كرونيك

نتفكر الحكاية بدات وانا عمري11وقتها مزلنا كي نقلنا لحومة جديدة مانعرف حد مانخرجش ومانكلم حد وقتها كان صيف الصيف الي باش نتعدا بعدو للكولاج يعني طفلة صغيرة مانعرف شي جيست نستنى في مرحلة جديدة في حياتي هي الخروج مالمدرسة والاستغناء على الطبلية الروز الي نكرها ههههه
نهار فالقايلة خرجت نشري ماو تعرفو القايلة فالصيف صعيب ياسر باش تلقى شكون فالشارع انا نمشي و نحس في شكون يمشي وريا خفت و زربت في مشيتي خلط عليا عيطلتي
-ياطفلة ستنى
تلفت ومشيت ماحبيتش حتى نتلفت ورايا
-ماتخافش باش نسالك كهو
-تفضل شكونك شتحب
-ههههه شبيك تصيح ماتخافش
-مانخافش انا اما مانحكيش مع عباد مانعرفهمش
-عندك الحق باهي انا مراد وانت
-علاش تسال تعرفني باش تحكي معيا اخطاني
-يابنتي راني مانكلش قلي شسمك كهو
-لا واخطاني خير مانولي نصيح ونعيط نخرجلك الجيران
-هههههه باهي برا امشي هاني باش نخطاك ياقطوسة
-ونخبش زادا احسنلك تبعدني
ومشيت رجعت نزرب ومفجوعة ماحبيتش نوريه خوفي اما انا كنت خايفة علخر وقلبي يضرب فالماية ...توا خنحكيلكم عليه محلاه محلاه محلاه طويل و ضعيف اما تحسو قوي عينيه كبار وحواجبو مڨرونين يعمل عمرو فال23 24 ضحكتو تفتق يحكي معيا بكل برودية دم وانا نتهز و نتحط ...
حاسيلو مانعرش على روحي كيفاش وصلت لدار نحس في برشا حاجات خوف و فرحة تخلبزت ودخلت بعضي
الجزء الثاني : كل مانخرج مالدار نشوفو مانعرفش علاش نحس فيه يتبع فيا عينيه ديما عليا وين نتلفت نلقاه صحيح بعيد اما انا نحس فيه قريب نحسو يحب يقلي حاجة ..
عديت ايمات فالبحر وروحت بدني الكل برونزي خدودي حمر و شعري هايج لابسة روبة قصيرة تي قول مريول عادي انا طفلة صغيرة ونلبس الي نحب خرجت نشري بحكم مانعرف حد ديما وحدي
المرة هذه مابقاش يمشي وريا المرة خلط عليا و جبدني من يدي بقوة وبما اني خفيفة طول جيت مقابلتو راسي في كرشو خاتر هو طويل برشا ولا انا قصيرة برشا ..انا جيت باش نعيط عليه وهو سبقني و بدا يعيط
-شبيك لابسة هكا لباس انت تخرج هكا في حومة كلها اولاد برا روح بدل حوايجك واخر مرة نشوفك لابسة هكا
انا بقيت نغزرلو و ماتكلمت حتى كلمة وقلبي يغلي شبيه هذا لباس ماو يحكي معيا هكا شيهمو فيا نلبس الي نحب اول مرة نشوف عبد يعيط عليا انا بتول الدلولة صغرونة الدار يعيط عليا حد وفالشارع شكونو هو
دخلت بعضي وعينيا بدلت باش ادمع شديت روحي و نطرتلو يديه من يديا ومشيت ثنيه كاملة وانا نتحلف والله مانقول بيه لبابا تو نوريه كيفاش يصيح عليا ويعيط
وصلت لدار بلعت سكينة بدمها مانجمت نقول شي دخلت لبيتي سكرتها وبقيت نبكي شكونو هذا شبيه هكا يعمل معيا علاش ديما يتبع فيا شبيه المرة الي فاتت محلاه واليوم ماخيبو علاش عيط و صاح عليا شعمتلو انا...
الجزء الثالث : جمعة كاملة ماخرجتش مالدار خايفة لا نشوفو مرة اخرى قلت اكيد هذا يحب يقتلني هكا شعطاني مخي حتى يخرجو دارنا يحوسو انا مانخرجش
نهار وحدي فالدار قلقت علخر لا يزي مانخرجش و زيد وحدي طلعت للبركون حطيت كرسي وبقيت نقرا في كتاب صغيرة اما ذكية نعرف شنحب و جريئة علخر هذه انا
غزرت على غفلة نلقاه بحذا الجنينة الي قدام دارنا متكي على كرهبة ويغزر لباب دارنا تربثت مالاول اما بعد قلت يلزمني نعرف شبيه و شنيا يحب مني هبطت نجري قلت يلزمني نحكي معاه وقبل مانخرج دخلت لبيتي لبست اقصر روبة عندي مانعرفش شماتة تحدي المهم وقتها جاء في مخي باش نلبس روبة قصيرة حبيت نستفزو باش نعرفو شيحب عندي خرجت مشيتلو طول من غير لا حشمة لا خوف قتلو
-تحب شتعمل قدام دارنا
غزرلي وضحك :نستنى فيك اما شبيك لابسة هكا شقتلك انا و وينك اكثر من جمعة ماريتكش هكا تخليني متحير عليك
-اول حاجة شمدخلك نلبس الي نحب ثاني حاجة شعندك فيا نخرج ولا وثالث حاجة تحب عندي علاش تستنى فيا
فاللحظة اذيكا حسيت عينيه باش تشعل فيها النار وجهو حمار وقربلي قالي: لسانك تنقص فيه خير مانقصهولك خليك عاقلة و رزينة عندي مانحكي معاك
-موش باش انقص في لساني و وريني شنيا باش تعمل
-هو زاد شعل و ضهر على وجهو الغش غش موش عادي عمري ماريت حد متغشش اكاك اما محلاه وهو اكاك حسيت فيه رجولية موش عادية قلبي قريب يطير من بلاصتو
قتلو:لحظة نلبس صندلي و نجي مايجيش ناقفو قدام الدار
انا جيت ماشية و هو قالي وبدل الروبة
تلفتلو باش نقلو لا
ياخي سبقني وقالي امان هوذ بخاطري وبدلها
ضعفت وحسيتو غلبني قتلو باهي لحظة و نجي
الجزء الرابع : دخلت لدار طول حليت شعري و شبشبتو مالصغرة مانستعرفش بحاجة اسمها بوند ولا شكال ديما شعري هايج ومسيب لبست مريول ابيض و جيب ازرق و صندل وخرجت انا وقفت قدام الباب و هو غزرلي حل عينيه فيا و تبسم قربلي وقالي: نحيت الروبة ولبست جيب باهي
-انت ماقتليش ماتلبس جيب انت قتلي نحي الروبة هاني نحيتها 😁
-هههه باهي صحة الراس هذه تو نعرف كيفاش انحيها قبل كل شي شسمك راني باش نهبل و نعرف اسمك
-#بتول
-محلاه اسمك وانا مراد
-نعرف ماك قتلي هيا نبعدو عالدار لايرانا حد
ثنية كاملة نمشيو ساكتين و كل مانغزرلو نلقاه يغزرلي
-موش قتلي عندي مانحكي معك احكي شبيك ساكت فيسع راني مانجمش نبطى
-ياخي شبيك ديما تهاجم ماتعرفش تحكي بسايسة ماكذبتش كي سمستك قطوسة يالة عندك الحق هاو باش نحكي هاو باش نبدا مالاول
من اول نهار ريتك فيه هابطة مالكرهبة و داركم يجيبو في دبشهم لدار الجديدة وانت في مخي عجبتني و حليت في عيني ونحب نحكي معاك
قصيت عليه وطرشقت بالضحك وقتلو قداه عمرك ؟
-23
-تعرف انا قداه عمري؟
-لا قلي
-عمري 11 سنة باش نتعدا للكولادج مزلت صغيرة انا مانعرفش الحاجات هذه
هو سمع 11 سنة و طرشق بالضحك شنيا قداه عمرك 11 سنة هههههه هيا عيش بنتي نروح بيك هيا هههههه
ڨحرتلو ومشيت وخليتو واقف يضحك
الجزء الخامس : رجعت لدار نغزل و نبكي لباس هو في راسو يضحك عليا نرمال يقلي عيش بنتي مانيش بنتو وانا ماقتلوش يحكي معيا هو جرى في جرتي انا مانعرفوش هو يتبع بيا كل يوم وتو يجي يقولي عيش بنتي ...
عديتها ليلة كاملة بكاء حسيتو نبزني و زلعني وانا موش مستنسة اول مرة نتحط في موقف هكا انا مالي صغيرة برية ومانحكيش مع العباد بعيدة جملة حتى الفامي عمري مامشيتلهم و اصحاب ماعنديش برشا و زدنا نقلنا من دارنا يعني ماعندي حد حتى خوات عندي اخت واحدة اكبر مني بعشرة سنين علاقتنا موش باهية ببعضنا هي ترا فيا صغيرة و انا نرا فيها تافهة ...
هو يحكي ..
ثنية كاملة مروح نضحك اذيكا عمرة حداش سنة البدن و الصدر و الشعر حداش سنة ههههه لا لا باز تكذب عليا باش مانحكيش معاها لا تي لسانها وحدو عمرو عشرين سنة قالو حداش سنة نهار كامل عديتو نخمم فيها بتول محلاها اما صغيرة يلزمني نطلب منها السماح و معدش ندور بيها طفلة صغيرة ماهاش متاع حب وحكايات ..
