كرونيك ❤️ذنبي اني يتيمة 💔 الجزء 3

خرجت اثير وهي حاملة غصة في قلبها من مسمامة تع صارة ركبت فطونابيل وصلو كاتب لعدل اياد كي شافها خلاص داب من زين تعها بقا باهت فيها حتا ملاك مكانتش بزين هدا وتربية كيما اثير هي حشمت كي شافتو تاني، وصلو لصالة وصارة كي شافت اثير هي لعروسة تصدمت اما اثير دارت روحها كلي مشافتش معها، قعدو هي واياد وبدا كاتب العدل يسقسي فيهم: اياد هل تقبل اثير زوجة لك في صراء وضراء اياد هيه نقبل وزاد تاني سئل اثير نفس السؤال ،اثير قبلت تاني بلا ماتخمم زوجهم كاتب عدل وناض ،مها تع اثير،فرحت كي شافت نوارة قلبها فرحانة ،كامل فرحولها غير صارة رايحة تتطفى من لغيرة تخنقت ،كعاد وحدو اياد اغتنمت لفرصة وراحت لعندو صارة: اياد علابلك بلي لمرا لديتها كانت ضرتي وهي لدات راجلي من يدي مي فاق بيها طيشها، اياد:صارة كاش نهار شتي ولد عمك ولا سمعتي بيه يقرر حاجة معلابالوش بيها علابالي بكلش صارة علابالي بيك نتي سباب لخلا تع لمرا هادي فهمتي روحي من قدامي ولا نفكرك بواش درتي لباباك لهو عمي رابي يرحمو ،صارة خافت يزيد يكشف سرها لمخبياتو عندها بزاف خرجت اثير شافت راجلها مع صارة خافت، مبعد اياد شافها تبسم معها اياد سمحيلي درك نروح عند مرتي منيش قاعد لتمسخير تاعك ومشا وخلاها
شطحو وزهاو،وفرحو، اثير كانت فرحتها معطيتها لحد اول مرا تفرح كيما هك وصلت طناش تع ليل،وهما فلاصال، اياد :اسمحولي درك نهز مرتي ونمشي، هي خلاص طلعت حمرا من لحشمة ،داها لفندق يهبل مناه محابش يديها لدار تاعو وقرر انو يبيع دار هديك وينسا بصح جامي ينسا ملاك من جهة بخلاف يحب مرتو اثير حب جامي حس بيه حتا مع ملاك، دخلها لبيت وزاد عباها وحطها فسرير فشوية، اثير تفكرت فجاة فؤاد واش درلها بدات تخاف اياد:ندخل ندوش ونوالي لصغرونة تاعي اوكي، اثير: اوكي 😊😊 بدات تنحي في قشها ولبست دوخيلا احم احم ،كي خرج من دوش لقاها فوق سرير تسنا فيه ، شافت معاه شهقت علا صدر لعندو تقول طابلة شيكولا ولا لبدن هداك لمكسل بقات تشوف معاه او باهتةفيه، وبعد فاقت مع روحها هبطت راسها اما بنسبة لاياد داب هو تاني اوو. مسيو تاعو...راح لعندها باسها من جبتها و زاد حضنها، اياد :لكان مكيش موجدة روحك ليوم معلهش عادي قربت عندو بساتو من فمو، اثير :لالا واجدا، بدا يبوس فيها وتفنن هي تان تحتو، عاداو ليلتهم ومارسو لحب تاعهم كانت احلا ليلة لاثير وهو تاني كيفها ، وكان مسياسها علا لخر مناه علابالو واش عكبت
