎﺗﺶ ﻋﻼﻫﺎ ﻳﺜﺒﺖ ﻓﺎﻫﺎ
ﻧﻴﺮﻭﺯ ﺷﺪ ﻗﻬﻮﺗﻚ
ﺧﺬﺍﺕ ﻓﻨﺠﺎﻥ ﺍﻟﻘﻬﻮﺓ ﻣﻦ ﻳﺪ ﺧﺪﻳﺠﺔ ﻫﺰﺕ ﻫﺎﻟﺔ ﺑﺎﻛﻮ ﺍﻟﺪﺧﺎﻥ ﻣﺪﺕ ﺳﻴﻘﺎﺭﻭ ﻋﻄﺎﺗﻮ ﻟﻨﻴﺮﻭﺯ
ﻻ ﻋﻴﺸﻚ ﻣﺎ ﻧﺘﻜﻴﻔﺶ
ﻭﻩ ﺷﺪ ﺟﺮﺏ ﺧﻴﺮ ﻣﻠﻲ ﺗﻘﻌﺪ ﺗﺤﺮﻕ ﻓﻲ ﺃﻋﺼﺎﺑﻚ ﻫﺎﻭ ﺳﻴﻘﺎﺭﻭ ﺃﺣﺮﻗﻮ
ﻻ ﻣﻨﺤﺒﺶ ﻧﺤﺮﻕ ﺃﻋﺼﺎﺑﻲ ﺧﻴﺮ ﻣﻠﻲ ﻧﺤﺮﻕ ﺳﺪﺭﻱ
ﺧﺬﺍﺕ ﺧﺪﻳﺠﺔ ﻣﻦ ﻳﺪﻫﺎ ﺍﻟﺴﻴﻘﺎﺭﻭ
ﻫﺎﺕ ﻫﺎﺕ ﺗﻮ ﻧﺘﻜﻴﻔﻮ ﺃﻧﺎ
ﻗﺎﻣﺖ ﻧﻴﺮﻭﺯ ﺭﺟﻌﺖ ﻟﻠﺒﻴﺖ ﺣﺴﺖ ﺍﻟﺠﻮ ﻣﺶ ﻋﺎﺩﻱ ﻓﻤﺎ ﺣﺎﺟﺔ ﻣﺶ ﻓﺎﻫﻤﺘﻬﺎ ﻗﻌﺪﺕ ﻓﻲ ﺍﻟﺒﻴﺖ ﺣﻠﺖ ﺳﺎﻛﻬﺎ ﺑﺶ ﺗﻤﺪ ﺗﺎﻟﻴﻔﻮﻧﻬﺎ ﻣﻠﻘﺎﺗﻮﺵ ﻓﺮﺗﺖ ﺍﻟﺴﺎﻙ ﺟﺒﺪﺕ ﻛﺒﻮﺗﻬﺎ ﻟﻮﺟﺖ ﻓﻴﻪ ﻣﻠﻘﺎﺗﺶ ﺧﺮﺟﺖ ﻋﻴﻄﺖ ﻟﺨﺪﻳﺠﺔ ﺟﺎﺗﻬﺎ ﻟﻠﺒﻴﺖ
ﻣﺸﻔﺘﺶ ﺗﺎﻟﻴﻔﻮﻧﻲ
ﻻ ﻭﺧﻴﺘﻲ ﻣﺸﻔﺘﺶ ﺣﺘﻰ ﺗﺎﻟﻴﻔﻮﻥ
ﻏﺮﻳﺒﺔ ﻣﻠﻘﻴﺘﻮﺵ ﺿﺎﻫﺮﻟﻲ ﻃﻴﺤﺘﻮ ﺍﻟﺒﺎﺭﺡ
ﻣﺶ ﻣﺸﻜﻠﺔ ﻛﺎﻥ ﺑﺶ ﺗﻜﻠﻢ ﺣﺪ ﻫﺎﻭ ﺗﺎﻟﻴﻔﻮﻧﻲ
ﻻﻻ ﻣﺎﻧﻴﺶ ﺑﺶ ﻧﺘﻜﻠﻢ ﺃﻣﺎ ﺧﺎﺗﺮ ﻓﻴﻪ ﻧﻮﺍﻣﺮ ﻭ ﺗﺼﺎﻭﺭ ﺃﻳﺎ ﻣﺶ ﻣﺸﻜﻠﺔ ﺩﻓﻌﺖ ﺑﻼ...
ﺭﺟﻌﺖ ﻟﻤﺖ ﺳﺎﻛﻬﺎ ﻟﻘﺎﺕ ﻛﺮﺍﺳﺔ ﺣﻄﺘﻬﺎ ﻓﻲ ﺳﺎﻛﻬﺎ ﺑﺎﻟﻐﺎﻟﻂ ﺣﻠﺘﻬﺎ ﻟﻘﺎﺕ ﻓﺎﻫﺎ ﻧﻮﻣﺮﻭ ﻫﺎﺭﻭﻥ ﺗﺒﺴﻤﺖ ﻣﻦ ﻏﻴﺮ ﻣﺎ ﺗﺸﻌﺮ ﻫﺎﺫﻱ ﺍﻟﻜﺮﺍﺳﺔ ﺍﻟﻠﻲ ﻗﻴﺪﺕ ﻓﺎﻫﺎ ﻧﻮﻣﺮﻭ ﻫﺎﺭﻭﻥ ﻧﻬﺎﺭﺓ ﺍﻟﻠﻲ ﻧﺴﺎﺕ ﺗﺎﻟﻴﻔﻮﻧﻬﺎ ﻓﻲ ﻛﺮﻫﺒﺔ ﺧﻮ ﻣﺮﻭﻯ ﺳﻜﺮﺗﻬﺎ ﻭ ﺧﺒﺎﺗﻬﺎ ﻓﻲ ﺍﻟﺴﺎﻙ ﻭ ﻧﻀﻤﺖ ﺍﻟﻔﺮﺵ ﺍﻟﻠﻲ ﺭﻗﺪﺕ ﻓﻴﻪ ﺳﻤﻌﺖ ﻫﺎﻟﺔ ﺗﻌﻴﻄﻠﻬﺎ ﺧﺒﺎﺕ ﺍﻟﺴﺎﻙ ﺗﺤﺖ ﺍﻟﻔﺮﺵ ﻭ ﻣﺸﺎﺗﻠﻬﺎ ﻟﻘﺎﺗﻬﺎ ﻫﻴﺎ ﻭ ﺧﺪﻳﺠﺔ ﻓﻲ ﻭﺳﻂ ﺍﻟﺪﺍﺭ ﻭ ﺍﻟﺮﺍﺟﻞ ﻣﺸﻰ
ﻭﻱ ﺗﺎﺗﺎ ﻫﺎﻟﺔ ﻋﻴﻄﺘﻠﻲ؟
ﺇﻱ ﻧﻴﺮﻭﺯ ﺑﺮﺍ ﺃﻓﻄﺮ
ﻻ ﻋﻴﺸﻚ ﺍﻟﺼﺒﺎﺡ ﻣﺎ ﻧﻔﻄﺮﺵ
ﻋﻠﻰ ﻛﻴﻔﻚ ﺇﻳﺠﺎ ﺃﻗﻌﺪ
ﻫﺰﺕ ﻛﺮﺳﻲ ﻭ ﻣﺸﺎﺕ ﻗﻌﺪﺕ ﺑﺤﺬﺍﻫﺎ
ﺷﻔﺖ ﺳﻲ ﺣﺎﺗﻢ ﺃﺫﺍﻛﺎ ﻓﻼﺡ ﻣﺎ ﻳﻌﺮﻓﺶ ﻃﺮﻑ ﺧﻼﻩ ﻭﻳﻦ
ﺭﺑﻲ ﻳﺰﻳﺪﻭ ﺗﺎﺗﺎ ﻫﺎﻟﺔ ﺃﻧﺎ ﺷﻌﻨﺪﻱ ﻧﻌﻤﻠﻮ؟
ﻧﺤﻜﻴﻠﻚ ﺧﺎﺗﺮ ﻣﻠﻲ ﺷﺎﻓﻚ ﻫﺒﻞ ﻋﻠﻴﻚ ﻭ ﺯﻳﺪ ﻫﻮ ﺭﺍﺟﻞ ﻋﺎﺯﺏ ﻛﺎﻥ ﺑﻤﺨﻚ ﻣﺎ ﺗﺸﻮﻑ ﺍﻟﻌﺰ ﻣﻦ ﻭﺭﺍﻩ
ﻗﺎﻣﺖ ﻣﻦ ﺑﻼﺻﺘﻬﺎ
ﻓﺎﺵ ﺗﺤﻜﻴﻮ ﻧﺘﻮﻣﺎ ﻳﺎﺧﻲ ﺑﺎﻟﻚ ﺗﺴﺘﺨﺎﻳﻠﻮﻧﻲ ﻭﺣﺪﺓ ﻣﺎ ﺗﺼﻠﺤﺶ
ﻗﺎﻣﺖ ﺧﺪﻳﺠﺔ ﺷﺪﺗﻬﺎ ﻣﻦ ﻳﺪﻫﺎ