الجزء السادس : ماحلاهم النجوم ماصاب كان جيت نجمة راني بعيدة عالناس الكل راني ماريتش هالسخطة مراد ولا عرفتو راو ماضحكش عليا انا اكاك نحكي وحدي و نشوف فيه قدامي واقف مقابلني فركت عينيا بالك انا نحلم ياح وليت نحلم بيه وانا فايقة حليت عنيا و غزرتلو لا تي هاو هو بالحق شيعمل هنا شبيه قاعد يقرب لشباك جيت باش نهبط سمعتو قالي
-بتول لحظة
-شتحب شتعمل هنا كان يشوفك حد
-توحشتك
طرشقت بالضحك وقتلو ضحكتني ياخي ناوي تفركهم عليا ولا شنيا حكايتك
-بتول لا بتول نحكي بالرسمي سامحني والله ماقصدت نضحك عليك والله مالصدمة ضحكت فيبالي عمرك اكبر والله لا قصد مانيش ولد حرام انا باش نجرحك سامحني
بقيت نغزرلو وحسيت في كلامو صدق اما لا مايلزموش يعرف الي انا صدقتو : لا تكذب انت حبيت تضحك عليا وهاك عملت الي حبيت عليه ابعد توا خير مانقوم نعيطلك لبابا
-بتول شبيك تحكي كالصغار تقول عمرك اربعة سنين
-اي صغيرة وعمري مايبعدش برشا عالاربعة سنين
-مانقصدش هكا سامحني اما والله لا قصدت سامحني
-باهي اسماح برا توا قبل مايفيق حد
-مانمشي الا ماتقولي الي انا غدوة باش نراك
-لا انسى
-ملا هاني هانا باش نبات تحت شباك بيتك لين توافق وتخليني نشوفك
احنا اكاك نحكيو ونسمع في بابا يعيط بتول بتول
-مراد برا بابا يضهرلي سمعك برا
-قولي باهي غدوة نتقابلو سي نو موش ماشي
ين -باهي برا و
-ههههه البلاصة الي وقفنا فيها المرة لخرى
-اوك بونوي
-بونوي يااحلا فراشة فالدنيا
ضحكت وهبطت مالشباك ترميت عالفرش انا اكاك وبابا حل الباب وقالي شتعمل شبيه الضو لتو يشعل
-بابيتو ماجانيش النوم هاني باش نطفيه
-باهي برا ارقد راك ستنست بالسهر و قريب باش ترجع تقرا
-باهي روحي بونوي
-بونوي
الجزء السابع : روحت لدار حاسة روحي مخنوقة اما موش متغشة عليه هو عندو الحق وهكا الي لازمو يصير ..
مراد يحكي
بتول بتول موش منجم نخرجك من راسي مالي ريتك عشقتك علاش جيت صغيرة الزح كان جيت اكبر شوي والله لا نسلم فيك
تعدات جمعة ثنين ثلاثة و انا من بيتي مانخرجش قاعدة نرجع في توازني نحب نرجع كيما كنت اول تجربة في حياتي يصيرلي هكا علاش ياربي علاش هكا ...
مراد بعد على اصحابو كان الشرب و الدخان كل ليلة يمشي تحت شباك بتول و يقعد يستناها فماش ماتحله وشي يشوف كان في خيالها ماشي جاي...
بتول كانت عندها صاحبة وحدة تسكن بحذها في حومتها القديمة ..توحشتها برشا وقالت اليوم نمشي بحذا اشراف لازم نحكيلها الي صار مانجم نفرغ قلبي لحد كان هيا ...
بدلت حوايجي لبست روبة قصيرة و شبشبت شعري و خرجت ملي حليت الباب و انا داخلة بعضي مانحبش نخمم فيه ..انا ماشية فالثنية و نسمع في شكون يعيط بتول لحظة
ماحبيتش نتلفت صوتو ياربي علاش تي شبيه هذا كبست روحي و تلفتلو
تبسمتلو وقتلو اهلا مراد سافا
-حمدالله وينك شبيني معدش نراك
-شي فالدار قاعدة نقرا نحضر في روحي للقراية
-وين ماشية شبيك لابسة هكا شتفهمنا احنا عالروب القصار
-شنوا هذا ياخي انت شمدخلك فيا نلبس الي نحب
-لا بتول مانحب حد يراك هكا معدش تلبس العريا افهم
-عاودلي ماسمعتش شنيا هذه ماتحبش تي شكونك انت باش تقولي هكا
-بتول افهم ياخي مخك وينو
-شنيا تحبني نفهم تراه انا صغيرة ومانفهمش
انا مزلن نحكي و هو جبدني لصقني ليه حط يديه في جنابي و قرب فمو لوذني بتول مانجمتش انحيك من مخي عشقتك افهم نحلم بيك كل ليلة نخمم فيك مانجمتش انفسخك من راسي نحبك
هو قال اكاك وانا تصدمت :مراد عارف روحك فاش تقول نرمال انت موش قتلي نبعدو شبيك توا
-بتول الي عندي قلتو وانت حرة اعمل الي تحب
دزيتو ومشيت خلط عليا قالي يلزمنا نحكيو هات نومروك
عطيتو نومرويا خاتر انا زادا نحب نقلو برشا حاجات و نحب نفهم كلامو
انا جيت ماشية و هو عيطلي بتول الروبة تنحيها خير مانقطعها على بدنك
الجزء الثامن : كنت ماشية لصاحبتي بطلت روحت نجري تلوحت على فرشي كلامو مازل في وذني قال يحبني قال يعشقني شبيه هذا نرمال الي قاعد يصير لا لا هو يتمنيك عليا فمة برشا بنات علاش ختارني كان انا
انا اكاك و هو طلب
-وي مراد
- نحيت الروبة
-هاني فالدار
-وبرا فالدار مانحبكش تلبس هكاك فيبالك اولاد الحومة الكل يغزرولك نغير راني
-ستنى الساعة شنوا تغير مابينتنا شي راو باش تحكي هكا
-اي نعرف ااما من تو باش يولي بنتنا حاجات موش حاجة انت متاعي انا كهو
-مراد راني صغيرة
-اس نحبك صغيرة و انا نكبرك على يديا انت روحي و حبيبتي و بنوتي اما شو بتول الي بينتنا مايلزم يسمع بيه حد عالاقل توا
-اي نعرف والله كان يسمعو دارنا يقتلوتي
-لطف عليك تو يحلها ربي
-باهي
- ايا برا ارقد و كيما تفهمنا الروب القصار لا :*
تعشيت و شديت فرشي اكثر من ساعة فالدار و شي النوم هرب جملة انا اكاك و نسمع في صوت بحذا الشباك مشيت نجري حليت الشباك لقيت مراد قالي توحشتك
-حتى انا
-شبيك لتوا ساهرة موش قتلك ارقد
-هرب النوم مانجمتش نرقد نخمم فيك
-حتى انا ايا شقولك نخطفك نرجعك الصباح
هو قال اكاك وانا وجهي حمار و هبطت شعري خبيت وجهي
-بتول ديزولي فمة حاجات مايلزمنيش نقولهملك مزلت صغرونتي
-ههههه تو نكبر 😘
ليلتها سهرنا للاربعة متاع الصباح انا فالشباك و هو البرا حكينا برشا حاجات و تفهمنا كيفاش باش تكون حكايتنا وكيفاش باش نخبيو باش مايفيق بينا حد حكينا برشا لين بدا يهز فيا النوم
-فراشتي برا ارقد غدوة تو نحكيو
-اوك مراد بونوي
هبطت شديت فرشي و رقدت لصباح
الجزء التاسع : تعداو ايامات وانا ومراد محلانا جونا احلا جو نتقابلو بالسرقة هههه خاتر كان يرانا حد مشينا فيها
صحيح انا دلولة اما ماما وبابا ماعندهمش لعب مع الحكايات هذه يقتلوني والله رجعت القراية مراد مايسيبنيش جملة فالصباح يوصلني والعشية يروح بيا
يكمل قرايتو بكري ويجيني هو وقتها اخر عام فالقراية مايقراش برشا ديما معيا كان خويا و بابا و صاحبتي وحبيبي وكل شي حتى كي مانفهمش حاجة نمشيلو يفهمني تلهى بيا بالباهي ..
برغم كنت صغيرة و فيسع نتسحر بكلامو كان ينجم يعمل الي يحب عليه معيا اما هو لا بالعكس ستحفظ عليا عمرو ماخمم في حاجة خايبة معيا كان يخاف عليا من كل شي ديما يوصيني ماتحكيش مع الاولاد ماتقعدش قدام الكولاج اقرا على روحك نحبك لولة فالقرايا
انا ومراد عنا ستة شهور مع بعضنا جونا احلا جو محلانا ومحلا حكايتنا ..
اما الجيران بداو يفيقو الي انا وياه مع بعضنا وفمة شكون وصل لماما
روحت نهار مالقرايا و نحضر في روحي باش نمشي للايتيد وماما عيطتلي :بتول شكونو الطفل الي كل يوم معاه شنيا علاقتك بيه
-حد ماما اما طفل تحكي عليه
-بتول راو حتى 12سنة مزلت ماعملتهمش سنيا الحكاية احكيلي من غير كذب وماتخلينيش نوصل الحكاية لبوك
انا كي سمعت اكاك خفت :ماما مراد صاحب انا وياه عادي ساعات كي نبدا موش فاهمة حاجة هو يفهمهلي كهو
-عندك اختك تفهمك ولا انا وبوك و زيد تقرافالايتيد يعني ماتستحقش شكون يقريك غيرنا و انت بطبيعتك قراية
-باهي ماما
-اسمع بتول هذا اول واخر تنبيه موضوع مراد مانحبوش يتعاود مرة اخرى
-اوك ما باهي صاي فهمت اخطاني كبرت راني
وضربت الباب وخرجت
الجزء العاشر : مشيت نجري لمراد : حبيبي درا شكون عاود لماما وهي نبهت عليا بتش معدش نشوفك
-فراشتي خلينا معدش نشوفو بعضنا المدة هذه حتى تنسى امك الحكاية وبعد يعمل الله
-لا حبيبي مانجمش مانشوفكش
-هاو بينتنا تلفون و زيد ماتنياش الشباك تو كل ليلة نجيك
😭😭باهي روحي
البكاء لا ايامات و نرجعو كالعادة
اصعب واخيب ايامات هما الي ماريتش فيهم مراد صحيح يكلمني ديما وفالليل يجيني تحت الشباك اما كومام موش كيما كنا..