فاتو ليام عاشت احلا عايشة مع راجلها، اياد جا لوقت باه يهزها لفرنسا ،خدملها لاوراق تاعها خلص، ودعت امها وجداتها تاني،وحزنت كي رايحة تفارق امها، ليوم باش تروح معاه لفرنسا وصلو لمطار ركبو فطيارة، وهي خافت اول مرا تركب فيها، هو حطها في صدرو ويطمن فيها، طارت طيارة لباريس وصلت لمطار ركبو فطونابيل وصلو لفيلا لساكن فيها هو امو وخوه ،شافتها امو جات طول لعندو داتو بلاحضان وردة :اياد بني واش توحشتك انا، بصح شكون هدي، اياد: هدي مرتي ماما اثير سلمي علا ماما وردة مرحبا بيك عندنا بنتي، وفرحت كي بنها زوح وتهنا اياد سقسا امو علا سمير لكان هنا وردة هيه هو هنا راكد اياد ملا نهز مرتي ونروح لدار لفي مزرعة، وردة: لا منخالكش تزيد تروح حتا لبلاصة هو ليروح مش نتا اياد: خلاص ماما قررت، وردة :علاه بصح، اياد: مبعد نحكو ،وردة :اموا دخلو لداخل، اياد :لا لازم نروحو خطرا بخلاف انشاالله ،اثير بقات باهتة فدنيا كانت اول مرت تسافر واول مرا تشوف قصر كيما هك هدا من برا وين هههخ ،هزها داها لمزرعة تاعهم
دخلو لدار ،داها لبيت تاعهم، اياد: واشبيها فرخة تاعي اثير: والو بحشمة، حضنها اياد وجابها في حجرو اياد مليوم متخصك والو مع راجلك فهمتي اعمري، اثير: اياد مقلتليش بلي صارة بنت عمك، اياد: خلاص درك حنا في فرنسا نتمنا تع جزاير يقعد فجزاير فهمتي كلش مات درك لماضي مات درك عيشي لحاضر وخلاص ،يهدرلها ويمس في شعرها، هي دابت وهو ساي معادش يتحمل كتر و يجيبها تحتو ... طلع صباح ناضت اثير كي لعادا وجدتلو فطورو باه يروح لشريكة تاعو عندو بزاف مضلش عليها، ناض دوش وهبط لقاها قاعدا وتسنا فيه، اياد: صباح لخير صغرونة تاعي، اثير :صباح النور ،اياد :من صباح نشم في ريحة تهبل حتا نوضتني من نومي بصح كون نقعد هك نكول بزاف تخرج لكريشة تاعي، اثير: ضحكت علا تمهبيل تاعو قعد فطر وجد روحو باسها من جبتها ومشا لشريكة تاعو
عادا نهار بلا ميحس، كانت عندو خدمة بزاف حتا طاح ليل ،تفكر صغرونتو ناض طول مشا من شريكة وصل لدار لقاها راكدا فلفوداي تسنا فيه ،بدا ينوض فيها اياد:اثير عمري نوضي حوبي، ناضت حضنتو اثير: طولت بزاف ،اياد :سمحلي حبيبي متزيدش تتكرر ،اثير: تعشيت لا مزال باه نروح نسخنلك لعشا، اياد ونتي تعشيتي ،اثير:لا مزال كونت نسنا فيك، اياد: دكور، سخنت لعشا تعاشو علا طناش تع ليل بلا تمهبيل تاعها وتاعو، بعد ماتعاشو ،غسل معها لمعاعن وراحو راكدو ،فات شهر وهما هك ساعات يروحو لعند امو، وسمير طلب سماح من مرت خوه وخوه ،مام هو تعرف علا واحدا تونسية بدا بشوية يجبد روحو من طريق لفاسد ،ناض صباح علا شاف اثير ترد راح طول لعندها وخايف عليها ،اياد:اثير واشبيكي عمري، اثير: مقدرتش روحي رايحة تخرج ،خلاص درك نديك لطبيب ونشوف واش كاين