ﻳﺎ ﻣﻬﺒﻮﻟﺔ ﻧﺤﻨﺎ ﻋﻠﻰ ﻣﺼﻠﺤﺘﻚ ﺑﻼﻫﻲ ﻗﻠﻲ ﻛﻴﻔﺎﺵ ﺑﺶ ﺗﻌﻴﺶ ﻭﻻ ﺑﺶ ﺗﻤﺸﻲ ﻟﺼﺎﺣﺒﺘﻚ ﺍﻟﻠﻲ ﻃﺮﺩﺗﻚ ﺑﺶ ﺗﺘﺼﺪﻕ ﻋﻠﻴﻚ ﺯﻳﺪ ﺷﻜﻮﻥ ﻗﺎﻝ ﺇﻧﺖ ﻃﻔﻠﺔ ﻣﺶ ﺑﺎﻫﻴﺔ ﻧﺤﻨﺎ ﻗﺼﺪﻧﺎ ﺗﺨﺮﺝ ﻣﻌﺎﻩ ﺗﻌﻤﻞ ﻣﻌﺎﻩ ﻗﻬﻮﺓ ﻛﻴﻒ ﻳﺠﻲ ﻟﻬﻨﺎ ﺗﻘﻌﺪ ﺑﺤﺬﺍﻩ ﺗﺤﻜﻲ ﺗﻔﺬﻟﻚ ﺃﺫﻳﻜﺎ ﻫﻴﺎ ﺍﻟﺤﻜﺎﻳﺔ
ﻧﻄﺮﺗﻠﻬﺎ ﻳﺪﻫﺎ
ﻻ ﻧﺤﺐ ﻧﺨﺮﺝ ﻣﻌﺎﻩ ﻻ ﻧﻌﻤﻞ ﻣﻌﺎﻩ ﻗﻬﻮﺓ ﻭ ﺣﺘﻰ ﺩﺍﺭﻛﻢ ﻫﺎﻧﻲ ﺗﻮﺍ ﺑﺶ ﻧﺨﺮﺝ ﻣﻨﻬﺎ
ﻣﺸﺎﺕ ﻟﻠﺒﻴﺖ ﻣﺪﺕ ﺣﻮﺍﻳﺠﻬﺎ ﺑﺶ ﺗﻠﺒﺴﻬﻢ ﺧﻠﻄﺖ ﻭﺭﺍﻫﺎ ﺧﺪﻳﺠﺔ
ﺷﺒﻴﻚ ﻧﻴﺮﻭﺯ ﻭﻳﻦ ﻣﺎﺷﻴﺔ
ﻣﺎﺷﻴﺔ ﻷﻱ ﺑﻼﺻﺔ ﻣﻔﻴﻬﺎﺵ ﺭﺟﺎﻝ ﻧﻌﻤﻞ ﻣﻌﺎﻫﻢ ﻗﻬﺎﻭﻱ
ﻳﺰﻱ ﻣﺎﻟﻬﺒﺎﻝ ﻧﺤﻨﺎ ﻧﺤﺒﻮ ﻋﻠﻰ ﻣﺼﻠﺤﺘﻚ ﻣﺘﺤﺒﺶ ﺇﻧﺖ ﺣﺮﺓ ﺃﻣﺎ ﺃﺑﻘﻰ ﻭﻳﻦ ﻋﻨﺪﻙ ﺗﻤﺸﻲ
ﻻ ﻋﻴﺸﻚ ﺗﻮ ﻧﺪﺑﺮ ﺭﺍﺳﻲ
ﻓﻜﺘﻠﻬﺎ ﺍﻟﻤﺮﻳﻮﻝ ﻣﻦ ﻳﺪﻫﺎ
ﻳﺰﻱ ﻣﺎﻟﻬﺒﺎﻝ ﻣﺎﻧﺎ ﻗﻠﻨﺎ ﻣﺎﺗﺤﺒﺶ ﺇﻧﺖ ﺣﺮﺓ ﺍﻟﻤﻬﻢ ﻣﺎ ﺗﻤﺸﻲ ﻟﺤﺘﻰ ﺑﻼﺻﺔ ﻭ ﺍﻟﻤﻮﺿﻮﻉ ﻫﺎﺫﺍ ﻣﻌﺎﺩﺵ ﻧﺠﺒﺪﻭﻩ
ﺧﺮﺟﺖ ﻫﺎﻟﺔ ﻗﺪﺍﻡ ﺍﻟﺒﺎﺏ ﻟﻘﺎﺕ ﺣﺎﺗﻢ ﻓﻲ ﻛﺮﻫﺒﺘﻮ ﻗﺪﺍﻡ ﺍﻟﺒﺎﺏ ﺣﻠﺖ ﺍﻟﺒﺎﺏ ﻃﻠﻌﺖ ﺑﺠﻨﺒﻮ
ﻫﻠﻮﻟﺔ ﺷﻌﻤﻠﺖ؟
ﻣﺘﺨﺎﻓﺶ ﺳﻲ ﺣﺎﺗﻢ ﺍﻟﺠﻤﻌﺔ ﺍﻟﺠﺎﻳﺔ ﻛﻴﻒ ﺗﺠﻲ ﺗﺒﺪﺍ ﺍﻷﻣﻮﺭ ﻭﺍﺿﺤﺔ
ﻫﺎﻟﺔ ﻣﻨﺤﺒﺶ ﻗﻠﻖ ﺭﺍﻫﻮ ﺟﺎﻱ ﻣﻦ ﺃﺧﺮ ﺍﻟﺪﻧﻴﺎ ﺑﺶ ﻧﺘﻔﺮﻫﺪ ﻣﺶ ﺑﺶ ﻧﺒﻘﻰ ﻧﻜﺴﺮ ﻓﻲ ﺭﺍﺳﻲ
ﻻﻻ ﻣﺎﻧﻲ ﻗﺘﻠﻚ ﻛﻴﻒ ﺗﺠﻲ ﺗﺒﺪﺍ ﺍﻷﻣﻮﺭ ﻭﺍﺿﺤﺔ ﻏﻴﺮ ﺇﻧﺖ ﻣﺘﻨﺴﺎﻧﺎﺵ
ﻣﺪ ﻓﻠﻮﺱ ﻣﻦ ﺍﻟﺘﺒﻠﻮ ﻣﺪﻫﻤﻠﻬﺎ
ﻣﺎﻙ ﺗﻌﺮﻓﻨﻲ ﻣﻨﻨﺴﺎﺵ ﺣﺒﺎﺑﻲ ﺃﻣﺎ ﻋﻨﺪﻱ ﻃﻠﺐ ﻛﺎﻥ ﺗﻨﺠﻢ ﺗﺤﻘﻘﻮ ﻋﻨﺪﻙ ﻛﺎﺩﻭ
ﺷﻨﻮﺓ ﺗﺤﺐ ﺳﻲ ﺣﺎﺗﻢ؟
ﺍﻟﺠﻤﻌﺔ ﺍﻟﺠﺎﻳﺔ ﻛﻴﻒ ﻧﺠﻲ ﻣﺎﻧﻴﺶ ﺑﺶ ﻧﺒﻘﻰ ﻫﻮﻧﻲ ﻧﺤﺐ ﻧﻬﺰﻫﺎ ﺗﻌﺪﻱ ﻣﻌﺎﻳﺎ ﺟﻤﻌﺔ ﻓﻲ ﺍﻟﺒﻼﺩ
ﺍﻟﺤﻖ ﻣﻨﺠﻤﺶ ﻛﺎﻥ ﺗﻤﻮﺕ ﻧﻤﺸﻲ ﻓﻲ ﺳﻼﺳﻞ
ﻣﺘﺨﺎﻓﺶ ﻗﺘﻠﻚ ﻣﻌﺎﻳﺎ ﻛﻴﻤﺎ ﻧﻬﺰﻫﺎ ﻛﻴﻤﺎ ﻧﺠﻴﺒﻬﺎ ﺇﻧﺖ ﺷﻮﻑ ﺃﻣﻮﺭﻙ ﻛﺎﻥ ﻧﺠﻤﺖ ﻗﻠﻲ ﺑﺶ ﺇﻧﻀﻢ ﺃﻣﻮﺭﻱ
ﺑﺎﻫﻲ ﺳﻲ ﺣﺎﺗﻢ ﺗﻮ ﻧﺸﻮﻑ ﻭ ﻧﻘﻠﻚ
ﻋﺎﻭﺩ ﺟﺒﺪ ﻓﻠﻮﺱ ﺃﺧﺮﻳﻦ ﻣﻦ ﺍﻟﺘﺎﺑﻠﻮ ﻣﺪﻫﻤﻠﻬﺎ
ﻛﺎﻥ ﻳﺼﻴﺮ ﺍﻟﻠﻲ ﻧﺤﺐ ﻋﻠﻴﻪ ﻋﻨﺪﻙ ﻣﻨﻲ ﺷﺎﻙ ﻛﺎﺩﻭ
ﺣﻠﺖ ﺍﻟﺒﺎﺏ ﻭ ﻫﺒﻄﺖ ﻭﻫﻮ ﺧﺪﻡ ﻛﺮﻫﺒﺘﻮ ﻭﻣﺸﻰ ﺩﺧﻠﺖ ﻟﻠﺪﺍﺭ ﻟﻘﺎﺕ ﺧﺪﻳﺠﺔ ﺗﺴﺘﻨﻰ ﻓﺎﻫﺎ ﻓﻲ ﺍﻟﺴﻘﻴﻔﺔ