نهار بطيت برشا فالايتيد الدنيا ظلامت وانا مزلت ماروحتش كلمت مراد باش يجيني احنا نتمشاو فالشارع و تعرضني ماما انا تصدمت و مراد طول خباني وراه وقتها اول مرة نشوف ماما متغشة اكاك اما ماعملت شي كان قتلي امشي قدامي
-طاطا خليني نفهمك
-انت اسكت انا وبنتي وانت شمدخلك وشكونك اصلا
-عندك الحق اما راك غالطة فينا
-تصبح على خير ولدي
وانا ثنية كاملة نبكي وماما تقولي موش تفهمنا وقتلي معدش تشوفو
-ماما مراد جاء باش يروح بيا انا الي كلمتو ماما مراد موش خايب
-مراد اكبر منك ب12عام شيحب عندك تقطعت البنات فمة كان انت باش يحكي معك افهم اذاكا يتمنيك عليك
-لا ماما لا مراد يحبني وانا نحبو
وصلنا لدار و ماما وقتها قتلي انا باش نولي نوصلك للقراية وللايتيد انا وليت نبكي وهي قتلي كان تزيد تبكي معدش نخليك تخرج مالدار
ايامات وماما توصل فيا مانجمش نشوف مراد توحشتو علخر معدش انجم امنيتي نعنقو وتبكي عندو حتى يصوني تلفوني نلقى ماما عند راسي معدش انجم نحكي معاه كان شويا فالليل
الجزء الحادي عشر : ولات عندي صاحبة تقرا معيا و تسكن بحذنا تجيني ساعات و نقراو مع بعضنا نهار هي شدت في ماما صحيح باش نمشي بحذها ماما مالاول قالت لا وبعد وافقت اصلا ماما بدات ترجع كي قبل و عندها نهارين ماوصلتنيش مشيت معها وبحكم احنا ولينا اصحاب حكيتلها على مراد مالاول قتلي لا فك عليك ماناش متاع الحكايات هذه وبعد كي حكيتلها عليه بالباهي بدات ترتاحلو و قلتلها راني توحشتو وعندي قداه ماريتوش
-بتول علاش ماتطلبوش تقلو يجيك هاو دارنا بعيدة على داركم
-لا مريم نخاف كان تفيق ماما تقتلني
-يابنتي انت ماكش باش تبطى شوفو وكهو
بقات الحكاية تتعاود في مخي زعمة اي زعمة لا وبعد هزيت التلفون وطلبتو
-حبيبي نحب نشوفك توا توا
-ا روحي وين وكان تراك امك
-لا بيبي انا في دار صاحبتي
-باهي وين الدار
نعتو عالدار و جاء
صاحبتي عندهم جنينة كبيرة وراء دارهم دخلنا بقينا غادي حكينلو على قرايا و على اياماتي كيفاش تعداو وانا بعيدا عليه
حكينا برشا لين جات العشية وانا يلزمني نروح
وقفت باش نسلم عليه قربني ليه علخر حط يديه في جنابي و قالي توحشتك وقتاش تكبر خنعرسو انا مزلت داخلة بعضي من قربو ليا وهو طبس حط شفايفو عى شفايفي تصدمت وقلبي ولى يدق في دقة موش عادية حاسيلو قريب ندوخ انا مزلت اكاك و هو هز راسو و قالي سامحني فراشتي و باسني من جبيني و مشى
تصدقو دخت والله بعد ماهو خرج ساقيا معدش منجمة ناقف عليها هبطت طول للقاع و انا مخي الكلو في هاكي البوسة ...
روحت لدار و انا عقلي طاير اول مرة في حياتي نحس احساس اكاك
محلاه ومحلى بوستو وماحنو ياربي راني باش نموت
مراد يحكي
ياخي نرمال انا نبوس فالطفلة شبينني عملت اكاك كان تاخو فكرة خايبة و تقول نتمنيك عليها يلزمني نكلمها نطلب منها السماح
الجزء الثاني عشر : انا متربعة فوق فرشي و يجيني مساج"فراشتي سامحني والله ماقصدت نعمل اكاك مانعرفش على روحي كيفاش ضعفت يمكن خاترتوحشتك برشا نوعدهك هذه اول واخر مرة تصير حاجة هكا و رد بالك تخمم نهار مالنهارات الي انا باش نستغلك ولا باش نعمل حاجة تضر نوعدك نحافظ عليك لين تجيني عروسة ومايفرقنا كان الموت
نحبك فراشتي"
قريت المساج و تكيت ليلة كاملة نخمم فيه و في كلامو وبوستو ههههه
مراد كل مرة يزيد ياكدلي الي هو يحبني بالحق وحاشتو بيا وانا زادا نحبو برشا وعمري مانسلم فيه والله كان نتلز نخسر العالم الكل
رجعت نشوف في مراد كالعادة واكثر مالعادة وليت نحس في روحي معدش نخاف نخمم كان فيه
كل مااحنا نزيدو نقربو لبعضنا كل ما العباد يزيدو يقلقلو الناس الكل تسال شبيهم مع بعضهم
الجزء الثالث عشر : هو كبير وهي صغيرة شيحب عندها ..رجعت الكلامات توصل لماما و ولات ديما تعاركني لين نهار انا طرشقت
-اي نحبو و نموت عليه مانيش باش نبعد على مراد باش نقعد معاه لين نموت
ماما مالعصب مشات سخنت سكينة عالڨاز و حرقتني بيها في ساقي
تشويت متت بالوجيعة اما نبكي ونقلها مانيش باش نبعد عليه مانيش باش نبعد عليه سكرت باب بيتي و طلبتو نبكي
- حبيبي باش نموت بالوجايع
-شبيك بتول شفمة احكي
-ماما حرقتني في ساقي خاتر قلتلها الي انا نحبك
هبل مراد وخرج من عقلو
انا اكاك نبكي بالوجيعة و نسمع فالباب يدق و صوت مراد البرا خرجت نجري ونبكي نلقاه قدام الباب يحكي هو و ماما مشيتلو نجري طول عنقتو و تخبيت وراه ماما كي شافت اكاك قتلو ادخل نحكيو لداخل
-طاطا علاش هكا عملت في بتول
-حاجة بينتنا انت مادخلش روحك واحسنلك تبعد على بنتي
-بنتك انا نحبها و ناويها فالحلال حاشتي بيها
-اما حلال تحكي عليه الطفلة عمرها 12 سنة و انت تقول حلال
-ميسلش نخطبها و نستناها تكبر ماعنا مازربنا
وقتها حسيت ماما باش اطردو اما هي قتلو
-شو مراد عيش ولدي بنتي صغيرة مازل بكري عالحكايات هذه نحبها تقرا و تنجح و بعد يعمل الله و زيد الناس الكل تحكي عليكن علاش ياخي تحبو تخليونذ فضيحة
-حاشاك طاطا انا هاني قتلك نجي نخطبها رسمي و نسكتو الناس الكل و نوعدك نحطها في عينيا و نخليها تكمل قرايتها
-باهي مراد نحكي مع بوها و نقلك
كي سمعت اكاك نسيت الحرقة و الوجايع فرحت علخر ماليوم ماعاد حد باش يتكلم علينا باش نكونو متهنين و فرحنين
مراد يحكي..
روحت لدار فالعشاء و قلت لدارنا عندي مانحكي معاكم
-اكيد الكل تعرفو الي انا مع بتول
-امو : مراد بتول طفلة صغيرة شنوا حاشتك عندها اخطاها
-امي الطفلة نحبها و باش تمشيو معيا نخطبوها
-وه الطفلة صغيرة شتفهم
الجزء 14 : مالحكايات هذه
-تفهم ياامي و كهو حكينا و وفات الحكاية ...
عايلتي ماتكرهش بتول اما خايفين عليها مني عندهم الحق الطفلة صغيرة اما انا قنعتهم و خليتهم يوافقو ...
عايلة بتول ما وافقو كان بسيف و بوها شد صحيح مانحبهاش خطبة كبيرة يجيو بالسكات
بعد بايامات عملنا خطبة صغرونة اما الناس الكل عرفت الي مراد يحب بتول بالحق و عمرو ماخمم يجبد بيها ...
الجزء 15 : تعدات ايمات واشهر وانا ومراد مع بعضنا الناس الكل ولات تعرف الي احنا مخطوبين رسمي و ماعاد حد يحكي بالعكس الناس الكل فرحانة بينا و مراد زاد كبر في عينهم
حكايتنا تعرفت فالحومة الكل تي قريب يوليو يضربو بينا المثل هههه
الناس الكل تعرف الي بتول متاع مراد حد مايدور بيها و حد مايخمم باش يغزرلها و مراد حاططتها في عينيه
تعدا عام ثنين ثلاثة و ولى عمري 15 وانا ومراد محلانا جونا احلى جو عايشين فرحنين و متهنين عايلتي تحبو وعايتو تحبني حمدالله ناجحة في قرايتي و الفضل الكل ليه هو لاهي بيا و يقري فيا مراد يخدم و انا نقرا العشية نتقابلو نحكيو لبعصنا على كل شى هذه حياتنا و جونا باهي
الجزء 16 : عندي جمعة نحس في مراد متبدل وين نقلو نشوفك يقولي لاهي دخلت بعضي موش عوايدو يعمل هكا تعدات جمعة و ثنين و مراد يجبد في روحو حتى نهار الصباح طلبتو لقيت تلفونو مسكر نهار كامل اكاك ..
توا جمعةو وتلفون مراد مسكر و ريحتو مافماش حتى دارهم مافمة حد منهم الي نسالو يقولي مانعرش
تعدا شهر و انا كالمهبولة مانعرف شي على مراد و عايلتو ضعت و ضيعت قرايتي حتى دارنا تقلقو نهار انا ماشية نقرا و عرضتني امو
-بتول ايجا عندي مانحكي معك
-طاطا نجوى وينكم وينو مراد شفمة لباس راني باش نهبل
-بتول نحبك قوية و تتحمل الي باش نقولهولك
مراد تعرف على ڨورية عرس و طلع لالمانيا وقالك سامحني انساني
هبلت في مخي و ماعاد فاهمة شي مراد يعمل فيا هكا لا مانصدقش و خرجت كالمهبولة جاتني صدمة وليت جهامة بلا روح كل يوم نزيد نغرق في دموعى والناس الكل موش مصدقة الي مراد عمل فيا هكا ...
تعدا عام وانا مانسيتوش كالمهبولة بلاش بيه كل مانتعدا قدام دارهم نهبل بالبكاء
الجزء 17 : وناري تزيد تشعل عام كامل عديتو نبكي ضعفت و ضيعت قرايتي و عايلتي ولاو خايفين عليا و انا ماشية و نضيع حتى عايلة مراد وليت نحسهم مايحبوش يكلموني و بعدو عليا جملة
عمري 16 سنة وهازة حزن متاع وحدة عمرها ستين عام تعبت في بدني و في مخي وليت الي نعديه فالسبيطار اكثر مالدار..