داها عند طبيبة ،اياد ميحملش خلاص يكشف علا مرتو طبيب، دخلت لعند طبيبة ،مشمت ريحة دوا ردت هو رايح قلبو يخرج عليها ،كشفت عليها طبيبة تبسمت: مسيو اياد( هي تحكي بلفرونسي طبعا بصح انا 😂😂منعرفش او منطقش لفرونسي 😁😁المهيم) ،مسيو اياد مبروك عليكم مرتك حامل هو ماصدق كي سمع ،عينيه لامعو من فرحة وفي نفسو خايف تزيد تصرلها كيما ملاك (وشبيك سي اياد تفائل شوية )اثير تفهم لفرونسي، كيما حكينا فلحلقات لولين كانت تعرف تقرا ،فرحت بزاف وفرحتها معطيتها لحد ،خرجو من عند طبيبة واياد خايف بزاف عليها لاتصرالها حاجة، اثير: ادني عند ماما وردة اياد :رايحين اصلا لتم نبقاو درك، فرحت اثير مواصلو لدار حضنتها وسلمت عليها وهدرتلها بلي هي حامل، امو تع اياد فرحت بزاف بصح شافت بنها مهموم شوية مخرجت اثير، وردة :اياد وشبيك، اياد: خايف لاتصرلها كيما ملاك ،وحكالها بلي اثير كانت مزوجة وطحلها صغير لفي كرشها ،وردة :بني متخافش وعود دايما اديها لطبيب متخمم موالو شي لكاتبو رابي جاي فهمت ،فاتو شهرين اثير بدات كرشها تتكعبر وهبلت اياد علا لوحم تعها كل مرا تخرجلو خرجة حتا توصلت نوضتو فليل باه يجبلها دلاع هههه، حتا واحد نهار داها لطبيبة لموالفة تقلبها طبيبة سقساتها : شربتي دوا من قبل باه تجهضي اثير :لا علاه، طبيبة سكتت كي خرجت حكمت اياد،:مسيو اياد لازم نقولك حاجة لازم تعرفها اياد تفضلي ،اثير ياشربت دوا يا شربولها دوا من قبل باه تجهض ،هيه كملي،وزيد كلاويها عيانين بزاف من اثار الضرب ،اياد تشوكا كي سمع بنوارة قلبو ،وهدا ياثر علا حياة اثير ولجنين لفكرشها مع اسف رايحن نطرو نجهضو طفل لفي كرشها باه تباشر فلعلاج تع كلاويها مناه مرايحين غير لاسوء ،اياد: مكانش حل بخلاف دكتورى، طبيبة: مع اسف لا، لازم نجهضوه ولكان مجهضناهش هي بعد تبدا حالتها تسوء وقادرة تموت، هنا اياد مقدرش يزيد يسمع خرج وخلاها، تفكر بلي ملاك ماتت بسبة لحمل واثير تاني،هو بينو بين روحو: محال نخلي شي هدا يصير
طريق كامل مهدرش ،وهي تحكي معاه وتحكي علا بنها اياد :حابة نجيب طفلة لمرا هادي يارب وتجني طفلة حابة نمشطلها ونعبيها ونلبسلها ونحكم يديها الصغار بياديا ، اياد بحمقة :خلاص اثير ،هي تشوكات اول مرا يحمق فيها سكتت، كانت رايحة تبكي حبس فطريق وضمها،لصدرو اثير لازم تجهضي لجنين لفي كرشك اثير 😮، اثير :واش مسمعتش ،اياد:اثير كاين خطر علا حياتك ،اثير :محال هدا شي يصير ومستعدة نموت علا بني الهميم نجيبو لدنيا هدي ،اياد: ونا مستحيل نسمحلك فهمتي قلت تنزليه يعني تنزيله ،نزلت اثير من طونابيل وبدات تمشي وحدها وهو يتبع فيها ويعيط، وهي ممعبرتوش خلاص تمشي وتبكي، هدا وين حست بضعف طول عمرها تكول من لفضالة تع عمها وولادو طول عمرها كانت تتضرب وتتهان وتسكت، وزادت زوجت بوليد عمتها لكان يتفنن بعدابها ،وزاد طاحلها صغير لفكرشها ،بصح لهون وبس خلاص محال تزيد تسمح يزيد يدولها بنها تاني