ﺷﻌﻤﻠﺖ؟
ﻣﺪﺗﻠﻬﺎ ﺍﻟﻔﻠﻮﺱ ﻭ ﺣﻜﺎﺗﻠﻬﺎ ﺷﻘﺎﻟﻠﻬﺎ ﺣﺎﺗﻢ
ﻣﺴﺘﺤﻴﻞ ﺗﺮﺿﻰ ﺗﻮﺍ ﻣﺎ ﺭﺿﺎﺕ ﺗﻘﻌﺪ ﻛﺎﻥ ﺑﺴﻴﻒ ﺍﻟﺴﺨﻄﺔ ﻫﺎﺫﻱ ﺭﺍﺳﻬﺎ ﻛﺎﺳﺢ
ﺑﺮﺍ ﺧﺒﻲ ﺍﻟﻔﻠﻮﺱ ﺗﻮ ﻧﻘﻠﻚ ﺷﻨﻮﺓ ﺑﺶ ﻧﻌﻤﻠﻮ ﺭﺍﺳﻬﺎ ﻛﺎﺳﺢ ﻋﻠﻰ ﺍﻟﻨﺎﺱ ﺍﻟﻜﻞ ﺃﻣﺎ ﻣﻌﺎﻳﺎ ﺃﻧﺎ ﻻ ﻋﻨﺪﻱ ﻓﻲ ﻣﺨﻲ ﺣﻜﺎﻳﺔ ﺑﺶ ﺗﻮﻟﻲ ﻫﻴﺎ ﺗﺘﺸﺤﺖ ﻓﻴﻨﺎ ﺑﺶ ﺗﺒﻘﻰ ﻫﻮﻧﻲ
ﺑﻘﺎﺕ ﻓﻲ ﺍﻟﺒﻴﺖ ﺗﺨﻤﻢ ﺣﺎﺳﺔ ﺭﻭﺣﻬﺎ ﻭﺣﻠﺖ ﻓﻲ ﻣﺸﻜﻠﺔ ﻣﺶ ﻋﺎﺭﻓﺔ ﻋﻼﺵ ﻣﺶ ﻣﺮﺗﺎﺣﺔ ﻟﻬﺎﻟﺔ ﺧﺼﻮﺻﺎ ﺑﻌﺪ ﻓﺎﺯﺓ ﺍﻟﻴﻮﻡ ﺟﺒﺪﺕ ﺳﺎﻛﻬﺎ ﺟﺒﺪﺕ ﻣﻨﻬﺎ ﺍﻟﻜﺮﺍﺳﺔ ﻗﻌﺪﺕ ﻋﺎﻟﻔﺮﺵ ﺗﻜﺘﺐ ﺃﻭﻝ ﻣﺮﺓ ﻓﻲ ﺣﻴﺎﺗﻬﺎ ﺗﻜﺘﺐ ﻣﺬﻛﺮﺍﺕ ﺃﻣﺎ ﺗﻮﺍ ﺃﻛﺜﺮ ﻭﻗﺖ ﻣﺴﺘﺤﻘﺔ ﺑﺶ ﺗﻜﺘﺐ ﺧﺎﺗﺮ ﻣﻌﻨﺪﻫﺎﺵ ﻟﺸﻜﻮﻥ ﺗﺤﻜﻲ
ﺧﺪﻳﺠﺔ ﺗﺘﻜﻠﻢ ﻓﻲ ﺍﻟﺘﺎﻟﻴﻔﻮﻥ ﺳﻤﻌﺖ ﻫﺎﻟﺔ ﺗﻌﻴﻄﻠﻬﺎ ﻋﻠﻘﺖ ﺍﻟﺘﺎﻟﻴﻔﻮﻥ ﻭ ﻣﺸﺎﺗﻠﻬﺎ
ﺷﺒﻴﻚ ﺷﺘﺤﺐ؟
ﻣﺶ ﻗﺘﻠﻲ ﺗﺎﻟﻴﻔﻮﻥ ﺃﻛﺎ ﺍﻟﻔﺮﺧﺔ ﻋﻨﺪﻙ
ﺇﻱ ﻣﺨﺒﻴﺘﻮ ﻋﻼﻫﺎ ﺑﺶ ﻣﺎ ﺗﻌﻤﻠﻨﺎﺵ ﻣﺼﻴﺒﺔ ﻋﻼﺵ؟
ﺑﺮﺍ ﺟﻴﺒﻬﻮﻟﻲ ﻭ ﺇﻳﺠﺎ ﺗﻮ ﻧﻘﻠﻚ
ﻣﺸﺎﺕ ﻟﻠﻜﻮﺟﻴﻨﺔ ﺣﻠﺖ ﺍﻟﺨﺰﺍﻧﺔ ﻣﺘﻊ ﺍﻟﻤﺎﻋﻮﻥ ﺟﺒﺪﺕ ﺳﺎﺷﻲ ﻣﺨﺒﻴﺔ ﻓﻲ ﻭﺳﻄﻬﺎ ﺗﺎﻟﻴﻔﻮﻥ ﻫﺰﺗﻮ ﻭ ﺭﺟﻌﺖ ﻟﻬﺎﻟﺔ
ﺗﻔﻀﻞ ﻫﺎﻭ ﺗﺎﻟﻴﻔﻮﻧﻬﺎ ﻭﺭﻳﻨﻲ ﺷﻨﻮﺓ ﺑﺶ ﺗﻌﻤﻞ
ﺧﺬﺍﺕ ﺍﻟﺘﺎﻟﻴﻔﻮﻥ ﺃﻭﻝ ﻣﺎ ﺣﻠﺘﻮ ﻭﺻﻞ ﻣﻴﺴﺎﺝ ﻟﻬﺎﺭﻭﻥ ﺍﻟﻠﻲ ﺗﺎﻟﻴﻔﻮﻧﻬﺎ ﺗﺤﻞ ﻃﻠﺒﻬﺎ
ﻗﺎﻋﺪﺓ ﻓﻲ ﺍﻟﺒﻴﺖ ﺳﻤﻌﺖ ﺻﻮﺕ ﺗﺎﻟﻴﻔﻮﻧﻬﺎ ﻗﺎﻣﺖ ﺗﺠﺮﻱ ﻣﻦ ﺑﻼﺻﺘﻬﺎ ﺗﻠﻮﺝ ﻓﻲ ﺍﻟﺼﻮﺕ ﻣﻨﻴﻦ
ﻫﺎﻟﺔ ﺳﻜﺮﺕ ﺍﻟﺘﺎﻟﻴﻔﻮﻥ ﻭ ﺣﻄﺘﻮ ﻓﻲ ﻣﻜﺘﻮﺑﻬﺎ ﺧﺮﺟﺖ ﻧﻴﺮﻭﺯ ﺗﻠﻮﺝ ﻓﻲ ﺍﻟﺼﻮﺕ ﻣﻨﻴﻦ ﻛﻴﻒ ﺳﻜﺖ ﻋﻴﻄﺖ ﻟﺨﺪﻳﺠﺔ ﺧﺮﺟﺘﻠﻬﺎ ﻣﺮﺑﻮﺛﺔ ﻭ ﻭﺟﻬﺎ ﺃﺣﻤﺮ
ﺷﺒﻴﻚ ﻧﻴﺮﻭﺯ ﻟﺒﺎﺱ؟
ﺧﺪﻳﺠﺔ ﺗﺎﻟﻴﻔﻮﻧﻚ ﻛﺎﻥ ﻳﻨﻮﻗﺰ؟ ﺧﺎﺗﺮ ﺳﻤﻌﺖ ﺍﻟﺴﻮﻧﻮﺭﻱ ﻣﺘﻊ ﺗﺎﻟﻴﻔﻮﻧﻲ
ﻭﻩ ﻳﺎ ﻧﻴﺮﻭﺯ ﻳﺎﺧﻲ ﻛﺎﻥ ﺇﻧﺖ ﺣﺎﻃﺘﻬﺎ ﺍﻟﺴﻮﻧﻮﺭﻱ ﻳﻤﻜﻦ ﻋﻨﺪ ﺍﻟﺠﻴﺮﺍﻥ ﻭ ﺍﻟﺪﻳﺎﺭ ﻻﺻﻘﺔ ﺑﻌﻀﻬﺎ ﻛﻞ ﺷﻲ ﻳﺘﺴﻤﻊ
ﺧﺮﺟﺖ ﻫﺎﻟﺔ ﻻﺑﺴﺔ ﺟﻠﺒﺎﺑﻬﺎ
ﺍﻟﺒﻨﺎﺕ ﻫﺎﻧﻲ ﻣﺎﺷﻴﺔ ﻧﻘﻀﻲ ﺷﻮﻳﺔ ﻭ ﻧﺮﺟﻊ
ﻫﻴﺎ ﺧﺮﺟﺖ ﻭ ﻧﻴﺮﻭﺯ ﺭﺟﻌﺖ ﻟﻠﺒﻴﺖ ﻭ ﺧﺪﻳﺠﺔ ﺭﺟﻌﺖ ﺑﺶ ﺗﻜﻤﻞ ﺗﺎﻟﻴﻔﻮﻧﻬﺎ