حياتي تقلبت 360 درجة بتول الضحاكة و القراية و دلولة ماتت وجات في بلاصتها وحدة مايعرفها حد بعدت عالعالم الكل
نهار و انا مروحة مالقرايا عرضتني امو قتلي ايجا معيا لدار عندي مانحكيلك دخلت معاها لدار شميت ريحتو حسيتو قريب قلتلها جاء
قتلي اطلع اهوكا الفوق في بيتو
الجزء 18: دخلت نلقاه راقد في فرشو وجهو اصفر ضعيف جلدة على عظم اصلع لا شعر لا حواجب معلق سيروم يحل في عينيه بسيف بقيت نغزر مصدومة موش مصدقة الي هكا مراد الي هكا البطل الوحيد الي في حياتي روحي وعمري
قربلو ودموعى على خدي ترميت عليه فوق فرشو وبديت نعيط شبيك ياروحي قوم شبيك شنيا صارلك قوم مانعرفكش هكا ستنست بيك قوي انت الي تحميني مالدنيا قوم عنقني توحشتك قوملي و رجعلي فرحتي قوم و بقيت معنقتو ونبكي بكيت كيما عمري مابكيت و هو يهز في يديه ويمسحلي في دموعي بشويا بسيف يتكلم :ب ت ول امان يزي امان ..
جات امو
-طاطا شبيه مراد شنيا الي صار احكيلي امان
-ايجا بتول نحكيو البرا...
بتول مراد ماحبش يبعد عليك وعمرو ماخمم يخليك اما الله غالب ربي حب هكا مراد بعد باش مايتعبكش
-طاطا نجوى احكيلي كل شي كيفاش فاق
-نهار فاق الصباح تاعب و وجهو اصفر و داخ احنا فيسع هزيناه لطبيب عملو تحاليل وبعد بايامات حضرو وعرفنا الي هو عندو الكونسار و فالمرحلة لخرة كي سمع مراد اول حاجة عملها بعد عليك ماحبش يتعبك..
-علاش علاش خبيتو عليا علاش مادويتهوش
-وراس بنتي حاولنا اما هذه حكمة ربي الطباء حاولو وشي قالولنا خليه يكمل اياماتو الله اعلم قداه مزلو ولينا كذبنا عليك و قلنالك عرس و هزيناه لدار امي باش نبعدوه على كل شي اما توا مراد زاد تعب اكثر جبناه باش يكمل معانا الي مازلو و ماحبيتش نزيد نخبي عليك ماحبيتش نزيد نعذبك ..هذه الحكاية الكل ومراد توا قدامك
الجزء 19: فالحظة اذيكا تمنيت كان جاء مراد بالحق عرس بوحدة اخرى ميسلش يعرس و مايمرضش ..
من نهارتها من بحذا مراد مابعدش كل يوم بحذه نسيت القرايا و العباد كل يوم بحذاه مانخرجش كان باش ندوش و نبدل دبشي و نرجع نحب نشبع منو مراد تحسن شويا انا لاهية بيه كل يوم معاه وليت طبيتو وامو واختو ومرتو وحبيبتو انا كل شي قمت بالادوار الكل نهار قاعدة انا وياه بعد الفطور قتلو
-حبيبي علاش مانعرسوش
-بتول امان الحكايات هذه لا
-علاش ياخي ماتحبنيش انت
-انت حياتي الكل مانحبكش تتعب بعدي انا انجم نموت توا ولا غدوة مانحبكش تعدي حياتك متعذبة
-اس روحي ماتقولش هكا نعرسو و نولي مرتك حتى نهار نكون فيه ملكك
الجزء 20 : نكون فيه على اسمك
-لا بتول لا امان ماتزيدش اتعبني ...
بقيت شهر و انا نقنع في مراد باش نعرسو و شي حتى دارنا كي جبتلهم الموضوع رفضوه
-ماما بابا امان خليوني امان ماحشتي بشي كان نكون مرتو
-لا لا انسى الموضوع انساه عمرك 16 تحب تعرس و تترمل على بكري
-اسكتو اسكتو مراد موش باش يموت و بديت نصيح و نعيط و نتسكك فالقاع ..
لا دارنا لا دار مراد وافقو حتئ مراد شد صحيح في لا انا نعرف الي الناس الكل خايفة عليا اما انا نحب نكون مرتو علاش مايرحمونيش نحب نتسمى على اسمو حتى ليلة وحدة بشويا بديت ننسى موضوع العرس خاتر لا دارنا وافقو ولا مراد حب توا تعداو اكثر من خمسة شهور و انا مع مراد معدش نخرج من بيتو كل لحظة في حياتو انا معاه ماخليتوش جملة كان جاء بيدي راني عطيتو من عمري كان جاء بيدي راني خذيت مرضو وهو رتاح مراد الي حليت عينيا فيه الي علمني شنيا معناها حب الي حطني في عينيه و واجه على خاتري الناس الكل مع مراد تكونت شخصيتي هو علمني برشا حاجات تعلمت من عندو كيفاش نعيش و كيفاش نتصرف مراد كان كل شي كان الخو و البو والصاحب و الحبيب هو حياتي و انا بلا بيه نموت ....
نهار 5 فيفري 2010 قمت الصباح بكري خليت مراد راقد و قلت نروح ندوش و نبدل دبشي و نرجعلو فيسع قبل مايقوم ..
روحت فيسع دوشت و رجعت لقيت مراد فايق اول ماشافني قالي ايجا اتكى عندي خليني نشم ريحتك و نشبع بيك طول ترميت على فرشو حطيت راسي على صدرو وبقينا نحكيو
-بتول نحبك ترد بالك على روحك نحبك تنجح في القرايا و تولي احسن مهندسة موش ديما تقولي تحب تولي مهندسة عيش حبيبتي نحبك قوية مانحبش الموت تاثر فيك هذه حاجة ربي واحنا راضين بيها
قصيت عليه لا حبيبي لا ماكش باش تموت باش نعيشو مع بعضنا و باش نعرسو و نجيبو صغار باش نكمل قرايتي وانت الي باش تعاوني باش تاقف معيا في نجاحي باش نفرحو مع بعضنا موش هكا حبيبي موش هكا ياروحي لا ماكش باش تموت حبيبي جاوبني هزيت راسي راسي لقيت مراد مغمض عينيه و حاطط يديه على شعري قمت نجري
حبيبي فيق فيق ياعمري لا حبيبي وبديت نعيط و نخض فيه مراد قوم قووووووم صحت عيطت بوستو عنقتو فيقتو شي مراد مافقش صحت صيحة حسيت روحي خرجت بعدها و طحت دخت ....
ومات مراد
الجزء 21 : فقت نلقى روحي في بيت فالسبيطار سيروم معلق و انا موش فاهمة شي بديت نعيط و نصيح مراد مراااد
انا اكاك و دخلت ماما
-وينو مراد هزوني لمراد
-عيش بنتي فيق عيش بنتي مراد توفى
-لا لااااا مراد مايخلينيش لا مراد وعدني باش نعيشو مع بعضنا عمرنا كامل
-لا مراد مات وانت يلزمك تفيق توا عندو ثلاثة ايام و صاي دفناه تحت التراب
بقيت نصيح و نعيط حتى جاء الطبيب وقال لا مايجيش هكا يلزمها ترتاح
وخرجو وخلاوني
زدت نهارين اخرين فالسبيطار و بعد خرجت ...
مشيت لدار مراد و قد ماحاولت نعرف وين دفنوه ماحبوش يقولولي امو قتلي الي هذه حاجة حالفني عليها مراد و وصاني باش مانقلكش وين باش يدفنوه
روحت لدار دخلت لبيتي و شديت فرشي وبديت نتفكر من اول نهار عرفت فيه مراد للحظة الي مات فيها بين يديا ماخيبها الدنيا هزتو مني و مزلت مافرحتش معاه تو كنت عايشة في حلمة في ليلة ونهار نقوم مانلقهوش كاينو لا كان ولا صار علاش يصير فيا هكا علاش ....
تعدا شهر و ثنين وانا على نفس الحالة من بيتي مانخرجش و مانكلم حد و فالليل نخرج ماغير مانشاور حد نهز روحي و نمشي ندق على باب دار مراد تحلي امو مفجوعة نقلها نحب نرقد في فرشو تعنقني امو وتقولي ايجا راني نشم ريحة ولدي كان عندك و نطلع لفرشو نبكي و نصيح و نتفكر و بعد يهزني النوم ودموعي في عينيا..
بعد موت مراد حياتي تقلبت بنسبة ليا كي خسرت مراد خسرت كل شي ماعاد عيني في شي حتى القرايا بطلتها من بيتي مانخرجش و مانكلمش العباد عشت عام كامل منعزلة عالعباد وعالعالم جملة
الجزء 22 : تعدا عام و انا منعزلة من بيتي مانخرجش وعايلتي خايفين عليا و على مستقبلي
نهار انا في بيتي كالعادة و جاتني ماما
-بتول عيش بنتي شوف قداه تعدا على موتو انت لتوا على حالك تي راك مت بالحياة انت وعدت مراد باش تقرا على روحك و تاقف على ساقيك هذا وعدك ليه تعرف الي هو متعذب تحت التراب جرتك تعرف الي هو موش مرتاح من بكاك موش انت تحبو فيق عيش بنتي على وضعك هذه حاجة ربي و كلنا ماشين
-علاش حد ماو حابب يفهمني ماما تعرف الي انا خسرت مراد يعني راو خسرت حياتي ماعينيش بالقرايا مانحب شي نحب نمشيلو نحب نموت و نرتاح نحب نخلط عليه وبديت نعيط و نبكي و تحت فالقاع جاتني ماما عنقتني لين هزني النوم
فقت فالليل امخر وبقيت نتفكر في كلام ماما
الجزء 23 : مراد متعذب جرتي مراد موش مرتاح حتى انا موش مرتاحة نحب نمشيلو لقبرو نحب نشم ريحتو نتكى بحذاه نحب نحكيلو شصار فيا بعدو
طول قمت بدلت حوايجي و خرجت مشيت لدار مراد دقيت الباب حلتلي امو مفجوعة شبيك يابنيتي شنيا جابك توا
-جيت نحب نعرف مراد وينو امان نحب نمشيلو توحشتو عيشك امان هزني ليه مرة وحدة
-عيش بنتي مراد حالفني والله نحب نقلك مانحبش نخليك هكا متعذبة اما مانجمش هو حلفني
-قولي عيشك امان
احنا اكاك و خرجتلنا اختو
مراد عندو اختو تعيش فالخارج و وقتها مزلت كي جات
دخلوني لدار و بقات اختو تحكي معيا
الكلنا مانسيناش مراد وحد ماو باش ينساه اما يلزمنا نكملو حياتنا مانجموش ناقفو على خاترو يلزمنا نكملو
-والله نحب ناقف على ساقيا والله اما مانجمش انتما عالاقل تمشيولو تزوروه اما انا لا مانعرفش حتى وين دفنتوه علاش تحرمو فيا منو
-امي ياخي بتول ماتعرفش قبر مراد؟؟؟
-لا هو حلفني باش مانقولش
-علاش تخليو فالطفلة متعذبة قلولها
-امان قولولي والله عندي غصة ويلزمني انحيها نحب نمشيلو امان
الجزء 24 : -بتول هيا ارقد توا والصباح يعمل الله
اخت مراد كان عندها طفل نسخة من مراد يشبهلو كيفو بالضبط
قتلي ايجا هاو ولدي راقد ايجا ارقد بحذاه والصباح نمشيو
طلعت معاها للبيت نلقاه راقد في فرش مراد هو يشبهلو برشا كان ماجاش صغير تقول عليه مراد تكيت بجنبو عنقتوو بوستو رقدت بجنبو لصباح
في الصباح قمت اول عباد ربي نجي مشيت لوصال اخت مراد نفيق فيها
-بتول مازل بكري تو نمشيو
-وصال تعرف الحاجة هذه نستنى فيها عندي اكثر من عام تعرف الي انا توحشتو نحب نشم ريحتو ياخي فيبالكم ساهل عندي موت مراد
-وراس اختي نعرف و مراد خويا راو ماتنساش
قمنا بدلنا حوايجنا و مشينا لدارنا
-ماما:يابنيتي علاه هكا علاه كل ليلة تخرج و تخلينا متحيرين لوقتاش باش نقعد نسكت في بوك انا بربي علاش هكا
-سامحني ماما اما نحبك تعذرني اليوم باش نمشي لمراد باش نشوفو و نحكي معاه
-وين ماشية و مع شكون
-معايا طاطا ماتخافش عليها الغصة الي في قلب بتول يلزمها تتنحى
-رد بالك عليها راني معدش عندها عقل
-ماتخافش بتول امانة عنا من مراد ...