هبط عندها وهو يتبع فيا ويعيط وهي ممعربوتش ،اياد:اثير اطلعي لبرد عليك اطلعي ،اثير دورت ليه وبدات تضرب في صدرو ،نتا ظهرت زيهم زي عمي وعمتي ورخيس لكان راجلي معندكش رحمة هدا بنك قطعة من روحك شوف اسمعني مليح واش نهدر ،تهدر وتبكي ,بني نجيبو لدنيا هادي ،حتا لو مت الهميم نجيبو ميهمنيش فهمت وحط لكلام هدا مليح في راسك، اياد: اطلعي اثير برد عليك ،اثير:ميهمكش فيا مليوم نتا في طريق ونا في طريق فهمت ونحبك ليوم تردني لجزاير مناه عيت من لبلاد هدي ليوم نحبك تردني، اياد: خلاص حبيبي ليوم نردك ،اثير:متقوليش حبيبي فهمت منيش حبييك نتا جامي حبيتني كون تحبني متقوليش هك نتا مبيكش تخمم غير في صلاحك حتا بنك حاب تنزلو من كرشي ،جا يضمها ليه، اثير: متمسنيش خلاص عيت منكم كامل اثير العاقلة ماتت فهمت
وصلها لدارهم ،وحجز في طيارة باه يسافرو، بدات اثير تلم، في حوايجها وتبكي ،وردة رايح يخرج قلبها علا مرت بنها ،حتا سمير وغاضتو وندم اشد ندم واش دار فيها هداك نهار كون صاب نحاه نهار هداك، جا اياد من لخدمة تلاقاتو امو،وردة :لكان تحب نروح معاك بني، اياد: لااا ماما اقعدي نتي هنا ،ودور لخوه، اياد: لازم تتولا ادارة الشريكة حتا نيجي، سمير :بصح انا، قاطعو خوه: نتا كبرت ولازم درك تنجح في حياتك، فهمت وخضنو بعضاهم ،وردة فرحت كي شافت ولادها تفاهمو كانو دايما يتقابطو ،طلع نهار علا اثير واياد ودع امو وخوه وطلب منهم سماح لاخر مرا وهزها وسافرو ،طريق كامل واحد مهدر مع واحد ،وصلو للجزاير ،اياد انا رايح نحجز في فندق حتا نهار نشري دار ونسكنو فيا ،اثير :مكلاه درك نعيش عند امي نسيت بلي ولات تسكن في تزاير ،اياد شعل من لغش بصح حكم في قلبو علابالو بلي نوارة قلبو مريضة او بلكرش ولازم يصيرها
وصلها عند امها ،كي شافتها فرحت بزاف اما بنسبة لوصال كشبت كي شافتها، خوها كان مكانش كان يقرا دخلو لدار،شافت بنتها بلي مش علا بعضها ،عرفتها بلي كاينة حاجة اثير ماما عيانة ولازم نركود ،ياسمينة :هيه اعمري درك نوجدلك احلا بيت ليك ولراجلك ،اثيربغش: مكلاه درك يروح يبات في فندق ،ياسمينة :عيب عليك واش قاعدا تحكي نتي، اثير :ماما ،قطعها اياد: انا منيش قاعد شوي عندي خدمة ولازم نخرج كل ليلة تاني وهدا شي يقلقكم، ياسمينة :لا بني متقلقني موالو نتا كيما بني ودرك نوجدلك بيت اسناوني دقيقة برك ،خرجت ياسمينة او معلابلهاش بنار لشعلتها لاثير ،اثير راحت ركدت مناه عيانة بزاف ،ياسمينة سقسات اياد علا بنتها وشبيها مع لول محبش يهدر ومبعد حكالها كلش ،وختها كانت تسمع فيهم وعاجبها لحال بلي ختها رايحة تموت وتدي راجلها مناه عاجبها بزاف ،عادو ليام وحالة اثير قاعدا غير تسوء وامها وخوها ورجلها محملوش واش يصرا فيها كل نهار يساس فيها وهي متحملش حتا يقرب منها ،عيا بزاف وهو يصيار فيها وامها مقدرتش تاني تحمل ،اما وصال كانت دايما فرحانة وتحاول تقرب راجل ختها اما محاولتها كامل فاشلو