ﺑﻘﻰ ﻳﻄﻠﺐ ﺍﻟﺘﺎﻟﻴﻔﻮﻥ ﻣﺎ ﺗﺤﻠﺶ ﻗﺎﻡ ﻟﺒﺲ ﺣﻮﺍﻳﺠﻮ ﻭ ﺧﺮﺝ ﻫﺰ ﻛﺮﻫﺒﺘﻮ ﻭﺑﻌﺚ ﻣﻴﺴﺎﺝ ﻟﻤﺤﻤﺪ ﻗﺎﻟﻮ ﺭﺍﻧﻲ ﺟﺎﻱ ﺑﺶ ﻧﺤﻜﻲ ﻣﻊ ﻣﺮﻭﻯ ﻭﺻﻞ ﺑﺤﺬﺍ ﺍﻟﻠﻴﺴﺎ ﺑﻘﻰ ﻳﺴﺘﻨﻰ ﻓﻲ ﻣﺤﻤﺪ ﺣﺎﻟﻞ ﺑﺎﺏ ﺍﻟﻜﺮﻫﺒﺔ ﻭ ﻗﺎﻋﺪ ﻳﺸﻮﻑ ﻓﻲ ﻣﺮﻭﻯ ﺧﺎﺭﺟﺔ ﻭ ﺍﻟﺒﻨﺎﺕ ﻳﻤﺸﻴﻮ ﻭﺭﺍﻫﺎ ﺳﻜﺮ ﺍﻟﺒﺎﺏ ﻭﻣﺸﺎﻟﻬﺎ
ﻣﺮﻭﻯ ﺇﺳﺘﻨﻰ
ﻛﻲ ﺷﺎﻓﺘﻮ ﻳﺒﺴﺖ ﻓﻲ ﺑﻼﺻﺘﻬﺎ
ﺗﻨﺠﻢ ﺗﻘﻠﻲ ﺷﺒﻴﻚ ﻋﻤﻠﺖ ﻫﻜﺎ؟ ﻓﺮﺣﺎﻧﺔ ﺗﻮﺍ ﻛﻲ ﻧﻴﺮﻭﺯ ﻣﺸﺎﺕ ﻣﻌﺎﺩﺵ ﻣﻮﺟﻮﺩﺓ ﺍﻟﻠﻪ ﺃﻋﻠﻢ ﺷﻨﻮﺓ ﺻﺎﺭﻟﻬﺎ
ﻣﻔﻬﻤﺘﻜﺶ ﻋﻠﻰ ﺷﻨﻮﺓ ﺗﺤﻜﻲ
ﻣﺮﻭﻯ ﻣﺘﺒﺪﺍﺵ ﺗﺘﺒﻬﻨﺲ ﻧﺤﺐ ﻧﻌﺮﻑ ﻧﻴﺮﻭﺯ ﺷﻨﻴﺔ ﻋﻤﻠﺘﻠﻚ
ﺩﺧﻠﺖ ﺑﻌﻀﻬﺎ ﺍﻟﻜﻼﺱ ﻛﺎﻣﻞ ﻭﺍﻗﻒ ﻳﺘﻔﺮﺝ ﻓﺎﻫﺎ ﺑﻮﻫﺎ ﻣﻦ ﺑﻌﻴﺪ ﻭﺍﻗﻒ ﺑﺶ ﻳﺮﻭﺡ ﺑﺎﻫﺎ ﺷﺎﻑ ﻭﺍﺣﺪ ﻳﺤﻜﻲ ﻣﻌﺎﻫﺎ ﻳﺼﻴﺢ ﻋﻼﻫﺎ ﻭ ﺍﻟﻨﺎﺱ ﻭﺍﻗﻔﺔ ﺗﺘﻔﺮﺝ ﻓﺎﻫﺎ ﻫﺒﻂ ﻳﺠﺮﻱ ﻣﺸﺎﻟﻬﺎ ﻛﻲ ﺷﺎﻓﺖ ﺑﻮﻫﺎ ﻭﺟﻬﺎ ﻟﺨﻠﺦ
ﻣﺮﻭﻯ ﺷﻔﻤﺎ؟
ﺷﻲ ﺑﺎﺑﺎ
ﺇﻧﺖ ﺑﻮﻫﺎ؟
ﺇﻱ ﺗﻔﻀﻞ ﺷﻜﻮﻥ ﺳﻴﺎﺩﺗﻚ
ﺇﺳﺌﻞ ﺑﻨﺘﻚ ﺍﻟﻠﻲ ﺑﺴﺒﺒﻬﺎ ﺗﻮﺍ ﻃﻔﻠﺔ ﻣﻔﻘﻮﺩﺓ ﻻ ﻧﻌﺮﻓﻮ ﻋﻼﻫﺎ ﺣﻴﺔ ﻻ ﻣﻴﺘﺔ
ﻣﻔﻬﻤﺘﻜﺶ ﺃﻧﺎﻫﻲ ﻃﻔﻠﺔ ﻭ ﺷﻨﻴﺔ ﺍﻟﺤﻜﺎﻳﺔ؟
ﻧﻴﺮﻭﺯ ﺻﺎﺣﺒﺘﻬﺎ ﻣﻌﻤﻠﺘﻠﻬﺎ ﺷﻲ ﻣﺴﻜﻴﻨﺔ ﻣﺸﺎﺕ ﻫﺒﻄﺘﻠﻬﺎ ﺗﺼﺎﻭﺭﻫﺎ ﻓﻲ ﺑﺎﺟﺎﺕ ﻣﺘﻊ ﺳﺎﻛﺲ ﻭ ﺯﻳﺪ ﺍﻟﻠﻪ ﺃﻋﻠﻢ ﺷﻨﻴﺔ ﻗﺎﻟﺘﻠﻬﺎ ﺑﺶ ﺍﻟﻄﻔﻠﺔ ﺧﺎﻓﺖ ﻭ ﻫﺮﺑﺖ
ﺗﻠﻔﺘﻠﻬﺎ ﺑﻮﻫﺎ ﻋﻴﻨﻴﻪ ﺣﻤﺮﺍ ﻣﺎﻟﻐﺶ
ﻣﺮﻭﻯ ﺷﻨﻮﺓ ﺍﻟﻜﻼﻡ ﺍﻟﻠﻲ ﻧﺴﻤﻊ ﻓﻴﻪ
ﺑﻌﺪﺕ ﻋﻠﻰ ﺑﻮﻫﺎ ﺧﺎﻳﻔﺔ
ﻭﺍﻟﻠﻪ ﻣﺶ ﺻﺤﻴﺢ ﻳﺎ ﺑﺎﺑﺎ
ﺻﺎﺡ ﺻﻴﺤﺔ ﺗﻬﺰﺕ ﻭ ﺗﺤﻄﺖ ﻓﻲ ﺑﻼﺻﺘﻬﺎ
ﻣﺮﻭﻯ ﻛﺎﻥ ﻣﺶ ﺑﺶ ﺗﻘﻮﻝ ﺍﻟﺤﻘﻴﻘﺔ ﺍﻟﻴﻮﻡ ﺑﺶ ﻧﻘﺘﻠﻚ
ﺗﻠﻔﺘﻠﻬﺎ ﻫﺎﺭﻭﻥ ﻫﺰﻫﺎ ﻭ ﺣﻄﻬﺎ
ﻣﺸﻜﻠﺘﻚ ﻣﻊ ﻧﻴﺮﻭﺯ ﺃﻧﺎ ﻣﺶ ﻫﻜﺎ؟ ﺗﻲ ﺃﻧﺎ ﻋﻤﺮﻱ ﻣﺎ ﺭﻳﺘﻚ ﻭ ﻻ ﻧﻌﺮﻓﻚ ﺯﻳﺪ ﺃﻧﺎ ﻧﻴﺮﻭﺯ ﻧﺤﺒﻬﺎ ﻋﻼﺵ ﺣﺒﻴﺖ ﺗﺪﺧﻞ ﺑﻴﻨﺎﺗﻨﺎ ﻣﻐﺎﺿﺘﻜﺶ ﺻﺎﺣﺒﺘﻚ
ﺑﻮﻫﺎ ﺯﺍﺩ ﺳﻤﻊ ﻛﻼﻡ ﻫﺎﺭﻭﻥ ﺯﺍﺩ ﺍﻟﺪﻡ ﻃﻠﻌﻠﻮ
ﻣﺮﻭﻯ ﺣﻞ ﻓﻤﻚ ﻛﻼﻣﻮ ﺻﺤﻴﺢ ﻗﻠﻲ ﻧﻴﺮﻭﺯ ﻭﻳﻨﻲ
ﻭﻗﺘﻬﺎ ﺗﺴﻴﺒﺖ ﻋﻼﻫﻢ