التسعة متاع الصباح وقفت الكرهبة قدام جبانة **** وصال جات هابطة وانا قلتلها لا خليني وحدي
-نوريك القبر و نمشي
-قبر مراد راو ياخي تتصور انا موش باش نعرفو خليني وحدي
مشات وصال وخلتني انا اول مرة نمشي لجبانة اما ماخفتش جملة كيفاش نخاف وانا عارفة الي هوني باش نلقى روحي بقيت نمشي و نقرا فالقبورات و نلوج حتى عرضني قبرو قربت بشويا لين جيت عند راسو تمديت بجنبو
الجزء 25 : حطيت يديا فوق القبر و عنقتو قربتلو علخر وقتلو :حبيبي توحشتك شبيك مشيت وخليتني علاش تخلي فيا وحدي راني مت بعدك علاش شعمتلك انا موش قتلي عمري مانخليك موش قتلي باش نعيشو مع بعضنا ياعمري قوم راني معدش فيا تعبت بعدك و ضعت نسيت الدنيا الكل وماعاد عيني في شي كان انت ارجعلي عيش حبي تتفكر اول ماعرفتك قداه تعبتك سامحني نوعدك معدش نعاودها ارجع و نولي عاقلة و نسمع الكلام ارجع ورجعلي روحي انت روحي و انا بلا بيك نموت كيفاش تخليني وانا مزلت هكا مزلت صغيرة نتعب وحدي ماعندي ثقة في حد فيق على خاتري تتفكر كي كنت دافع عليا و تواجه الناس الكل على خاتري شكون باش ياقف معيا توا قدام العالم هذا الكل كيفاش باش نواجه الدنيا وحدي
الجزء 26 : كيت برشا و تعدا برشا وقت جاو عباد ولقاوني راقدة بجنب القبر قربتلي مرا كبيرة و قتلي قوم علاش هكا راقدة فالتراب
-خليني عيشك امان خليني نلقى راحتي كان هنا
-مزلت صغيرة يابنيتي علاش هذا الكل شكون الي مات و ماتنجمش تبعد من جنبو
قمت قعدت بالقاعدة و مانعرفش علاش حكيتلها كل شي يمكت خاتر حسيتها محلاها و طيبة حكيتلها لين ولات تبكي معيا
الدنيا بدات تظلام وانا مزلت بحذا حبيبي رجعت تكيت فوق القبر وقتلو الليلة باش نبات عندك عنقني و رقدني في حضنك حطيت راسي على راسو و رقدت..
مع حكاية الثمنية متاع الليل جاتني وصال روحت بيا ..
ومن نهارتها وانا كل صباح نمشي لحبيبي نقعد بحذاه نحكيلو كل شي و نروح بشويا بشويا رجعت نعيش شويا و رجعت نقرا جيست على خاترو هو ..
حياتي ولات مربوطة بالجبانة و القريا كهو هكا علاش عايشة
تعدا عام كامل وانا مزلت على نفس الحالة و مانيش باش نتبدل حتى كان نزيد نكبر و نولي عمري ستين عام باش نقعد كل يوم نزور في حبيبي و عمري ماباش ننساه باش نعيش مع قبرو لين نموت
الجزء 27: اليوم نتيجة الباك متاعي دارنا الكل فاقو على اعصابهم و متوترين و انا قمت لبست حوايجي و جيت خارجة عرضتني ماما فالباب
-صباح الخير وين قاصدة ربي
-بونجور ماما ماشية لمراد
-يابنيتي اليوم نتيجة الباك استنى شوف النتيجة و بعد برا
-لا نحب نمشي نصبح عليه كالعادة تحب يقول نساتني خاتر اليوم نتيجتها
خليتها اكاك وخرجت
ماما تحكي وحدها
-هذه باش تنجح و تاخولي الباك ياذنوبي عام كامل عداتو فالجبانة و دموع و بكاء ياناري على بنتي دخلت و خرجت فالحلة ...
وقفت التاكسي قدام الجبانة هبطت نجري عرضني العساس
-صباح الخير بتول )بطبيعة ولا يعرفنني كل يوم يرا فيا( ياخي موش نتيجتك اليوم شتعمل هوني
-هكا توا عم محسن تتصور يتعدا نهار مانجيش فيه لمراد
-لوقتاش باش تعيش هكا شوف قداه تعدا وقت و انت كبرت ومراد الله يرحمو يلزمك تعيش حياتك و تنسى الي فات
-هذه حياتي و مانجمش ننساها لين نموت و نتمد بجنبو انا باش نقعد نزورو
و مشيت للقبر
-صباح الخير روحي نعرف الي انت قاعد تستنى فيا و كنت خايف لا مانجيكش خاتر اليوم النتيجة اما انا لا حتى شي مايلهيني عليك
سقيت الوردات الي زرعتهم بحذا القبر و حطيت الماء و الزيوان للعصافر و رجعت قعدت عند راسو :حبيبي مانحبكش تتغشش عليا كان مانجحتش انا والله عملت الي عليا وكان نجحت نحققلك حلمك و نولي مهندسة و انا جيتك توا باش تستنى انت معيا نتيجتي باش نقعد بحذاك لين يجيني المساج وانت اول واحد تعرفها مانحب حد يعرف قبلك انت الوحيد الي يهمني و نحبك انت لول في كل شي في حياتي
بقيت بحذاه صباح كامل انا اكاك و جاني المساج فيه الي انا نجحت بالفرحة بكيت و عنقت القبر و قتلو :ريت ياروحي انا عمري مانخيبلك ضنك فيا وعدتك باش ننجح و نجحت و باش نقرا هندسة و نوليلك اكبر مهندسة في تونس كلو على خاترك
بوست القبر و قتلو اكيد حي باش نرجعلك بعد و مشيت
رجعت لدار لقيت دارنا يستناو فرحتهم الكل بنجاحي اما حتى زغريت ماخليتهمش يزغرطو مانجمش نعمل حاجة هكا و مراد تحت التراب قد ما ماما حاولتني باش تعمل سهرية حلفت قلتلها كان تعمل حاجة انا نخرج مالدار
نهار كامل والعباد ماشية جاية على دارنا و بعد جاتني طاطا نجوى ام مراد تهني فيا
-بتول انشالله الف مبروك كنت عارفة الي انت باش تنجح موش بالفراغ ولدي عمرو كامل عاطيك ثقتو
-عيشك ربي يخليك ليا مشيت راني لمراد و فرحتو قبل الناس الكل
-نعرف و نعرف زادا الي انت كل يوم ت
الجزء 28 : -نعرف و نعرف زادا الي انت كل يوم تمشيلو والي في وقت الريفزيون متاعك عديتها الكل تريفز عند راسو تمنيت كان ولدي مازل حي و شافك توا كيفاه وليت محلاك ربي يحميك وانشالله ربي يعطيك ماتتمنى و يجيك الي يعوضك على مراد
-حد مايعوضني على مراد ولين نموت حد ماو باش يدخل لحياتي مراد لول ولخر
-ماتقولش هالكلام العمر مازل قدامك...
تعدى الصيف الكل و انا على نفس الحالة كل يوم مع مراد
القرايا قريب ترجع و انا مانحبش خاتر توجيهي جاء بعيد شويا على تونس خاتر الفاك الي باش نقرا فيها موش في تونس
الجزء 29: انا ستنست كل يوم نزور حبيبي كيفاش توا كي باش نقرا بعيد باش نولي نراه كان اخر الجمعة
بعد غدوة ماشية للفاك الجديدة و باش نبدا نقرا بعيد على مراد و على دارنا كل ماتجي الفكرة في راسي نقول لا و نبطل موش ماشية و تعاركت مع دارنا وشديت صحيح باش مانمشيش
-ماما بابا لا تو نقرا اي حاجة في تونس ومانمشيش مانجمش نبعد على مراد باش تفهمو
-عيش بنتي اقرا و تخر الجمعة روح
-لا لا لا
شديت فرشي وانا مقررة موش باش نقرا
فالليل وانا راقدة حلمت بمراد
-بتول ماكش ماشية تقرا هذا قلت باش تحققلي حلمي و تولي مهندسة علاش تصحح في راسك
-حبيبي جيتني حبيبي توحشتك لا مانجمش انا نمشي و نخليك نحب نزورك كل يوم
-امشي اقرا على روحك وايجاني كل جمعة ميسلش انا نستناك ايجا كل جمعة احكيلي شعملت
وحسيت ببوستو على جبيني قمت مفجوعة والله البوسة بالحق حسيتها وليت نبكي تمنيت كان ماقمتش مالحلمة تمنيت نعدي عمري الكل نحلم بمراد
الجزء 30: فقت الصباح قلتلهم غدوة باش نمشي نقرا اما كل جمعة نروح واليوم باش نعدي نهار كامل بحذا مراد
-ميسلش برا توا بحذاه عدي نهار كامل المهم غدوة امشي اقرا على روحك ...