ليوم جا من خدمة فليل، وبقا فصالو يخدم فلميكرو تاعو حتا جاه ركاد، ركد وهو قاعد محسش بروحو خرجت اثير من لبيت شافتو شحال توحشتو وشحال محتاجة لحضنو درك بصح كلش كلش غير كرامتها بقات تشوف معاه حتا قربت منو بدات تمس في وجهو حس بيها بصح محبش يفتح عينيه مناه توحشها بزاف توحش حاننتها توحش يضمها ليه ويفرغ حبو ليها ،بصح من جهة بخلاف خايف تاني تموت اثير :توحشتك اياد توخشتك بزاف ،خمم انو يفتح عينيه ويضمها ليه بصح مقدرش ،جابتلو غطا وغاطتو ومشات فتح عينيه ،ونا تاني توحشتك اثير ،طلع نهار وصال جات خارجة لاقاتو راكد فصالو راحت لعندو جات تقرب ليه فطن اياد:واش قاعدا ديري هنا ،وصال انا انا ،ايادقولي، وصال: حاب تعرف ،اياد:شوفي علابالي بلي نيتك خبيثة
علابالي بلي نيتك خبيثة ،بصح مش علا اياد،اياد مش طيحو اي وحدا ،ونقولك للمرا لخرا اتوالهي تزيدي تقربي مني ساعتها تشوفي وجهي تاني فهمتي اخرجي درك من، منيش حاب نغلط ،خرجت وهي تحكي بينها بين روحها والله ندمك وصال قالت ،اياد دوش مشا لسبيطار لدخلت ليه اثير نهار نزلت ولدها سقسا، طبة للتم واحد مقدر يجاوب علا السؤال تاعو،حتا طاح في واحد رشاتو صارة باه ميقرش واش سبب الاجهاض،اياد كي سقساه علا اثير ،بدات اثار القلقة تبان في وجهو ،اياد :للمرة لخرا نسقسيك نوع الدوا لشربت اثير، طبيب محبش يهدر ،اياد :اوكي درك نعيط لشرطة هي لتخليك تجاوب ،طبيب الله غالب انا عندي عايلة ولاد ،اياد: احكي ملا ،بدا يحكي :،هداك نهار جات ضرتها تع اثير قالتي متهدر حتا لواحد وعطاتني 20مليون باه نسكت انا قبلت مناه تعرف تاني حوايج عليا اياد:والله ندمك نتا وصارة تاعك وتشوف ،وطربق عليه لباب وخرج ،راح طول عند دار صارة سمع لحس من برا تع عجوزة تبكي وتتضرب ،طبطب فتحت صارة لباب كي شافتو شهقت علابلها مش تع روحو جا، اياد :اهلين يابنت عم ،تخلي وليد عمك قدام لباب عيب عليك ،دخلتو وهي ترعش من لخوف شم ريحة مش مليحة كانت من عمت اثير مناه تخليها بيها بخامجها حشاكم ،اياد:واش لالا صارة ملا قتلتي باباك برهج وتزيدي من فوق تشربي دوا لاثير باه يموت بنها قولي هي تصدمت
خلاص صارة لهون وبس لازم نكشف حقيقتك، كيفاه نتي لتقتلي وعايشة نرمال ومرتي لجامي كاست واحد قاعدة تتحاسب هدا كامل بسبتك قولي صارة :بوس يدك اياد والله نتحرق والله انا حامل بابنو تع فؤاد ،قاطعها :مش اياد لتلعبلو صارة علابلنا مليح متجبيش لولاد زوجك سابق هج منك تاني وبسبتك باباك مرض وقعد فشوكة ومبعد قررتي تقتليه كل نهار تعطيه شوي تع رهج حتا نهار مات طبيب لاشرف علا تشريحو هدرلي ونا خبيت لحقيقة هدي علا جميع بصح لهون وبس كلش كلش غير اثير فهمتي اني نحرق لخضر وليابس علا جالها، دخلت الشرطة حكموها مناه كانو يسمعو فيه وهو يهدر معاها
فلاش باك
قبل ميروح اياد لعند صارة عيط لشرطة وهدرلهم كلش هما مامنوهش حتا يجيب دليل وهو معندو حتا دليل غير طبيب بصح حكالهم علا خطتو وافقو علا خطة تاعو،