ﻧﻴﺮﻭﺯ ﻧﻴﺮﻭﺯ ﻣﺤﺴﻮﺏ ﺑﺶ ﺗﺘﻘﻠﻖ ﻫﻴﺎ ﻛﻲ ﺗﻠﻘﻰ ﺗﺼﺎﻭﺭﻫﺎ ﻓﻲ ﺑﺎﺟﺎﺕ ﻛﻴﻒ ﻫﻜﺎﻛﺎ ﻣﺤﺴﻮﺏ ﺷﻜﻮﻥ ﺑﺶ ﻳﻠﻮﺝ ﻋﻼﻫﺎ ﻭﺣﺪﺓ ﻻﻋﻨﺪﻫﺎ ﺃﺻﻞ ﻻ ﻓﺼﻞ ﺗﺤﺐ ﺗﺤﻂ ﺭﺍﺳﻬﺎ ﻣﻦ ﺭﺍﺳﻲ ﻭ ﺗﻘﺎﺭﻥ ﺭﻭﺣﻬﺎ ﺑﻴﺎ ﺇﻱ ﺃﻧﺎ ﺣﻄﻴﺘﻠﻬﺎ ﺗﺼﺎﻭﺭﻫﺎ ﻭ ﺗﺼﺎﻭﺭﻱ ﻭ ﻗﻠﺘﻠﻬﺎ ﺑﺶ ﻧﺸﻜﻲ ﺑﻴﻚ
ﻣﺰﺍﻟﺖ ﺑﺶ ﺗﻜﻤﻞ ﺗﺘﻜﻠﻢ ﺟﺎﻫﺎ ﻛﻒ ﻣﻦ ﻋﻨﺪ ﺑﻮﻫﺎ ﻭ ﻛﻤﻠﻠﻬﺎ ﺍﻟﺜﺎﻧﻲ ﻭ ﺍﻟﺜﺎﻟﺚ ﻭ ﺗﺴﻴﺐ ﻋﻼﻫﺎ ﻳﺴﺐ ﻓﺎﻫﺎ ﻣﺒﻌﺪ ﻛﺮﻛﺮﻫﺎ ﻣﻦ ﻳﺪﻫﺎ ﻃﻠﻌﻬﺎ ﻓﻲ ﺍﻟﻜﺮﻫﺒﺔ ﻫﺎﺭﻭﻥ ﺣﺲ ﺭﻭﺣﻮ ﺗﻔﺮﻫﺪ ﺷﻮﻳﺔ ﻛﻲ ﺷﺎﻓﻬﺎ ﻫﻜﺎﻛﺎ ﻋﺎﻟﻘﻠﻴﻠﺔ ﻳﻀﻤﻦ ﻛﻴﻒ ﻳﺮﺟﻊ ﻧﻴﺮﻭﺯ ﻣﺮﻭﻯ ﻣﻌﺎﺩﺵ ﺑﺶ ﺗﻘﻠﻘﻬﺎ
ﺇﻧﺖ ﺗﻜﻮﻥ ﻣﻦ ﻣﺴﻴﻮ ﻣﺤﻤﺪ؟
ﺗﻠﻔﺖ ﻟﻘﺎﻩ ﻃﻔﻞ
ﺇﻱ ﺃﻧﺎ ﻫﻮ ﺗﻔﻀﻞ
ﺃﻧﺎ ﻧﻘﺮﺍ ﻣﻊ ﻧﻴﺮﻭﺯ ﺳﻤﻌﺘﻚ ﺗﺤﻜﻲ ﻋﻠﻰ ﺍﻟﺒﺎﺝ ﻛﺎﻥ ﺗﺼﺎﻭﺭ ﻧﻴﺮﻭﺯ ﻣﺰﺍﻟﻮ ﻣﻮﺟﻮﺩﻳﻦ ﺇﻧﺠﻢ ﺇﻧﺤﻴﻬﻢ
ﺇﻱ ﻣﺰﺍﻟﻮ ﻗﺒﻴﻠﺔ ﺑﺮﻛﺎ ﺭﻳﺘﻬﻢ
ﺑﺎﻫﻲ ﺃﻋﻄﻴﻨﻲ ﺇﺳﻢ ﺍﻟﺒﺎﺝ ﺧﺎﺗﺮ ﺍﻝ pc ﻓﻲ ﺍﻟﺪﺍﺭ
ﻋﻨﺪﻱ ﺗﺎﺑﻼﺕ ﻓﻲ ﺍﻟﻜﺮﻫﺒﺔ ﺗﻨﺠﻢ ﺗﺴﺘﻌﻤﻠﻬﺎ
ﻣﺸﻰ ﻃﻠﻊ ﺑﺤﺬﺍﻩ ﻓﻲ ﺍﻟﻜﺮﻫﺒﺔ ﻣﺪﻟﻮ ﺍﻟﺘﺎﺑﻼﺕ
ﻣﺘﻜﻴﺔ ﻓﻲ ﺍﻟﺒﻴﺖ ﺗﺴﻤﻊ ﻓﻲ ﻫﺎﻟﺔ ﺗﻌﻴﻄﻠﻬﺎ ﺑﺎﻟﻘﻮﻱ ﺧﺮﺟﺖ ﺗﺠﺮﻱ ﻣﻔﺠﻮﻋﺔ
ﺷﻔﻤﺎ ﻟﺒﺎﺱ؟
ﻧﻴﺮﻭﺯ ﺍﻟﻴﻮﻡ ﻳﻠﺰﻡ ﻧﻠﻘﺎﻟﻚ ﺣﻞ ﺻﺎﺣﺒﺘﻚ ﻣﺘﻊ ﺍﻟﺘﺼﺎﻭﺭ ﺷﻜﺎﺕ ﺑﻴﻚ ﻭ ﺍﻟﺤﺎﻛﻢ ﻳﻠﻮﺝ ﻓﻴﻚ
ﺣﺴﺖ ﺍﻟﺪﻧﻴﺎ ﺩﺍﺭﺕ ﺑﺎﻫﺎ ﻗﻠﺒﻬﺎ ﻭﻟﻰ ﻳﺪﻕ ﺑﺎﻟﻘﻮﻱ
ﺃﺳﻤﻊ ﻣﺶ ﻭﻗﺖ ﺑﺶ ﺗﺘﺼﺪﻡ ﺍﻟﻴﻮﻡ ﻳﻠﺰﻡ ﻧﻠﻘﺎﻟﻚ ﺣﻞ ﻣﺎﺗﻌﺮﻓﺶ ﻋﻼﻫﻢ ﻭﻗﺘﺎﺵ ﻳﻌﺮﻓﻮ ﺑﻼﺻﺘﻚ ﻭ ﻳﺠﻴﻮﻙ
ﺑﻠﻌﺖ ﺭﻳﻘﻬﺎ ﺑﺴﻴﻒ ﺣﺴﺖ ﺣﻠﻘﻬﺎ ﺷﺎﺡ
ﻭﺷﻨﻮﺓ ﺑﺶ ﻧﻌﻤﻞ ﺗﻮﺍ؟
ﻋﻨﺪﻱ ﻟﻴﻚ ﺣﻞ ﺃﻣﺎ ﺧﺎﻳﻔﺔ ﻻ ﺗﺘﻐﺸﺶ
ﺷﻨﻮﺓ ﺍﻟﺤﻞ؟
ﺳﻲ ﺣﺎﺗﻢ ﻳﺴﻜﻦ ﺑﻌﻴﺪ ﺯﻳﺪ ﺭﺍﺟﻞ ﻭﺍﺻﻞ ﺇﻧﺠﻢ ﻧﻜﻠﻤﻮ ﻳﺠﻲ ﻳﻬﺰﻙ ﺑﺤﺬﺍﻩ ﻣﺪﺓ ﻟﻴﻦ ﻧﻠﻘﺎﻟﻚ ﺣﻞ ﻭ ﺗﻮﻓﻰ ﻫﺎﻟﺤﻜﺎﻳﺔ
ﺳﻲ ﺣﺎﺗﻢ
ﺇﻱ ﺳﻲ ﺣﺎﺗﻢ ﻭ ﻣﺶ ﻭﻗﺖ ﻣﺤﺎﺿﺮﺍﺕ ﺍﻟﺸﺮﻑ ﻭ ﺍﻟﻌﻔﺔ ﻣﺘﺎﻋﻚ ﻳﺠﻴﻚ ﻫﻮ ﻳﻬﺰﻙ ﺗﻌﺪﻱ ﻧﻬﺎﺭﻳﻦ ﻟﻴﻦ ﺗﺘﺤﻞ ﻣﺸﻜﻠﺘﻚ
ﺣﺴﺖ ﺭﻭﺣﻬﺎ ﺗﺤﺼﺮﺕ ﻣﻌﺎﺩﺵ ﻋﻨﺪﻫﺎ ﺣﺘﻰ ﺣﻞ
ﺑﺎﻫﻲ ﺗﻮ ﻧﻤﺸﻲ ﻣﻌﺎﻩ
ﺑﺎﻫﻲ ﺑﺮﺍ ﺣﻀﺮ ﺭﻭﺣﻚ ﻟﻴﻦ ﻧﻜﻠﻤﻮ ﻧﺸﺎﻟﻠﻪ ﻳﺮﺿﻰ ﺑﺮﻛﺎ ﻣﻨﻌﺮﻓﺶ ﻳﻮﺍﻓﻖ ﻭﻻ
ﺩﺧﻠﺖ ﻟﻠﺒﻴﺖ ﺑﺶ ﺗﻠﺒﺲ ﺣﻮﺍﻳﺠﻬﺎ ﻫﺎﻟﺔ ﺩﺍﺭﺕ ﻟﻘﺎﺕ ﺧﺪﻳﺠﺔ ﺗﻐﺰﺭﻟﻬﺎ ﻣﺼﺪﻭﻣﺔ