انا بدلت حوايجي و مشيت لجبانة
عايلتي فرحو علخر خاتر بدلت راي و ماشية هما يحبوني نبعد فماش ماننسى شويا
نهار كامل عديتو بحذا مراد بكيت و حكيت و بوستو و عنقتو و هزني النوم فوق قبرو ليلتها تمنيت نبات غادي لصباح اما بابا جاء روح بيا و ثنية كاملة يسكت فيا وانا نبكي و بعد قتلو :سامحني بابا تعبتكم معيا سامحني اما والله اقوى مني مانجمتش نتحمل خسارتو وجايني للقبر هو الحاجة الوحيدة الي كانت تبردني كان مانعملش هكا نموت
-نعرف بنتي الي صارلك موش ساهل كان جيت اكبر شويا راك تقبلت اما انت صغيرة وانا مسامحك و عاذرك و انشالله ربي يهديك و تكمل قرايتك و تبدا صفحة جديدة في حياتك
ليلتها ليلة كاملة مارقتش حضرت حوايجي و بطبيعة حطيت تصاور مراد الكل وحوايجو الي عندي و ديجا ديما نلبس فيهم كي نبدا فدار لصباح فايقة غيضتني روحي كيفاش باش نخليه و نمشي و بعد نتفكرو كي جاني فالحلم و نقول هو يحبني نمشي و نقرا وانا على خاترو باش نمشي
فالصباح قصدت ربي لجبانة سلمت على مراد و مشيت
اول ماخلطت للفويا مارتحتش حبيت نروح وبديت نبكي شافتني بينومتي جاتني
-عسلامة انا نهى و نقرا هندسة معمارية
-و انا بتول نقرا كيفك وهذا اول عام
-شبيك تبكي ياخي ماتحبش تقرا هوني
-نحب نروح
-حتى انا كي جيت اول مرة هكا اما توا ستنست و تو انت زادا تعجبك الفاك تحفونة و العام الكل باش تعديه بين القريا و الستاج يعني ماكش باش تقلق وانا هاني معك :*
-عيش اختي
الطفلة دافية محلاها حبيتها و حسيتها حنينة ..
الجزء 31: تعدا برشا وقت وانا بين الفاك والفويا واخر الجمعة نروح لمراد...مرحلة جديدة في حياتي تمنيت نعيشها و مراد معيا اما الله غالب هذه حاجة ربي.
فالفاك كنت ديما وحدي مانحب نكلم حد نقرا و نروح طول للفويا نلقى نهى تستنى فيا مسكينة قداه موسعة بالها معيا كل ليلة وانا نبكي عند راسها مانجمتش نحكيلها على مراد اما هي كانت حاسة بيا من غير كلام تعداو توا 3شهور وانا نقرا و نروح اخر الجمعة نزور مراد و نحكيلو شعاملة فالقريا وقداه صعيبة اما انا ڨادة روحي و نعدي بحذاه نهار كامل
رجعت نقرا و جاوني اوراق الستاج باش نبدا نعدي فيه ..
قمت الصباح بدلت حوايجي و شبشبت شعري كالعادة هذه حاجة انا مانحيتهاش هههه وخرجت
ستاجي باش نعديه في بيرو متاع مهندس يحكيو عليه صعيب برشا و سريو علخر فالخدمة
الجزء 32 : وصلت للبيرو دخلت عرضني طفل يخدم غادي
-مرحبا انت بتول
-وبيك عيشك اي انا
-تفضل هذه بلاصتك خليني نوريك الخدمة ونعرفك على صحابك العرف اليوم مايجيش و وصاني باش نتلهى بيك😉
-عيشك عيش خويا
فالستاج عندي بيرو صغير محلاه خذيت خدمتي وبديت نخدم الهندسة حاجة انا نحبها برشا و زاد مراد حببني فيها هو الي جشعني باش نوصل و مازلت باش نزيد نوصل على خاترو
من اول نهار خدمت برشا و عطيت مجهودي فالستاج لين الكل بهتو فيا و في خدمتي ..
جمعة كاملة نخدم و نستنى فالويكاند باش نروح نحكي للحبيبي شعملت.
اخر الجمعة قالي وائل الي نهار الاثنين حاول ايجا بكري ماك تعرف العرف ماكنش هوني و نهار الاثنين يجي و هو لتوا ماشافك نحبك تجي بكري باش يشوف خدمتك و يعطيك رايو فيها
-اي اكيد تو نجي بكري عيشك وائل
مالستاج روحت طول لدارنا و مشيت لمراد حسيت روحي متوحشتو علخر طول عنقت القبر و تكيت بجتبو حكيتلو شعملت و حكيتلو عالستاج و عالخدمة قداه محلاها: مراد حبيبي عيشك خاتر جشعتني باش نقرا هندسة محلاها القرايا نوعدك ياعمري نكمل و نوليلك احسن مهندسة اما خسارة ماكش بحذيا خسارة جيت بعيد نحب نجيك كل يوم نحب نبوسك و نصبح عليك حبيبي تعرف الي بينومتي تضحك عليا كي تشوفني لابسة حوايج رجال حوايجك يا حبي هكم نلبس فيهم باش نشم ريحتك نحبك انا وعمري ماننساك انت حياتي و انا عايشة بيك
و وليت نبكي عمري ماباش ننسى حبي لمراد و قهرتي بموتو و باش نقعد عمري كامل نحبو و ماني باش ندخل حد لحياتي انا بديت مع مراد و باش نوفى مع مراد..
نهار الاثنين فقت امخر شويا راصتلي نجري باش نخلط لستاج لبست حوايجي بزربة و شعرب بطبيعتي مرتاحة منو مانمسوش لميت اوراقي وخرجت نجري وصلت قدام البيرو انا جيت داخلة و دعثرت طيحت الاوراق الكل راصتلي نلم و نتمتم وحدي مانعرفش وقتها شكون تعدا بجنبي و قالي نعاونك قتلو لا عيشك
وقتها كان شعري هابط على وجهي و ماريتش شكون وقتلي كملت لميت الاوراق و وقفت مالقيت حد طلعت نجري
-بتول هذا نوصي فيك باش تجي بكري
-قول صباح الخير اساعة الله غالب البارح روحت من تونس امخر برشا
-باهي باهي برا العرف يستنى فيك
-اوك هاني داخلة
مشيت لبيرويا الصغرون هزيت الخدمة متاع جمعة كاملة و مشيت للعرف انا دقيت الباب و هو قالي تفضل
دخلت مطبسة راسي ماحبيتش نهز عينيا بطبيعتي برية و موش فيسع نندمج
-صباح الخير صار هي انت الي فرتت اوراقك قبيلا جيت باش نعاونك ياخي انت ماحبيتش
-صباح الخير ...و هزيت راسي طول تصدمت وبديت نوخر لتالي دخلت بعضي و مانجمتش نتكلم بقيت نقلو لا لا لين دخت
الجزء 33: فقت نلقى روحي فالسبيطار موش فاهمة شي نغزر منا و منا و بديت نعيط ماما بابا انا اكاك و دخل وائل
-بتول شبيك شصارلك
-وائل روح بيا
-ستنى نشوف الطبيب و نرجعلك
وخرج مشى طول للعرف
-محمد ياخي شنوا صار شبيها بتول
-ياولدي والله مانعرف شافتني تفجعت وبدات تعيط لين داخت هاني جبتها و جيت لسبيطار و الطبيب قال لباس داخت و كهو هيا نروحو بيها
رجعلي وائل و قالي هيا باش نروحو
-وائل عيش خويا هزني طول للفويا امان
-باهي باهي ماتخافش
حمدالله كي خرجت مالقيتش عرفي غادي قلتلنا الممرضة راو خلص كل شي و مشى ..
روح بيا وائل ولقيت نهى تستنى فيا دخلت انا وياها و وائل قالي رد بالك على روحك و مشى
دخلت شديت فرشي و جاتني نهى
-بتول شبيك شنيا صارلك
-شي نهى نحب نرقد نرتاح شويا
-يابنتي شبيك احكيلي
-نهى انا اصلا مانعرفش شنيا صار حاجة ماتتصدقش ايجا نحكيلك مالاول باش تفهمني
قمت جبدت تصاور مراد و كراسة انا كاتبة فيها كل شي خاص بمراد و حكيتلها من اول مرة شفت فيها مراد للحظة الي شفت فيها العرف
نهى تمسح في دموعها و تبوس فيا :يا وخيتي هذا الكل صار فيك على صغر سنك باهي شدخل هذا الكل فالي صار اليوم
-نهى انا دخلت لبيرو العرف باش نوريه خدمتي هزيت راسي شفت مراد قدامي والله نفس الوجه نفس الطول و نفس البدن والله هو مانعرفش يشبهلو هة بالحق ماني فاهمة شي
-سبحان الله شنوا هذا
-نحب نروح لدارنا معدش باش نمشي لا للستاج لا لقرايا
-اعمل عقلك عيش اختي
لجزء 34: وائل وصلني و جع للخدمة
-محمد ياخي شعملت لطفلة شبيها
-والله مانعرف شافتني ولات تصيح وتعيط و داخت انا بيدي دخلت بعضي
-الطفلة جمعة كاملة عاملة جو نخدم محلاها انت جيت درا شعملتلها ههههه
-برا قلو شعملتلها الي يسمع يقول بالحق اسمع هيا نمشيو نطلو عليها
-باهي نطلبها و نمشيولها
انا شادة فرشي و نخمم فالي صار الكل و نوقز تلفوني
-اهلا وائل
-اهلا بتول سافا توا خير شويا
-اي حمدالله لباس هاني خير من قبيلا
-اسمع هاني جاي انا و محمد باش نطلو عليك كان تنجم اهبطلنا اللوطا
-باش اطلو عليا انت و محمد )انا جيت باش نقلو لا و نهى سمعتني قتلي قول اي قول (
الجزء 35 : -باهي وائل ايجاو
-نهى علاش تخلي فيا نقول اي راني خايفة
-لا يلزمك تشوفو و تنحي هالحكاية مافيها شي هو يشبه لمراد كهو بتول فيق على روحك خليه يطل عليك و رد بالك تضهرلو حاجة
-باهي ربي يستر
بدلت حوايجي وهبطت طلبني وائل
-هيا وينك هانا قدام الفويا
-لحظة و نجيك
نمشي و بدني الكل يرعش خايفة مانحبش نشوفو اول ماخرجت شفتهم واقفين بديت نمشي بالشوية و هما قربو طول سلم عليا وائل و هو قعد يغزرلي و ماتحركش زاد دخلني بعضي وليت نرعش و وائل حاسني داخلة بعضي
-بتول شبيك
-شي تاعبة شويا كهو
قرب محمد و مدلي يدو بقيت باهتة فيه و بعد فقت قتلو سامحني و مديتلو يدي اول ماجات يدي في يدو قلبي ضرب فالماية و قريب ندوخ شديت روحي بسيف
-وائل هيا نمشيو الطفلة مزلت تاعبة شويا خليها ترتاح
-اي هيا برا بتول ارتاح شويا
احنا اكاك نحكيو و جات نهى قتلي اسمع هاني خارجة شويا و نجي ماغير مانشعر قلتلها لا ماتخلينيش وحدي ماتخرجش امان
ولا بطلت وبقات ماخرجتش و رجعنا للفويا ...