بقي يشوف معها وهي خارجة ،اياد :درك دالت راجلك وعمها تع اثير رايح ندمكم علا كل دمعة طاحت من عينيها بسبتكم وقول اياد مقالش
رجع لدار لقاها قاعدا تتفرج وتمص فلقارص لتم زاد هبل عليها، دورت ليه ،اياد: مساء الخير ،اثير:مساء النور،جا ماشي، ااثير:اياد انا لازم نروح نشوف واش في كرشي ،اياد :ياعيون اياد نديك اصبري برك نبدل حوايجي ونخرجو دكور تبسمتلو ،بدل حوايجو ولا عندها ،داها لطبيبة شفتها طبيبة تبسمتلها ،مبروك عندك بنوتة ،حكمت يد اياد ،اثير:اياد اك تسمع رايحة تجينا طفلة ،بسلها يديها وسقسا طبيبة طمنتو بلي هي بخير ولجنين تاني ولازم كل نهار تشرب دواها باه برك مصرالها والو واخيرا اياد فرح وطمن عليها، وداها عشاها برا وحس روحو كلي طاير من لفرحة ويدعي رابي ميصرالها والو اياد :،حبيبي خلينا نروحو نباتو في دارنا اني شريت دار، اثير :علاه معجبتكش قعدة في دارنا ،اياد :لالا بصح حاس روحي منيش مرتاح فهمتي، واخيرا اثير وافقت ولاو لدار مها هزت حوايجها وراحو لدار تاعهم
وصلو لدار تاعهم لجديدة،اثير كانت عاينة بزاف ركدت علا صدرو ،اياد يمس في شعرها وباهت في زينها رغم مريضة بصح زينها طاغي وساعة ساعة يخطف بوسة من خدها ،نضات صباح وجدتلو فطور ناض علا ريحة مليحة عندو بزاف مناضش عليها اياد:عمري متعييش روحك اثير :لازم نخدمك فطور باه لكريشة تاعك تخرج وتضحك بتبهليل 😁😁،اياد حكمها هزها وداها لسرير توحشها بزاف، بدا يبوس فيها ويلحس ويمص في صدرها ،وهي خلاص دابت وبدات تان ، نحالها حوايجها ،وحوايجو ومرسو حبهم، توحشو بعضاهم بزاف ،هبط من فوقها يتنفس بزربة ،وزاد حضنها ،اثير :نوض تخدم درك اياد :منروحش نخدم ليوم اني عريس اثير :ههه مهبول ،اياد وعدني انك دايما تبقا جنبي ،اياد:كاش واحد يخلي روحو قولي، ولزها في حضنو،فاتو ليام عاشو احلا ايام درك اثير فشهر الثامن،داها لطبيبة، نفس لهدرا لهدرتلو لمرا لفاتت كي خرجو عيطلو خوه سمير ،تخلع كي شاف نميرو تاعو هز عليه :الو سمير خير ،سمير :انا رايح نزوج بصح مش هنا في فرنسا لازم نجي لتم ونزوج اياد فرح بخوه بزاف واخيرا تهنا من جهتو
وصل خوه امو لجزاير ومعاهم طفلة (منقولكمش شكون هي حتا مبعد 😈😈) وصلو لدار تع اياد ،كي خرجت اثير باه تتلاقاهم شافت بنت عمتها تسنيم مع سمير شهقت راحت تجري كامل حارو فيها هيه (لمرا لحبها سمير هي تسنيم هربت لتونس وبدلت لهوية تعها ولهجة تعها واسمها وكلبتو ميرال باه واحد ميعرفها نرجعو درك لحكاية😘😘) اثير راحت تجري لعند تسنيم حضنتها لزوج يتباكاو صح تسنيم مخابت حتا حاجة علا سمير، وطلقها من رجلها بصح لدرك مزالت خايفة او معلابلهاش بلي اثير مزوجة باياد اثير :وين كنتي قوليلي تسنيم :خلاص اني هنا درك واحد ميزيد يفرقنا اوكي ختيتو ،تسنيم فرحت ببنت خالها كي زوجت واحد يحبها او مام اثير تاني فرحتلها بزاف، امهم تع اياد وسمير ولات تبكي كي شافت بلي تسنيم تلاقات بنت خالها مناه كانت دايما تحكي عليها وفرحت تاني بلي طلعت نفس الشخص وتهنات من لعذاب لكانت عايشة فيه