ﻭﻩ ﺷﺒﻴﻚ ﺑﺎﻫﺘﺔ ﻓﻴﺎ
ﻣﺎﻛﺶ ﻧﻮﺭﻣﺎﻝ ﻣﻼ ﻓﻴﻠﻢ ﻋﻤﻠﺘﻮ ﺷﻨﻮﺓ ﻫﺎﻟﺔ ﻗﺎﺭﻳﺔ ﺗﻤﺜﻴﻞ
ﺟﺒﺪﺗﻬﺎ ﻣﻦ ﻳﺪﻫﺎ ﺑﻘﻮﺓ
ﺷﺒﻲ ﺳﻤﺎﻙ ﻛﺎﻥ ﺗﺴﻤﻌﻚ ﺯﻳﺪ ﺷﻨﻴﺔ ﻫﺎﻟﺔ ﻫﺎﺫﻱ ﻣﺎﻧﺎ ﻣﺘﻔﺎﻫﻤﻴﻦ ﻓﻲ ﺍﻟﺨﺪﻣﺔ ﺃﻧﺎ ﺃﻣﻚ
ﺟﺒﺪﺕ ﻳﺪﻫﺎ ﻫﺰﺗﻬﺎ ﻭ ﺣﻄﺘﻬﺎ
ﻫﺎﻟﺔ ﺑﺶ ﻧﻀﺤﻜﻮ ﻋﻠﻰ ﺑﻌﻀﻨﺎ ﺗﻘﺎﺭﻥ ﻓﻲ ﺭﻭﺣﻚ ﺑﺄﻣﻲ ﻣﺮﺍ ﺣﺎﺟﺔ ﺑﻴﺖ ﺭﺑﻲ
ﺃﻳﺎ ﺑﺮﻛﺎ ﻣﺎﻻ ﻗﺪﻭﺓ ﺍﻷﻡ ﺣﺎﺟﺔ ﺑﻴﺖ ﺭﺑﻲ ﻭﺍﻟﺒﻨﻴﺔ ﺧﻠﻴﻨﻲ ﺳﺎﻛﺘﺔ ﻭﺗﻮﺍ ﻧﻘﺺ ﺣﺴﻚ ﻭﺑﺮﺍ ﺃﻃﻠﺐ ﺳﻲ ﺣﺎﺗﻢ ﻗﻠﻮ ﻣﻦ ﻏﻴﺮ ﻣﺎ ﺗﺴﺘﻨﻰ ﻟﻠﺠﻤﻌﺔ ﺍﻟﺠﺎﻳﺔ ﺃﻣﻮﺭﻙ ﻭﺍﺿﺤﺔ ﻗﻠﻮ ﻳﺠﻲ ﻳﻬﺰﻫﺎ ﻭﻳﺠﻴﺐ ﺷﺎﻙ ﺑﺈﺳﻤﻲ ﺇﻧﺖ ﻫﺎﻙ ﻭﻟﻴﺖ ﻻﻫﻴﺔ ﺑﺬﻛﺮﻳﺎﺗﻚ ﻣﻌﺎﺩﺵ ﻋﻨﺪﻱ ﻓﻴﻚ ﺛﻴﻘﺔ
ﻣﺸﺎﺕ ﻟﻠﺒﻴﺖ ﺑﺶ ﺗﺠﻴﺐ ﺗﺎﻟﻴﻔﻮﻧﻬﺎ ﺗﻠﻘﻰ ﻧﻴﺮﻭﺯ ﺗﺒﻜﻲ
ﺷﺒﻴﻚ ﻧﻴﺮﻭﺯ؟
ﺷﻲ ﺧﺪﻳﺠﺔ ﻣﺎﻋﻨﺪﻱ ﺍﻟﺰﻫﺮ ﻓﻲ ﺷﻲ ﻻ ﻋﻨﺪﻱ ﺃﻡ ﻻ ﺑﻮ ﻛﻴﻒ ﺍﻟﻨﺎﺱ ﺣﺘﻰ ﺍﻟﻄﻔﻠﺔ ﺍﻟﻠﻲ ﺣﺴﺒﺘﻬﺎ ﺃﺧﺘﻲ ﺷﻮﻑ ﺷﻌﻤﻠﺖ ﻣﻌﺎﻳﺎ ﺣﺘﻰ ﺇﻧﺖ ﻫﺎﻧﻲ ﺑﺶ ﻧﺒﻌﺪ ﻋﻠﻴﻚ ﻣﻔﻤﺎ ﺣﺪ ﻋﺮﻓﺘﻮ ﻭﻗﻌﺪ ﻣﻌﺎﻳﺎ
ﻧﻴﺮﻭﺯ ﺗﺤﻜﻲ ﻭﻫﻴﺎ ﺗﻘﻮﻱ ﻓﻲ ﺭﻭﺣﻬﺎ ﻛﻼﻡ ﻧﻴﺮﻭﺯ ﻛﺎﻳﻨﻮ ﺃﺑﺎﺭﻱ ﻗﺎﻋﺪﺓ ﺗﺘﻐﺮﺱ ﻓﻲ ﻗﻠﺒﻬﺎ ﺣﺴﺒﺖ ﺭﻭﺣﻬﺎ ﻣﺶ ﻣﻬﺘﻤﺔ ﻫﺰﺕ ﺍﻟﺘﺎﻟﻴﻔﻮﻥ ﻭ ﺧﺮﺟﺖ ﻣﺸﺎﺕ ﻟﻠﺪﻭﺵ ﺳﻜﺮﺕ ﺍﻟﺒﺎﺏ ﻭ ﺇﻃﺮﺷﻘﺖ ﺑﺎﻟﺒﻜﺎ ﺷﻮﻳﺔ ﻭ ﻣﺴﺤﺖ ﻋﻴﻨﺎﻫﺎ ﻃﻠﺒﺖ ﺣﺎﺗﻢ ﻗﺎﺗﻠﻮ ﺷﻨﻴﺔ ﻗﺎﻟﺘﻠﻬﺎ ﻫﺎﻟﺔ ﺗﻌﺪﺍﺕ ﻟﻠﺒﻴﺖ ﻟﺒﺴﺖ ﺳﻮﺭﻓﺎﺗﻤﻮﻥ ﻭ ﺧﺮﺟﺖ ﻛﺎﻳﻨﻬﺎ ﻫﺎﺭﺑﺔ ﻣﺎ ﺗﺤﺒﺶ ﺗﺸﻮﻑ ﻧﻴﺮﻭﺯ ﺃﻭﻝ ﻣﺮﺓ ﺗﺘﺄﺛﺮ ﺑﻜﻼﻡ ﺣﺪ ﻓﻲ ﺍﻟﻌﺎﺩﺓ ﻣﺴﺘﺎﻧﺴﺔ ﻣﺶ ﻣﻬﺘﻤﺔ ﺑﻄﺒﻴﻌﺘﻬﻢ ﺃﻏﻠﺐ ﺍﻟﺒﻨﺎﺕ ﻳﺠﻴﻮ ﺑﺈﺭﺍﺩﺗﻬﻢ ﻧﻴﺮﻭﺯ ﺃﻭﻝ ﻃﻔﻠﺔ ﺗﺮﻓﺾ ﺗﻲ ﻫﻴﺎ ﺭﺍﻓﻀﺔ ﺣﺘﻰ ﺗﻌﻤﻞ ﻣﻊ ﺍﻟﺮﺍﺟﻞ ﻗﻬﻮﺓ ﺧﻠﻲ ﻛﺎﻥ ﺗﻌﺮﻑ ﺍﻟﺒﺎﻗﻲ ﺣﺴﺖ ﺣﺎﺟﺔ ﻓﻲ ﺍﻟﻤﻜﺘﻮﺏ ﻛﻲ ﺟﺒﺪﺕ ﻟﻘﺎﺗﻮ ﺗﺎﻟﻴﻔﻮﻥ ﻧﻴﺮﻭﺯ ﺣﻄﺘﻮ ﻫﺎﻟﺔ ﻭﻧﺴﺎﺗﻮ
ﺑﻘﺎﺕ ﺗﺪﻭﺭ ﻣﺤﺴﺘﺶ ﺑﺎﻟﻮﻗﺖ ﻛﻴﻔﺎﺵ ﺗﻌﺪﻯ ﺍﻟﺪﻧﻴﺎ ﺿﻼﻣﺖ ﻭ ﺍﻟﻄﻘﺲ ﺑﺎﺭﺩ ﻭﻫﻴﺎ ﻗﺎﻋﺪﺓ ﻋﻠﻰ ﺣﺮﻑ ﺍﻟﺒﺤﺮ ﻻﺑﺴﺔ ﺳﻮﺭﻓﺎﺗﻤﻮﻥ ﻭ ﺷﻼﻛﺔ ﺳﻤﻌﺖ ﺗﺎﻟﻴﻔﻮﻧﻬﺎ ﻳﻨﻮﻗﺰ ﻫﺎﻟﺔ ﺗﻄﻠﺐ ﻓﺎﻫﺎ ﻣﺴﺤﺖ ﺩﻣﻮﻋﻬﺎ ﻭﻫﺰﺕ ﻋﻼﻫﺎ