محمد يحكي...
شبيها الطفلة وين تشوفني تدخل بعضها
-حتى انا حسيتها وين تراك تولي ترعش
-والله غربية حيرتني اما تعرف محلاها ومحلا شعرها المشبشب ماتتقورش قداه خفت عليها كي بدات تصيح فالبيرو و تقولي لا لا
الجزء 36 : جمعة كاملة عديتها فدار مامشيتش لستاج جملة و نهى مسكينة تقنع فيا و انا شديت صحيح في لا
-يابنتي برا عدي ستاجك راك باش تضيع روحك
-لا مانيش ماشية هاي وفات الجمعة غدوة مروحة لدارنا ونهار الاثنين نجي نبدل الستاج في بلاصة اخرى
-علاش هذا الكل
-نهى قد مانحكيلك ماكش باش تفهمني والله مانجنش نشوفو راهو نسخة منو مانجمش نتحمل والله كي جاني هنا كنت باش نعنقو حسيتو مراد امان افهمني
-وراس اختي حاسة بيك اما انت لازمك تقتنع الي مراد مات وهكا انسان يشبهلو كهو
-اي واذاكا علاش انا باش نبعد عليه تي جمعة كاملة يطلب فيا هو وائل ماهزيتش عليهم
-ربي يهديك و مصاح راسك ...
روحت لدارنا مانجمتش نحكيلهم شي بقيت كان نبكي عند ماما هي تقلي شبيك وانا نقلها شي توحشتكم و توحشت مراد و بعد مشيت لجبانة ماتتصوروش قداه قلبي واجعني مانجمش نلقى راحتي كان هنا بحذا مراد ياربي هزني حنرتاح ياربي
تكيت بجنبو
-حبيبي نحب نجي عندك معدش نحب نعيش توحشتك حياتي ماخيبها بعدك تعرف الي عرفي فالخدمة يشبهلك يشبهلك برشا كي ريتو دخت والله ياعمري راني معدش انجم نتحمل غيابك خايفة منو خايفة لانعاود نشوف و نحسو انت ..
وبقيت نبكي لين هزني النوم و كالعادة يجيني العساس يقيمني مالنوم باش نروح خاتر موش باهي مغرب و هما مايعرفوش الي الجبانة اكثر بلاصة نرتاح فيها و مانخافش منها..
رجعت للفويا و مشيت للفاك على باش نبدل بلاصة الستاج ياخي ماوفقوليش قد ما حولت مانجمتش رجعت للفويا بدت حوايجي و قلت يلزمني نمشي تو نحاول مانشوفوش و كان لزم نعملو عركة باش معدش يحكي معيا و يا ربي نعدي هالستاج على خير...
-عسلامة ياطفلة وينك معدش تحب تجي تخدم على روحك و لا عجبتك الراحة و زيد ماتهزش علينا التلفون
-اهلا وائل سامحني والله جمعة كاملة تاعبة
-لطف عليك اسمع العرف كل يوم يقول وقتلي تجي عيطولها و قبيلا شوي كهو خرج قالي اطلبها قلها تجي
-)في قلبي ياربي شيحب عندي هذا( باهي وائل هاني ماشية
دقيت الباب قالي ادخل دخلت و بقيت واقفة و مخبية وجهي بشعري مانحبش نشوفو
-سلام بتول باش نسالك حاجة ياخي احنا قلقناك في حاجة فمة شكون كلمك و لا قالك حاجة ماتعجبش
-لا علاش
-ملا علاش تحب تبدل الستاج متاعك كلموني توا الفاك
-)فيسع وصلولو( لا مافمة حتى قلق اما انا هكا حبيت نبدل اما مانجمتش و امان كان تعمل مزية معدش تعيطلي للبيرو واي خدمة حاشتك بيها قول لوائل يقلي تو انا نخدمها و هو يجيبهالك
-علاش هذا الكل
-اكاك امان هذاطلبي الوحيد
-معناها مشكلة معيا انا موش مع الخدمة باهي فهمني شعمتلك قولي تي انا شفتك مرتين كهو علاش حاسس عندك كره ليا ..
يحكي و يقرب و انا واقفة على ساقيا بسيف و ندعي يا ربي مايقربش مانحبوش يسمع قلبي كيفاش يدق
و هو يمشي و يقرب لين وقف قدامي
-بتول انا مانجم نقلك كان على راحتك اما لازام نعرف علاش ماخذا مني موقف كهو
-ماتساليش علاش خاتر مافمة حتى سبب خليني نمشي نخذم و سامحني
-لحظة و مشى للبيرو متاعو جاب شركة وجاء
-شركتي
-اي طاحتلك وقتلي دخت و لقيتها انا خبيتها تفضل
-عيشك
-تحب نعاونك تلبسها
-لا لا تو نلبسها وحدي
كاينو ماسمعنيش وقف وريا و هزلي شعري جات يديه في رقبتي دخلت بعضي و بدني الكل ولا يرعش هو يسكر فالشركة وانا باش نموت سكرها و رجعلي شعرلي لتالي حسيتو قريبلي علخر مانجمتش نتكلم دار وقف قدامي قريب مقابلني علخر و يغزرلي في عينيا
بعدت عليه خرجت نجري شديت بيرويت ولهيت روحي بالخدمة اما مانجمت نخدم شي ..
هو يحكي ..محلاها و مقواها عندها سحر موش عادي يخليني نقربلها ماغير مانشعر اما عندها حاجة علاش ماخذا مني موقف علاش عينيا يقولو فمة سر جمعة كاملة نخمم فيها ماحبتش تتنحى من مخي و جهها عينيها شعرها بدنها كلها موش عادية عمري ماعرفت بنية هكا هذه مختلفة و زيد ماتحبنيش ندور بيها علاه
تعدا شهر وانا على نفس الحالة نمشي لستاج اما مانخبوش يكلمني هاربة منو حتى وايل لحظها و قالي
-بتول ياخي عندك مشكلة مع محمد شبيك ماتحبش تحكي معاه و ديما دور عليه في وجهك تي حتى الخدمة نهزلو فيها انا
-لا وائل مافمة شي اما انا مانرتاحش للناس الكل هاك ريت مالي جيت ماكلمت حد كان انت و نهى
محمد في بيروه و ائل دخل
-محمد محمد محححححمد
-ياسخطة شبيك تعيط لباس
-ساعة وانا نعيطلك و انت ماكش هوني فاش سارح
-في بتول
-شنيا
-قتلك في بتول الطفلة هاربة مني هروب ماتحبنيش ندور بيها تصدق تجي عينها في عيني تدور عليا وجهها ياخي شعملتلها انا
-يا ولدي هي برية و ماتحبش لعباد ماتحطش في بالك و من وقتاش انت تركز مع الخدامة
-بتول حاجة اخرى مالي ريتها عجبتني نخمم فيها ليل و نهار
-ههههه ڨر ڨر شنيا وليت تحبها
-اي وائل نحبها حبيتها ماللحظة الي ريتها فيها
الجزء 37 : نهار وانا مروحة مالخدمة امخر مالقيتش حتى تاكسي وليت نمشي على ساقيا و الدنيا ظلام انا اكاك و كرهبة وقفت بجنبي بتول اطلع
-تلفتت مربوثة نلقاه محمد لا لا مرسي هاني نمشي علئ ساقيا حتى نوصل و خليتو ومشيت هبط مالكرهبة و خلط عليا
-بتول نحب نعرف علاش تتصرف معيا هكا شعمتلك انا راك دخلتني بعضي راني باش نهبل وليت نخمم فيك ليل و نهار
-ماعدش تخمم فيا و مابيا شي مانحبش نكلمك كهو كي تراني احسب روحك ماشفتنيش و اخطاني ماطالبة منك شي و مشيت نجري خلط بزربة و شدني من يديا طول عنقنيقد ماحاولت نجبد روحي منو مانجمتش كان شاددني بقوة عنقني و قربني ليه و قالي علاش تعمل فيا هكا علاش شعمتلك انا راك تعبتني راني مانجمش نتحمل عمري ماجريت في جرت طفلة و انت خليتني لا ناكل لا نرقد و الخدمة هملتها نشوفك كل يوم ومانجمش نقربلك ادور عليا في وجهك فهمني شبيك راني عشقتك حبيتك افهم
-انا سمعتو قال اكاك و تنطرت بعيد عليه و بديت نصيح اسمعني الكلام هذا معدش تعاودو انساني خرجني من مخك خير و طرشقت بالبكاا
هو يقرب وانا نبعد و المطر تصب عليا و هو يقلي باهي ارتاح باهي هيا نوصلك
لا ماتوصلنيش اخطاني ماتخلطش عليا و خليني نروح رد بالك تقربلي
بقى باهت فيا كيفاش تصرفت رجع لكرهبتو وبقى يتبع فيا لين وصلت للفويا
انا ثنية كاملة نبكي و نتفكر في مراد و نتفكر فيه هو و علاش عمل اكاك علاش يحب فيا انا ملك انسان اخر انا مانجمش نحب كان مراد
وصلت للفويا لقيت نهى تستنى فيا حكيتلها الي صار الكل
-بتول علاش ماتعطيش فرصة لروحك هاو يحبك حاول معاه
-لا لا انا نحب كان مراد و مانجم نكون كان مع مراد
-افهم مراد مات وانت لازمك تعيش حياتك خليه في قلبك سكر عليه و عيش حياتك
-مانجمش و خاصة محمد لا راو يشبهلو راهو نسخة منو كي نشوفو نشوف مراد
-يابنتي هذه حكمة ربي ربي حب هكا جابك من اخر الدنيا و خدمت عندو ربي حب يعوضك على مراد و ماينجم يطفيلك نارك كان هو هو الي باش يخليك تبدا صفحة جديدة
-مانجمش ننسى مراد
-حد ماقالك انساه اما عيش حياتك خمم في جاي محمد موش خايب علاش تحرم روحك منو فيبالك الي انت زادا تحبو اما ماكش حاسة اي تحبو و ترتاحلو اما انت قاعد تخبي خاتر ماتحبش و خايفة لا تخون مراد و هو بالعكس مراد يحبك تعيش حياتك علاش تعذب فيه ببكاك و تعبك شوف قداه تعدا وقت وانت وفية ليه انت ماكش باش تخونو مراد مات