وصل عرس سمير وتسنيم ،زوجهم كاتب لعدل وكانو اياد واثير هما شاهدي لعرس ،شوية هك وبدات اثير تتوجع حتا بدات لوجيعة تكبر وتكبر حست بحاجة سخونة تنزل بين فاخدها حكمت في اياد، اثير:اياد بنتنا رايحة تيجي ،اياد طول هزها من لعرس ،تسنيم تبعت ختها تاني متخلهاش وحدها، مام سمير وامو وام اثير وخوها تع اثير مشاو معاهم، تفركد لعرس وصلو لسبيطار دخلوها وهي تعيط واياد يواسي فيها ،دخلوها طول لغرفة العمليات ،اياد قلبو رايح يخرج عليها ويدعي في رابي ميصرلها شي ، كامل كانو لتم يسناو وكتاه برك يخرج طبيب ويطمنهم عليها ،خرج طبيب، ملمحو اياد جا يجري بعد ساعة من الانتظار، كان طبيب هاز بنوتة صغيرا بين يديه طبيب شكون باباها ،اياد انا ،الف مبروك تقدر تعبيها ،دكتور قولي علا اثير ساع طبيب :اثير حالتها شوية حرجة تحتاج شوية دم برك اياد :ادو حياتي المهيم هي تعيش،طبيب : كلاويها هما سبة في حالتهاهدي، بصح من لغدوا نشوفو معها وتقدر تتفضل معيا باه تتبرعلها شوية دم، بنتو معابهاش وحلف ميعبيهاش حتا تنوض اثير مدها طبيب لام اثير هزتها وسمات عليها
تبرع اياد بدم لصغرونتو ،وكان يخمم في ملاك نفس شي صرالها بصح ملاك ماتت ومات بنها تاني ،اياد في قلبو :كون تصرا لحاجة لاثير تاني لمرا هادي نموت منحمش نزيد نعيش نفس لعداب ،امو تاع اياد تشوف معاه وغايضها حال بنها للمرا تانية يعيش نفس لحالة ،بداو طبة ياجرو وهو يشوف فيهم راح طول لغرفة لعمليات ،يشوف في نوارتو بين لحياة والموت ولاواحد قدر يردها لحياة، هو ميسمع في حتا حاجة غير نوارتو تعيط عليه ،اياد متخلنيش واحدي متخلنيش واحدي، حتا لقا روحو راكد فسرير ،ناض لقا امو حداه تبكي اياد :يما واش صرا اثير وينيا قولي يما وهو يعيط علا اعلا صوتو وردة :اثير مصرلها والو حمدلله تجاوزت مرحلة لخطر اياد :لازم نشوفها حاب نشوفها قاعدا تكدبي عليا، وردة :والله منكدب اثير تجاوزت لخطر خلاص درك بني ارتاح شوي اياد:محال نرتاح حتا تنوض مرتي فهمتي ،عادو يومين واثير لعادا مناضتش، كان اياد يسنا فيها وكتاه تنوض وكل نهار يقرلها قصص وهي راكدا بصح كانت من داخل تسمع فيه ،عادا يوم تاني وتالت حتا حس بيديها تحركو اياد مصدقش ناض طول يعيط علاطبيب باه يجي