ﺗﻔﻀﻞ ﺷﺘﺤﺐ
ﺃﺳﻤﻊ ﻳﺎ ﺳﻴﺪﻱ ﺧﺪﻳﺠﺔ ﺻﻮﺗﻬﺎ ﻋﻼ ﻭ ﻭﻻﺕ ﺗﺼﻴﺢ ﻋﻠﻴﺎ
ﻫﺎﻟﺔ ﻧﻘﺺ ﻣﻦ ﺍﻟﺤﻜﺎﻳﺎﺕ ﺍﻟﻔﺎﺭﻏﺔ ﻣﺘﺎﻋﻚ ﻭﻗﻠﻲ ﺷﺘﺤﺐ
ﺃﻛﺎ ﺍﻟﻔﺮﺧﺔ ﻣﺎﻣﺸﺎﺕ ﺇﻻ ﻣﺎﻭﺟﻬﻲ ﻭﻻ ﻓﻲ ﻗﻔﺎﻳﺎ ﻃﻠﻌﺖ ﻓﺎﻳﻘﺔ ﺍﻟﻔﺮﺧﺔ ﻣﺶ ﻛﻴﻤﺎ ﻓﻴﺒﺎﻟﻲ ﺑﺎﻫﺎ ﺍﻟﻴﻮﻡ ﺳﻲ ﺣﺎﺗﻢ ﻭﺍﻗﻒ ﻳﺴﺘﻨﻰ ﻭﻫﻴﺎ ﺗﺴﺄﻝ ﻓﻴﺎ ﺃﻧﺎ ﻣﻨﻴﻦ ﻋﺮﻓﺖ ﺍﻟﻠﻲ ﺻﺎﺣﺒﺘﻬﺎ ﺷﻜﺎﺕ ﺑﺎﻫﺎ
ﻭﺇﻧﺖ ﺷﻘﻠﺘﻠﻬﺎ؟
ﻗﻠﺘﻠﻬﺎ ﻋﻨﺪﻱ ﺷﻜﻮﻥ ﻳﺨﺪﻡ ﻓﻲ ﺍﻟﺤﺎﻛﻢ ﻣﺸﻴﺖ ﺑﺶ ﻧﺜﺒﺘﻠﻚ ﻓﻲ ﺣﻜﺎﻳﺘﻚ ﻟﻘﻴﺖ ﺷﻜﺎﻳﺔ ﺑﺈﺳﻤﻚ
ﻭﺗﻮﺍ ﺣﺴﺐ ﺭﺍﻳﻚ ﺑﻌﺪ ﻣﺎﻋﻤﻠﺖ ﻫﺎﺫﺍ ﺍﻟﻜﻞ ﻫﻴﺎ ﺑﺶ ﺗﻮﺍﻓﻖ ﺻﺪﻗﻨﻲ ﺗﻌﺒﺖ ﺭﻭﺣﻚ ﻭﺑﻌﺜﺘﻬﺎ ﺣﺮﺍﻡ ﻛﻴﻤﺎ ﻫﺰﻫﺎ ﻛﻴﻤﺎ ﺑﺶ ﻳﺠﻴﺒﻬﺎ ﻣﺶ ﺑﺶ ﻳﻤﺲ ﻣﻨﻬﺎ ﺷﻌﺮﺓ ﻧﻴﺮﻭﺯ ﻣﺶ ﻛﻴﻔﻨﺎ ﺯﻳﺪ ﻓﻲ ﻗﻠﺒﻬﺎ ﺭﺍﺟﻞ ﻭﻣﺶ ﺃﻱ ﺭﺍﺟﻞ ﻓﻲ ﻗﻠﺒﻬﺎ ﻋﺴﻜﺮﻱ
ﻭﻩ ﺑﻼﻫﻲ ﻳﺰﻳﻨﻲ ﻣﻦ ﺍﻟﺘﻔﻠﺴﻴﻒ ﻣﺤﺴﻮﺏ ﻓﻴﺒﺎﻟﻚ ﺳﻲ ﺣﺎﺗﻢ ﺑﺶ ﻳﺨﻼﻫﺎ
ﻫﺎﻟﺔ ﻓﺎﺵ ﺗﻘﺼﺪ؟ ﻗﺼﺪﻙ ﻳﻨﺠﻢ ﻳﺘﻌﺪﻯ ﻋﻼﻫﺎ؟
ﺃﻣﻮﺭﻭ ﻳﺘﻌﺪﻯ ﻋﻼﻫﺎ ﻳﻜﺘﻔﻬﺎ ﺩﻳﺠﺎ ﻫﻴﺎ ﻗﺮﻳﺐ ﺗﻮﺻﻞ ﺧﺮﺝ ﻣﻦ ﻫﻮﻧﻲ ﻋﻨﺪﻭ ﺃﻛﺜﺮ ﻣﻦ ﺳﺎﻋﺘﻴﻦ ﺗﻮ ﻛﻲ ﺗﺮﺟﻊ ﺗﻠﻘﺎﻫﺎ ﺟﺎﺕ ﻟﻠﺜﻨﻴﺔ
ﻋﻠﻘﺖ ﺍﻟﺘﺎﻟﻴﻔﻮﻥ ﺩﻣﻮﻋﻬﺎ ﺗﺠﺮﻱ ﺗﻔﻜﺮﺕ ﻭﻗﺘﻠﻲ ﺟﺎﺕ ﻟﺘﻮﻧﺲ ﺑﺶ ﺗﺨﺪﻡ ﻓﻲ ﺩﺍﺭ ﺑﺶ ﺗﻌﺎﻭﻥ ﺃﻣﻬﺎ ﻭ ﺃﺧﺘﻬﺎ ﺑﻌﺪ ﻣﺎﻣﺎﺕ ﺑﻮﻫﺎ ﺍﻟﺪﺍﺭ ﺍﻟﻠﻲ ﺗﺨﺪﻡ ﻓﺎﻫﺎ ﻭﻟﺪﻫﻢ ﺗﻌﺪﻯ ﻋﻼﻫﺎ ﺯﻳﺪ ﻃﺮﺩﻭﻫﺎ ﻭ ﻣﺮﻣﺪﻭﻫﺎ ﻛﻲ ﺗﻌﺮﻓﺖ ﻋﻠﻰ ﻫﺎﻟﺔ ﻓﻴﺒﺎﻟﻬﺎ ﺳﺨﻔﺖ ﻋﻼﻫﺎ ﺑﺶ ﺗﻌﺎﻭﻧﻬﺎ ﻳﺎﺧﻲ ﻟﻘﺎﺕ ﺭﻭﺣﻬﺎ ﻓﻲ ﺩﻭﻣﺎﻥ ﻣﺶ ﻣﺘﺎﻋﻬﺎ ﺟﺒﺪﺕ ﺗﺎﻟﻴﻔﻮﻥ ﻧﻴﺮﻭﺯ ﺣﻠﺘﻮ ﺧﺬﺍﺕ ﻣﻨﻮ ﻧﻮﻣﺮﻭ ﻗﻴﺪﺗﻮ ﻓﻲ ﺗﺎﻟﻴﻔﻮﻧﻬﺎ ﻋﺎﻭﺩﺕ ﺳﻜﺮﺕ ﺗﺎﻟﻴﻔﻮﻥ ﻧﻴﺮﻭﺯ ﻭﺭﺟﻌﺘﻮ ﻓﻲ ﻣﻜﺘﻮﺑﻬﺎ ﻃﻠﺒﺖ ﺍﻟﻨﻮﻣﺮﻭ ﺑﻘﺎ ﺷﻮﻳﺔ ﻳﻨﻮﻗﺰ ﻣﺒﻌﺪ ﻫﺰ ﻋﻼﻫﺎ
ﺃﻟﻮ ﻫﺎﺭﻭﻥ ﻣﻌﺎﻳﺎ؟
ﺇﻱ ﻫﺎﺭﻭﻥ ﺷﻜﻮﻥ ﺇﻧﺖ؟
ﻫﺎﺭﻭﻥ ﺃﻧﺎ ﻻﺯﻣﻨﻲ ﻧﻘﺎﺑﻠﻚ ﺗﻮﺍ
ﺑﺨﺼﻮﺹ ﺷﻨﻮﺓ ﻭﺷﻜﻮﻥ ﺇﻧﺖ
ﺃﻧﺎ ﻭﺣﺪﺓ ﻣﺘﻌﺮﻓﻨﻴﺶ ﻭ ﺍﻟﻤﻮﺿﻮﻉ ﺑﺨﺼﻮﺹ ﻧﻴﺮﻭﺯ
ﻭﻳﻨﻲ ﻫﻴﺎ
ﺃﻧﺎ ﺗﻮﺍ ﻳﻠﺰﻣﻨﻲ ﻧﻘﺎﺑﻠﻚ ﺇﺯﺭﺏ ﺭﻭﺣﻚ ﻧﻴﺮﻭﺯ ﻛﺎﻥ ﻣﺎﺗﺨﻠﻄﺶ ﻋﻼﻫﺎ ﻳﻤﻜﻦ ﺗﺘﻘﺘﻞ