بقيت ليلة كاملة نخمم في كلام نهى و محمد يطلب و انا مانهزش عليه جبدت تصاور مراد و لبست مريولو و بقيت نبكي لين هزني النوم ليلتها حلمت بمراد قالي كلام مافهمتوش اما قالي تبع قلبك انا ديما معك عيش حياتك و انا في كل لحظة معاك و مشى و خلاني نعيطلو قمت مفجوعة و جاتني نهى حكيتلها الي حلمت بيه
-شفت بتول حتى مراد يحبك تبدا صفحة جديدة عيش اختي اعطي لروحك فرصة و ابدا من جديد و مراد في قلبك حد ماقالك انساه
-باهي نهى يعمل الله ديجا بعد الي عملتو فيه هو معدش يدور بيا و هذا كان ماطردنيش مالخدمة جملة
-لا لا ماتقولش هكا
فالصباح قمت بدلت حوايجي و مشيت للستاج دخلت طول للخدمة ماصبحت على حد وماكلمت حد انا اكاك و محمد و ائل دخلو
-صباح الخير
الناس الكل صبحت كان انا
الجزء 38 : بقيت ناكل و ساكتة
-بتول علاش تعمل اكاك مع محمد شعملك هو فيبالك ليلة كاملة و هو يسكر داخل بعضو الراجل حبك من اول ماشافك وانت تعامل فيه بالخايب
-والله مانقصدش انا مانحبش اكاك اما الله غالب اقوئ مني
-احكيلي شفمة حاسس الي بيك حاجة
هو اكاك وانا جبدت تصاور مراد من ساكي و مديتهملو
-محمد هذا محمد )مصدوم(
-لا وائل موش محمد هذا مراد خطيبي و مات ريت انا علاش نتصرف اكاك مع محمد
حكيت لوائل كل شي سمعني و قريب يبكي معيا وقف عنقني و انا عنقتو وبقيت نبكي احنا اكاك
و جاء محمد نارو شاعل حسيتو يحب يقتلنا الزوز قرب وبدا يعيط
-هذا علاش تتصرف معيا هكا هذا علاش تكرهني خاترك تحب وائل و انت علاش ماقتليش علاش تخلي فيا نحبها تتمنيكو عليا الزوز علاش علاااااش
هو اكاك يصيح ويعيط و وائل يعملو خليني نفهمك اسكت
-مانحب نفهم شي انستكم ببعضكم انا الغالط
و مشى وخلانا
وائل قالط هيا نخلطو عليه نفهموه الحكاية و انا قتلو لا هو ماحبش يسمعني امورو هيا روح بيا
ثنية كاملة وانا نحاول في وائل باش مايحكيلو شي و قالي باهي
وصلت للبيرو لميت دبشي و قلت معدش معدية ستاج المحنون
انا خارجة و هو عرضني فالباب ڨحرتلو تعديت
شدني من يدي و لصقني ليه و عنقني و قالي : علاش دخلت لحياتي حبيتك والله علاش ماقتليش الي انت تحبو وائل صاحبي مانحبش يصير بينتنا هكا
كي عنقني هديت شويا محلاها تعنيقتو حسيت روحي عند مراد قربتلوو قتلو بشويا راك فاهم الحكاية بالغالط
-باهي فهمني راني باش نهبل
-مع الستة ايجا للبلاصة الي لقيتني فيها انا و وائل
-باهي
و مشيت وخليتو روحت حكيت كل شي لنهى انا نحكي و هي تضحك
-تضحك عجبك الي صارلي قتلك خليني بعيدة عليه خير
-لا والله يحبك هو الوحيد الي باش تنجم تبدا معاه صفحة جديدة
-انشالله اما انا نحب مراد
-نعرف و حد ما قالك انساه اما مراد مات و ريت كي حلمت بيه هو يحب يشوفك فرحانة وراس اختي محمد بعثهولك ربي باش يعوضك عالي صارلك
قمت بدلت حوايجي و مشيت وصلت نلقى محمد غادي واقف يغزر للبحر كنت باش نمشيلو نجري نعنقو و نقلو مراد وبعد فقت الي هو محمد
وصلتو وقفت بجنبو
-محمد انا و وائل مابينتنا شي والله اصحاب كهو
-كي ريتو معنقك هبلت دخلت بعضي فيبالي تحبو بعضكم قلي شفمة علاش تعمل معيا هكا فهمني امان
المشكلة فيا انا
-احكيلي وانا نعاونك والله ناقف معك و مانسلمش فيك
هو يحكي انا وريتو التصاور شافهم تصدم
-تي هاو انا هذا
-هذا مراد هذا خطيبي توفى عندو اكثر من ثلاثة سنين ...
و حكيتلو كل شي هو كان يسمع فيا و موش مصدق مصدوم يسمع و يمسحلي في دموعي سمعني للاخر وبعد عنقني وقالي :هو الله يرحمو اما انت يلزمك تكمل حياتك باش نقلك حاجة و صدقني ريت اول ماريتك مطبسة تلم فالاوراق عجبتني و حسيت حاجة في قلبي صدقني والله حاشتي بيك شوف انا قداه نشبه لمراد بالك ربي بعثني ليك باش نعوضك انا عمري مانقلك انسى مراد اما ابدا معيا انا من جديد والله مانحرمكش منو بالعكس مراد ماضيك وحد ماينجم ينسى ماضيه اما خليني اناحاضرك انا معك انت خسرت مراد اما انا نعوضك عليه و نحبك قد حبو ليك مانطلبش منك باش تحبني كون معيا كهو و مع الوقت تو تحبني
-تخليني نمشي لمراد
-اي نخليك قتلك عمري مانحرمك منو والله نحكي معك بجدي صدقني و خليك معيا
وقفني و قف قدامي مسخلي دموعي و عنقني و قالي :نحبك يا احلى طفلة فالعالم نوعدك نحميك مالناس الكل وانا ديما معك عمري مانخليك
-ربي يخليك ليا اما قبل كل شي لازم تطلب السماح من وائل
-تو نكلمو وايل صاحبي و تو يعذرني خاترو يعرف قداه نحبك..
الجزء 39 : روحت للفويا حكيت لنهى شصار فرحت برشا
فالعشية تقابلت انا ومحمد وقتلو راني غدوة مروحة لدارنا لازم نمشي لمراد
-باهي امش انت غدوة وانا نهار الاحد نجي نروح بيك و نقابل داركم
-محمد لا مازل بكري علئ دارنا خلينا نعرفو بعضنا وبعد يعمل الله
-انا ماقتلكش نعرسو قتلك نقابل داركم نحكي معاهم و نقلهم الي انت امانة عنددي
روحت لدارنا و مشيت لمراد كالعادة بقيت بحذاه
-حبيبي سامحني حاسة روحي اما والله مانبدلك وعمري ماننساك انت حياتي الكل هو يشبهلك كان تشوف والله نسخة منك كي نبدا معاه نحس روحي معك يفكرني فيك برشا نوعدك ماهوش باش ينسيني فيك باش نقعد نزورك ديما و موش باش انقص من محبتي ليك...
اول مرة نحكي مع مراد على حد اخر و هذه حاجة وجعتني برشا اما نحس في روحي مرتاحة
روحت لدارنا حكيتلهم على محمد اما ماقلتلهمش الي هو يشبه لمراد و قلتلهم راو باش يجي يحكي معكم عليا
ماتتصوروش ماما قداه فرحت وحستني فرحانة
من غدوة عديت نهار كامل بحذا مراد حكيت معاه و سقيت الوردات الي انا زارعتهم بحذاه طلبني محمد و نعتو على بلاصة الجبانة
جاني و وصل بحذيا للقبر لقاني نبكي سكتني و حكينا برشا حسيت محمد متاثر و حكى مع مراد وقالو تهنئ عليها امانة في رقبتي
طلبت ماما وقلتلها هاني جاية انا و محمد
دقيت الباب حلتلي اختي قعدت حالة فمها في محمد وقتلو مراد
-لا هذا محمد اما يشبه لمراد الله يرحمو
دخلنا لدار عرضتنا ماما
-بتول ياخي
-ماما ماتبهتش هذا محمد اما يشبه لمراد كهو
-سبحان الله ماكذبش الي قال يخلق مالشبه اربعين والله في لحظة حسيتو هو اما حمدالله هذه معجزة من عند ربي
فطرنا و محمد حكى مع بابا عدينا عشية كاملة فالدار و عايلتي موش مصدقين الي صارت حاجة كيف هكا
فالعشية جينا مروحين قتلو لازم نهزك لبلاصة
-وين
-لدار مراد لازم امو تشوفك
دقيت الباب حلتلي طاطا نجوى
-بتول عسلامة لباس بنتي توحشتك برشا
-حتئ انا طاطا اما جيت باش نوريك حاجة
-نشالله خير
-محمد
هو طل عليها و هي تصدمت م را د مراد
-طاطا موش مراد هذا محمد اما يشبه لمراد برشا و هذا الي عوضني بيه ربي موش مرة انت قتلي باش نعيش عمري كامل ندعيلك باش ربي يعوضك هاو ربي سبحانو ستجابلك و عوضني بمحمد
انا نكلم فيها و هي تلوحت عليه عنقتو تبوس فيه و تقلو توحشت ولدي عنقني راك نسخة منو
وبعد سلمنا عليها و وصاتو باش يرد بالو عليا
قصدنا ربي روحنا و ثنية كاملة نحكيو و تفاهمنا على برشا حاجات ...
عديت عام كامل مع محمد الحق شي ماتبدل كل جمعة نمشي لمراد و عمرو ماحسسني بشي تحملني برشا اما انا زادا وليت نحبو يمكن خاترو يشبه لمراد اما حبيتو بالحق..
تفهمنا اخر العام هذا باش نعرسو باش انا انجم نكمل قريتي اما كيف كيف وعدني الي انا باش نبقى نزور في مراد ...