جا طبيب شاف عينيها ،قالو مرتك قاعدا تفطن بشوية ،فرح من لهدرا تع طبيب، حلت عينيا لاقات حبيب روحها معها طول نداتلو باسمو ،اثير: اياد اياد :ياروح اياد اني هنا عمري متخافيش عمري منخليك فهمتي ،اثير :اياد بنتي وينها ودمعة في عينيها ،اياد:بنتنا متخافيش عمري هي باحسن حال اثير :حابة نشوفها اياد ميكون غير خاطرك ،عيط لامو باه تجيب بنتو، وصلت لسبيطار دخلتها للغرفة لهي فيها ،مشافتها اثير ناضت تبكي ،اثير:بنتي عمري، وتبوس فيها وتعاود وضمتها لصدرها ،اثير :اياد سميتها ولامزال ،اياد: لا كونت نسنا فيك تنوضي تسميها نتي ،اثير:اياد رايحة نسميها امل، اياد: ميكون غير خاطرك حبيبتي ،فاتو ليام خرجوها من سبيطار فرحو بيها وبنوراة قلبهم امل، فات شهر وهي ترضع فيها ومبعد قطعولها رضاعة باه تبدا اثير تتعالج من مرض لكلاوي
بدات اثير تتعالج في فرنسا مش الجزاير (مناه مكانش دوا يصلح فجزاير ،علابالي كاش نهار نموت بسبت لساني 😁😁) مع ايام تحسنت حالتها ،وبدات تقرا تاني بصح سي اياد كل نهار معها يتقابط بسبت لبسة لتلبسها وتروح تقرا اثير كاتت تلبس مستور بحكم لابسة لحجاب وهكاك كون تعجبو لبستها يقولها تبدل كل نهار هك ،فاتو ليام علا اثير واياد كل نهار يزيد حبهم لبعضاهم بنتهم كبرت ،ولات تشبه لامها بزاف، اما بنسبة لسمير وتسنيم هما تاني يسناو في ثمرة حبهم بصح هما قاعدو فجزائر مع مو ،باه تكون قريبة من امها لي كل نهار تسوء حالتها كتر كتر وتخيلو شكون هزتها امها تع اثير هي لهزتها ،عمت اثير كل نهار تطلب سماح من ياسمينة وتاني تطلب من اثير ،اثير سامحتها ونسات درك كلش مناه راجلها عوضها علا كلش اما بنسبة لوصال طاحت مع واحد ذيب كتر عليها وكان دايما يحطلها لمخدرات فلماكلة حتا ادمنت عليهم ولات تشرب فيهم وتضرب فلبيكور حتا نهار فاقت بيها امها ودتها لمركز باه تتعالج، اثير كي سمعت واش صرا لختها غاضتها بزاف لانو تبقا دايما ختها من دمها ولحمها واياد زادت كبرت في عينو ورايح يهبل عليها وعلا قلبها لنظيف ولكبير ،وصلتا لدالت فؤاد، فؤاد فاقو بيه الطبة بلي يحمل فيروس الاثز مناه ملي دخلت مرتو لحبس ولا يخلط بزاف اكم علابالكم، بقا هكاك حتا نهار مات وهو ينادي علا اسم اثير ،تسنيم غاضها خوها تاني مهما دارلها بصح يظل خوها ،واكيد اكم تسقسو علا عمها تع اثير ،زوج بواحدا خلاتو وقع علا املاكو باسمها وزعطتو من دار وطلقتو ودرك راهو يشحت من لعبد لعبد باه برك يكول ،فاتو تلت سنين، امل بنت اثير كبرت ،امل ،:بابا نوض ،اياد :امم امل خلني نزيد شوية ،امل: بابا نوض، اياد:اوووه وشبيكي ،امل نوض باه نفطرو ،ناض اياد معها مناه علابالو بنتو ماتسكتش حتا دير رايها كي مها بعد ،اثير :جيت ههه اياد :منستغربش طالعة ليك بعد ،واش راهو بني ،وهو يمس في كرشها ،ضحكت اثير :،بخير بصح ساعة ساعة يضربني ،اياد :حملي برك علا جالي وباسها من فمها وتدخل بنتهم عليهم امل :اوو بابا بوسني انا برك ،ضحك عليا وعابها ودور لاثير ،وجدي روحك باه نروحو درك نخدمو وكيما قلتلك شهر هدا لخر من لخدمة فهمتي ،اثير: هيه حبي ،..... اثير تفكرت هدرت مها نهار اجهضت بنها، ياسمينة: يجي يوم وتنساي واش صرالك وتفرج عليك نشاالله مناه رابي يمهل ولا يهمل