ﻛﻲ ﺳﻤﻊ ﻛﻼﻣﻬﺎ ﺗﻨﻄﺮ ﻣﻦ ﺑﻼﺻﺘﻮ ﻗﺘﻠﻮ ﻫﻴﺎ ﻭﻳﻦ ﺧﺮﺝ ﻳﺠﺮﻱ ﺧﺪﻡ ﺍﻟﻜﺮﻫﺒﺔ ﻭ ﻃﺎﺭ ﻭﺻﻞ ﻟﻠﺒﻼﺻﺔ ﻳﺸﻮﻑ ﻓﺎﻫﺎ ﻭﺍﻗﻔﺔ ﻣﻘﺎﺑﻠﺘﻮ ﻣﺸﺎﻟﻬﺎ ﺳﻠﻢ ﻋﻼﻫﺎ
ﻭﻳﻨﻲ ﻧﻴﺮﻭﺯ؟
ﻣﺪﺗﻠﻮ ﺍﻟﺘﺎﻟﻴﻔﻮﻥ ﻣﺘﻊ ﻧﻴﺮﻭﺯ ﺑﻘﻰ ﻳﻐﺰﺭﻟﻬﺎ ﺑﺎﻫﺖ ﻭﻣﺪﺗﻠﻮ ﺯﻭﺯ ﺃﻭﺭﺍﻕ
ﻫﺎﺫﻱ ﺍﻷﺩﺭﻳﺴﺔ ﺍﻟﻠﻲ ﻣﻮﺟﻮﺩﺓ ﻓﺎﻫﺎ ﻧﻴﺮﻭﺯ ﻭﻫﺎﺫﺍ ﺇﺳﻢ ﺍﻟﻤﺮﺍ ﺍﻟﻠﻲ ﺑﻌﺜﺖ ﻧﻴﺮﻭﺯ ﻟﻠﻬﻼﻙ ﻫﺎﺭﻭﻥ ﺑﻌﺪ ﻣﺎﺗﺠﻴﺐ ﻧﻴﺮﻭﺯ ﺍﻟﻤﺮﺍ ﻫﺎﺫﻱ ﻳﻠﺰﻣﻬﺎ ﺗﺘﺤﺎﺳﺐ ﻫﻴﺎ ﺍﻟﻠﻲ ﺿﻴﻌﺘﻨﻲ ﻭﺗﺤﺐ ﺗﻀﻴﻊ ﻧﻴﺮﻭﺯ
ﺧﺬﺍ ﺍﻷﻭﺭﺍﻕ ﻣﻦ ﻋﻨﺪﻫﺎ ﻭﺭﺟﻊ ﻳﺠﺮﻱ ﻟﻠﻜﺮﻫﺒﺔ ﻃﻠﺐ ﺻﺎﺣﺒﻮ ﻋﺎﺩﻝ ﺣﻜﺎﻟﻮ ﺍﻟﻠﻲ ﺻﺎﺭ
ﺑﺎﻫﻲ ﻫﺎﺭﻭﻥ ﻫﺪﻱ ﺭﻭﺣﻚ ﻫﺎﻧﻲ ﺑﺶ ﻧﻬﺰ ﺩﻭﺭﻳﺔ ﻭ ﻧﺨﻠﻂ ﻋﻠﻴﻚ ﺑﻘﺪﺭﺓ ﺭﺑﻲ ﻟﺒﺎﺱ
ﻛﻠﻢ ﻋﺎﺩﻝ ﻋﺮﻓﻮ ﺣﻜﺎﻟﻮ ﺷﺼﺎﺭ ﺑﻌﺚ ﻣﻌﺎﻩ ﺩﻭﺭﻳﺔ ﻭ ﻋﻠﻢ ﺍﻟﻤﻨﻄﻘﺔ ﺍﻟﻠﻲ ﺗﺎﺑﻌﺔ ﺍﻟﺒﻼﺻﺔ ﺍﻟﻠﻲ ﻣﻮﺟﻮﺩ ﻓﺎﻫﺎ ﺣﺎﺗﻢ ﺧﺎﺗﺮ ﺍﻟﺒﻼﺻﺔ ﺑﻌﻴﺪﺓ ﻳﺴﻮﻕ ﺣﺲ ﻋﻴﻨﻴﻪ ﺿﻼﻣﺖ ﻛﻼﻡ ﺧﺪﻳﺠﺔ ﺑﺎﻗﻲ ﻳﺮﻥ ﻓﻲ ﻭﺫﻧﻴﻪ ﻛﺎﻥ ﺗﺼﻴﺮ ﻟﻨﻴﺮﻭﺯ ﺣﺎﺟﺔ ﻳﻤﻜﻦ ﻳﻤﻮﺕ ﺍﻟﺜﻨﻴﺔ ﺑﻌﻴﺪﺓ ﻭ ﻫﻮ ﻳﺠﺮﻱ ﺍﻟﺸﺘﺎﺀ ﺗﺠﺒﺪ ﺣﺲ ﺑﺈﺣﺴﺎﺱ ﺧﺎﻳﺐ ﻣﺶ ﻋﺎﺭﻑ ﻋﻼﺵ ﻛﻞ ﻣﺎ ﺗﺼﺐ ﺍﻟﺸﺘﺎﺀ ﺗﺼﻴﺮ ﺣﺎﺟﺔ ﺧﺎﻳﺒﺔ ﻟﻨﻴﺮﻭﺯ
ﻭﺻﻠﺖ ﻣﻌﺎﻩ ﻟﻠﺒﻼﺻﺔ ﺩﺧﻞ ﻓﻲ ﻓﻴﺮﻣﺔ ﻛﺒﻴﺮﺓ ﻭﻗﻒ ﺍﻟﻜﺮﻫﺒﺔ ﻭﻫﺒﻂ
ﺃﻫﺒﻂ ﻧﻴﺮﻭﺯ ﻫﺎﻧﺎ ﻭﺻﻠﻨﺎ
ﻫﺒﻄﺖ ﺩﻭﺭﺕ ﻋﻴﻨﺎﻫﺎ ﻋﺎﻟﺒﻼﺻﺔ ﻳﺎﺳﺮ ﻣﻮﺣﺸﺔ ﻣﻘﺎﺑﻠﻬﺎ ﺑﺎﺏ ﻛﺒﻴﺮ ﻣﺸﻰ ﺣﻠﻮ ﺩﺧﻠﺖ ﻭﺭﺍﻩ ﺩﺍﺭ ﻛﺒﻴﺮﺓ ﻣﺤﺒﺘﺶ ﺗﺜﺒﺖ
ﺳﻲ ﺣﺎﺗﻢ ﺗﻨﺠﻢ ﺗﻮﺭﻳﻨﻲ ﺍﻟﺒﻴﺖ ﺍﻟﻠﻲ ﺑﺶ ﻧﻘﻌﺪ ﻓﺎﻫﺎ ﺧﺎﺗﺮ ﺗﺎﻋﺒﺔ
ﺑﻘﻰ ﻳﻐﺰﺭﻟﻬﺎ ﻣﺴﺘﻐﺮﺏ
ﺍﻟﺒﻴﺖ ﺍﻟﻠﻲ ﺑﺶ ﻧﻘﻌﺪﻭ ﻓﺎﻫﺎ ﻗﺼﺪﻙ ﻣﺶ ﻫﻜﺎ !!
ﺑﻌﺪﺕ ﻋﻠﻴﻪ ﺷﻮﻳﺔ ﻋﻴﻨﺎﻫﺎ ﻭﺳﺎﻋﺖ ﺑﺎﻟﺨﻮﻑ ﻭ ﻗﻠﺒﻬﺎ ﻳﻀﺮﺏ ﺑﺎﻟﻘﻮﻱ
ﺳﻲ ﺣﺎﺗﻢ ﻓﺎﺵ ﺗﺤﻜﻲ؟
ﺷﺒﻴﻚ ﻧﻴﺮﻭﺯ ﻳﺎﺧﻲ ﺇﻧﺖ ﻋﻼﺵ ﺟﻴﺖ ﻫﻮﻧﻲ ﺷﻨﻮﺓ ﻗﺘﻠﻚ ﻫﺎﻟﺔ؟
ﻗﺘﻠﻲ ﺍﻟﻠﻲ ﺇﻧﺖ ﺑﺶ ﺗﺨﻠﻴﻨﻲ ﺑﺤﺬﺍﻙ ﺑﺶ ﺍﻟﺤﺎﻛﻢ ﻣﺎﻳﻠﻘﺎﻧﻴﺶ
ﺣﺎﻛﻢ !!! ﺍﺍﺍ ﺇﻱ ﺇﻱ ﺳﻤﺤﻨﻲ ﻣﺨﻲ ﻣﺶ ﻓﻮﻗﻲ ﺃﻃﻠﻊ ﻟﻔﻮﻕ ﺗﻮ ﻧﻮﺭﻳﻚ ﺑﻴﺘﻚ
Aucun commentaire:
Enregistrer un commentaire